Jon 4
PNG1 Farisi naĆgi endegsib queb, “Yesus a Jon buĆyosiqa tamo uĆgasari tulaĆ gargekoba yansnjreqnaqa naĆgi a dauryeqnub. Jon a tamo gargekoba yansnjrosaieqnu.” Farisi naĆgi degsib queb. Bole, Yesus a segi na tamo uĆgasari naĆgi yansnjrosaioqnej. Aqa aĆgro naĆgi na yansnjroqneb. Tamo Koba Yesus a qalieej, Farisi naĆgi degsib queb. Deqa a Judia sawa uratosiqa olo Galili sawaq gilej. 4 A gam dauryosiqa Samaria sawa amble potosiqa walwelosiq gilej. 5 Gilsiq Samaria naĆgo qure kiñala bei aqa ñam Sikar di brantej. Qure qalaq di mandam mutu bei soqnej. Mandam mutu di Jekop a nami aqa Ćiri Josep yej. 6 Ya uyqajqa sub dia soqnej. Ya sub di Jekop a nami bogej qaji. Yesus a walwelosiq qanam jige seĆ bati 12 onaqa aqa jejamu asgiyonaqa aqaratqa osiqa ya sub qalaq di awoej. 7 Onaqa aqa aĆgro naĆgi iĆgi awaiyqa marsib qure miligiq aiyeb. Aiyeqnabqa Samaria uĆa bei a ya tugwajqa bej. Bonaqa Yesus na minjej, “Ya gambaĆ tigsim e anaibe." 9 Onaqa Samaria uĆa dena Yesus kamba minjej, “Ni Juda tamo. E Samaria uĆa. Deqa ni kiyaqa e merbonum, ‘Ya gambaĆ tigsim e anaibe’?” UĆa na degsiqa Yesus minjej. Di kiyaqa? Juda naĆgi Samaria naĆgi ti koba na anjam marosaieqnub. 10 Onaqa Yesus na uĆa di minjej, “Ni iĆgi bole Qotei na laĆa emqajqa di qalieosim qamu tamo ni na ya tigsim anaiyqajqa mermqo qaji a qa poimqo qamu ni e merbimqa Ćambile gaigai sqajqa ya anaimonum qamu." 11 Onaqa uĆa dena minjej, “O Tamo Koba, ni ya tugwajqa gambaĆ saiqoji. Ya sub endi tulaĆ guma koba. Deqa ni qabe na Ćambile gaigai sqajqa ya di oqam? 12 Gago moma utru Jekop a nami ya sub endi bogsiqa gago moma naĆgi enjrej. A sub endena ya uyoqnej. Aqa aĆgro naĆgi ti aqa makau ti aqa kaja ti naĆgi dego sub endena ya uyoqneb. Ni na gago moma utru Jekop buĆyqam kiyo?" 13 Onaqa Yesus na kamba minjej, “Tamo naĆgi sub endena ya uyoqnqab di naĆgi olo bunu ya qarnjroqnqas. 14 Ariya e na tamo naĆgi ya anainjrqai di naĆgi bunu ya qarnjrqasai. Ya e na anainjrqai di naĆgi uyibqa naĆgo are miligiq di ya ani bul polyoqnimqa naĆgi Ćambile gaigai sqab." 15 Onaqa uĆa dena Yesus minjej, “O Tamo Koba, ni na ya di anaibimqa e olo ya qarboqnqasai. Amqa e olo bosiy sub endena ya tugoqnqasai." 16 Onaqa Yesus na minjej, “Ni mati aisim ino gumbuluĆ metosim niĆgi ombla endeq boiy." 17 Onaqa uĆa na minjej, “E gumbuluĆ saiqoji.” Onaqa Yesus na minjej, “Ni gumbuluĆ saiqoji di kere maronum. 18 Ni nami gumbuluĆ 5 osim uratnjrem. Ariya tamo ni bini ombla unum qaji di ino gumbuluĆ sai. Deqa ino anjam di bole." 19 Onaqa uĆa dena minjej, “O Tamo Koba, ni anjam di ubtosim merbonum deqa e poibqo, ni Qotei aqa medabu o qaji tamo bole. 20 Gago moma naĆgi nami manaq endi korooqnsib Qotei qa louoqneb. Ariya Juda naĆgi mareqnub, ‘Qotei qa louqajqa sawa qujai agi Jerusalem.’" 21 Onaqa Yesus na olo minjej, “O uĆa, e ni anjam bei mermit ni qusim poimeme. Anjam agiende. Bati bei brantimqa manaq endi niĆgi Abu qa louoqnqasai. Jerusalem dia dego niĆgi Abu qa louoqnqasai. 22 NiĆgi Samaria qaji. Deqa niĆgi Abu qa loueqnub qaji a qa geregere poiĆgosai. Ariya iga Juda qaji. Deqa iga Abu qa loueqnum qaji a qa geregere poigeqnu. Di kiyaqa? Abu na tamo uĆgasari naĆgi eleĆqajqa utru agi Juda iga segi. 23 Ariya bati bei brantimqa tamo naĆgi Mondor na ti anjam bole na ti Abu qa louoqnqab. Osib naĆgo lou dena naĆgi Abu qa bole louoqnqab. Yim Abu a naĆgi qa tulaĆ areboleboleiyqas. Bati di agi brantqo. 24 Qotei a segi Mondor. Deqa tamo naĆgi Qotei qa louqa oqnsib Mondor na ti anjam bole na ti louoqnqab di naĆgi Qotei qa bole louoqnqab." 25 Onaqa uĆa dena Yesus minjej, “E qalie, Mesaia a bqas.” “Mesaia” di Hibru anjam. Gago anjam, “Kristus.” Osiqa Yesus minjej, “Mesaia a bosimqa Qotei aqa anjam kalil ubtosim mergekritqas." 26 Onaqa Yesus na minjej, “Mesaia agi e segi. Aqo ombla anjam mareqnum." 27 Yesus a uĆa degsi minjnaqa aqa aĆgro naĆgi olo qureq na bosibqa a uĆa de wo anjam mareqnab unsibqa tulaĆ prugugeteb. Ariya naĆgi Yesus nenemyosai, “Ni kiyaqa uĆa de wo anjam mareqnub?” Degyosai. 28 Onaqa uĆa dena aqa ya nobu uratosiqa olo qure miligiq aisiqa tamo uĆgasari naĆgi minjrej, 29 “NiĆgi bosib tamo di uniy. E kumbra nami yoqnem qaji di a na ubtekritqo. Tamo di a Kristus kiyo?" 30 Degsi minjrnaqa naĆgi qure uratosib Yesus unqajqa beb. 31 Beqnabqa Yesus aqa aĆgro naĆgi na minjeb, “O Qalie Tamo Koba, ni bosim iĆgi uye." 32 Onaqa Yesus na minjrej, “Ijo iĆgi uyo bei unu di niĆgi qaliesai." 33 Onaqa aqa aĆgro naĆgi aqa anjam di qusibqa segi segi maroqneb, “Tamo bei na iĆgi bei osi bosiq anaiyqo kiyo?" 34 Onaqa Yesus na minjrej, “Qotei e qariĆbej qaji aqa areqalo e dauryosiy aqa wau kobotqai. Ijo iĆgi uyo bole agide. 35 “NiĆgi mareqnub, ‘Bai qolqe koboeqnaqa iĆgi melieqnu.’ NiĆgi degsib mareqnub. Ariya e na niĆgi yawo anjam bei endegsi merĆgwai. NiĆgi iĆgi wauq di Ćam atsib iĆgi meliosiq unu di unqab. 36 Tamo iĆgi meli gentoqnsib koroiyeqnub qaji naĆgi awai eqnub. NaĆgo awai agi naĆgi Ćambile gaigai sqab. Deqa tamo naĆgi iĆgi yageqnub qaji ti tamo naĆgi iĆgi meli genteqnub qaji ti koba na areboleboleinjrqas. 37 Deqa anjam endi bole, ‘Tamo bei na iĆgi yagwas. Olo tamo bei na iĆgi meli gentqas.’ 38 E niĆgi qariĆgonumqa gilsib wau niĆgi na wauosai qaji dena iĆgi eleĆeqnub. Tamo qudei naĆgi nami waukobaeb. Ariya niĆgi laĆa gilsib iĆgi eleĆeqnub." 39 UĆa dena Samaria tamo uĆgasari gargekoba qure dia soqneb qaji naĆgi Yesus qa sainjrnaq qusibqa Yesus qa naĆgo areqalo siĆgilateb. Di kiyaqa? UĆa na minjrej, “Kumbra kalil e nami yoqnem qaji di tamo dena ubtekritqo." 40 Degsi minjrnaq qusibqa Yesus aqa areq bosib minjeb, “Ni gago qureq endi iga koba na sqom.” Degsi minjnabqa Yesus a bati aiyel naĆgo qureq di soqnej. 41 Sosiqa Qotei aqa anjam palonteqnaqa tamo uĆgasari gargekoba naĆgi aqa anjam quoqnsib poinjreqnaqa a qa naĆgo areqalo siĆgilatoqneb. 42 Deqa naĆgi na uĆa di minjeb, “Ni Yesus qa anjam mergonam qusim gago areqaloq di siĆgilatem. SiĆgilatosim sonamqa a segi na olo anjam mergwo qusim turtosim gago areqalo a qa torei siĆgilatonum. Osim deqa iga endegsi poigwo, ‘Bole, Yesus a na qujai tamo uĆgasari mandamq endi unub qaji naĆgi eleĆqas.’" 43 Onaqa bati aiyel koboonaqa Yesus a qure di uratosiqa walwelosiq Galili sawaq gilej. 44 A segi nami endegsi marej, “Qotei aqa medabu o qaji tamo bei aqa segi qure utruq gilsim anjam minjroqnqas di naĆgi aqa anjam quetqa asginjrqas. Deqa a qure dia ñam saiqoji sqas." 45 Yesus a Galili sawaq di brantonaqa tamo uĆgasari sawa dia soqneb qaji naĆgi a qa tulaĆ areboleboleinjrej. Di kiyaqa? Nami Juda naĆgo yori bati koba qa Yesus a Jerusalem dia maĆwa babteqnaq naĆgi unoqneb deqa. 46 Ariya Yesus a olo Kana qureq aiyej. Qure di agi Galili sawaq di unu. Qure dia nami Yesus a ya bulyonaqa wain babej. Aisiq di sonaqa Kaperneam qureq di Rom naĆgo mandor aqa tamo gate bei aqa Ćiri makobaiyonaq Ćeiesoqnej. 47 Deqa tamo gate di Yesus a Judia sawa uratosiq bosiq Galili sawaq di soqnej di qusiqa walwelosiq aqa areq aisiq pailyosiq minjej, “O Tamo Koba, ijo aĆgro a moiqa laqnu. Deqa ni bosim a boletime." 48 Onaqa Yesus na tamo di minjej, “NiĆgi ijo maĆwa bei nuĆgo Ćamdamu na unqasai di niĆgi e qa nuĆgo areqalo siĆgilatqasai." 49 Onaqa tamo dena olo Yesus minjej, “O Tamo Koba, ni boqujat. Ijo aĆgro a moiyo uge." 50 Onaqa Yesus na minjej, “Ni gile. Endego ino aĆgro a boleqo Ćambile unu. A moiqasai.” Onaqa a Yesus aqa anjam di qusiqa bole qa marsiq gilej. 51 A gileqnaqa aqa kaĆgal tamo qudei naĆgi aqa talq dena bosib gamq di turosib minjeb, “Ino aĆgro a boleosiq Ćambile unu." 52 Onaqa a na nenemnjrej, “SeĆ bati gembu a boleqo?” Onaqa minjeb, “Ya qanam seĆ bosiq iĆgi uyo bati tiĆyonaqa aqa jejamu kaĆkaĆ koboonaqa a boleej." 53 Degsi minjnabqa a qalieej, seĆ bati deqa tiĆtiĆ Yesus na minjej, “Endego ino aĆgro a boleqo Ćambile unu. A moiqasai.” A degsi qalieosiq deqa a Yesus qa aqa areqalo siĆgilatej. Tamo kalil a ombla tal qujaiq di soqneb qaji naĆgi dego Yesus qa naĆgo areqalo siĆgilateb. 54 Yesus a Judia sawa uratosiq bosiq Galili sawaq di sosiqa bati deqa a maĆwa di yej. A nami Galili sawaq di maĆwa bei yosaioqnej. Aqa maĆwa qujai nami yej qaji agi a ya bulyonaq wain babej.