Hibru 11

PNG

‹ Chapter 10 Hibru — All Chapters Chapter 12 ›

1 Iga Qotei qa gago areqalo si�gilateqnum di aqa utru agiende. Iga qalieonum, i�gi bole bole Qotei a nami iga egwa marej qaji di iga oqajqa tari�esoqnimqa a na egwas. Iga gago �amdamu na i�gi di unqa keresai di u�gum. Iga i�gi di oqom. 2 Qotei aqa tamo u�gasari nami soqneb qaji na�gi a qa na�go areqalo si�gilatoqneb deqa a na�gi qa maroqnej, “Na�gi tamo bolequja." 3 O ijo was, iga Qotei qa gago areqalo si�gilateqnum deqa iga endegsi poigeqnu, bole, Qotei a anjam segi marnaqa la� ti mandam ti brantej. I�gi i�gi iga unqa keresai qaji di Qotei na ele�osiqa dena a i�gi i�gi kalil iga uneqnum qaji di gereinjrej. Iga degsi poigeqnu. 4 Abel a Qotei qa aqa areqalo si�gilatosiq deqa a i�gi bei Qotei atraiyonaqa Qotei a i�gi deqa tula� arearetej. Kein a dego i�gi bei Qotei atraiyej. Ariya Qotei a Kein aqa atraiyo i�gi deqa arearetosai. Kumbra dena iga osorgeqnu, Abel a Qotei aqa �amgalaq di tamo bole une saiqoji soqnej. Abel a moiyej ariya a Qotei qa aqa areqalo si�gilatej deqa bini a Qotei aqa anjam iga mergobuleqnu. 5 Enok a dego Qotei qa aqa areqalo si�gilatej. Deqa a moiyosai. A �ambile sonaqa Qotei na a osiq la� qureq oqej. Oqnaqa tamo u�gasari na�gi a qa �amoqneb a olo unosai. Kumbra dena iga osorgeqnu, Qotei na Enok la� qureq osi oqosaisosiqa a Enok aqa kumbra qa tula� arearetoqnej. 6 O ijo was, ni�gi Qotei aqa areq gilqa osibqa ni�gi mati a qa nu�go areqalo si�gilatosib endegsib mariy, “Bole, Qotei a unu. Deqa iga a qa �amosim gilsim itonam a na awai boledamu egwas.” O ijo was, ni�gi degsib marqab di Qotei a ni�gi qa tula� arearetqas. Tamo na�gi Qotei qa na�go areqalo si�gilatqasai di a na�gi qa arearetqa keresai. 7 Noa a dego Qotei qa aqa areqalo si�gilatej. Deqa Qotei na minjej, “E bunuqna awa qari�yit bosim mandam kalil keretqas. Deqa ni qobu� gereiyime.” Noa a awa unosaisosiqa a Qotei aqa anjam di dauryosiqa aqa a�gro na�gi ti aqa u�a a ti padalaib deqa qobu� gereiyej. Aqa kumbra dena a na tamo u�gasari kalil mandamq di soqneb qaji na�go une babtetnjrej. A Qotei qa aqa areqalo si�gilatej deqa Qotei na a tamo bole une saiqoji qa minjej. 8 Abraham a dego Qotei qa aqa areqalo si�gilatej. Deqa Qotei na Abraham metonaqa a Qotei aqa anjam dauryosiqa mandam mutu bei Qotei na a yqajqa minjej qaji deq gilej. A sawa qabitqas kiyo di a qalieosaisosiqa gilej. 9 A Qotei qa aqa areqalo si�gilatej deqa a gilsiq mandam mutu dia brantosiqa yau� tamo soqnej. Mandam mutu di agi Qotei na a yqajqa minjej. A di sonaqa Qotei na minjej, “Mondo� e na ino moma na�gi mandam mutu endi enjrqai.” Onaqa Abraham a mandam mutu dia laqnsiqa jagwa oqajqa tal gereiyoqnsiqa di �eioqnej. A na Aisak Jekop wo na�gi joqsiqa koba na soqneb. Qotei na na�gi aiyel dego minjrej, “Mondo� e na nu�go moma na�gi mandam mutu endi enjrqai." 10 Abraham a la� qureq oqsim dia sqajqa deqa are qaloqnsiq tari�oqnej. La� qure di bati gaigai sqas. La� qure agi Qotei a segi na gereiyej unu. 11 Abraham aqa �au� Sara a dego Qotei qa aqa areqalo si�gilatej. Deqa a tula� qeliosiqa marej, “Bole, e a�grotqai. Anjam Qotei na merbej qaji di a uratqasai. A dauryqas.” Sara a degsi marej deqa Qotei na aqa miligi gereiyetonaqa a guma�ej. 12 Abraham a dego qeliosiqa a moiqajqa bati jojomonaqa Qotei na a si�gila yonaqa a a�gro mel qujai �ambabtej. Onaqa bunuqna aqa moma na�gi tula� gargekobaeb. Bongar tula� gargekoba unub dego kere Abraham aqa moma na�gi ulul bul tula� gargekobaeb. Deqa sisiyqa keresai. 13 O ijo was, Abel na Enok na Noa na Abraham na Sara na na�gi kalil Qotei qa na�go areqalo si�gilatesosib more�eb. Na�gi mandamq endi sosibqa i�gi bole bole Qotei a nami na�gi enjrqa minjrej qaji di na�gi osai. Na�gi i�gi di oqajqa tari�esosibqa isaq na i�gi di unsib deqa areboleboleinjrej. Deqa na�gi maroqneb, “Iga mandamq endi so boleiyqasai. Iga mandamq endi yau� tamo bulosim sokiñala sosim bunuqna iga mandam endi uratqom." 14 O ijo was, iga qalieonum, tamo u�gasari anjam degsib mareqnub qaji na�gi na�go segi sqajqa sawa boleq oqwajqa are qaleqnub. 15 Na�gi na�go qure utruq olo aiqajqa deqa are qaleb qamu na�gi puluosib aiyeb qamu. 16 Ariya na�gi na�go qure utruq olo aiqajqa are qalosaieqnub. Na�gi sawa tula� boledamu agi la� qureq di unu qaji deq oqwajqa are qaleqnub. Tamo u�gasari na�gi dena Qotei endegsib minjeqnub, “Ni gago Qotei.” Yeqnaqa Qotei a na�go Qotei sqajqa jemaiyosaieqnu. Na�gi a qa na�go areqalo si�gilateqnub deqa a na�go qure agi la� goge dia gereiyetnjrej unu. 17 Abraham a Qotei qa aqa areqalo bole si�gilatej kiyo sai kiyo di Qotei a tenemtqa osiqa endegsi minjej, “Ni ino segi a�gro qujai Aisak qalsim e atraibe.” Onaqa Abraham a Qotei aqa anjam di uratosai. Bole, Qotei na nami minjej, “E na ino moma na�gi mandam mutu endi enjrqai.” Ariya a Qotei qa aqa areqalo si�gilatej deqa a Aisak osiq Qotei atraiyqa gilej. 18 Agi Qotei a nami Abraham minjej, “Aisak aqa le� na ino moma na�gi bumbra�yqab." 19 Abraham a Aisak qalqa osiqa endegsi are qalej, “E Aisak qalitqa, u�gum, Qotei na a olo subq na tigeltqa kere.” Abraham a degsi are qalsiq sonaqa Qotei na saidyej, “Ni Aisak qalaim.” Deqa iga yawo anjam endegsi marqom, Qotei na Aisak subq na tigeltobulosiq olo Abraham yej. 20 Aisak a dego Qotei qa aqa areqalo si�gilatosiqa Jekop Iso wo na�go gateq di aqa ba� atetnjrsiqa na�gi qa pailyosiqa kumbra bunuqna na�goq di brantqas qaji deqa na�gi minjrej. 21 Jekop a dego Qotei qa aqa areqalo si�gilatosiqa Josep aqa a�gro aiyel na�go gateq di aqa ba� atetnjrsiqa na�gi qa pailyej. A tula� qeliosiqa moiqa jojomosiq deqa a na aqa walwelqa toqo� ojsiq si�ga pulutosiq Qotei qa louej. 22 Josep a dego Qotei qa aqa areqalo si�gilatosiq deqa a tula� qeliosiq moiqa jojomosiqa a na aqa was na�gi endegsi minjrej, “Ni�gi na nu�go moma agi Israel na�gi minjribqa bunuqna na�gi Isip sawa uratoqnsibqa bati deqa na�gi ijo tanu osi gilqab." 23 Ariya Moses aqa ai abu na�gi dego Qotei qa na�go areqalo si�gilateb. Deqa Moses a �ambabonaqa na�gi a osib bai qalub a ulitonab soqnej. Na�gi qalieeb, Moses a a�gro tula� bolequja. Na�gi Isip na�go mandor koba ulaiyosai deqa na�gi aqa anjam gotra�yosib Moses ulitonab soqnej. 24 Sosiqa tamo kobaqujaonaqa Isip tamo u�gasari na�gi na minjoqneb, “Ni Isip na�go mandor koba aqa asi aqa a�gro.” Onaqa Moses a Qotei qa aqa areqalo si�gilatosiq deqa a aqa segi ñam aguq atsiqa na�go anjam di quqwa uratoqnej. 25 A endegsi are qalej, “Qotei aqa tamo u�gasari agi Israel na�gi gulbe ti unub. Deqa u�gum, e na�gi koba na sosiy gulbe oqnqai. Une qa arebolebole a sokiñalayosim koboqas. Di e uratqai." 26 Osiqa olo endegsi are qalej, “E Kristus aqa ñam qa jemai oqai di kere. Mondo� e awai tula� boledamu oqai. Awai dena silali ti ñoro ti kalil Isip sawaq endi unu qaji di tula� bu�yejunu.” Moses a awai boledamu di oqa marsiq deqa a degsi are qalej. Osiqa Qotei qa aqa areqalo si�gilatej. 27 Moses a Qotei qa aqa areqalo si�gilatosiq deqa a tigelosiq Isip sawa uratosiq gilej. Isip na�go mandor koba a Moses qa minji� oqetej ariya Moses a deqa ulaosai. Qotei agi iga unosaieqnum qaji di Moses na unobulosiq deqa a si�gila na tigelosiq Isip sawa uratosiq gilej. 28 Moses a Qotei qa aqa areqalo si�gilatosiq deqa a na Israel tamo u�gasari na�gi minjrnaqa na�gi kaja du du ñumsib na�go damu uyeb. Uysib kaja du du na�go le� ainaqa di osib Qotei na aqa la� a�gro bei qari�yim bosim Israel na�go a�gro matu na�gi ñumaim deqa le� di na�go sira�meq di liyeb. 29 Israel na�gi Qotei qa na�go areqalo si�gilatosib deqa na�gi Yuwal Lentq di gentosib mandam boleq aisib walwelosib gileb. Gileqnab Isip na�gi na na�gi daurnjrsib yuwal ambleq aisib ya uysib more�eb. 30 Bunuqna Israel na�gi Qotei qa na�go areqalo si�gilatosib deqa na�gi Jeriko qure agutosib kalilyo bati 7 yonabqa qure aqa dada� kalil ululo�eb. 31 Sambala u�a Rahap a dego Qotei qa aqa areqalo si�gilatej. Deqa Israel tamo aiyel na�gi lumu na Jeriko qure unqa bonabqa a na na�gi aiyel osiqa lawo na gereinjrsiqa ulitnjrej. Qure deqaji tamo u�gasari na�gi Qotei aqa anjam gotra�yoqneb deqa Qotei na na�gi kalil padaltnjrej. Rahap a segi Qotei na uratonaq bole soqnej. 32 Gideon na Barak na Samson na Jepta na Devit na Samuel na Qotei aqa medabu o qaji tamo kalil na�gi dego Qotei qa na�go areqalo si�gilatoqneb. E na�gi qa olo ni�gi sai�gwajqa bati keresaiibqo. 33 Na�gi Qotei qa na�go areqalo si�gilatoqneb deqa na�gi na mandor kokba na�gi qoto itnjroqnsib qoto bu�yoqneb. Osib kumbra bole ti�ti� yoqneb. I�gi bole bole Qotei na nami na�gi enjrqa minjrej qaji di na�gi ele�oqneb. Laion na�gi boqnsib na�gi uyqa laqnab na�gi na na�go medabu getentetnjroqneb. 34 �amyuwo na na�gi koitnjrqa laqnaq na�gi olo �amyuwo mosotoqneb. Jeu tamo na�gi boqnsib serie na na�gi ñumqa laqnab na�gi jaraiyoqneb. Na�gi segi si�gila saiqoji sonab Qotei na olo na�gi si�gilatnjroqnej. Na�gi si�gilaoqnsib qotoqnsib sawa bei bei qaji na�gi teteinjroqneb. 35 U�gasari qudei na�go a�gro na�gi more�eqnab Qotei na olo subq na tigeltnjroqnej. Jeu tamo na�gi na Qotei aqa tamo qudei na�gi tonto talq di breinjroqnsib jaqati� koba enjroqneb. Osib minjroqneb, “Ni�gi Qotei qoreiyib iga ni�gi urat�gim ni�gi tonto talq dena oqedqab.” Onaqa na�gi na saidosib minjroqneb, “Sai. Mondo� iga olo subq na tigelosim �ambile tula� boledamu oqom. Deqa u�gum, bini iga jaqati� oqnsim unum di kere." 36 Jeu tamo na�gi na Qotei aqa tamo u�gasari qudei na�gi misili�njroqnsib kumbai�njroqneb. Osib na�gi tonto talq di breinjroqnsib sil si�gila kokba na na�gi tontnjroqneb. 37 Osib Qotei aqa tamo u�gasari qudei na�gi meni� na ñumoqnsib moiyotnjroqneb. Osib olo qudei na�gi serie na gi�ge�njreqnab more�oqneb. Osib olo qudei na�go jejamu qaja na qametnjroqneb. Na�gi qudei gara bolesai deqa na�gi kaja na�go ju�gum na gara gereiyoqnsib jugoqneb. Na�gi i�gi i�gi tula� saiinjrej deqa na�gi la�a soqneb. Jeu tamo na�gi na na�gi gulbe enjroqnsib tula� ugeugeinjroqneb. 38 Tamo u�gasari na�gi di tula� ugeosib soqneb deqa na�gi wadau sawaq di, manaq di, meni� kokba miligiq di, sub miligiq di laqneb. Na�gi Qotei qa na�go areqalo si�gilatoqneb deqa na�gi kumbra bole yoqneb. Na�gi tamo u�gasari kalil mandamq di soqneb qaji na�gi bul sai. Na�go kumbra tula� bolequja. 39 Na�gi kalil Qotei qa na�go areqalo si�gilatoqneb deqa na�gi aqa �amgalaq di tamo u�gasari tula� bolequja soqneb. Ariya i�gi bole bole Qotei na na�gi enjrqa minjrej qaji di na�gi osaioqneb. 40 Di kiyaqa? Qotei na olo i�gi tula� boledamu bei iga egwajqa marsiqa gereiyej unu. Mondo� a na iga ti na�gi ti turtgosim iga kalil koba na i�gi boledamu di egwas. Osim dena a na iga kalil torei boletgwas.

‹ Chapter 10 Hibru — All Chapters Chapter 12 ›

Hibru 11

Cite / Share This Page