IDI UFA 114
WBT1 Isaraee maqannaasa Yakooboona akeeku akaaku aanaamuru maqa maaqa Isipa maqa maaqakiqari quqasee aniqau. 2 Miqiqa ani marufanoo Yudana akeeku akaaku Yaaweena naaquqara fasiqa anaasee kammiqa mariqau. Isaraee maqannaasa Yaaweenaindi kammiqa mariqau. 3 Yaaweenaindi kiqa marufanoo Taatuqee Nammari misa nindafamasee quqasee sandanau. Yooradanna nammari faqa misa nindafeenoo kasooinau. 4 Maqa kasufanoo aaqanauqa faqa mimmi aanaaqiara foora kooripoo kooripoo imariqau. Kaqikaa amuaqu namuqaindi faqa sipsipa aanaaqiuqara maqi rafusaki rafusaki imariqau. 5 Oo maa Taatuqee nammari naqaa fee ifanee quqasee sandeenanee. Oo Yooradanna nammari anee faqa naqaa fee ifanee kasoo inanee. 6 Oo aaqana namuqa naqaa fee ifaqee mimmi anaaqiara foora kooripoo kooripoo ifee. Oo amuaqunamuqaindi innee faqa naqaa fee ifaqee sipsipa aanaaqiara foora rafusaki rafusaki ifee. 7 Maa maqa maaqafa mina quqoofa qumiranara aindiri raani. Yakooboona Anutufa qumu marinara aindiri aindiri raani. 8 Mi Anutufa ooniara qufanoo quandaki nammari farumaikinau. Mifa qufanoo afeeka ooniuqa aanaaqi nammariuqa kammafi qumi mariqau.