Matyu 26

PNG

‹ Chapter 25 Matyu — All Chapters Chapter 27 ›

1 Yesus a anjam kalil di marsiq koboonaqa a na aqa a�gro na�gi endegsi minjrej, 2 “Ni�gi qalie, yori bati koba jojomqo. Bati aiyel unu. Yori bati di brantimqa Juda tamo kokba na�gi na e Tamo A�gro ojsib jeu tamo na�go ba�q di atqab. Atibqa na�gi na e �amburbasq di lubib moiqai.” Yesus na aqa a�gro na�gi degsi minjrej. Yori bati di Qotei a nami Israel na�gi Isip sawaq di padalqa laqnabqa aqaryainjrej deqa olo are qalqajqa bati. 3 Yori bati di jojomej deqa atra tamo kokba ti Israel na�go gate na�gi ti gilsib atra tamo gate aqa ñam Kaiafas aqa talq di koroeb. 4 Koroosib endegsib nenemoqneb, “Iga kiyersim Yesus lumu na ojsim qalsim moiyotqom?" 5 Osib mareb, “Iga yori bati qa Yesus ojqasai. Ojqom di tamo u�gasari na�gi iga nugsib �iri�osib qoto tigelto uge." 6 Onaqa Yesus a Betani qureq gilsiqa tamo bei nami yu na aqa jejamu ugeele�ej qaji aqa ñam Saimon aqa talq di soqnej. 7 Sosiqa i�gi uyeqnaqa u�a bei a gore� quleq ti tula� boledamu silali kobaquja na awaiyej qaji di jali�aq jigsiqa osi bosiqa Yesus aqa gateq di bilentej. 8 Onaqa Yesus aqa a�gro na�gi u�a di aqa kumbra unsibqa �iri�osib segi segi maroqneb, “U�a di a kiyaqa gore� di la�a ña�guiyqo? 9 A gore� di osiq tamo qudei enjrqo qamu silali kobaquja yonub qamu gilsiq tamo i�gi i�gi saiqoji na�gi jeisi enjrqo qamu di kere." 10 Onaqa Yesus a na�go areqalo di qalieosiqa minjrej, “Ni�gi kiyaqa u�a di gulbe yeqnub? A kumbra bole ebqo. 11 Tamo i�gi i�gi saiqoji na�gi bati gaigai ni�gi ti sqab. Ariya e bati gaigai ni�gi ti sqasai. 12 E moiqai. Moiyitqa e subq atqab. U�a di a e qa are qalsiqa ijo jejamuq di gore� bilentosiq dena ijo jejamu subq atqajqa gereiyetbqo. 13 E bole mer�gwai. Bunuqna ijo wau tamo na�gi sawa sawa kalilq di ijo anjam bole mare mare laqnsibqa u�a endena kumbra ebqo qaji deqa are qaloqnsib a qa saoqnqab." 14 Onaqa Judas Iskariot a tigelosiqa atra tamo kokba na�goq gilej. Judas a Yesus aqa a�gro 12 na�gi deqaji bei. 15 A na�goq gilsiqa minjrej, “Ni�gi na awai kiye ebibqa e Yesus osiy nu�go ba�q di atqai?” Onaqa na�gi na meni� silali 30 yeb. 16 Yonab a gilsiqa a Yesus osim na�go ba�q di atqajqa gam �amoqnej. 17 Ariya Bem Tiyosai Qaji Uyqajqa Bati brantonaqa Yesus aqa a�gro na�gi aqa areq bosib minjeb, “O Tamo Koba, ni iga merge. Iga aisim tal qabia yori bati aqa i�gi i�gi gereiyetmonamqa ni i�gi uyqam?" 18 Onaqa Yesus na kamba minjrej, “Ni�gi aisib qure ambleq di tamo bei itqab. Itosib minjiy, ‘Qalie Tamo a marqo, “Ijo bati jojomqo. Deqa e ijo a�gro na�gi koba na ino talq di awoosim yori bati aqa i�gi uyqom.” ‘" 19 Onaqa Yesus aqa a�gro na�gi qure miligiq aisib anjam kalil Yesus na minjrej qaji degsib brantonab dauryosib i�gi i�gi kalil gereiyele�eb. 20 Onaqa bilaqtonaqa Yesus aqa a�gro 12 na�gi ti koba na aisib tal gogetosib awoosib i�gi uyoqnsibqa Yesus na na�gi endegsi minjrej, “E bole mer�gwai. Ni�gi ijo a�gro 12. Nu�go ambleq dena a�gro bei a tigelosim e osim tamo qudei na�go ba�q di atqas." 22 Degsi minjrnaq qusibqa are tula� gulbeinjrnaqa segi segi Yesus nenemyoqneb, “O Tamo Koba, ni e qa kiyo maronum?" 23 Onaqa minjrej, “A�gro aqo ombla endego tabir qujaiq di bem quiq di tuqteqnum qaji a na e osim tamo qudei na�go ba�q di atqas. 24 Ni�gi quiy. E Tamo A�gro moiqai. Nami Qotei aqa anjam degsib e qa ne�gre�yeb. Deqa u�gum. E anjam di dauryosiy moiqai. Ariya a�gro e osim tamo qudei na�go ba�q di atqas qaji a tula� padalougetqas. A nami �ambabosai qamu di kere." 25 Onaqa Judas agi Yesus osim jeu tamo na�go ba�q di atqas qaji a na Yesus nenemyej, “O Tamo Koba, ni e qa kiyo ubtosim maronum?” Onaqa Yesus na kamba minjej, “Od. Anjam agi ni na maronum." 26 Osiqa Yesus aqa a�gro na�gi koba na i�gi uyoqnsibqa Yesus a Qotei pailyosiqa bem bei osiq gi�ge�yosiqa aqa a�gro na�gi enjrsiqa endegsi minjrej, “Endi ijo jejamu. Osib uyiy." 27 Osiqa wain osiqa gamba�q di bilentosiqa Qotei pailyosiqa aqa a�gro na�gi enjrsiqa minjrej, “Ni�gi kalil wain endi uyiy. 28 Endi ijo le�. Tamo u�gasari gargekoba na�go une kobotetnjrqajqa deqa ijo le� aiqas. Aisim Qotei aqa anjam bunuj nami gereiyej qaji di si�gilatqas. 29 E ni�gi mer�gwai. E wain endi olo uyqasai. Degsi gilsiy mondo� di�o batiamqa ijo Abu a nu�go Mandor Koba soqnimqa e ni�gi koba na awoosiy olo wain bunuj uyqai." 30 Yesus na aqa a�gro na�gi degsi minjrsiqa na�gi koba na louosib koboonaqa qure uratosib Oliv manaq oqeb. 31 Yesus aqa a�gro na�gi ti manaq oqoqnsibqa Yesus na minjrej, “Qolo qujai endeqa ni�gi kalil ijo ñam ulontosib e uratbosib jaraiqab. Nu�go kumbra deqa Qotei aqa anjam bei nami endegsib ne�gre�yeb, ‘E na kaja na�go mandor qalitqa kaja na�gi segi segi jaraiqab.’ Qotei aqa anjam nami degsib ne�gre�yeb. 32 Ariya bati qalub koboamqa e olo subq na tigelosiy ni�gi qa namoosiy Galili sawaq gilitqa ni�gi bunuqna e daurbosib dia e itbqab." 33 Onaqa Pita na minjej, “A�gro kalil na�gi ino ñam ulontosib jaraiqab e segi ino ñam ulontqasai." 34 Onaqa Yesus na kamba minjej, “E bole mermqai. Qolo qujai endeqa ni ijo ñam ulitqam. Tuwe anjamosaisoqnimqa ni gisa�oqalubtosim marqam, ‘E Yesus qaliesai.’" 35 Onaqa Pita a tula� saidosiq minjej, “Sai. E ni ombla moiqa marimqa, u�gum, e ino ñam ulitqasai bole sai.” Onaqa Yesus aqa a�gro kalil na�gi anjam qujai di minjoqneb. 36 Yesus aqa a�gro na�gi koba na walwelosib nañu agu beiq di branteb. Nañu agu di aqa ñam Getsemani. Di brantosib Yesus na aqa a�gro na�gi minjrej, “Ni�gi endi awesoqniy. E kiñala sasalosiy ijo Abu pailyosiy bqai." 37 Degsi minjrsiqa aqa a�gro qalub agi Sebedi aqa �iri aiyel na�gi Pita koba na joqsiqa pailyqajqa sasalej. Sasalosiqa pailyoqnsiqa a are tula� gulbekobaiyej. 38 Osiqa aqa a�gro qalub na�gi minjrej, “E are tula� gulbekobaibqo. Gulbe dena e moiyepratonum. Deqa ni�gi e ombla endi sosimqa �am atoqniy." 39 Degsi minjrsiqa olo kiñala sasalosiqa mandamq di �am quosiqa Qotei pailyosiq minjej, “O ijo Abu, gam bei soqnimqa ni na marimqa gulbe endi ijoq baiq. Gulbe endi ya uge uyo bul. U�gum, ni ijo areqalo dauryaim. Ni ino segi areqalo dauryosim ye." 40 Yesus a degsi Qotei pailyosiq olo tigelosiqa aqa a�gro na�go areq aisiq �am atej di na�gi are gulbe na �ere�esonab unjrej. Deqa Yesus na Pita minjej, “Ni�gi e ombla na �am sokiñalayqa keresai e? 41 Ni�gi �ere�aib. Ni�gi �am sosib pailyoqniy. Yim gulbe bei nu�goq bqas di gulbe dena ni�gi uneq wai�gwasai. Bole, nu�go are miligiq di ni�gi e daurbqajqa are unu. Ariya ni�gi segi gulbe di oqajqa si�gila saiqoji." 42 Osiqa Yesus a olo puluosi sasalosiq endegsi pailyej, “O ijo Abu, gam bei saiamqa, u�gum, ni ino segi areqalo dauryosim marimqa e gulbe endi oqai." 43 Degsi pailyosiq bosiqa aqa a�gro qalub na�gi ur�amnjrnaqa �ere�esonab unjrej. 44 Unjrsiqa olo na�gi uratnjrsiq puluosi gilsiq a nami pailyej qaji degsi olo pailyej. 45 Osiqa a olo aqa a�gro na�go areq aisiq minjrej, “Ni�gi aqaratosib geregere �ere�ejunub e? U�gum. Bati koboqo. Ni�gi uniy. E Tamo A�gro osib une tamo na�go ba�q di atqajqa bati bqo. 46 Ni�gi tigelab gilqom. Tamo e osim na�go ba�q di atqajqa agi brantqo." 47 Onaqa Yesus aqa a�gro 12 na�gi deqaji bei agi Judas a na tamo gargekoba na�gi sebru ti torom ti ele�onab joqsiqa Yesus aqa areq di branteb. Israel na�go gate na�gi ti atra tamo kokba ti na�gi na na�gi qari�njrnab Yesus ojqa beb. 48 Judas a nami na�gi ti qairosib anjam gereiyosib a na endegsi minjrej, “E tamo kundoqyqai agide. A ojsib osib giliy." 49 Onaqa Judas a Yesus aqa areq bosiq minjej, “O Tamo Koba, qolo bole.” Degsi minjsiq kundoqyej. 50 Kundoqyonaqa Yesus na minjej, “O was, ni kumbra kiye e ebqa bonum ni degye.” Degsi minjnaqa tamo na�gi di brantosib ba� waiyosib Yesus ojeb. 51 Onaqa Yesus aqa a�gro bei na aqa sebru osiqa atra tamo gate aqa ka�gal tamo gateq di qalqajqa sebru waiyej grotosiqa dabkala segi gentetej. 52 Onaqa Yesus na aqa a�gro di minjej, “Ino sebru olo ate. Tamo kalil sebru na qotqab qaji na�gi sebru na more�qab. 53 Ni que. E ijo Abu minjqai di a na la� a�gro 72,000 na�gi qari�njrimqa bosib e aqaryaibqab. Ni di qaliesai kiyo? 54 Ariya e ijo Abu degsi minjqasai. Minjqai di aqa anjam ne�gre�q di unu qaji di aqa damu brantqasai. Agi nami endegsib ne�gre�yeb, ‘Kristus a moiqas.’" 55 Osiqa bati deqa Yesus na tamo na�gi di minjrej, “E le� ojo tamo unum deqa kiyo ni�gi sebru ti torom ti ele�osib e ojqa bonub e? E bati gaigai atra tal miligiq di sosimqa Qotei aqa anjam plaltoqnem. Bati deqa ni�gi yala ba� waiyosib e ojosai. 56 Ni�gi kumbra degyeb deqa Qotei aqa medabu o tamo na�go anjam ne�gre�q di unu qaji di aqa damu agi brantej.” Yesus a na�gi degsi minjrnaqa aqa a�gro kalil na�gi a uratosib jaraiyeb. 57 Onaqa tamo Yesus ojeb qaji na�gi na a osib atra tamo gate aqa ñam Kaiafas aqa talq osi gileb. Dia Juda gate na�gi ti dal anjam qalie tamo na�gi ti kalil koroesoqneb. Koroesonabqa tamo na�gi na Yesus osi gilsib na�go ulatamuq di tigelteb. 58 Na�gi Yesus osi gileqnabqa Pita a kiñala isa isaq na Yesus dauryosiq uli uliosiq gilsiq torei atra tamo gate aqa tal meq di brantej. Brantosiqa na�gi Yesus kiyeryib unqajqa deqa are qalsiq qaja tamo qudei na�go ambleq di awesoqnej. 59 Onaqa atra tamo kokba ti Juda gate na�gi ti kalil koroesosibqa na�gi gisa� anjam na Yesus aqa jejamuq di une qametqa are qalsib anjam �amoqneb. Di kiyaqa? Anjam dena na�gi Yesus qalib moiqajqa deqa. 60 Anjam �amonab �amonab ugeinjrej. Deqa na�gi tamo gargekoba metnjreqnab boqnsib gisa� anjam Yesus aqa jejamuq di qamele�oqneb. Na�go ambleq dena tamo aiyel tigelosib Yesus aqa jejamu la�a gisa�yosib mareb, 61 “Tamo endi a endegsi marnaq iga quem, ‘E Qotei aqa atra tal koba endi ko�grontosiyqa bati qalub qa olo tigeltqai.’" 62 Onaqa atra tamo gate a na�go anjam di qusiqa a tigelosiqa Yesus aqa areq bosiq nenemyej, “Tamo na�gi endi une gargekoba ino jejamuq di qameqnub. Di ni kamba anjam bei marqasai e?" 63 Onaqa Yesus a torei mequmej. A anjam bei yala marosai. Deqa atra tamo gate na olo nenemyej, “Qotei �ambile gaigai unu qaji aqa ñam na e ni nenemmqai, ni Kristus e? Ni Qotei aqa �iri e? Ni e merbe." 64 Onaqa Yesus na minjej, “Od. Anjam ni maronum di kere. Ni que. E Tamo A�gro. Bunuqna e la� qureq oqsiy Qotei si�gila koba ti unu qaji aqa ba� woq di awesosiy olo la�biq na boqnit ni�gi e nubqab." 65 Onaqa atra tamo gate a Yesus aqa anjam di qusiqa a tula� minji� oqetonaqa aqa segi gara jugo bumbra�yosiqa marej, “Aqa une agi a segi babtqo iga quonum. Deqa iga kiyaqa tamo bei olo metonam bosim aqa une marqas? Aqa misili� anjam ni�gi quonub. 66 Deqa ni�gi kiyersib marqab?” Onaqa na�gi kalil mareb, “A bole une ti. Deqa qalib moiyem." 67 Na�gi kalil degsib marnabqa na�go ambleq dena tamo qudei na�gi tigelosib Yesus aqa ulatamuq di miselyoqnsib ba� na qaloqneb. Osib aqa �amdamu gara na qosetosib ula po�yoqnsib minjoqneb, “Ni Kristus amqa ni ubtosim mare, yai na ni lumqo?" 69 Ariya Pita a tal meq di awesonaqa ka�gal u�a bei na aqa areq bosiqa minjej, “Ni dego Yesus Galili qaji aqa a�gro bei. Ni nami a dauryosim laqnem." 70 Onaqa Pita a tamo kalil na�go �amdamuq di tula� saidosiq u�a di minjej, “Ni anjam merbonum di e qaliesai." 71 Degsi minjsiqa tigelosiq tal qala beiq gilsiq di soqnej. Sonaqa ka�gal u�a bei na Pita unsiqa tamo na�gi Pita aqa areq di tigelesoqneb qaji na�gi minjrej, “Tamo di a dego Yesus Nasaret qaji aqa a�gro bei. A nami Yesus dauryosiq laqnej." 72 Onaqa Pita a olo tula� saidosiq marej, “E tamo di qaliesai bole sai. E bole maronum." 73 Olo kiñala soboleiyonaq tamo qudei jojom di tigelesoqneb qaji na�gi Pita aqa areq bosib minjeb, “Iga ino anjam maro na qalieonum, ni Galili qaji tamo. Dena iga poigwo, ni Yesus aqa a�gro bei." 74 Onaqa Pita a olo tula� si�gila na saidosiq marej, “E tamo di qaliesai bole sai. E bole maronum. E gisa�ot Qotei na e lubem.” A degsi marnaqa tuwe anjamej. 75 Tuwe anjamonaqa Pita a qusiqa anjam nami Yesus na minjej qaji, “Tuwe anjamosaisoqnimqa ni gisa�oqalubtosim marqam, ‘E Yesus qaliesai,’” anjam deqa olo are qalsiqa poiyonaqa oqedosiqa tula� akamugetej.

‹ Chapter 25 Matyu — All Chapters Chapter 27 ›

Matyu 26

Cite / Share This Page