2 Korint 3

PNG

‹ Chapter 2 2 Korint — All Chapters Chapter 4 ›

1 Nanak köna�amni kunbuk könahiba jim ölöwak�ama�göra mötmörize me? Mi qahö. Nup meme ambazip tosat�an Korint e�ön ye�gö köna�ini mötmegöra möta jim ölöwak kimbi ohobingö kapa� kölakze. Tosat�an Korint e�ön ye�gö köna�ini na�göba jiba jim ölöwak kimbi�i kimbi�i ohomegöra i�ini ku�gum e�gimakze. Nö�ön nupni di�di�anök meala�göra jim ölöwak kimbi mewö�a�göra qahö osizal. 2 Anutunö� Korint i�ini böröne al e�gii letota wölböt köt�i aka nan�inak nö�gö jim ölöwak kimbini ewö akze. Anutunö� nö�gö jim ölöwak kimbini mewö ohoiga ambazip körek�an silik tandök�ini dölök�i mi eka oyo�makze. 3 I�ini Kraistkö papia kimbi ewö akzei, mia�ön auk�e ahöza. Mosesnö� Köna keu�i na�im o�i i�k mia�ön köt tafenö� ohoyöhi, i�ini mia�gö dop qahö akzemö, Kraistnö� kimbi�i e�gö uru�ina�gö tafe�e kewö ohoi kinje: Ne�ön nup meinga öl�i asuhui Kraistnö� Anutu malmal köhöik�i To�a�gö U�a�i uru�ine ali letotket. Ambazipnö� nupnina�gö öl�i mi eketka mia�ön bauköm e�giiga nupnina�gö köna�i möt asarimakze. 4 Kraistpuk qekötahöinga Anutunö� nupnina�gö tandök�i mötza. Mia�göra nup meinga i�ini Kraistkö bu�a�i akeri, mi ölöp Anutugö je�e awösamkakak kinda jizin. 5 Nanini köhököhöi qak�e nup ölöp�i ki Anutugö je�e membina�gö dop akzini, mewö ölöp qahö jibin. Nanini yuai kunö� qahö lapingömakzinmö, Anutunö� nan�ök inahöba mötmöt ne�giiga nup ki memakzin. 6 Anutunö� inahöba mötmöt ne�giiga jöhöjöhö are� dölök�a�gö nup meme ambazip akzin. Mosesgö Köna keu�a�gö kulem�i mohot mohotköra urukönöp akinak ewö, keu mia�ön mönö keunini jim teköiga kömum köhöibinak. U�a Törö�a�gö nup are�i jim asariinga ya�ön mem gulim ne�giiga mal köhöibin. Mia�göra Köna keugö are�i miyök wuata�gömegöra qahö kapa� kölakzinmö, U�a Törö�i möt a�gön kölmegöra uru ku�gum e�gimakzin. Mewö. 7 Anutunö� Köna keu�i jiba kulem�i kötnö� möndömgöba ohoyökmö, ambazipnö� mi qahö tem kölgetka Anutunö� keu mia�gö dop kewöta likep�i mele� e�giiga kömumba köhömu�i mala kotket. Anutunö� mutuk Köna keu�i ne�giiga nalö mia�göre� asakmarara�an Mosesgö jemesohol�i qei asariyök. Asakmarara� mia�ön waziba ayapkömawa�gö dop ahökmö, mi töndup Israel ambazipnö� jemesohol�i törörök uba ekingö dop qahö aket. Gwötpuk asariyöha�göra mi osiget. Köna keugö Bu�a are� wal�an lök mewö asakmarara�ambuk asuhuyök. 8 Mewö asuhuyökmö, U�a Törö�an Bu�a are� dölök�i ne�gii mia�gö asakmarara�an asuhumawi, mia�ön mönö jöhöjöhö are� wal�a�gö asakmarara�i o�gita önö�i qahö asariba jenini gamugamu ahak�a. 9 Mutuk Mosesgö Köna keu asuhuba kewöt ne�giiga mia�gö dop könöp siagö bu�aya akzin. Bu�a keu mi lök aködamun�ambuk asuhuyök. Mia�göra Anutunö� keunini kewöta jim teköi solanibini, Bu�a keu mia�gö aködamun�an mönö keta bölök�i akza. Mia�ön jöhöjöhö are� wal�a�gö aködamun�i mi gwötpuk o�gita qetbu�a�ambuk akza. 10 Bu�a nup wal�an mutuk aködamun�ambuk ahökmö, mi Bu�a nup are� dölök�ambuk mindiriba kewöringa wal�i mia�ön mönö qetbu�a�i qahö akza. U�a Törö�a�gö nup are� mia�gö aködamun�an ö�gö�gö�i akzawa�göra nup are� wal�an mönö yuai oma�i ewö akza. 11 Anutu amötqeqe�a�gö köna wal�an lök waziba ayapkömawa�gö dop ahök. Mia�ön lök asakmarara�ambuk asuhuyök. Mia�göra köna dölök�i tetekö�i qahö ahöm ö�gömawi, mia�gö asakmarara�an mönö köna mutuk�a�gö asakmarara�i mi önö�i qahö o�gita jenini gamugamu ahakza. 12 Jöhöjöhö dölök�an tetekö�i qahö bauköm ne�giiga asakmarara�an asuhumawi, mewö Anutu jörömqöröm al wa�gimakzin. Mia�göra ke�götnini qahöpmahöp möta awösamkakak kinda keu mi kusum e�gimakzin. 13 Mosesnö� Israel ambazip asakmarara� waziba ayapköyöhi, mi ehibepuköra manjat möta jemesohol�i opo jahön�an esuhuyök. Ne�ön mia�gö dop qahö ahakzinmö, Bu�anini auk�eyök jimakzin. 14 Bu�a wal�a�gö asakmarara�i eketmö, uru�inan töndup gwözö�ni la� mala kotket. Nalö kewö�e mewöyök yuai kun�an mönö opo jöhan mia�gö dop Juda ambazip gwötpuk ye�gö uru�ini gwözö�ni malje. Mia�göra Jöhöjöhö Wal�a�gö Bu�a keu�i keu�i oyo�jei, mie�gö köna�ini mi törörök qahö möt asarimakze. Uru�ini mele�da Kraistpuk toroqegetka mewö mia�önök mönö opo jöhan�ini mi qeköi möt asarime. 15 Nalö kewö�e mewöyök Mosesgö Köna keu�i oyo�getka yuai kun�an mönö opo jöhan ewö uru�ini gwözö�ni mötmöt�inan lömbörii malje. 16 Mewö maljemö, Bu�a Kimbigö keu kun kewö ahöza, “Mosesnö� ‘Kembubuk eraum mötpit,’ jiba opo jöhan�i mesohol�eyök qeközapma.” Keu mewö ahöiga ye�göre�ök kun�an uru�i mele�da Kembubuk toroqezawi, nalö mia�göre�ök mönö yuai opo jöhan�a�gö dop mi qeköi Anutugö amötqeqe�a�gö köna�i möt asarima. 17 Keu mia�ön “Kembugöra” jiba mi mönö Kembugö U�a�a�göra jiza. Kembugö U�a Törö�an denike ye�gö uru�ine maljawi, ya�ön mönö si�gisöndok�ina�gö kösö�i pösariga solan�i (fri) malje. (Mewö mala solan�i di�di�i akingöra Köna keu wuata�göbingö qahö kapa� kölakze.) 18 Mia�gö dop urunini mele�ninga Kembugö asakmarara�an körek ne�gö je mesoholnine ku�guiga bilikbilik aliga jenini qahö esuhuinga ambazipnö� ne�geka Anutugö aködamun�i qetpuk mi piliknö� uba ehekö tandök ehakze. Nini mi qarim sehiba ehak�ea�gö dop letorakin. Mewö letota aködamun�i qetpuk mi qariba asariba Kembugö tandöktandök ahakin. Kembunö� U�aya akzawi, ya�gö asakmarara�an mönö mewö mem letot ne�gimakza. Mewö.

‹ Chapter 2 2 Korint — All Chapters Chapter 4 ›

2 Korint 3

Cite / Share This Page