1 Korin 1

PNG

‹ Chapter 0 1 Korin — All Chapters Chapter 2 ›

1 E Pol. Kristus Yesus na e qari�bej deqa e aqa anjam mare mare laqnum. Qotei aqa segi areqalo na e metbosiqa wau di ebej. O ijo was kalil, aqo gago was Sostenes wo anjam endi ne�gre�yosim nu�goq qari�yonum. Ni�gi Korin qureq di Qotei qa loueqnub qaji. Kristus Yesus na ni�gi ele�osiqa Qotei aqa segi kumbra boleq di atej. Qotei na ni�gi aqa segi tamo u�gasari sqa marsiqa ni�gi gilt�gej. Osiqa Kristen kalil qure qureq di gago Tamo Koba Yesus Kristus aqa ñam meteqnub qaji na�gi dego giltnjrej. Yesus a gago Tamo Koba. A Kristen kalil na�go Tamo Koba. 3 Gago Abu Qotei wo Tamo Koba Yesus Kristus wo na�gi aiyel ni�gi qa are boleinjrimqa ni�gi lawo na soqniy. 4 Kristus Yesus aqa wau na Qotei a ni�gi qa are boleiyej. Deqa e bati gaigai ni�gi qa are qaloqnsim ijo Qotei bi�iyeqnum. 5 Kristus aqa anjam iga nami ni�gi mer�goqnem qaji di nu�go are miligiq di si�gila na waueqnu. Ni�gi Kristus beteryejunub deqa Qotei na nu�go kumbra kalil qa ti nu�go anjam maro qa ti nu�go powo qa ti ni�gi tula� keret�gej. 7 Deqa ni�gi gago Tamo Koba Yesus Kristus a mondo� brantim unqajqa tari�oqnsib unub. Ni�gi Qotei aqa Mondor aqa si�gila ejunub deqa ni�gi si�gila bei qa truquosaieqnub. 8 Yesus Kristus a ni�gi gaigai si�gilat�goqnimqa ni�gi si�gila na tigeloqnsib gilsib gilsib di�o bati itqab. Yimqa gago Tamo Koba Yesus Kristus a la� qureq na brantim ni�gi Qotei aqa �amgalaq di une saiqoji sqab. 9 Yesus Kristus a Qotei aqa �iri. A gago Tamo Koba. Qotei na ni�gi met�gej deqa ni�gi Yesus beteryosib a ombla are qujaitosib unub. Qotei a tamo bole unu deqa a ni�gi urat�gwasai. 10 Ariya ijo was kalil, e gago Tamo Koba Yesus Kristus aqa ñam na ni�gi si�gila na endegsi mer�gwai. Ni�gi kalil anjam qujai maroqniy. Ni�gi anjam bei bei qa �iri�osib pupoele�aib. Ni�gi areqalo qujaitosib koba na geregere soqniy. 11 Tamo na�gi Kloe aqa talq di unub qaji na�gi na e endegsib merbonab quem, “Korin Kristen na�gi �iri�oqnsib anjam na qoteqnub." 12 O ijo was kalil, ni�gi anjam na qoteqnub qaji nu�go utru agiende. Ni�gi qudei mareqnub, “E Pol dauryo qaji tamo.” Ni�gi qudei mareqnub, “E Apolos dauryo qaji tamo.” Ni�gi qudei mareqnub, “E Pita dauryo qaji tamo.” Ariya ni�gi qudei mareqnub, “E Kristus dauryo qaji tamo.” Ni�gi anjam na qoteqnub qaji nu�go utru agide. 13 Ni�gi kiyaqa kumbra degyeqnub? Kristus a segi poele�osiq tamo gargekobaej kiyo? E Pol e segi ni�gi qa �amburbasq di moiyem kiyo? Ni�gi ijo ñam na yanso eb kiyo? Di sai. 14 E nami nu�go ambleq di sosim e tamo qudei na�gi yansnjrosaioqnem. E ijo kumbra deqa are qaloqnsim Qotei bi�iyeqnum. Od, Krispus Gaius wo na�gi aiyel e na yansnjrem. 15 Deqa tamo bei a endegsi marqa keresai, “E Pol aqa ñam na yanso em." 16 Bole, tamo na�gi Stefanas aqa talq di unub qaji na�gi dego e na yansnjrem. Ariya e tamo qudei na�gi dego yansnjrem kiyo di e poibosai. 17 Kristus na e tamo na�gi yansnjrqa marsiq e qari�bosai. E aqa anjam bole palontqajqa osiq e qari�bej. Deqa e mandam tamo na�go powo na Kristus aqa anjam palontosaieqnum. E degyeqnum qamu Kristus a �amburbasq di moiyej di a la�a moiyej qamu. 18 Tamo na�gi padalqa gamq di unub qaji na�gi mareqnub, “Kristus a �amburbasq di moiyej anjam di nanari anjam.” Na�gi degsib mareqnub. Ariya iga Qotei na ele�eqnu qaji iga mareqnum, “Kristus a �amburbasq di moiyej anjam di Qotei aqa si�gila ti unu." 19 Agi Qotei aqa anjam bei nami endegsib ne�gre�yeb unu, “Powo tamo na�go powo e na taqal atetnjrqai. Qalie tamo na�go qalie dego e na kobotetnjrqai." 20 O ijo was kalil, powo tamo ti dal anjam qalie tamo ti na�gi qa iga kiyersi marqom? Iga endegsi marqom. Na�gi mandam qaji powo ejunub deqa Qotei na na�gi olo nanaritnjreqnu. Od, tamo na�gi anjam na qotqajqa arearetnjreqnu qaji na�gi di Qotei na olo nanaritnjreqnu. 21 Mandam tamo na�go powo na na�gi Qotei qalieqa keresai. Qotei na aqa segi powo na gam getentetnjrej deqa na�gi a qa qalieqa keresai. Na�gi a qa qalieqajqa gam bei a na osornjrej. Gam agiende. Anjam iga palonteqnum qaji di tamo na�gi qusib Yesus qa na�go areqalo si�gilatqab di Qotei na na�gi ele�qas. Gam dena qujai na�gi Qotei qa qalieqab. Ariya tamo qudei na�gi anjam di quoqnsib mareqnub, “Di nanari anjam." 22 Agi Juda na�gi Qotei aqa ma�wa la�a unqajqa mareqnub. Grik na�gi mandam qaji powo oqajqa tula� si�gilaeqnub. 23 Kristus a �amburbasq di moiyej anjam di iga palontoqnsim laqnam Juda na�gi quoqnsib uge qa mareqnub. Grik na�gi anjam di quoqnsib nanari qa mareqnub. 24 Ariya tamo u�gasari Qotei na metnjrej qaji di Juda ti Grik ti na�gi qalie, Kristus a Qotei aqa si�gila ti powo ti unu. 25 Mandam tamo na�gi mareqnub, “Anjam di nanari anjam.” Di sai. Anjam di Qotei aqa powo ti unu. Anjam dena mandam tamo na�go powo tula� bu�yejunu. Mandam tamo na�gi mareqnub, “Anjam di si�gila saiqoji.” Di sai. Anjam di Qotei aqa si�gila ti unu. Si�gila dena mandam tamo na�go si�gila tula� bu�yejunu. 26 O ijo was ni�gi are qaliy. Qotei na ni�gi met�gej bati deqa ni�gi gargekoba mandam qaji powo saiqoji soqneb. Ni�gi gargekoba si�gila saiqoji soqneb. Ni�gi gargekoba ñam saiqoji soqneb. 27 Tamo qudei na�gi mandam qaji powo ejunub deqa na�gi mareqnub, “Tamo Qotei na giltnjrej qaji na�gi nanari tamo.” Yeqnab nanari tamo na�gi dena olo mandam qaji tamo na�gi di jemai enjreqnub. Tamo si�gila ti unub qaji na�gi mareqnub, “Tamo Qotei na giltnjrej qaji na�gi si�gila saiqoji unub.” Yeqnab tamo si�gila saiqoji na�gi dena olo mandam qaji tamo na�gi di jemai enjreqnub. 28 Tamo ñam ti unub qaji na�gi mareqnub, “Tamo Qotei na giltnjrej qaji na�gi ñam saiqoji unub.” Yeqnab tamo ñam saiqoji na�gi dena olo mandam qaji tamo na�gi di ñam aguq atetnjreqnub. 29 Deqa iga qalieonum, Qotei aqa �amgalaq di tamo bei na aqa segi ñam soqtqa keresai. 30 Qotei a segi na ni�gi Kristus Yesus aqa ba�q di atej. Deqa Kristus aqa wau na iga Qotei aqa powo ejunum. Kristus aqa wau na iga tamo bole ti�ti� unum. Aqa wau na iga Qotei aqa segi kumbra boleq di sosim walweleqnum. Aqa wau na Qotei a gago uneq na iga awaigej deqa gago une na iga olo taqatgwa keresai. 31 Utru deqa iga gago segi ñam soqtqa keresai. Agi Qotei aqa anjam bei nami endegsib ne�gre�yeb unu, “Tamo bei a ñam bei soqtqa marsimqa a Tamo Koba aqa ñam segi soqteme."

‹ Chapter 0 1 Korin — All Chapters Chapter 2 ›

1 Korin 1

Cite / Share This Page