Ekalesiyestis 3

1 God, sawara tupadi kiiravidiye na kadi iri itoura. Bera tupadi mma kubura debane satubutubugha na ere kadi gabudara waghata: 2 Touna gabudara itore da wawaya inatubugha bi bada rabobo kana gabudara, wawa gabudarina itore bi bada yaba kana gabudara. 3 Kasunugha gabudarina itore bi bada wiiyawa kana gabudara, tayinarika gabudarina itore bi bada yoghana kana gabudara. 4 Dou gabudarina itore bi bada maniwa kana gabudara, wiinuwapoya gabudarina itore bi bada riku kana gabudara. 5 Touna akima wiirubusarana gabudarina itore bi bada wiitaghotaghoma kana gabudara. Wiiaghaghuwana gabudarina itore bi bada gewiiaghaghuwana kana gabudara. 6 Sawara wiinogha gabudarina itore bi bada wiiwapewapeyana kana gabudara, sawara kabitawana gabudarina itore bi bada wiitavetaveyana kana gabudara. 7 Gara gosira gabudarina itore bi bada popo kana gabudara, wiiraborabobo gabudarina itore, bi bada wiisisiya kana gabudara. 8 Wiinuwayuyuna gabudarina itore, bi bada wiigiyaguveyana kana gabudara, wiiaviya gabudarina itore, bi bada nuwaruriri kana gabudara.