ZƏBUR 129

¹ Qoy İsrail söyləsin: «Mənə gəncliyimdən bəri əzab verdilər.

² Bəli, gəncliyimdən bəri mənə əzab verdilər, Lakin məğlub edə bilmədilər.

³ Elə bil kürəyimdə kotan sürüblər, Qamçılarla bədənimə uzun-uzun şırım çəkiblər.

⁴ Rəbb isə adildir, Pislərin buxovlarını qırdı».

⁵ Siona nifrət bəsləyənlərin hamısı Qoy xəcalət içində geri qovulsun!

⁶ Qoy cücərmədən solsunlar, Damda bitən ot kimi olsunlar!

⁷ O, biçinçinin ovcunu, Dərz bağlayanın qucağını doldurmaz!

⁸ Yoldan keçən onlara belə deməz: «Rəbb sizə xeyir-dua versin, Sizə Rəbbin ismi ilə alqış olsun!»