གསུང༌མགུར། 76

¹ ༼རྒྱུད་ལྡན་གྱི་རོལ་ཆས་སྤྱད་ནས་དབུ་མཛད་ལ་སྤྲད་པའི་ཨ་སབ་ཀྱི་མགུར༌མ།༽ ཡ་ཧུ་དཱ་རུ་དཀོན་མཆོག་ཀུན་གྱིས༌ཤེས། །ཡེས་ར་ཨེལ་ནང་ཁོང་ཉིད་སྙན་གྲགས༌ཆེ།།

² སཱ་ལེམ་ཡུལ་དུ་ཁོང་གི་གུར་མཆོག༌ཡོད། །ཛ་ཡན་ལ་ནི་ཁོང་གི་བཞུགས་གནས༌མངའ།།

³ དེ་རུ་ཁོང་གིས་གཞུ་ཡི་མེ་མདའ༌དང༌། །ཕུབ་དང་རལ་གྲི་དམག་ཆས་རྣམས་བཅག༌གོ།༼ སེ༌ལཱ། ༽

⁴ ཁྱེད་ཉིད་གཟི་དཔལ་ལྡན་ཞིང་རི་རྣམས༌ཏེ། །རྔོན་ཤ་ མོད་པོ་རྣམས་ལས་བརྗིད་ཉམས༌ཆེ།།

⁵ དཔའ་སེམས་ཅན་ཀུན་བཅོམས་པས་གཏན་དུ༌གཉིད། །དཔའ་བོ་སུས་ཀྱང་ལག་པ་འདེགས་མ༌ནུས།།

⁶ ཀྱེ་ཀྱེ་ཡ་ཀོབ་དཀོན་མཆོག་ཁྱེད་ཉིད༌ཀྱི། །བཀའ་བཀྱོན་གྱིས་ནི་རྟ་དང་ཤིང་རྟ༌གཉིས། །སྟུག་པོ་གཉིད་ལ་ཡུར་བར་བྱས་པ༌དང༌།།

⁷ འཇིགས་པར་འོས་པ་ཁྱེད་ཉིད་གཅིག་པུ་ཡིན། །ཁྱེད་ཐུགས་ཁྲོ་དུས་ཁྱེད་དྲུང་སུ་འགྲེང༌ནུས།།

⁸ ས་གཞིའི་ཉམ་ཆུང་ཐམས་ཅད་སྐྱོབ་པའི༌ཕྱིར། །ཁྲིམས་ཐག་གཅོད་དུ་དཀོན་མཆོག་བཞེངས་པའི༌དུས།།

⁹ ཁྱེད་ཀྱིས་གནམ་ནས་དཔྱད་ཁྲ་ཁྱབ་བསྒྲགས༌མཛད། །ས་གཞི་འཇིགས་ཏེ་ཁ་ཁུ་སིམ་པོར༌གྱུར།།༼ སེ༌ལཱ། ༽

¹⁰ ཁོང་ཁྲོ་མི་ཡིས་ཁྱེད་ལ་བསྟོད་པ༌འབུལ། །ཐུགས་ཁྲོ་ལྷག་མ་ཁྱེད་ཀྱིས་འགོག་པར༌འགྱུར།།

¹¹ རང་གི་དཀོན་མཆོག་ཡ་ཝཱེར་དམ་བཅས༌ནས། །བསྒྲུབ་པར་གྱིས་ཤིག་ཁོང་གི་འཁོར་ཀུན༌གྱིས། །འཇིགས་འོས་ཁོང་ལ་ཕྱག་རྟེན་འབུལ་འོས༌སོ།།

¹² ཁོང་གིས་མི་ཆེན་རྣམས་ཀྱི་ང་རྒྱལ༌བཅག །ས་གཞིའི་རྒྱལ་པོར་ཁོང་ཉིད་འཇིགས་རུང༌ཡིན།།