གསུང༌མགུར། 54

¹ ༼ཟིབ་པ་རྣམས་འོངས་ནས་སོ་ལོ་ལ་དཱ་བིད་ནི་ངེད་རྣམས་ཀྱི་ཁྲོད་དུ་ཡིབ་ཡོད་པ་མ་ཡིན་ནམ་ཞེས་སྨྲས་པའི༌ཚེ། དཱ་བིད་ཀྱིས་རྒྱུད་མང་རོལ་ཆས་སྤེལ་མའི་བསླབ་བྱའི་མགུར་མ་འདི་བརྩམས་ཏེ་དབུ་མཛད་ལ་སྤྲད༌པ།༽ དཀོན་མཆོག་ཁྱེད་ཀྱི་མཚན་གྱིས་ང་སྐྱོབ༌རོགས། །མཐུ་སྟོབས་ཆེན་པོས་ང་ལ་དག་འབུད༌མཛོད།།

² ཕྱི་ཕྱོགས་མི་རྣམས་བདག་གི་དགྲ་རུ༌ལངས། །གདུག་རྩུབ་ཅན་རྣམས་ང་ཡི་སྲོག་ལ༌རྔམ། །དེ་ཚོས་དཀོན་མཆོག་མིག་ནང་མི་འཇོག༌པས། །ང་ཡི་སྨོན་ལམ་གསན་རོགས་ཀྱེ་དཀོན༌མཆོག །བདག་གི་སྨྲ་སྒོའི་གཏམ་ལ་གསན་པར་མཛོད།།༼ སེ༌ལཱ། ༽

⁴ ལྟོས་དང་ང་ཡི་གྲོགས་སུ་དཀོན་མཆོག༌ཡོད། །ང་ཡི་ཚེ་སྲོག་སྐྱོར་མཁན་གཙོ་བོ༌ཡིན།།

⁵ དགྲ་རྣམས་སྟེང་ལ་ཆག་སྒོ་བཟློག་གྱུར༌ཅིག །དྲང་བདེན་བཞིན་དུ་དེ་རྣམས་ཚར་ཆོད༌ཅིག།

⁶ དཀའ་སྡུག་ཀུན་ལས་ཁོང་གིས་ང་བསྐྱབས་ཤིང་། །དགྲ་རྣམས་ཕམ་པ་མིག་གིས་མཐོང་བས༌ན།།

⁷ རང་མོས་མཆོད་པ་བདག་གིས་ཁྱེད་ལ༌འབུལ། །ཀྱེ་ཀྱེ་ཡ་ཝཱེ་ཁྱེད་མཚན་ཡིད་དུ༌འོང༌། །བདག་གིས་ཁྱེད་ཀྱི་མཚན་ལ་བསྟོད་བསྔགས༌བརྗོད།།