1 Korin 4

PNG

‹ Chapter 3 1 Korin — All Chapters Chapter 5 ›

1 O ijo was kalil, aqo Apolos wo iga Kristus aqa wau tamo. Iga Qotei aqa wau taqateqnum. Gago wau agiende. Iga Qotei aqa uli anjam mare mare laqnum. Ni�gi iga qa degsib are qaloqniy. 2 Ni�gi qalie, wau taqato tamo a na wau lanja aqa medabu dauryoqnqas. Dego kere e Qotei aqa medabu dauryeqnum. 3 Deqa anjam pegiyo tamo bei na kiyo ni�gi na kiyo ijo kumbra pegiyqab di u�gum. E deqa yala are qalqasai. E segi dego ijo kumbra pegiyosaieqnum. 4 Ijo kumbra uge bei unu kiyo di e geregere poibosai. Ariya e une saiqoji unum degsi marqa keresai. Tamo Koba a segi na e pegibqas. 5 Pegiyo bati brantosaiunu deqa ni�gi na tamo qudei na�gi peginjroqnaib. Ni�gi mati tari�esoqnibqa mondo� Tamo Koba a bosimqa a segi na i�gi i�gi kalil ambruq di uliejunub qaji di suwa�oq di atqas. Osim tamo kalil na�go areqalo dego boleq atqas. Yim bati deqa Qotei a gago segi segi kumbra unsim bole kiyo sai kiyo deqa mergwas. 6 O ijo was kalil, aqo Apolos wo gago kumbra qa agi e na ni�gi mer�gonum. Di kiyaqa? Ni�gi Qotei aqa anjam ne�gre�q di unu qaji de ti olo anjam qudei ti turtosib diqoqnaib deqa. Osib tamo qudei na�go ñam soqtoqnsib olo tamo qudei na�go ñam aguq atoqnaib deqa. 7 Ni�gi gate kokba unub e? Sai. Nu�go i�gi bole kiye Qotei na ni�gi e�gosai? Nu�go i�gi i�gi kalil agi Qotei na ni�gi e�gej. Deqa ni�gi kiyaqa mareqnub, “Iga gago segi si�gila na i�gi i�gi kalil di ejunum”? Ni�gi kiyaqa nu�go segi ñam soqteqnub? 8 Agi ni�gi are qaleqnub, “Iga i�gi i�gi kalil kere na unum. Iga ñoro koba ejunum. Deqa iga na Pol Apolos wo na�gi aiyel bu�njrsimqa iga segi mandor kokba bulonum.” O was ni�gi degsib are qalaib. Ni�gi mandor kokba bulonub qamu e ni�gi qa tula� areboleboleibqoqa Apolos ombla na ni�gi beter�gosim ni�gi koba na mandor kokba bulonum qamu. 9 Ijo areqalo agiende. Iga Yesus aqa anjam maro tamo unum deqa Qotei na gago ñam tula� aguq atej. Deqa iga tamo uge na�gi bulonum. Tamo uge na�gi agi anjam pegiyo tamo a na une ti qa minjroqnsiq moiyotnjreqnu. Od, a na mandam tamo ti la� a�gro ti na�go �amgalaq di na�gi moiyotnjreqnu. O ijo was kalil, iga tamo uge na�gi di bulonum. 10 Iga Kristus aqa ñam osi laqnum deqa iga nanari tamo bulonum. Ariya ni�gi powo ti sosib deqa ni�gi Kristus qa qalie bole. Iga si�gila saiqoji unum. Ariya ni�gi si�gila ti unub. Iga ñam saiqoji unum. Ariya ni�gi ñam ti unub. 11 Iga nami mam ti ya qar ti soqnem agi bini unum. Iga gara bolesai. Tamo qudei na iga ugeugeigeqnub. Iga tal saiqoji. 12 Iga �es na ti gago segi ba� na ti wauoqnsim unum. Tamo qudei na iga misili�geqnab iga kamba olo na�gi qa pailyeqnum. Tamo qudei na iga ugeugeigeqnab iga gulbe di qoboiyeqnum. 13 Tamo qudei na iga yomuigeqnab iga kamba olo na�gi anjam bole minjreqnum. Iga tamo sougetejunub qaji na�gi bulonum. Iga tamo u�gasari kalil na�go �amgalaq di i�gi tula� jigat bulosim unum. Iga nami degsi soqnem agi bini unum. 14 O ijo was, ni�gi ijo anjam endi sisiyosib jemai�gwajqa e deqa ne�gre�yosai. E nu�go areqalo tingitet�gwajqa deqa osim anjam endi ne�gre�yonum. Ni�gi ijo a�gro bole. E ni�gi tula� qalaqalai�geqnum. 15 Nu�go abu qujai agi e segi. Nu�go abu gargekoba sai. Tamo 10,000 na�gi na Kristus aqa kumbra ni�gi osor�goqnqab di u�gum. E qujai Kristus Yesus aqa anjam bole ni�gi mer�gonam qusib are bulyeb. Dena e nu�go abuem. 16 Deqa e ni�gi endegsi mer�gwai. Ni�gi ijo kumbra kalil dauryoqniy. 17 Utru deqa e Timoti qari�yonum a nu�goq bqo. E nami Tamo Koba aqa anjam Timoti minjnam a are bulyej. Deqa a ijo a�gro bole. E a tula� qalaqalaiyeqnum. A nu�goq bosim ijo kumbra qa ni�gi sai�gim quqwab. Ijo kumbra agiende. E Kristus beteryesosim a dauryeqnum. Ijo kumbra di e na sawa sawa kalilq di Kristen na�gi osornjreqnum. 18 Ariya ni�gi qudei endegsib are qaleqnub, “Pol a gagoq bqasai.” Osib ni�gi diqoqnsib laqnub. 19 O was ni�gi degaib. Tamo Koba a na odbimqa e nu�goq urur boqujatqai. Tamo na�gi diqoqnsib laqnub qaji na�go si�gila qabe na eqnub di unqajqa bqai. E na�go anjam maro la�a quqwajqa bqasai. 20 Ni�gi qalie, Qotei a gago Mandor Koba sosiq iga taqatgeqnu. A la�a anjam maro na iga taqatgosaieqnu. A si�gila na iga taqatgeqnu. 21 Nu�go are kiyersiq unu? E nu�goq bosiy �iri�t�gosiy tingit�gwai kiyo e bosiy ni�gi qalaqalai�gosiy lawo na gerei�gwai kiyo? Ni�gi segi mariy.

‹ Chapter 3 1 Korin — All Chapters Chapter 5 ›

1 Korin 4

Cite / Share This Page