Aposel 16

PNG

‹ Chapter 15 Aposel — All Chapters Chapter 17 ›

1 Onaqa bati bei Pol a walwelosiq Derbe qureq di brantej. Dena tigelosiq Listra qureq gilej. Dia tamo bei soqnej aqa ñam Timoti. A Yesus dauryoqnej qaji. Aqa ai a Juda u�a. A Yesus qa aqa areqalo si�gilatej qaji. Timoti aqa abu a Grik tamo. 2 Listra qure ti Aikoniam qure ti dia Yesus aqa tamo u�gasari na�gi maroqneb, “Timoti a tamo bolequja." 3 Sawa dia Juda na�gi qalieeb, Timoti aqa abu a Grik tamo. Deqa Pol a Timoti osiqa a ombla wauqa marsiqa mulu� waiyej. 4 Bati bei na�gi aiyel Sailas koba na gilsib qure qureq di walweloqneb. Walweloqnsibqa Jerusalem dia anjam qoseb qaji di Kristen na�gi qusib dauryqajqa deqa minjroqnsib laqneb. Anjam di Yesus aqa anjam maro tamo na�go gate na�gi ti qoseb. 5 Bati deqa Qotei na tamo u�gasari Yesus qa na�go areqalo si�gilateb qaji na�gi si�gilatnjroqnej. Bati gaigai tamo u�gasari gargekoba are bulyoqnsib Kristen na�go miligiq aiyeqnab na�gi tula� kobaoqneb. 6 Bati bei Pol na Sailas na Timoti na na�gi qalub walwelosib Frigia sawa ti Galesia sawa ti dia Qotei aqa anjam mare mare giloqneb. Na�gi Esia sawaq di Yesus aqa anjam marqa laqnabqa Mondor Bole na na�gi saidnjrej. 7 Deqa na�gi walwelosib Misia sawaq di branteb. Dena Bitinia sawaq gilqa laqnabqa Yesus aqa Mondor na na�gi olo saidnjrnaqa na�gi Misia sawa amble potosib sumsib torei Troas qureq di branteb. 9 Na�gi Troas di sosibqa qolo Pol a �eio bulosiqa Masedonia tamo bei unej. Masedonia tamo di a Pol aqa ulatamuq di tigelosiq minjej, “Ni Masedonia bosim iga aqaryaige." 10 Pol a �eio degsi unej deqa iga tigelosim Masedonia sawaq sumem. Iga endegsi poigej, “Qotei na iga metgwo deqa iga Masedonia sawaq di tamo u�gasari na�gi Yesus aqa anjam bole minjroqnqom." 11 Onaqa iga Troas qureq dena qobu� gogetosim Samotres nui ti�yosim sumem. Sumsim nui di bu�yosim nebeonaqa Neapolis qureq di tiryem. 12 Dena iga si�ga na walwelosim Filipai qureq di brantem. Qure di nami Rom na�gi bosib awoeb qaji. Qure di Masedonia na�go qure kobaquja. Iga sumsim bati gargekoba yala qure dia soqnem. 13 Onaqa Juda na�go yori bationaqa iga qure polomq aisim ya qala beiq di brantem. Iga are qalem, “Ya qalaq di Juda na�go pailyo sawa unu kiyo?” Degosim aiyem. Aisim u�gasari qudei dia koroesonab na�gi itnjrsimqa na�gi koba na awoosim Qotei aqa anjam minjroqnem. 14 Na�go ambleq di u�a bei soqnej aqa ñam Lidia. A gara lent oqnsiq qari�yeqnaqa tamo na�gi na awaiyoqneb. Di aqa silali wau. Aqa qure utru Taiataira. A Qotei qa louoqnej qaji. A ya qalaq di sonaqa Qotei na aqa areqalo waqtetonaqa a Pol aqa anjam qusiq poiyonaqa are bulyej. 15 Deqa tamo u�gasari Lidia aqa talq di soqneb qaji na�gi Lidia a ti yanso eb. Onaqa Lidia na iga mergej, “E Tamo Koba a qa ijo areqalo si�gilatonum ni�gi bole edegosib bosib ijo talq endi iga koba na sqom.” Lidia a tula� si�gilaej deqa iga aqa talq di a koba na soqnem. 16 Onaqa bati bei iga olo pailyo sawaq aiyeqnamqa ka�gal u�a bei bosiqa gamq di iga itgej. U�a di a mondor uge ti soqnej. Mondor uge dena kumbra bunuqna brantele�qas qaji di ubtosiq minjeqnaqa a kamba tamo qudei na�gi minjroqnej. Minjreqnaqa na�gi quoqnsib silali koba yeqnab osi giloqnsiqa aqa tamo kokba na�go ba�q di atoqnej. 17 Iga Pol koba na aiyeqnamqa u�a di a iga daurgoqnsiqa tula� lele�oqnsiqa maroqnej, “Tamo na�gi di Qotei Goge Koba aqa wau tamo. Na�gi anjam palontoqnsib Qotei a ni�gi padalo sawaq na ele�qajqa gam osor�geqnub." 18 Bati gargekoba u�a dena anjam degsi maroqnsiq iga daurgoqnej. Deqa bati bei Pol a u�a deqa minji� oqnaqa bulosiqa mondor uge di minjej, “E Yesus Kristus aqa ñam na ni mermonum, ni u�a di uratosim ula�.” Degsi minjnaqa mondor uge dena u�a di uratosiq ula�ej. 19 Pol a kumbra degyej deqa u�a di aqa tamo kokba na�gi silali oqajqa gam saiinjrej. Gam sainjrnaqa di unsibqa Pol Sailas wo na�gi ojsib koro sawaq joqsib gilsib Rom gate na�go ulatamuq di tigeltnjreb. Tigeltnjrsibqa Rom gate na�gi endegsib minjreb, “Tamo aiyel na�gi dena iga tamo u�gasari qure endia unum qaji gulbe koba egeqnub. Na�gi aiyel Juda tamo. 21 Na�gi aiyel kumbra osorgeqnub qaji di iga Rom tamo na dauryqajqa getento koba." 22 Onaqa tamo u�gasari kalil qure dia soqneb qaji na�gi anjam di qusibqa Pol Sailas wo na�go jejamuq di une qametnjroqneb. Onaqa Rom gate na�gi na na�gi aiyel ojsib qaja tamo na�go ba�q di ateb. Atnabqa na�gi na osib gara bumbra�yetnjrsib bu toqo� na kumbai�njreb. 23 Na�gi kumbai�njro gargekobatosib tonto talq di breinjrsib tonto tal taqato tamo a minjeb, “Ni na na�gi aiyel si�gila na tontnjrsim geregere taqatnjresoqne." 24 Degsib minjnabqa a na�gi aiyel joqsiqa tonto tal miligiq di warum beiq di breinjrsiq �amta� kobaquja na na�go si�ga gitantetnjrej. 25 Onaqa qolo jige Pol Sailas wo na�gi tonto tal miligiq di Qotei pailyoqnsib loueqnabqa tamo na�gi tonto talq di soqneb qaji na�gi quoqneb. 26 Bati qujai deqa mimi� koba dosiqa si�gila na tonto tal re�gi�yonaqa sira�me kalil waqele�eb. Sil kokba kalil tamo na�gi tontnjreb qaji di pamblo�ele�eb. 27 Onaqa tonto tal taqato tamo a tigelosiqa �am atej di sira�me kalil waqele�esonaq unej. Deqa a are qalej, “Tonto tamo kalil na�gi jaraiyonub.” Degsi are qalsiqa aqa serie osiq aqa segi jejamu qalqa yonaqa Pol a maosiq minjej, “Ni ino segi jejamu qalaim. Iga kalil endi unum. Iga jaraiyosai." 29 Pol a degsi tonto tal taqato tamo di minjnaqa a na qaja tamo qudei na�gi metnjrnaq wa�al osi bonab warum suwa�ej. Onaqa a tula� ulaugetosiq gindaginda�osiq urur ti warum miligiq gilsiq Pol Sailas wo na�go si�gaq di �am quosiq �eiej. Dena tigelosiqa na�gi aiyel joqsiq oqedosiq nenemnjrej, “O tamo kokba aiyel, e kumbra kiye yitqa Qotei na e oqas?" 31 Onaqa na�gi aiyel na minjeb, “Ni Tamo Koba Yesus qa ino areqalo si�gilatime. Yimqa Qotei na ni ti tamo u�gasari kalil ni ombla tal qujaiq di unub qaji na�gi ti ele�qas." 32 Degsi minjsibqa Tamo Koba aqa anjam plalteqnabqa a quoqnej. Tamo u�gasari kalil a ombla tal qujaiq di soqneb qaji na�gi dego quoqneb. 33 Onaqa qolo deqa tonto tal taqato tamo a na na�gi aiyel yu qosetnjrsiqa tamo u�gasari kalil a ombla tal qujaiq di soqneb qaji na�gi koba na yanso eb. 34 Onaqa a na na�gi aiyel joqsiqa aqa talq gilsib dia i�gi anainjrej. Tamo u�gasari kalil a ombla tal qujaiq di soqneb qaji na�gi a ti tula� areboleboleinjrej. Di kiyaqa? Na�gi are bulyosib Qotei qa na�go areqalo si�gilateb deqa. 35 Ariya nebeonaqa Rom gate na�gi na qaja tamo qudei na�gi qari�njrnab aisib tonto tal taqato tamo di minjeb, “Ni na tamo aiyel di oqeq atim na�gi sumeb." 36 Onaqa a na�go anjam di qusiqa Pol minjej, “Rom gate na�gi na qaja tamo qudei qari�njronub bosib e endegsib merbonub, ‘Ni na na�gi aiyel oqeq atim na�gi sumeb.’ Na�gi e degsib merbonub. Deqa ni�gi aiyel are lawo sumiy." 37 Onaqa Pol a anjam di qusiqa qaja tamo na�gi minjrej, “Aqo aiyel Rom tamo. Gate na�gi na gago une bole babtosai. Na�gi aqo aiyel la�a ojsib tamo u�gasari na�go �amdamuq di kumbai�gosib tonto talq endi waigeb. Bini na�gi lumu na iga olo oqeq atib sumqajqa maronub. Deqa iga sumqasai. Na�gi segi bosib iga tonto talq endena oqeq atib sumqom." 38 Onaqa qaja tamo na�gi olo gilsib Rom gate na�gi Pol aqa anjam di minjrnabqa qusib ulaeb. Di kiyaqa? Pol Sailas wo na�gi Rom tamo deqa. 39 Deqa Rom gate na�gi Pol Sailas wo na�go are latetnjrqa marsibqa tonto talq aisib minjreb, “Bole, iga grotonum.” Degsib minjrsibqa sira� waqtetnjrsib joqsib oqedeb. Oqedosib na�gi aiyel minjreb, “Ni�gi qure endi uratosib sumiy." 40 Degsib minjrnabqa na�gi aiyel tonto tal uratosibqa walwelosib Lidia aqa talq gileb. Gilsib dia Yesus aqa tamo u�gasari qudei na�gi itnjrsibqa Yesus aqa anjam na na�go are si�gilatetnjreb. Osib na�gi uratnjrsib qure di uratosib sumeb.

‹ Chapter 15 Aposel — All Chapters Chapter 17 ›

Aposel 16

Cite / Share This Page