1 Korin 9

PNG

‹ Chapter 8 1 Korin — All Chapters Chapter 10 ›

1 Ni�gi ijo kumbra uniy. E tamo bei aqa sorgomq di sosai. E kumbra kiye yqa are soqnim e yqai. E Qotei aqa anjam maro tamo bole. E gago Tamo Koba Yesus unem. E aqa wau ojoqnem dena ni�gi are bulyeb. Ni�gi ijo kumbra deqa qaliesai kiyo? 2 Tamo qudei na�gi mareqnub, “Pol a Qotei aqa anjam maro tamo bolesai.” Na�gi degsib mareqnub di u�gum. Ni�gi segi e qa qalie. E nami Tamo Koba aqa anjam ni�gi mer�gonam qusib are bulyeb. Deqa ni�gi qalie, e Qotei aqa anjam maro tamo bole. 3 Tamo qudei na�gi ijo kumbra pegiyeqnub deqa e na kamba endegsi minjreqnum. 4 Iga Qotei aqa anjam mare mare laqnum dena iga silali osim gago segi i�gi ti ya ti uyqa kere. 5 Iga u�a oqa are soqnim Kristen u�a osim laqnqa kere. Agi Pita a u�a oqnsiq laqnu. A segi sai. Qotei aqa anjam maro tamo qudei ti Tamo Koba aqa was na�gi ti dego u�a oqnsib laqnub. 6 Ni�gi quiy. Qotei aqa anjam maro tamo kalil na�gi silali wau uratoqnsib Qotei aqa wau ojeqnub. Deqa aqo Barnabas wo dego silali wau uratqa kere. 7 Ni�gi qalie, qoto tamo bei a qotqas di a silali oqas. A aqa segi silali wau ojqasai. Tamo bei a i�gi yagwas di a i�gi meli osim uyqas. Tamo bei a kaja na�gi taqatnjrqas di a mu�gum qaq osim uyqas. 8 E mandam tamo na�go areqalo dauryosim anjam di mer�gosai. Anjam di Qotei aqa dal anjamq di dego unu. 9 Agi Moses a nami dal anjam bei endegsi ne�gre�yej, “Makau na�gi i�gi ñe�gi paraparaiyoqnsib aqa sau taqal ateqnub. Deqa na�gi i�gi ñe�gi aqa damu uyqa yoqnib ni�gi na na�gi saidnjraib.” O ijo was, Qotei a makau na�gi qa are qalsiq anjam di marej kiyo? Sai. 10 A iga qa osiqa anjam di marej. Od, Moses a iga qa osiqa anjam di ne�gre�yej. Ni�gi are qaliy. Tamo bei a i�gi yagwas di i�gi meliamqa a osim uyqas. Tamo bei a i�gi ñe�gi ñoqoryosim damu segitqas di a damu osim uyqas. 11 O ijo was, iga Qotei aqa anjam qa ni�gi aqaryai�goqnem di nu�go qunu� qa. Deqa ni�gi na kamba jejamu qa i�gi i�gi qa iga aqaryaigwajqa mer�gwom di iga une yosai. Iga nu�go are miligiq di Mondor aqa i�gi yagobulem. I�gi di meliqo deqa ni�gi na olo otorosib jejamu qa i�gi i�gi egwajqa mer�gwom di iga une yosai. 12 Tamo qudei na�gi Qotei aqa anjam qa ni�gi aqaryai�geqnub deqa na�gi nu�goq dena olo silali i�gi i�gi yai�geqnub. Deqa iga dego nu�goq dena silali i�gi i�gi yai�gwa kere. Ariya iga Kristus aqa anjam bole ugetaim deqa iga nu�goq dena silali i�gi i�gi yai�gwa uratem. Osim dena iga gulbe gargekoba qoboiyoqnem. 13 Atra tamo na�gi atra talq dena i�gi oqnsib uyeqnub. Tamo na�gi atra bijal taqateqnub qaji na�gi atra bijalq dena atraiyqa wagme oqnsib uyeqnub. Ni�gi di qaliesai kiyo? 14 Dego kere Tamo Koba a endegsi marej, “Tamo na�gi Qotei aqa anjam bole mare mare laqnub qaji na�gi dena silali oqnsib na�go segi i�gi awaiyoqnsib uyoqnqab." 15 Ariya e nu�go i�gi bei yai�gwa osim anjam endi ne�gre�yosai. E nu�goq dena silali i�gi i�gi yai�gwa uratem agi bini unum. Degsi sosiy e moiqai. E ijo kumbra deqa tula� areboleboleibeqnu. Deqa tamo bei na ijo kumbra di olo uge qa maraiq. 16 E Yesus aqa anjam bole mare mare laqnum deqa e ijo segi ñam soqtqa keresai. Qotei na e qari�bej deqa e aqa anjam mare mare laqnqai. E wau di uratqa keresai. Uratqai di Qotei na e gulbe ebqas. 17 E ijo segi areqalo na Yesus aqa anjam mare mare laosaieqnum. E Qotei aqa wau tamo unum deqa e aqa areqalo dauryoqnsim aqa anjam mare mare laqnum. E ijo segi areqalo na Yesus aqa anjam mare mare laqnum qamu e dena silali i�gi i�gi eqnum qamu. 18 Deqa e awai kiye oqai? Ijo awai agiende. E Yesus aqa anjam bole mare mare laqnsim dena e silali oqa urateqnum. Ijo awai bole agide. Bole, e silali oqa kere. Ariya e oqa urateqnum. E la�a tamo u�gasari na�gi Yesus aqa anjam bole minjre minjre laqnum. Ijo awai bole agide. 19 E kumbra kiye yqa are soqnim e yqai. E tamo bei aqa sorgomq di sosai. Di u�gum, e ijo segi areqalo na tamo kalil na�go sorgomq di sosim na�gi ka�galnjreqnum. E degyeqnum. Di kiyaqa? E tamo gargekoba na�gi are bulyetnjroqnit Qotei na na�gi ele�qajqa deqa. 20 Deqa e Juda na�go kumbra dauryeqnum. Di kiyaqa? E na�gi are bulyetnjroqnit Qotei na na�gi ele�qajqa deqa. Tamo na�gi dal anjam aqa sorgomq di unub qaji na�go kumbra dego e dauryoqnsim dal anjam aqa sorgomq di sobulejunum. Bole, e segi dal anjam aqa sorgomq di sosai. Ariya e na�go kumbra di dauryeqnum. Di kiyaqa? E na�gi are bulyetnjroqnit Qotei na na�gi ele�qajqa deqa. 21 Tamo na�gi dal anjam saiqoji unub qaji na�go kumbra dego e dauryoqnsim dal anjam saiqoji sobulejunum. Bole, e Qotei aqa dal anjam ti unum. Agi e Kristus aqa dal anjam aqa sorgomq di unum. Ariya e tamo na�gi dal anjam saiqoji unub qaji na�gi are bulyetnjroqnit Qotei na na�gi ele�qajqa deqa e na�go kumbra dauryeqnum. 22 Tamo si�gila saiqoji unub qaji na�go kumbra dego e dauryoqnsim si�gila saiqoji sobulejunum. Di kiyaqa? E na�gi are bulyetnjroqnit Qotei na na�gi ele�qajqa deqa. O ijo was ni�gi quiy. E tamo kalil na�go sorgomq di sosim na�go kumbra dauryeqnum. Di kiyaqa? E na�gi qudei are bulyetnjroqnit Qotei na na�gi ele�qajqa deqa. 23 E Yesus aqa anjam bole qa are qaloqnsim deqa kumbra kalil di yeqnum. Deqa mondo� Yesus na awai boledamu e ebqas. Tamo kalil Yesus aqa anjam bole qa na�go areqalo si�gilateqnub qaji na�gi dego awai di oqab. 24 E mandam tamo na�go ala� qa mer�gwai. Tamo na�gi gurguroqnsib bubu�eqnub di na�gi awai oqajqa deqa. Ariya tamo qujai a segi na na�gi kalil bu�njrsim awai oqas. Dego kere ni�gi la� qure qaji awai oqa marsib si�gila na gurguroqniy. 25 Tamo gurgureqnub qaji na�gi awai oqa marsib gurgur qalieqa osib na�go segi jejamu qaloqnsib si�gilateqnub. Deqa gurgur batiamqa na�gi si�gila na gurgurqab. Na�go awai di mandam qaji awai. Deqa na�go awai di koboqas. Ariya la� qure qaji awai iga oqa mareqnum di koboqasai. Di gaigai sqas. 26 Deqa e ururoqnsim la�a la�aq di �am atosaieqnum. E awai bole di koqyoqnsim urureqnum. E qoto tamo bul unum deqa e la�a la�aq di ijo ba� waiyosaieqnum. E tamo qalqajqa deqa ijo ba� ti�sim geregere waiyeqnum. 27 E ijo segi jejamu qaloqnsim geregere taqatoqnsim dena e si�gila eqnum. Di yawo anjam. Aqa utru agiende. Tamo u�gasari na�gi la� qure qaji awai oqajqa deqa e na Yesus aqa anjam bole na�gi minjre minjre laqnum. Ariya e segi dego awai di osaiaim deqa e si�gila na waueqnum.

‹ Chapter 8 1 Korin — All Chapters Chapter 10 ›

1 Korin 9

Cite / Share This Page