Matyu 11

PNG

‹ Chapter 10 Matyu — All Chapters Chapter 12 ›

1 Yesus na aqa a�gro 12 na�gi anjam degsi minjrsiq koboonaqa a sawa di uratosiqa qure qureq giloqnsiqa tamo u�gasari na�gi Qotei aqa anjam plaltosiq minjroqnej. 2 Bati deqa Jon yansnjro qaji a tonto talq di soqnej. Sonaqa wau kalil Kristus a yoqnej qaji di tamo qudei na�gi unsib deqa mare mare laqnab Jon a quej. Qusiqa aqa a�gro qudei na�gi qari�njrnaq Yesus aqa areq gilsib endegsib nenemyeb, 3 “Kristus agi Qotei na nami qari�yim bqajqa marej qaji di ni kiyo? Ni saiamqa iga tamo bei qa tari�qom kiyo?" 4 Onaqa Yesus na kamba minjrej, “Ni�gi aisib anjam ni�gi queqnub qaji deqa ti kumbra ni�gi uneqnub qaji deqa ti Jon saiyosib minjiy. 5 Endegsib minjiy, ‘Tamo �am qandimnjro qaji na�gi olo �am poinjreqnaqa sawa uneqnub. Tamo jejamu lainjro qaji na�gi olo walweleqnub. Tamo na�go jejamu yu na ugeele�o qaji na�go yu kalil koboeqnu. Tamo dabkala gete�njro qaji na�go dabkala olo waqeqnu. Tamo more�o qaji na�gi olo tigeleqnub. Tamo sougetejunub qaji na�gi Qotei aqa anjam bole queqnub. 6 Tamo na�gi e qa na�go areqalo si�gilatoqnsib olo ijo ñam ulontosaieqnub qaji na�gi tula� areboleboleinjreqnu.’" 7 Onaqa Jon aqa a�gro na�gi Yesus aqa anjam di qusibqa olo puluosib Jon minjqajqa aiyeb. Aiyeqnabqa Yesus na tamo u�gasari gargekoba a ombla soqneb qaji na�gi Jon qa endegsi minjrej, “Ni�gi tamo kiyero unqajqa wadau sawaq gileb? Ni�gi tamo silai aqa ba�ga bul jagwa na pileteqnaqa di unqajqa gileb kiyo? Sai. Jon a tamo deqaji sai. 8 Deqa ni�gi tamo kiyero unqajqa wadau sawaq gileb? Ni�gi tamo gara bole walaosi laqnu qaji di unqajqa gileb kiyo? Di dego sai. Tamo gara bole walaeqnub qaji na�gi mandor kokba na�go talq di unub. 9 Deqa ni�gi kiyaqa wadau sawaq gileb? Ni�gi Qotei aqa medabu o qaji tamo bei unqajqa gileb kiyo? Od. Agide. Ni�gi deqa unqa gileb. Deqa e ni�gi endegsi mer�gwai. Jon a Qotei aqa medabu o qaji tamo kobaquja. A na Qotei aqa medabu o qaji tamo kalil na�gi tula� bu�njrejunu. 10 Agi nami e mandamq aiyosaisonamqa Qotei a Jon qa endegsi merbej, ‘Ni que. E na ijo anjam maro tamo qari�yitqa a ni qa namoosim ino gam gereiyetmqas.’ Tamo di agi Jon. Anjam di Qotei aqa ne�gre�q di unu. 11 Deqa e bole mer�gwai. Jon yansnjro qaji a na tamo kalil mandamq endi unub qaji na�gi tula� bu�njrejunu. Ariya tamo qudei ñam saiqoji unub qaji na�gi Qotei na taqatnjroqnsiqa na�go Mandor Koba unu deqa na�gi olo Jon tula� bu�yejunub. 12 “Nami Moses aqa dal anjam ti Qotei aqa medabu o qaji tamo na�go anjam ti maroqneb dena bosi bosiq Jon yansnjro qaji aqa bati brantej. Dena bosiq bini tamo u�gasari na�gi Qotei na taqatnjrsim na�go Mandor Koba sqajqa tula� si�gilaeqnub. Qotei agi la� qureq di unu. 14 Ni�gi quiy. Qotei aqa medabu o qaji tamo Elaija a olo bqas. Anjam di ne�gre�q di unu. Elaija agi bej. E Jon qa mer�gwa osimqa Elaija aqa ñam na yawo anjam mer�geqnum. Ni�gi ijo anjam di quqwa are soqnimqa quiy. 15 Tamo a dabkala ti sqas di a ijo anjam di geregere quem. 16 “Tamo u�gasari bini bati endeqa unub qaji na�go kumbra qa e yawo anjam kiyersiy marqai? E na�go kumbra qa endegsi marqai. Na�gi a�gro du du bul qure ambleq di ala�oqnsib a�gro qudei na qudei minjreqnub, 17 ‘Iga yumba anjamonumqa ni�gi lou tuosai. Iga are uge qa louonumqa ni�gi akamosai.’" 18 Osiqa Yesus a olo marej, “Jon a bosiqa i�gi ti wain ti uratosiq sonaqa tamo na�gi a qa maroqneb, ‘A mondor uge ti unu.’ 19 Ariya e Tamo A�gro bosimqa i�gi ti wain ti uyeqnamqa tamo na�gi e nuboqnsib mareqnub, ‘Ni�gi uniy. Yesus a qunja� ani. A wain uyo ani. A takis o qaji tamo ti une tamo ti na�gi koba na walweleqnub.’” Osiqa Yesus a olo marej, “Qotei aqa tamo u�gasari na�gi aqa wau kalil unoqnsib dena na�gi bole qalieeqnub, aqa powo tula� kobaquja." 20 Qure qudei Yesus a dia ma�wa gargekoba yoqnej qaji na�gi are bulyosai deqa a na�gi qa �iri�ej. 21 Osiqa minjrej, “O Korasin qure ti Betsaida qure ti, ni�gi tula� padalougetqab. Di kiyaqa? Ma�wa e nu�goq di yoqnem qaji di Tair qure ti Saidon qure ti na�goq di brantej qamu na�gi nami are bulyosib are uge qa gara jigsib �am sumq di awoeb qamu. 22 Deqa e ni�gi endegsi mer�gwai. Mondo� Qotei a tamo u�gasari na�go une qa peginjrqa batiamqa a na ni�gi tula� padalt�gougetqas. Qotei na Tair qure ti Saidon qure ti na�gi degsim padaltnjrqasai. A na�gi gulbe kiñala enjrqas. 23 O Kaperneam tamo u�gasari, ni�gi la� qureq oqwa kere e? Keresai. Qotei na ni�gi brei�gimqa moiyo qureq aiqab. Di kiyaqa? Ma�wa e nu�goq di yoqnem qaji di Sodom qure na�goq di brantej qamu na�gi bini unub qamu. Na�gi padalosai qamu. 24 Deqa e ni�gi endegsi mer�gwai. Mondo� Qotei a tamo u�gasari na�go une qa peginjrqa batiamqa a na ni�gi tula� padalt�gougetqas. Qotei na Sodom qure na�gi degsim padaltnjrqasai. A na�gi gulbe kiñala enjrqas." 25 Bati deqa Yesus a endegsi Qotei pailyej, “O Abu, ni segi la� qa ti mandam qa ti Koba. E ino ñam soqteqnum. Di kiyaqa? Ni ijo anjam kalil powo tamo na�gi qa ulitoqnsimqa tamo na�gi a�gro du du bul unub qaji na�gi segi qa babteqnam na�gi poinjreqnu. 26 Od, Abu, ni ino segi areqalo dauryosim agi degyeqnum." 27 Yesus a degsi Qotei pailyej. Osiqa marej, “Ijo Abu na i�gi i�gi kalil ijo ba�q di atele�ej unu. E segi Qotei aqa �iri. Tamo bei a e qa qaliesai. Ijo Abu a segi e qa qalie. Tamo bei a ijo Abu qa qaliesai dego. E segi ijo Abu qa qalie. E na tamo qudei na�gi ijo Abu osornjrqa areibqas di osornjrqai. Yim na�gi dego ijo Abu qa qalieqab. 28 “Ni�gi gulbe qoboiyoqnsib waukobaeqnub qaji ni�gi kalil ijoq babqa e na aqaryai�gitqa ni�gi aqaratqab. 29 E ijo segi ñam aguq atoqnsim tamo na�gi lawo kumbra enjreqnum. Deqa ni�gi e qa geregere qalieosib ijo anjam dauryoqniy. Yim ni�gi aqaratqab. 30 Ni�gi ijo anjam dauryqajqa di gulbe sai. Di oto. Wau e na ni�gi e�geqnum qaji di dego gulbe sai. Di oto."

‹ Chapter 10 Matyu — All Chapters Chapter 12 ›

Matyu 11

Cite / Share This Page