Loum 8

1 Oseso nakwo Kɨlais Jisasɨênji ufohiênnyo soêno Anɨtu nakwoe honɨngkano wonyo somneêno sɨmeho tohino muhmnyofoho. Osoêno kako hungkuno ikwolofoso sohonta nakwoe wonyo somneêno nakumo tohinoso monejaponefoho. 2 Hwapɨngoso Anɨtuye Towahuno sohwo nakwo Kɨlais Jisasɨênji monahumokumentiso sohwo kako songo neêno humayoêne nejaposo sohwo kakoe yokumpohnênyoso yahino wonyo somtaêni isɨhutofonemaêmentisofoho. Osoêno oso yahino wonyo huhwo sohwo kako ngkimo poyo nɨmokumneêento yalokunjo sohwo ngkimo apaêno mipenɨmotawenohoho. 3 Mouses kako Anɨtuye honɨngkano hungkuno neyakwosamo uyɨmentiso sohonta kako nakwo aêamu hopiênonohino hnênwi honɨngkano ntoêno inɨngkapɨfitnneêento nejapmmentisofoho. I osoêno yahino wonyoso nakwoe sɨmeho moêmo mnawojo soêno nakwo yokumpohnênyo aneênwi nohumentani honɨngkano homo somo ntoêno minɨngkammentɨhwonefoho. Oseso nakwo honɨngkano hungkuno itoêno inɨngkayo yokumpohnênyoso aneênwi humentanɨngkuhwoni honɨngkano hungkuno hiso nakumo wopɨngo monamokummentisofoho. I osoêno Anɨtu kako wopɨngo namokumentisofoho. Hwapɨngoso kako kakoe Hwomu nakwoe hwaho lopo uhwojahonɨngki kako aêamu nakwo paênyo imoênɨmentisofoho. Oso kako aêamu nakwo paênyo imoênɨngkahonɨngki Anɨtu nakwoe wonyomneêno tohino engo uyahonɨngki Kɨlais oso hisoêno poyo imoênɨmentiso soêno Anɨtu kako oso yahino wonyo huhwo sohwoe yokumpohnênyo homo somo wae yaoêmentisofoho. 4 Honɨngkano hungkunoso ole lonetɨhwalofoho. Sekwo honɨngkano wopɨngomnohini finɨngkamno. I Anɨtu kako yahino wonyo sohwoe yokumpohnênyo wae yaoêmentiso soêno olohonta nakwoe sɨmeho yoêmayo wonyo umo lɨhwosi ko yososo nakwo minɨngkohwanehwono. Oso wonyoso nakumo monemokosyohumanehoho. Oêo, nakwo Anɨtuye Towahuno Wopɨngo soênji nohumentani kakoe mampaho osomo nupoênontani honɨngkano wopɨngoênohini somo tɨfi inɨngkowalokuhwono. Oseso Anɨtu nonahononto wopɨngo kuyoho nelalofoho. 5 Oseso aêamu hofɨkoe sɨmeho yoêmayo wonyo umo lonte osomo yahonɨngki oso homo somo hofɨko tɨfi inɨngkawowoênɨngkohofo soêno oso yahino wonyo hiso hofɨkimo yokumpohnênyo mokosyohumawoênɨngkisofoho. I, aêamu Anɨtuye Towahuno Wopɨngo hiênjo sohwo hofɨko kakoe mampahomo inɨngkawowoênɨngkohofo soêno Anɨtuye Towahuno Wopɨngo sohwo hofɨkimo yokumpohnênyo mokosyohumawoênɨngkisofoho. 6 Oseso oso yahino wonyo sohwo kako aêamumo aho yokumpohnênyo kemokosyohumawoênɨngkiso soêno hofɨko poyo peênɨngkuji tɨkanomo ufitnnefoho. I, Anɨtuye Towahuno Wopɨngo sohwo kako kakoe aêamumo aho yokumpohnênyo kemokosyohumawoênɨngkiso soêno hofɨko wopɨngo nohumafɨkuji sɨmeho pompenjiyoênji wohumantɨfeho. 7 Oso yahino wonyo sohwo kako aêamumo yokumpohnênyo mokosyohumentanɨngki hofɨko Anɨtuye mangohwa imoênɨmentohofofoho. Hwapɨngoso hofɨko Anɨtuye hungkuno somo enjwaêmo mohumunyofoho. Hofɨko Anɨtuye hungkuno homo somo inɨngkayoso hopoêmaho. 8 Aêamu hofɨko yoêmayo wonyo hofɨkoe sɨmeho umo lonteso iwoênɨngkohofo. Oso aêamu hiso hofɨko Anɨtuye sɨmeho wopɨngo umoênyoêneso mmokufitnnohofo. 9 I oseso Anɨtu kakoe Towahunoso sekwoe sɨmeho moêmo humunyoêmanji sekwo sekwoe sɨmehoso yoêmayo wonyoso umo lɨhwosi yososo miyonehoho. Oêo, sekwo Anɨtuye Towahunofe yahinomo inɨngkowalokwofo. I, aêamu fihwo kako Anɨtuye Towahuno ane hwoêmanji kako Anɨtuye aêamu hwoêmaho. 10 Yahino wonyo sohwo kako jɨje aêapahomo poyo kumokososo u, Kɨlais kako jɨje sɨmeho moêmo humunyo hwosɨêmanji jɨje huyoêmangoso songo wohumamontonoho. Hwapɨngoso Anɨtu wopɨngo hwosoho nto kilɨmentisofoho. 11 Jisas kako poyo peênɨngkahonɨngki Anɨtu kako apaêno songo ulɨkaêmentiso sohwo kakoe Towahuno kikimo kuhumunyo hwosɨêmanji kako Kɨlaisɨmo ulɨkaêmentiso hopaso kako jɨje aêapaho apaêno songo kilokafonefoho. Hwapɨngoso kakoe Towahuno kikimo kuhumunyofoho. 12 U, nje aêamu soku, yoêmayo wonyo nakwoe sɨmeho umo lonte osomo pehoêno inɨngkowalokwofo. Oso yahino wonyo huhwo sohwo sekumo mosemokosyohumanehoho. Oêo, awonoho. Olohonta nomêne songo nemokosyohumaho. Osohumnohini unɨngkowano. 13 Nakwo nakwoe sɨmeho yoêmayo wonyo uyano lɨfijoêmanji u oso hiso ifijoso sekwo poyo peênɨngkuji tɨkanomo ufitnnefoho. I osoêno sekwo sekwoe sɨmeho moêmo Anɨtu kakoe Towahunoso sekumo sehumunyo hwasɨêmanji kakoe yokumpohnênyoso nomafɨkuji yahino wonyo sɨmeho umo lɨwoênɨngkiso somo monje yasyɨkuji poyo umokantɨfeho. Poyo imokukuji sekwo songo wohumantɨfeho. 14 Aêamu Anɨtuye Towahunofe mampahomo haloho pewoênɨngkohofoso hofɨko Anɨtuye mehomi nefoho. 15 Anɨtu kakoe Towahunoso nakumo apaêno iyoho enamofoêne nejapmmentisoêmaho. Nakumo apaêno impe hopa nantofoêne nejapmmentisoêmaho. Oêo, Anɨtu kakoe mehomi ne imoênyoêne kako kakoe Towahuno Wopɨngo nejapmmentisofoho. Oseso nakwo kakoe mehomiênwi nohumentani nakwo Anɨtu kakineêno iyoho miyontani Nje Mpohwosoho ulɨwoênɨngkuhwonefoho. 16 Anɨtu kakoe Towahuno Wopɨngo sohwo kako nakwoe sɨmeho moêmo humunyo sohwo ole nalɨwoênɨngkohoho, Kɨko Anɨtuye mehomi hwosoho. Ose nalɨwoênɨngkiso soêno nakwo huno ole nayohoho. Ou, nehopi. Nakwo Anɨtuye mehomiênwoho. 17 Oseso nakwo Anɨtuye mehomi hnênɨmo Anɨtu kako kakoe mehomi hnênneêno yoêmayo elofisosyohumasoso nejaponefoho. Anɨtu kako yoêmayo Kɨlaisɨmo uyososo nakumo nejaponefoho. Olohonta nakwo Jisasɨênji mojokuênɨngkuhwasi yoêmayo tango Jisas maêmentiso hopaso womano lɨhwasi masoêmanji u hwangku noêmo nakwo Kɨlaisɨye yofe engo soênji kakoe ango wonyoangkafo soênji kakoênji nomanefoho. 18 Nakwo Anɨtumneêno syoho yontanɨngkuhwasi yoêmayo tango neêmasoso olo tango hiloso weêefoho. I hwangku nakwo Anɨtuênji nohumehwasi yoêmayo wonyoangkafo mɨkunɨmpososo ujo ehontojwasyoso somo uhwonɨngkuhwasi nakwo olo tango weêe losoêno huno mosyofɨsyanehwono. 19 Yoêmayo hopiênono ahwomomjo soênji hwahoponjo soênji Anɨtu mtɨêmokumentisoso hontohumaho. Yoêmayo soêno hontohumantɨfi Anɨtuye mehomi ne hnênɨmo utɨhwaênyopo ujo ehontojwonasyoso sohonta nahonyoêne umoênɨngkanɨngki hontohumaho. 20 Hohonta Atam kako Anɨtuye hungkunomo hwotoho hmmentiso sohonta olo nakwoe hwaho lopo yahino wonyoso iêmofapmmentisofoho. Hohosohonta yoêmayo Anɨtu kako mtɨêmokumentisoso Anɨtu kako hungkuno lahonɨngki yoêmayoso wonyo imoênɨmentisofoho. Oso yoêmayo yofoho, piso hohwayo oso iwoênɨngkiso uhwonɨwoênɨngkuhwoneso apaêno wopɨngo imoênyoêne hontohumaho. 21 Nakwo Anɨtuye mehomi ne hnênɨmo ujo ehontojwonasyoso sohonta yoêmayo Anɨtu mtɨêmokumentisoso apaêno wopɨngo imoênonefoho. Oso hohosohonta yahino wonyoso nɨhuênahone moiêwo imoênɨngkuhwosi nakwo aêamu hnênnonji yoêmayo soênji Anɨtu kakoe yofe engo soênji kakoe yokumpohnênyo soênji nohumentɨhwanefoho. 22 Nakwo huno moiêwonoho. Yoêmayo hopiênono Anɨtu mtɨêmokumentisoso oso wopɨngo iêmofapone soêno hontohumafɨkuji hofɨko tohino tɨpemayoso moyaêmi sofa hofɨko mehomi aswo mantɨfi tohino tɨpemawoênɨngkohofo oso hopa tɨpemaêmopɨkujo somtaêangoso olohonta uêmofapmmontonoho. 23 I, yoêmayo tohino Anɨtu mtɨêmokumentiso osomnohini mumnalofiyoho. Oêo, nakwo aêamu hiênnonjimo nemnalofoho. Anɨtu kako yoêmayo hwangku nakumo nejapone soêno hofɨko huno syafɨhupitnneêento kakoe Towahuno sɨmoêmo nejapmmentisofoho. I olohonta nakwoe aêapahoso yahino wonyo sohwoe yokumpohnênyo somo enjwaêmo humentani tohino engo nemnɨngkahonɨngki youwo youwo lontani nakwo olo soêno hontohumalohwono. Anɨtu kako nakumo yahino wonyo sohwoe yokumpohnênyo somtaêni nɨhuênahone asomo nemahwosi kako nakumo aêapaho songo nejapɨhwosi nɨhuênahone nakwo kakoe mehomi ne imoênyoêne namokonefoho. 24 Nakwo oso hiso ne imoênyoêne hontohumalohwono. U, oso yoêmayo hiso ne imoênontentesi nakwo mohontohumehwanesohilo. U, hwe fihwo kako oso yoêmayo hisoêno nohontohumahwosi oso ne homo somo nuhwonɨngkuhwosi osoêno kako apaêno mohontohumanehoho. 25 U, nakwo yoêmayo muhwonyo soêno nakwo huno syofɨsyɨhwasi sɨmeho hiêntnnono uyasoso u, neso womantanoho. Osoêno nohontohumehwasi inɨngo momofanehwono. 26 Oso hisoêno hontohumalohwone hiso nakwo yokumpohnênyo aneênwi humentanɨngkuhwoni Anɨtu kakoe Towahuno Wopɨngo huhwoênji nakwo Mpohumo jomo ujo soêne nefoêmawoênɨngkisofoho. Nakwo Mpohumo pehofo ulaneêentani huno moneyahonɨngki nakwoe sɨmeho moêmnohini humotaho lalokuhwono. Osoêno nakwo yoloho ne hisoêno Mpohumo mujofoho. I osoêno Anɨtu kakoe Towahuno Wopɨngoso nakwoe sɨmeho moêmo nakuneêno hitoho ulofahonɨngki kako Anɨtumo nakuneêno yoloho ulɨwoênɨngkisofoho. Oso Towahunofe mampahoso Anɨtu kakoênohini upaênɨwoênɨngkohoho. 27 Mpohwo kakoênohini nakwoe sɨmeho moêmo nahonyo sohwo kako Towahunofe huno somneêno huno uyohoho. Towahuno sohwo kako yoêmayo Anɨtu kako umoênalokunjo soêno huno uyahonɨngki kako nakumneêno Mpohumo jomo ujosoêno ntoêno ulɨwoênɨngkisofoho. 28 I nakwo olo soêno huno nayohoho. Anɨtu kako aêamuso nje yahinoso ifitnneêento imentiso osomo uhwosopoêmentisofoho. Aêamu hiso hofɨko Anɨtumo sɨmeho ufijoêmanji yoêmayo tango uêmaso somo Anɨtu kako oso homo somo wopɨngo umokiyoêne hweho. 29 Hwapɨngoso hohonta Anɨtu kako nakumneêno huno uyahonɨngki Anɨtu nje hwomu hopa imoênɨfitnneêento nahwosopoêmentisofoho. Oseso Kɨlais nelaêwehwo kako sɨmoêmtaêango sohwo imoênɨngkahonɨngki nakwo aêamu piênɨngo engo hnênwi homnɨngkwaêwehwo homnampisyonaêni imoênalokuhwono. 30 Hohonta Anɨtu nakumo nahwosopoêmentisofoho. Nahwosopoêmentiso hnênɨmo ngkimo nɨêmapitnneêento joho nalɨmentisofoho. Joho nalonto wopɨngo nalohoêmentiso soêno ole nelalofoho. Sekwo wopɨngo kuyoho. Wopɨngo namokumentiso soêno nakwo kakoe yofe engoênji kakoe yokumpohnênyoênji nohumentɨhwanefoho. 31 I oseso Anɨtu kako nakumo yoêmayo wopɨngo nalohoêmentiso soêno nakwo huno pehofo syofɨsyanehwono. Anɨtu nakwoênji humanto nefoêmawoênɨngkiso soêno nakumo aêamu wonyo nalohofɨwoênɨngkohofo somneêno huno piênɨngo mosyofɨsyanehwono. Oêo, hofɨko nakumo moneyakolopitnnehofo. 32 Anɨtu nakuneêno hitoho ulofahonɨngki kakoe Hwomu kakineêno sɨmeho uyɨwoênɨngkiso sohuneêno nakumo wonejapmmonteso huno piênɨngo mosyafɨhuêmmentisofoho. Oêo, awonoho. Nakwoe wonyomneêno poyo peênoneêento uhwatɨmentisofoho. Oseso oso kakoe hwomu nejapmmentiso soêno nakwo huno ole nayohi, Yoêmayo nefoêmayoêne hi wonejapmmontonoho. 33 Anɨtu nakumo kakoêne nahwosopoêmentiso hnênɨmo sekwo wonyo kuyoho eso tɨhwo wonalɨmontolo. Oêo, Anɨtu huhwo kako nakwoe wonyo wae enamofonto wopɨngo kuyoho nalɨwoênɨngkisofoho. 34 Nakwoe yahino wonyo somneêno tohino womapɨfe eso tɨhwo walɨmontolo. Oêo, Kɨlais Jisas oso wonyo homo somneêno poyo peênonto apaêno songo lɨkaêmentiso sohwo kakoe kanɨngkwohwo Anɨtuye aho anga sohohntaêni nohumentanɨngki Seten kako nakumneêno wonyo kuyoho nelahonɨngki Kɨlais nakumneêno Mpohumo jomo ulalofoho. 35 Jisas Kɨlais nakumo hitoho mɨkunɨmposo engo nejapɨwoênɨngkisoso wae pehohwo wenamoêmtolo. U, yoêmayo tango nakumo neêmasoêmanji u tohino tɨpemasoêmanji u aêamu wonyo nalohopijoêmanji u mijoho nayosoêmanji yoêmayo soênji manjiêmofo osoêno umofonyo iyoêmanji yoêmayo wonyoso nakumo wonyo wonamokumo lɨhwosi yosoêmanji u poyo wonamokumo lɨhwosi yosoêmanji i oso yoêmayo hopiênonohino hiso Jisas Kɨlais kako nakumo hitoho ulofalokunjo somtaêni nakumo wae menamofonehoho. 36 Oso yoêmayo hiso neêmaso soêno aêamu Anɨtuye hungkuno mtɨêmokumentohofo sohwa ole mtɨêmokumentohofi, Nakwo jɨje aêamu hnênwi jɨje syoho mjɨmopontanɨngkuhwoni aêamu hofɨko nonahonontɨfi nonafotofontɨfi fonjonesyalokwofo. Aêamu tongomo uhwonontɨfi fonjasyɨwoênɨngkohofo hopaso nakumo nahonontɨfi wofonjonesyantɨfeêno yalokwofo. Ose mtɨêmokumentohofofoho. 37 Oso hisoêno nakwo huno mosyofɨsyalokuyɨhwono. Oêo, Jisas Kɨlais nakumo sɨmeho mɨkunɨmposo engo nejapɨwoênɨngkiso soêno yoêmayo tango hopiênonohino neêmante somo nakwo nɨhuênahone monje esyahonɨngkuhwoni Anɨtu yoêmayo homo somo uyakolofoêne namokuwoênɨngkisofoho. 38 Ou, ngko olo soêno sɨmeho hiêntnnono uyalokwe soêno ngko huno ole niyohoho. Anɨtu ngkimo hitoho mɨkunɨmposo engo ntapɨwoênɨngkiso osoêno wae yanɨmofoêne sohwo mohumuyoho. Oêo, nɨhuêno awonoho. Oseso Kɨlais nakumo hitoho nejopalokunjo somtaêni nakumo wae menafonehoho. Ou, nehopi. Songo humayo soênji poyo peênyo soênji aêamu ahwomo mtaêango soênji hwahoponjo towahuno wonyo soênji yoêmayo hohonta iêmofapmmentiso osoênji tɨfi imoênone soênji yoêmayo yokumpohnênyo kengo kengo soênji 39 i yoêmayo yokintahoponjo soênji hwahoponjo soênji oso nomêne yoêmayo huêmehinawojo soênji oso yoêmayo hopiênonohino hiso Anɨtu hitoho nejopalokuso somtaêni nakumo wae menaofonehoho. Oêo, nakwoe Hwe Engo Jisas Kɨlais nakumo wopɨngo nalohoêmentiso osoêno Anɨtu kako hitoho neêno nejapmmɨhwonefoho.