Galesia 1
PNG1 E Pol. Yesus Kristus na e qariÅbej deqa e aqa anjam mare mare laqnum. Mandam tamo bei na e qariÅbosai. Tamo bei na e giltbosai dego. Yesus Kristus aqa Abu Qotei wo naÅgi segi aiyel na e giltbeb. Yesus agi Qotei na subq na tigeltej. 2 Kristen was kalil e koba na endi unum qaji naÅgi e ti anjam endi nuÅgoq qariÅyonum. NiÅgi Galesia sawaq di loueqnub qaji. 3 Tamo Koba Yesus Kristus aqa Abu Qotei wo naÅgi aiyel niÅgi qa are boleinjrimqa niÅgi lawo na soqniy. 4 Yesus a gago Abu Qotei aqa areqalo dauryosiq deqa a gago une kobotqa marsiqa aqa segi Åambile uratosiq moiyej. A na iga eleÅamqa iga mandam qa kumbra uge uge kalil uratqa marsiq iga qa moiyej. 5 Deqa iga Qotei aqa ñam bati gaigai soqtoqnqom. Bole. 6 Kristus a niÅgi qa are boleiyej deqa Qotei na niÅgi aqa segi tamo uÅgasari sqajqa osiq metÅgej. Ariya kiyaqa niÅgi olo urur Qotei qoreiyosib Yesus aqa anjam bole dauryqa uratosib anjam bei dauryeqnub? E nuÅgo kumbra deqa qusim tulaÅ prugugetem. 7 NiÅgi qalie, Yesus aqa anjam bole bei saiqoji. Ariya tamo qudei naÅgi nuÅgo areqalo niñaqyetÅgwajqa wauoqnsib Kristus aqa anjam bole olo bubulyeqnub. 8 Deqa niÅgi quiy. Iga na kiyo laÅ aÅgro bei na kiyo Yesus aqa anjam bole iga nami niÅgi merÅgoqnem qaji di olo bubulyosim anjam bei merÅgwom di Qotei na iga ojsim Åamyuwoq di breigeme. 9 Od, tamo bei na Yesus aqa anjam bole iga nami niÅgi merÅgoqnem qaji di olo bubulyosim anjam bei merÅgwas di Qotei na a ojsim Åamyuwoq waiyeme. 10 NiÅgi kiyersib are qalonub? Mandam tamo naÅgi e qa arearetnjrqajqa kiyo Qotei a e qa arearetqajqa kiyo deqa e waueqnum? NiÅgi quiy. Mandam tamo naÅgi e qa arearetnjrqajqa deqa e waueqnum qamu e Kristus aqa wau tamo bolesai qamu. 11 O ijo was kalil, e bole merÅgonum. Yesus aqa anjam bole e nami niÅgi merÅgoqnem qaji di tamo bei na babtosai. 12 Anjam bole di e tamo bei aqa medabuq na osai. Tamo bei na e osorbosai dego. Yesus Kristus a segi na anjam bole di babtosiq osorbej. 13 NiÅgi qalie, e nami Juda naÅgo kumbra siÅgila na dauryoqnsimqa Qotei aqa tamo uÅgasari naÅgi ugeugeinjroqnem. Osim e naÅgi torei padaltnjrqajqa siÅgila na wauoqnem. 14 E ijo moma naÅgo kumbra kalil dauryqajqa tulaÅ siÅgilaoqnem. Ijo kumbra dena e na Juda tamo gargekoba e ombla louoqnem qaji naÅgi buÅnjroqnem. 15 Ariya e Åambabosaisonamqa Qotei a e giltbosiqa e qa are boleiyosiq metbej. 16 Osiqa bati a segi atej qaji di brantonaqa a na aqa Åiri Yesus e osorbosiq merbej, “Ni na Yesus aqa anjam bole osi giloqnsim tamo uÅgasari sawa bei beiq di unub qaji naÅgi minjre minjre laqne.” Ariya bati di e na tamo qudei naÅgi Yesus qa anjam bei nenemnjrosaioqnem. 17 E Yesus aqa anjam maro tamo naÅgi unjrqajqa Jerusalem aiyosai dego. Tamo naÅgi di namoqna Yesus aqa wau ojoqneb. E bunuqna aqa wau ojem. Ariya e naÅgi unjrosai. E Arebia sawaq aisim di soqnem. Sosim bunuqna e olo puluosim Damaskus qureq gilem. 18 Wausau qalub koboonaqa e Pita segi unqajqa Jerusalem aiyem. Aisim bati 15 Pita ombla soqnem. 19 E Jerusalem di soqnem bati di e Yesus aqa anjam maro tamo bei unosai. E Tamo Koba Yesus aqa was Jems a segi unem. 20 Ijo anjam e neÅgreÅyonum qaji endi anjam bole. E Qotei aqa Åamgalaq di anjam bole segi neÅgreÅyonum. E gisaÅosai. 21 Ariya bunuqna e Jerusalem olo uratosim Siria sawa ti Silisia sawa ti deq gilsim di laqnem. 22 Bati deqa Kristus aqa tamo uÅgasari Judia sawaq di soqneb qaji naÅgi ijo ulatamu poinjrosaisoqnej. 23 NaÅgi e qa laÅa endegsib quoqneb, “Pol a nami iga padaltgwa laqnej. Ariya bini a olo Yesus aqa anjam bole a nami ugeugeiyqa wauoqnej qaji di palontoqnsiq laqnu." 24 NaÅgi e qa degsib quoqnsib tulaÅ areboleboleinjrnaqa Qotei aqa ñam soqtoqneb.