Hibru 9

PNG

‹ Chapter 8 Hibru — All Chapters Chapter 10 ›

1 Israel na�gi anjam namij dauryoqneb bati deqa na�gi mandam qaji atra talq di Qotei qa louoqneb. 2 Atra tal di jagwa oqajqa tal bul. Tal miligiq di warum bei soqnej. Warum di aqa ñam “Getento Warum.” Warum miligiq di na�gi lam ti atra bijal ti atraiyqa bem ti atnab soqnej. 3 Getento warum qoreq di na�gi gara kobaquja bei gainteb. Gara aqa qoreq di warum bei soqnej. Warum di aqa ñam “Warum Tula� Getento Koba." 4 Qa sum koitib qurem quleqwajqa deqa marsib atra bijal gol na gereiyosib warum dia atnab soqnej. Qotei aqa dal anjam so qaji �am mo�gum dego warum dia soqnej. �am mo�gum aqa qalaq di gol na walateb. �am mo�gum miligiq di la� qure qa i�gi uyo Qotei na nami Israel na�gi anainjrej qaji di tabirq di atnab soqnej. Tabir di dego gol na gereiyeb. �am mo�gum miligiq di Aron aqa walwelqa toqo� nami qenjilitej qaji di atnab soqnej. Meni� aiyel Qotei a nami na�go quraq di aqa dal anjam ne�gre�yej qaji di dego �am mo�gum miligiq di atnab soqnej. 5 �am mo�gum aqa quraq di la� a�gro aiyel na�go sigito qunu� atnab soqnej. La� a�gro aiyel na�gi di Qotei aqa si�gila sigitoqnsib unub. Na�go bari na �am mo�gum di kabutesoqnej. �am mo�gum aqa qura di tamo u�gasari na�go une kobotetnjrqajqa sawa. Bini e i�gi i�gi kalil deqa anjam koba marqasai. 6 I�gi i�gi kalil deqaji atra tal miligiq di atnab sonabqa atra tamo na�gi bati gaigai atra tal miligiq giloqnsibqa warum dia Qotei louqajqa wau yeqnub. 7 Ariya atra tamo gate a segi bati qujai qa wausau gaigai Warum Tula� Getento Koba di miligiq giloqnsiqa aqa segi une qa ti tamo u�gasari na�go une qa ti le� oqnsiqa Qotei atraiyeqnu. Tamo u�gasari na�gi di powo bole ti sosai deqa na�gi une yeqnub. 8 O ijo was kalil, Mondor Bole na iga endegsi osorgeqnu, atra tal namij sonaqa iga Warum Tula� Getento Koba di miligiq gilqajqa gam gete�ejunu. 9 Atra tal dena kumbra bunuj bini branteqnu qaji di iga la�a suwi osorgeqnu. Tal dia atra tamo na�gi wagme i�gi i�gi oqnsib Qotei atraiyeqnub. Ariya wagme i�gi i�gi dena tamo u�gasari Qotei qa loueqnub qaji na�go are miligi gereiyetnjrqa keresai. Deqa na�gi endegsi qalieqa keresai, “Bole, Qotei na gago une kobotetgekritqo.” Degyqa keresai. 10 O ijo was, anjam namij di a i�gi uyo qa ti ya uyo qa ti yanso oqajqa ti jejamu i�gi i�gi qa ti segi mareqnu. Qotei na Israel na�gi anjam namij di enjrej. Di kiyaqa? Na�gi anjam di dauryosib soqnib bunuqna a na olo gam bunuj gereiyqas. 11 Ariya Kristus a brantosiqa a gago atra tamo gate sosiqa i�gi bole bole Qotei na mondo� iga egwas qaji di osiqa la� qure qa atra tal miligiq gilej. Atra tal di tula� bolequja. Atra tal dena mandam qaji atra tal tula� bu�yejunu. Mandam tamo na�gi na la� qure qaji atra tal di gereiyosai. 12 Kristus a makau ti kaja du du ti na�go le� osiqa atra tal di miligiq gilosai. A aqa segi le� osiqa bati qujai qa atra tal di miligiq gilej. Aqa wau dena a gago uneq na iga olo awaigej deqa iga �ambile gaigai sqom. 13 Atra tamo nami qaji na�gi makau ti kaja du du ti na�go le� oqnsib Qotei atraiyeqnub. Osib makau na�go damu koiteqnab skuleqnaq sum oqnsib tamo u�gasari na�go gateq di bilenteqnub. Na�gi na tamo u�gasari une ti unub qaji na�go jejamu yansetnjrqajqa marsib kumbra degyeqnub. 14 Ariya Kristus aqa le� na wagme na�go le� tula� bu�yejunu. Kristus a jiga bei saiqoji. A gago jejamu yansetgosai. A gago are miligi yansetgej. Mondor gaigai sqas qaji a na Kristus si�gilatonaqa aqa segi �ambile osiqa Qotei atraiyej. Osiqa aqa le� aiyej qaji dena gago are miligi yansetgej. Deqa iga qalieonum, iga Qotei aqa �amgalaq di une saiqoji unum. Deqa iga moiyo qaji kumbra kalil uratqom. Osim Qotei �ambile gaigai unu qaji a qa are qaloqnsim wauetoqnqom. 15 Yesus aqa le� aiyej qaji dena iga bole aqaryaigej. Deqa iga Qotei aqa �amgalaq di tamo bole une saiqoji unum. Yesus a na Qotei aqa anjam bunuj si�gilatqa osiqa iga Qotei ti gago ambleq di tigelesosiqa yeba waiyej unu. Nami iga anjam namij aqa sorgomq di sosim bati deqa iga une yoqnsim laqnem. Onaqa Yesus a iga qa moisiq dena a iga olo awaigosiqa gago une kobotetgej. Deqa iga ti tamo u�gasari kalil Qotei na metnjreqnu qaji na�gi ti �ambile gaigai sqom. Qotei a nami marej, “E na �ambile di ijo segi a�gro ti�ti� na�gi enjrqai." 16 E mandam tamo na�go kumbra qa mer�gwai. Tamo bei a qalieqo, a bunuqna moiqas. Deqa a pepa bei osim aqa a�gro na�gi aqa i�gi i�gi kalil oqajqa marsim na�go ñam ne�gre�yim sqas. A moiyosaisoqnimqa aqa a�gro na�gi aqa i�gi i�gi oqa keresai. A moiyimqa na�gi aqa i�gi i�gi oqab. 17 Tamo di a �ambile soqnimqa aqa anjam ne�gre�yej qaji di a la�a sqas. Ariya a moiyimqa aqa anjam di si�gila ti sqas. 18 Dego kere nami atra tamo na�gi anjam namij si�gilatqa osibqa na�gi na wagme na�gi ñumeqnab na�go le� aiyoqnej. 19 Agi Moses a dal anjam kalil plaltosiq tamo u�gasari na�gi minjrsiq koboonaqa a na makau ti kaja du du ti na�go le� osiqa ya ti sil lent ti �amta� aqa dani aqa ñam hisop de ti turtosiq tamo u�gasari na�go gateq di bilentej. Osiqa Qotei aqa lou gara ne�gre� aqa qoreq di dego bilentej. Sil lent di kaja du du na�go ju�gum na gereiyo qaji. 20 Moses a le� bilentosiq marej, “Le� endi aisiq Qotei aqa anjam si�gilatqo. Agi Qotei a nami ni�gi endegsi mer�gej, ‘Ni�gi anjam di dauryiy.’" 21 Osiqa Moses a olo le� bilentonaqa atra tal ti atraiyqajqa i�gi i�gi ti na�goq dego aiyej. 22 Deqa iga qalieonum, le� na i�gi i�gi kalil yansqas. Le� aiqasai di Qotei na tamo u�gasari na�go une kobotqasai. Dal anjam a degsi marqo. 23 Atra tal namij aqa i�gi i�gi dena la� qaji i�gi i�gi la�a sigitejunu. Atra tamo na�gi na wagme na�go le� oqnsib dena i�gi i�gi di yanseqnub. Ariya wagme na�go le� na la� qaji i�gi i�gi yansqa keresai. Le� tula� boledamu na segi la� qaji i�gi i�gi yansqas. 24 Iga qalie, Kristus a mandam qaji atra tal miligiq gilosai. Mandam qaji atra tal di tamo na�gi na ateb. Tal di Qotei aqa atra tal bole la�a sigitejunu. Kristus a la� qureq oqej deqa bini a Qotei aqa areq di sosiqa iga qa waueqnu. 25 Atra tamo gate nami qaji a wausau gaigai wagme na�go le� oqnsiqa Warum Tula� Getento Koba di miligiq gileqnu. A aqa segi le� osaieqnu. A wagme na�go le� oqnsiq miligiq gileqnu. Ariya Yesus a degyosaieqnu. A la� qureq oqsiq bati qujai qa aqa segi jejamu osiq Qotei atraiyej. A bati gargekoba degyosaioqnej. 26 A bati gargekoba degyoqnej qamu Qotei na nami mandam atej bati deqa a jaqati� oqnsiq bosi bosiq agi bini olo jaqati� eqnu qamu. Ariya di�o bati jojomqo deqa Kristus a bati qujai qa mandamq aisiq gago une kobotqa marsiq aqa segi jejamu osiq Qotei atraiyej. 27 Iga qalie, tamo kalil na�gi bati qujai qa moiyeqnub. Mondo� na�gi Qotei aqa ulatamuq di brantib a na�go une qa na�gi peginjrqas. 28 Dego kere Kristus a bati qujai qa tamo gargekoba na�go une qoboiyetnjrqa marsiqa aqa segi jejamu osiq Qotei atraiyej. Ariya mondo� a la� qureq na bqas. Bati deqa a na tamo u�gasari na�go une olo qoboiyetnjrqasai. A bosim tamo u�gasari a qa tari�eqnub qaji na�gi torei ele�qas.

‹ Chapter 8 Hibru — All Chapters Chapter 10 ›

Hibru 9

Cite / Share This Page