Jon 11

PNG

‹ Chapter 10 Jon — All Chapters Chapter 12 ›

1 Tamo bei aqa ñam Lasarus a maiyej. Lasarus aqa qure utru Betani. Qure di Maria aqa jaja Marta wo na�go qure utru. 2 Maria agi bunuqna Tamo Koba Yesus aqa si�gaq di gore� bilentosiq aqa gate ba�ga na piyej qaji a di. Aqa jaja Lasarus a maiyej. 3 Deqa Maria Marta wo na�gi na tamo qudei qari�njrnab Yesus aqaq gilsib minjeb, “O Tamo Koba, tamo ni tula� qalaqalaiyeqnum qaji a maiyqo." 4 Onaqa Yesus a na�go anjam di qusiqa minjrej, “Ma di moiqajqa ma sai. A maiyqo di aqa utru agiende. Qotei aqa si�gila boleq dimqa tamo u�gasari na�gi unsib Qotei aqa ñam soqtqajqa deqa a ma di oqo. E Qotei aqa �iri dego ñam koba oqai." 5 Yesus a Marta aqa jaja Maria wo na�gi aiyel qalaqalainjrej. A Lasarus dego qalaqalaiyej. 6 Lasarus a maiyej anjam di qusiqa quosaibulosiqa sawa a soqnej qaji dia bati aiyel olo soqnej. 7 Sosiqa aqa a�gro na�gi minjrej, “Iga olo Judia sawaq aiqom." 8 Onaqa na�gi na Yesus minjeb, “O Qalie Tamo Koba, nami yala Juda na�gi meni� na ni lumqa mareb. Di ni olo deq aiqam e?" 9 Onaqa Yesus na kamba minjrej, “Se� oqsiq qanam jigeqo sawa suwa�qo. Deqa tamo na�gi walwelqa kere. Ma�galqasai. 10 Ariya se� aisiq qoloqo sawa ambruqo. Deqa tamo na�gi walwelqa keresai. Ma�galqab." 11 Yesus a anjam degsi marsiqa olo minjrej, “Gago was Lasarus a �eiejunu. E aisiy dudumyqai." 12 Onaqa Yesus aqa a�gro na�gi aqa anjam di qusibqa minjeb, “O Tamo Koba, a �eiejunu degam aqa ma saiqas." 13 Na�gi Lasarus a bole �eiejunu edegeb. Di sai. A bole moiyej. Yesus a Lasarus aqa moiyo sigitosiqa �eio qa marej. 14 Deqa a na ubtosiq minjrej, “Lasarus a bole moiyej. 15 Ni�gi ijo si�gila unsib e qa nu�go areqalo si�gilatqajqa deqa e aqaq aiyosaisonam a moiyej. E ni�gi qa are qalsim kumbra degyem. E ijo kumbra deqa areboleboleibeqnu. Ni�gi tigelab iga Lasarus aqaq aiqom." 16 Onaqa Tomas aqa ñam bei Didimus a na Yesus aqa a�gro qudei na�gi minjrej, “U�gum. Iga kalil aisim Yesus a koba na moiqom." 17 Onaqa Yesus aqa a�gro na�gi koba na aisib Betani qure jojomyosib anjam endegsib queb, “Lasarus a nami moiyej subq ateb. Bati qolqe koboqo." 18 Betani qure di Jerusalem jojom. Kilomita qalub. 19 Deqa Juda tamo u�gasari gargekoba na�gi Betani qureq bosib Marta Maria wo na�go jaja moiyej deqa are latetnjrqajqa koroosib soqneb. 20 Onaqa Marta a anjam endegsi quej, “Yesus a beqnu.” A degsi qusiqa walwelosiqa gamq di Yesus turqajqa gilej. Maria a talq di awesoqnej. 21 Marta a gilsiq gamq di Yesus turosiq minjej, “O Tamo Koba, ni nami endi so qamu ijo jaja a moiyosai qamu. 22 E qalieonum, ni i�gi kiye qa Qotei pailyqam a ni emqas." 23 Onaqa Yesus na Marta minjej, “Ino jaja a olo subq na tigelqas." 24 Onaqa Marta na kamba minjej, “E qalie, di�o bati qa tamo u�gasari kalil na�gi subq na tigelabqa ijo jaja dego ombla tigelqab." 25 Onaqa Yesus na minjej, “E segi subq na tigelo qa utru. E segi �ambile sqajqa utru. Tamo a e qa aqa areqalo si�gilatosim moiqas di u�gum. A �ambile sqas. 26 Tamo kalil �ambile sosib e qa na�go areqalo si�gilateqnub qaji na�gi olo bunu moiqasai. O Marta, ni ijo anjam di qusim ino areqaloq di si�gilatonum e?" 27 Onaqa Marta na Yesus minjej, “Od, Tamo Koba. E qalieonum, ni Kristus, Qotei aqa �iri. Ni qujai Qotei na qari�monaqa mandamq aiyem qaji. Deqa e ni qa ijo areqalo si�gilatonum." 28 Marta a anjam degsi marsiqa olo puluosi aisiq aqa jaja Maria metonaq aqa areq bonaq ombla sasalosibqa minjej, “Qalie Tamo Koba a bqo. A ni qa marqo." 29 Onaqa Maria a Marta aqa anjam di qusiqa tigeloqujatosiq Yesus unqa gilej. 30 Yesus a qure miligiq aiyosaisoqnej. A Marta wo anjam mareb qaji sawaq di soqnej. 31 Sonaqa Juda tamo u�gasari talq di Maria are latetoqneb qaji na�gi Maria a tigeloqujatosiq tal uratosiq gileqnaqa unsib are qaleb, “A Lasarus aqa subq di akamtqajqa gileqnu kiyo.” Na�gi degsib are qalsib tigelosib Maria dauryosib gileb. 32 Maria a gilsiq Yesus soqnej qaji sawaq di brantosiqa Yesus unsiqa aqa areq di si�ga pulutosiqa minjej, “O Tamo Koba, ni nami endi so qamu ijo jaja a moiyosai qamu." 33 Onaqa Yesus a Juda tamo u�gasari Maria dauryosib beb qaji na�gi Maria ombla akamoqneb di unsiqa na�gi qa are gulbeiyonaqa nenemnjrej, 34 “Ni�gi Lasarus qabia subq ateb?” Onaqa na�gi na minjeb, “O Tamo Koba, ni bosim aqa sub une." 35 Degsi minjnabqa Yesus a dego akamej. 36 A akamonaqa Juda na�gi di unsibqa mareb, “Ni�gi uniy. Yesus a Lasarus tula� qalaqalaiyoqnej deqa akamqo." 37 Onaqa na�gi qudei Yesus qa yomuosib mareb, “Yesus a nami tamo �am qandimo boletej. A kiyaqa Lasarus boletosai? Yim a moiqasai." 38 Onaqa Yesus a na�go yomu anjam di qusiqa are gulbeiyonaqa walwelosiq Lasarus aqa subq gilej. Sub di mana miligiq di bogeb. Lasarus nami subq atsib meni� kobaquja na sub me getenteb. 39 Deqa Yesus na tamo qudei minjrej, “Ni�gi meni� kobaquja di taqal atiy.” Onaqa tamo moiyej qaji aqa jaja Marta na Yesus minjej, “O Tamo Koba, a nami moiyej bati qolqe gilqo. Iga meni� taqal atqom di aqa qusa quleqwas." 40 Onaqa Yesus na kamba minjej, “E nami mermonum, ni e qa ino areqalo si�gilatqam di ni Qotei aqa si�gila unqam." 41 Degsi minjnaqa na�gi meni� kobaquja di taqal atnabqa Yesus a la� goge tarosiqa Qotei endegsi pailyej, “O Abu, ni ijo pail endi quonum deqa e ni qa tula� areboleboleibqo. 42 E qalieonum, ni gaigai ijo pail queqnum. Ariya tamo u�gasari ijo areq endi tigelejunub qaji na�gi e qa na�go areqalo si�gilatqajqa deqa e ni pailmonum. Yim na�gi qalieqab, ni na e qari�bonam bem." 43 Yesus a degsi Qotei pailyosiq koboonaqa a tula� maosiq marej, “O Lasarus, ni subq dena tigelosim au." 44 Degsi marnaqa tamo moiyej qaji a subq dena tigelosiq oqedej. Aqa si�ga ti ba� ti ulatamu ti nami gara na dalaeb. Deqa Yesus na minjrej, “Aqa gara di pamblo�yib walwelosim gilem." 45 Bati deqa Juda tamo u�gasari Maria aqa are latetqa beb qaji na�gi Yesus aqa ma�wa di unsibqa na�gi gargekoba Yesus qa na�go areqalo si�gilateb. 46 Ariya na�gi qudei tigelosib Farisi na�goq gilsib kumbra Yesus yej qaji deqa sainjreb. 47 Sainjrnab qusibqa atra tamo kokba ti Juda tamo kokba ti metnjrnab na�go areq bosib koba na koroosib mareb, “Iga kiyerqom? Yesus a ma�wa gargekoba yele�eqnu. 48 Iga a uratonam degsi kumbra yoqnqas di tamo u�gasari kalil na�gi a qa na�go areqalo si�gilatqab. Yim Rom na�gi bosib gago atra tal niñaqyosib iga dego kobotgwab." 49 Wausau deqa tamo bei aqa ñam Kaiafas a Juda na�go atra tamo gate soqnej. Deqa a na�go ambleq di tigelosiqa minjrej, “Ni�gi tula� nanarionub. Anjam la�a la�a mareqnub. 50 Ni�gi are qaliy. Tamo qujai a tamo u�gasari kalil na�gi qa moiqas di kere. Amqa iga padalqasai." 51 Kaiafas aqa segi areqalo na anjam di marosai. A wausau deqa atra tamo gate soqnej deqa a Qotei aqa medabu osiqa anjam di marej. Yesus a Juda na�gi qa moiqas anjam di ubtosiq marej. 52 Bole, Yesus a Juda na�gi segi qa moiqasai. Qotei aqa a�gro kalil sawa bei beiq di unub qaji na�gi qa ti moiqas. Moisim na�gi kalil koroinjrimqa na�gi aqa segi tamo u�gasari sqab. Kaiafas a anjam di ubtosiq marej. 53 Bati qujai deqa Juda tamo kokba na�gi Yesus qalib moiqajqa anjam gereiyqa utru ateb. 54 Yesus a di qalieosiq deqa a Juda na�go ambleq di walwelosaioqnej. A segitosiqa qure kiñala bei wadau sawa jojom deq gilsiqa aqa a�gro na�gi koba na dia soqneb. Qure di aqa ñam Efraim. 55 Qotei a nami Israel na�gi Isip sawaq di padalqa laqnabqa na�gi ele�ej. Deqa olo are qalqajqa yori bati jojomej. Yori bati jojomonaqa Juda tula� gargekoba na�go qure qureq dena tigelosib yori bati di unqajqa deqa Jerusalem beb. Juda na�go kumbra agiende. Yori bati di brantosaisoqnimqa na�gi Jerusalem bosib na�go segi jejamu yansosib yori bati qa tari�qab. Utru deqa na�gi Jerusalem beb. 56 Ariya na�gi Jerusalem bosib Yesus qa �amoqneb. �amoqnsib atra tal miligiq bosib segi segi maroqneb, “Ni�gi kiyersib are qalonub? Yesus a yori bati unqajqa Jerusalem bqas kiyo sai kiyo?" 57 Na�gi degsib maroqneb. Di kiyaqa? Atra tamo kokba ti Farisi ti na�gi na tamo u�gasari na�gi nami endegsib minjreb, “Tamo bei a Yesus qabi soqnimqa unsim bosim iga mergim iga na ojqom."

‹ Chapter 10 Jon — All Chapters Chapter 12 ›

Jon 11

Cite / Share This Page