Jon 21

1 Onaqa bati bei Yesus a Taiberias ya agu qalaq di sosiqa aqa aÅgro naÅgoq di olo brantej. E deqa kiñala saqai. 2 Ya agu qalaq di Yesus aqa aÅgro 7 naÅgi soqneb. AÅgro bei Saimon Pita. Bei Tomas aqa ñam bei Didimus. Bei Nataniel. Nataniel aqa qure utru Kana. Kana a Galili sawaq di unu. Sebedi aqa Åiri aiyel naÅgi dego ya agu qalaq di soqneb. Ariya Yesus aqa aÅgro aiyel dego naÅgi koba na soqneb. 3 Onaqa Saimon Pita na naÅgi minjrej, “E qe oqajqa deqa kakaÅ waiyqa aiyeqnum.” Onaqa naÅgi na minjeb, “Iga kalil koba na aiqom.” Degsi minjsib naÅgi koba na aisib qobuÅ gogetosib ya robuq oqsib kakaÅ waiyoqneb. Di qolo. Waiyeqnab nebeej. NaÅgi qe bei osai bole sai. 4 Nobqolo ambru naÅgi qobuÅ miligiq di sosib Åam ateb Yesus a alile di tigelesonaq uneb. NaÅgi qaliesai, di Yesus. 5 Deqa a na nenemnjrej, “O ijo aÅgro, niÅgi qe onub e?” Onaqa naÅgi na minjeb, “Eo. Iga qe osai." 6 Onaqa minjrej, “NiÅgi qobuÅ aqa qala bei baÅ woq di kakaÅ waiyiy. Waiyosib niÅgi qe oqab.” Onaqa naÅgi Yesus aqa anjam di dauryosib baÅ woq di kakaÅ waiyeb qe tulaÅ ani eb. Qe di tulaÅ gargekoba deqa naÅgi na soqtosib qobuÅ goge di atqa keresaiinjrej. 7 Onaqa Yesus aqa aÅgro agi a tulaÅ qalaqalaiyoqnej qaji a na Pita minjej, “Tamo di gago Tamo Koba.” Onaqa Saimon Pita a anjam di qusiqa aqa gara jugo wauqa osiq piqtej qaji di olo jigsiqa qobuÅ dena prugosiq yaq aisiq qawaiÅosiq Yesus aqa areq gilej. 8 Yesus aqa aÅgro qobuÅ miligiq di soqneb qaji naÅgi alile jojom 100 mita. Deqa kakaÅ qe na maqesonaq naÅgi qobuÅ na titosib aisib alile di tiryeb. 9 Alile di tiryosib Åam ateb di Yesus a nami Åam tuÅguyosiq qe koitonaq Åamyuwoq di sonaq uneb. Bem qudei dego sonaq uneb. 10 Deqa Yesus na minjrej, “NiÅgi qe onub di qudei osi boiy." 11 Onaqa Pita a olo qobuÅ gogetosiqa kakaÅ qe ti titosiq alile di atej. Qe di kokba. Qe kalil sisiyeb 153. Di qe gargekoba. Ariya kakaÅ yala braÅosai. 12 Onaqa Yesus na minjrej, “NiÅgi bosib iÅgi uyiy.” AÅgro bei na yala nenemyosai, “Ni tamo yai?” Degosai. NaÅgi qalie, di naÅgo Tamo Koba. 13 Onaqa Yesus a Åamyuwo jojomyosiqa bem ti qe ti di osiq naÅgi anainjronaq uyeb. 14 Yesus a subq na tigelosiqa aqa aÅgro naÅgoq di brantoaiyeltej. Bini qalubqo. 15 NaÅgi iÅgi uynab koboonaqa Yesus na Saimon Pita nenemyej, “O Saimon, Jon aqa Åiri, ni ijo aÅgro kalil naÅgi buÅnjrsimqa ni segi e tulaÅ qalaqalaibeqnum e?” Onaqa Pita na minjej, “Od, Tamo Koba, ni qalieonum, e ni qalaqalaimeqnum.” Onaqa Yesus na minjej, “Ni ijo kaja du du naÅgi gereinjrime." 16 Osiqa olo Pita nenemyej, “O Saimon, Jon aqa Åiri, ni e tulaÅ qalaqalaibeqnum e?” Onaqa Pita na minjej, “Od, Tamo Koba, ni qalieonum, e ni qalaqalaimeqnum.” Onaqa Yesus na minjej, “Ni ijo kaja naÅgi taqatnjrime." 17 Osiqa olo nenemyej, “O Saimon, Jon aqa Åiri, ni e qalaqalaibeqnum e?” Yesus na Pita anjam di nenemyoqalubtej deqa Pita a are gulbeiyonaq minjej, “O Tamo Koba, ni kumbra kalil qa qalie. Deqa ni qalieonum, e ni qalaqalaimeqnum.” Onaqa Yesus na olo minjej, “Ni ijo kaja naÅgi gereinjrime. 18 “O Pita, e bole mermqai. Ni aÅgro wala sosimqa ni ino segi areqalo dauryoqnsim sawa ni gilqajqa are soqnej qaji deq giloqnem. Ariya bunuqna ni qeliosimqa ino baÅ aiyel soqtim tamo bei na ni tontmosim sawa ni gilqajqa asgimqas qaji deq osi gilqas." 19 Pita aqa moiqajqa gam di Yesus na ubtosiqa degsi minjej. Pita a gam dena moiyim Qotei aqa ñam goge oqwas. Pita a di qalieqajqa deqa Yesus na degsi minjej. Osiqa Pita minjej, “Ni e daurbe." 20 Osiqa Yesus a Pita ombla walweloqnsibqa Pita a bulosiqa aÅgro Yesus na tulaÅ qalaqalaiyoqnej qaji a naÅgi aiyel daurnjreqnaq unej. AÅgro di agi nami Yesus aqa aÅgro naÅgi koba na iÅgi uyoqnsibqa a Yesus beteryosiq nenemyej, “O Tamo Koba, aÅgro yai na ni osim jeu tamo naÅgo baÅq di atqas?" 21 Deqa Pita a aÅgro di unsiqa Yesus nenemyej, “O Tamo Koba, bunuqna ino aÅgro di a kumbra kiye turqas?" 22 Onaqa Yesus na Pita minjej, “AÅgro di a moiyosaisoqnimqa e olo bqai degsi minjitqa ni deqa are koba qalaim. Di ino wau sai. Di ijo wau. Ni e daurbe." 23 Yesus na Pita degsi minjej. Deqa aÅgro di a moiqasai anjam di sawa sawaq gileqnaqa Kristen was kalil naÅgi quoqneb. AÅgro di a moiqasai Yesus na Pita degsi minjosai. A na minjej, “AÅgro di a moiyosaisoqnimqa e olo bqai degsi minjitqa ni deqa are koba qalaim." 24 Yesus aqa aÅgro di agi e segi. E na anjam endi neÅgreÅyonum. E ijo segi Åamdamu na Yesus aqa kumbra kalil endi unsim deqa neÅgreÅyonum. Iga qalieonum, ijo anjam endi bole. 25 Yesus a mandamq endi sosiqa a kumbra tulaÅ gargekoba yoqnej. Deqa e are qalonum, Yesus aqa kumbra kalil deqa neÅgreÅyqom di buk tulaÅ tumbol kobaosim sawa sawa kalilq di maqosim sawa atqa keresaiqas.