Aposel 18

PNG

‹ Chapter 17 Aposel — All Chapters Chapter 19 ›

1 Onaqa bati bei Pol a Atens qure uratosiqa walwelosiq Korin qureq gilej. 2 Gilsiq dia Juda tamo bei aqa ñam Akwila itej. Akwila aqa qure utru Pontus. Nami yala Akwila aqa �au� Prisila wo Itali sawa uratosib Korin beb. Rom na�go mandor koba Klodius a marej, “Juda na�gi Rom qureq endi sqasai. Kalil jaraiqab.” Deqa na�gi aiyel Itali sawa uratosib Korin qureq beb. Bosib Korin di sonabqa Pol a gilsiq na�gi itnjrej. 3 Pol a na�gi ti silali wau qujai. Deqa na�gi koba na Korin di sosibqa silali qa wauoqneb. Na�go silali wau di na�gi gara na tal gereiyoqneb. 4 Yori bati gaigai Pol a Juda na�go Qotei tal miligiq giloqnsiqa Juda ti Grik ti na�gi Yesus aqa anjam plaltosiq minjroqnej. Aqa anjam dena na�go are qametnjrimqa na�gi Yesus qa na�go areqalo si�gilatqajqa deqa osiq anjam minjroqnej. 5 Onaqa bati bei Sailas Timoti wo na�gi Masedonia sawa uratosib gilsib Korin dia Pol itosib na�gi koba na soqneb. Deqa Pol na aqa silali wau uratosiqa Qotei aqa anjam qa segi wauoqnej. Osiqa Juda na�go Qotei tal miligiq giloqnsiqa na�gi si�gila na endegsi minjroqnej, “Yesus a bole Kristus Qotei na qari�yej qaji." 6 Degsi minjreqnaqa na�gi aqa anjam di quoqnsib gotra�yoqnsib a misili�yoqneb. Deqa Pol na aqa segi gara jugo tumbrum butuyosiqa minjrej, “Ni�gi padalqab di nu�go segi une na padalqab. Ijo une na sai. Deqa bini e ni�gi urat�gsiy tamo Juda sai na�goq giloqnsiyqa Yesus aqa anjam minjroqnqai." 7 Pol na Juda na�gi degsi minjrsiqa na�go Qotei talq dena oqedosiq tamo bei aqa ñam Titius Jastus aqa talq di soqnej. Titius a Qotei qa louoqnej qaji. Aqa tal di Juda na�go Qotei tal jojomq di soqnej. 8 Bati deqa Qotei tal taqato tamo aqa ñam Krispus a ti tamo u�gasari kalil a ombla tal qujaiq di soqneb qaji na�gi ti Pol aqa anjam qusib Tamo Koba a qa na�go areqalo si�gilateb. Korin tamo u�gasari gargekoba na�gi dego Pol aqa anjam qusib Yesus qa na�go areqalo si�gilatosib yanso eb. 9 Bati bei qolo Pol a �eio bulosiqa Tamo Koba Yesus unnaqa minjej, “O Pol, ni ulaaim. Ni qure endia sosimqa ino medabu waqtoqnsimqa boleq di ijo anjam mare mare laqne. Mequmaim. 10 E ni ombla sqai deqa tamo bei na ni ugeugeimqasai. Qure endia ijo segi tamo u�gasari gargekoba unub." 11 Onaqa Pol a anjam di dauryosiqa Korin dia wausau qujai bai 6 sosiqa tamo u�gasari na�gi Qotei aqa anjam plaltoqnsiq minjroqnej. 12 Ariya Rom na�go gate koba Galio a Akaia sawa taqatesonaqa bati deqa Korin dia Juda na�gi Pol qa minji� oqetnjrnaqa a ojsib koro sawaq osi gilsib Galio aqa awo jaram namoq di tigelteb. 13 Tigeltosib Galio minjeb, “Tamo endena iga Juda gago dal anjam gotra�yoqnsiqa Qotei louqajqa gam bei osorgeqnu." 14 Onaqa Pol a kamba anjam marqa laqnaqa Galio na getentosiqa Juda na�gi minjrej, “O Juda tamo u�gasari ni�gi quiy. Tamo endi a une kobaquja bei yimqa kiyo tamo bei qalim moiyimqa kiyo ni�gi a ojsib bosib ijo ulatamuq endi tigeltqab di e nu�go anjam quqwai. 15 Ariya ni�gi nu�go segi dal anjam qa ti nu�go segi moma na�go ñam qa ti maronub deqa e nu�go anjam di gereiyqasai. Di ijo wau sai. Ni�gi segi na gereiyiy." 16 Galio a awo jaramq di awesosiqa Juda na�gi degsi minjrsiqa na�gi winjrej. Onaqa Juda na�gi na�go Qotei tal taqato tamo aqa ñam Sostenes a ojsib Galio aqa awo jaram namoq di qalougeteb. Qaleqnab Galio a di unsiqa a deqa yala are qalosai. Unsiq unosaibulej. 18 Pol a bati gargekoba yala Korin di soqnej. Sosiqa Yesus aqa tamo u�gasari na�gi uratnjrsiqa Prisila Akwila wo na�gi joqsiqa koba na Siria sawaq aiqa marsib qobu� gogeteb. Na�gi qobu� gogetqa yosib Pol a mati Senkria qureq di Juda na�go kumbra dauryosiqa aqa segi gate ba�ga ti me ju�gum ti gentej. Nami a bati qudei Qotei pailyoqnsiq deqa aqa gate ba�ga ti me ju�gum ti uratonaq soqnej. 19 Ariya na�gi Senkria qureq di qobu� gogetosib aisib Efesus qureq di tiryeb. Tiryosib mandamq aisib Pol a Juda na�go Qotei tal miligiq gilsiqa na�gi Qotei aqa anjam plaltosiq minjroqnej. Onaqa na�gi Pol aqa anjam qusib minjeb, “Ni bati qudei iga koba na endi sqom.” Minjnabqa a na na�gi saidnjrsiqa aiqa osiqa minjrej, “Qotei na odbimqa bunuqna e nu�goq olo bqai.” Degsi minjrsiqa a qobu� gogetosiq aiyej. A na Prisila Akwila wo na�gi Efesus qureq di uratnjrsiq aiyej. 22 Pol a aisiqa Sisaria qureq di tiryosiqa qobu� uratosiqa si�ga na walwelosi aisiq Jerusalem di brantej. Brantosiqa Yesus aqa tamo u�gasari na�gi itnjrsiqa koba na soqneb. Osiqa na�gi olo uratnjrsiqa walwelosiq Antiok qureq gilej. 23 Gilsiq Antiok dia bati gargekoba yala sosiqa dena walwelosiq Galesia sawa ti Frigia sawa ti dia laqnej. Laqnsiqa na�go qure kalilq di brantoqnsiqa tamo u�gasari Yesus dauryoqneb qaji na�gi koroinjroqnsiqa Qotei aqa anjam na si�gilatnjroqnej. 24 Onaqa bati bei Juda tamo bei aqa ñam Apolos a Efesus qureq bosiq dia wauoqnej. Aqa qure utru Aleksandria. A Qotei aqa anjam maro tamo. A Qotei aqa anjam tula� qaliedamu. Deqa a na Qotei aqa anjam kalil ne�gre�q di so qaji di geregere plaltoqnej. 25 Tamo qudei na nami Tamo Koba aqa gam Apolos osoryeb deqa a si�gila na Yesus aqa anjam plaltoqnej. A Jon yansnjro qaji aqa wau qa segi qalieej. 26 Deqa bati bei a Juda na�go Qotei tal miligiq di si�gila na anjam palonteqnaqa Prisila Akwila wo na�gi aqa anjam qusibqa a osib qalaq gilsibqa Qotei aqa gam bole geregere osoryonab a poiyej. 27 Onaqa bunuqna Apolos a marej, “E Akaia sawaq gilqai.” A degsi marnaqa Yesus aqa tamo u�gasari Efesus qureq di soqneb qaji na�gi na odyosib minjeb, “Di kere. Ni gilime.” Degsib minjsibqa anjam bei ne�gre�yosib Apolos yonab a na osi gilsiqa Yesus aqa tamo u�gasari Akaia sawaq di soqneb qaji na�gi enjrej. Endegsib ne�gre�yeb, “O gago was ni�gi quiy. Apolos a nu�goq bqo. Deqa ni�gi a osib geregereiyiy.” Ariya Apolos a Akaia sawaq di sosiqa a na tamo u�gasari Yesus qa na�go areqalo si�gilateb qaji na�gi Qotei aqa anjam minjreqnaqa anjam dena na�gi si�gilatnjroqnej. Qotei a nami na�gi ele�qa marsiq deqa na�gi qa are boleiyej. Gam dena na�gi Yesus qa na�go areqalo si�gilateb. 28 Apolos a tamo u�gasari na�go �amdamuq di Juda na�go anjam si�gila na gotra�yoqnej. A Qotei aqa anjam ne�gre�q di so qaji dena na�gi endegsi osornjrej, Yesus a bole Kristus.

‹ Chapter 17 Aposel — All Chapters Chapter 19 ›

Aposel 18

Cite / Share This Page