Loum 3

1 Aêamu Jutaso aêamu temtitofo kengo mtaêango somo yakolofoso pipilo. Aêamu aêapaho sɨhu makoloênyo sohwamo aêamu aêapaho sɨhu koloênyoso yakolofo pipilo. Osenoho. 2 Aêamu Juta somo Anɨtu kakoe hungkuno mokosyohumayoêne uyɨmentisofoho. Osoêno aêamu Jutaso nomêni hwamo uyakoloêmentohofofoho. 3 I osoêno aêamu Juta fehohnjoso oso hungkuno homo somo tɨfi minɨngkayoênjo yontɨfi ntoêno minɨngkammentohofofoho. I hofɨko Anɨtuye hungkunomo sɨmeho muyoênjo imentohofo soêno Anɨtu kako kakoe hungkuno hiso aêamu Juta somo uyɨmentiso soêno Anɨtu inɨngo umontolaho. 4 Nɨhuêno awonoho. Nakwo aêamu hwahoponjo hnênwi hwasyo hungkuno lɨwoênɨngkuhwono. I Anɨtu kakoênohini kako hungkuno nehopiênohino hweho. Yoêmayo soêno lɨwoênɨngkisoso ne imoênɨwoênɨngkiso hweho. Aêamu Anɨtuye hungkunoso mtɨêmokumentohofo sohwa ole mtɨêmokumentohofi, Anɨtu sohwosi kɨko jɨje hungkunoso neênjoênohino hwosoho. Aêamu hofɨko jɨje hungkuno somneêno hungkuno kilɨfijoso u, kɨko uyakoloêmonnoho. I osoêno aêamu hopiênono hofɨko jɨje hungkuno nehopiênohino soêno huno uyɨmontonoho. Ose mtɨêmokumentohofofoho. 5 Sekwo huno pipi seyohoho. Nakwo yahino wonyo iwoênɨngkuhwone soêno Anɨtu kako tohino nejaposo somo aêamu nahonɨngkuji ole wolantɨfeho. Anɨtuye yahino itoêno inɨngkayoêne mɨhwajiyoêne yahinoso wopɨngofoho. Ose lɨkuji Anɨtuye yofe wohoênomantɨfeho. Oseso nakwoe yahino wonyo iwoênɨngkuhwone Anɨtuye yofe engo imokalokuhwono. Aêamu fehohnjo huno ose syofɨsyalokwofo. Osoêno hofɨko ole wolantɨfeho. Nakwo yahino wonyo iwoênɨngkuhwoneso Anɨtuye yofe engo imokalokuhwoneêmanji kako tohino nejapeso wopɨngotaho. Oso aêamu hwahoponjofe hunofoho. 6 Oso aêamu sohwa huno ane hwafoho. I Anɨtu kako nakwoe wonyomneêno yano monalofiyoêmanji kako hwe moyaêmi hopiênonohinofe honɨngkano wonyomneêno yano pipi ulohmmontolo. 7 Aêamu fehohnjoso hofɨko Anɨtumo olo soêno yoka ulalokwofo, Aêamu hofɨko nje fosyohumayo wonyo somo nohonɨngkujoêno Anɨtuye hungkuno neênjoso utɨhwaênyopo iêmofapɨhwosi hofɨko Anɨtuye yofe engo wohoênomantɨfeho. Osoêno Anɨtu kako ngkimo wonyo hwosoho eso pehoêno ntantofoho. Nje yahino wonyo somneêno tohino pehoêno ntopantofoho. 8 Oso yoka hungkunoso neênjoêmanji aêamu fihwa ole wolantɨfeho. Nakwo honɨngkano wonyo neêno uyano. Olo honɨngkano wonyo hiso neêno yasoêmanji aêamu hofɨko Anɨtuye yofe engo wohoênomantɨfeho. Oso hwasyo hungkuno hiso huno nosyofɨsyɨhwaloho. Aêamu fiso hofɨko olo hungkuno losoêno ngko Poulɨêni lɨmale soêno hofɨko hwasyo lalokwofo. Hofɨko nje yofe monje enɨsyalokwofo. Aêamu hiso hofɨko oso hwasyo hungkuno somneêno tohino mayoso hoponoho. 9 Oseso nakwo aêamu Juta hnênwi nakwo nomêne aêamu somo nuyokolofanetaho. Nɨhuêno awonoho. Temtitofo kengo soênji nakwo aêamu Juta hnênnonji honɨngkano wonyomo humalohwono. 10 Aêamu Anɨtuye hungkuno mtɨêmokumentohofo sohwa ole mtɨêmokumentohofi, Aêamu angaênohinohwo honɨngkano wopɨngoênjohwo mohumuyoho. Oêo, aêamu hopiênonohinoso honɨngkano wonyomo humalofo. 11 Aêamu angaênohino fihwo kako honɨngkano wopɨngo somneêno hunoênjohwo imoênonto Anɨtuênji humamneêento honɨngkano wopɨngo tɨpemanto mohumuyoho. 12 Oêo, aêamu hopiênono honɨngkano hwasyo somo nto hwosopeeoêmentohofo. Nohwosopeemofontɨfi Anɨtumneêno hohujo nto ikinjaoêmentohofofoho. Aêamu angaênohino fihwo kako honɨngkano wopɨngomo inɨngkunyo sohwo mohumuyoho. Nɨhuêno awonoho. 13 Aêamu aêmopijohino mtaêni pisakino wawoênɨngkiso hopaso aêamufe mango mtaêni pisakino hungkuno swapɨwoênɨngkisofoho. Hwasyo hungkunoso mijo ifofayo paênyo lɨwoênɨngkohofofoho. Homa memijo wonyoênjo sohwo kako aêamumo wonyo umokuwoênɨngkiso hopaso aêamufe mango mtaêni hungkuno wonyo swapɨhwosi aêamumo wonyo umokumontonoho. 14 Aêamufe mango mtaêni nomêne aêamu somneêno sɨfajoênji yokaênji swapɨwoênɨngkisofoho. 15 Hofɨko nomêne aêamumo komoênohino siki fonjasyɨwoênɨngkohofofoho. 16 Hofɨko angoêmeemo nowentɨfi aêamumo tohino engo uyahonɨngkofi hofɨko tango engo mawoênɨngkohofofoho. 17 Hofɨko aêamu sɨmeho afa inontɨfi humawoênɨngkohofo sofe yahino somo minɨngkayoênjo iwoênɨngkohofofoho. Osoêno sɨmeho pompengo mifɨsyɨmofɨwoênɨngkiyohofo. 18 Hofɨko Anɨtumneêno iyoho munyofoho. Hofɨkoe yahino wonyo somneêno hofɨko Anɨtu nehonalofoho eso mosyafɨsiyofoho. Aêamu Anɨtuye hungkuno mtɨêmokumentohofo sohwa ose mtɨêmokumentohofofoho. 19 Nakwo huno nayohoho. Anɨtu kako kakoe honɨngkano hungkuno nejapmmentisoso oso hungkuno homo somo enjwaêmo humafitnneêento nejapmmentisofoho. Nakwo honɨngkano homo somo itoêno minɨngkayoênjo soêno nakwo nakwoe honɨngkanoso wopɨngoênjo hwonaênyoho eso mohnnanehwono. Osoêno Anɨtu kako nakwoe hungkuno ikwolofoso sohonta nakwo hungkuno aneênwoho. 20 Aêamu fihwo kako Anɨtuye honɨngkano hungkuno somo hofiyo ko inɨngkawesoso Anɨtu kako wopɨngo hwosoho eso mulonehoho. Hwapɨngoso honɨngkano hungkuno hiso nakwoe honɨngkano wonyo soêno netɨhwayoênefoho. Osoêno Anɨtu hungkuno hiso nejapmmentisofoho. 21 Anɨtuye yahino aêamumo foêmayoêneso olohonta utɨhwaênyopo nto iêmofapohoho. I oso Anɨtuye yahino wopɨngo iêmofapisoso honɨngkano hungkuno mtaêni mêmofapohoyohoho. Oêo, honɨngkano hungkuno soênji aêamu Anɨtu hungkuno uyahonɨngki lɨmotofo sohwafe hungkuno soênji olo yahino nomêne songo somneêno nalɨmentisofoho. I oso hiso nomêne honɨngkano mtaêni iêmofapohoho. 22 Honɨngkano ntoênohino songo hiso olenoho. Aêamu Jisas Kɨlaisɨmo sɨmeho hiêntnnono uyalokunjo sohumo Anɨtu ole ulalofoho. Wopɨngo hwosoho ose ulalofoho. I aêamu hopiênono Jisasɨmo sɨmeho hiêntnnono uyɨwoênɨngkohofo somo Anɨtu sekwo wopɨngo kuyoho ulalofoho. Osoêno nomêne honɨngkanoso mawoênnyoponoho. 23 Nakwo hwe moyaêmi hopiênonohino hnênwi honɨngkano wonyoênjɨênwoho. Osoêno nakwo Anɨtuênji ahwomomo humaneso hopoenohinɨêmaho. 24 I osoêno Anɨtu kakoe huno mtaêni wopɨngo wonalohoêmonto kakoe hwomu nakumo siki nejapmmentisofoho. Jisas Kɨlais kako nakwoe wonyomneêno poyo peênɨmentiso soêno nakwo oso homo somo sɨmeho uyɨhwasoêno Anɨtu kako nakumo ole wonalɨmontonoho. Sekwo nje mehomi soku wopɨngo kuyoho. 25 Anɨtu kakoe hwomu Jisas Kɨlais nakumo nejapmmentiso sohwo nakwoe wonyomneêno tohino engo maêmentiso soêno Anɨtu kako oso wonyo homo somneêno sɨmeho tohino umnɨmentiso soêno Jisas kako pompengo ifisyaêmentisofoho. Osoêno Anɨtu kako aêamu wonyo hohonta imentohofo soêno kako aku tohino komoêno muyofoho. Hwapɨngoso oso sɨkuno Jisas aêamufe wonyo somjo tohino wae yaofoêne osoêno hontohumamentisofoho. Olohonta aêamu honɨngkano wonyoênjoso hofɨko hofɨkoe wonyo somneêno Jisas poyo peênɨmentiso soêno sɨmeho hiêntnnono uyɨkujoêno Anɨtu aêamu homo somo ulɨmontono, Sekwo honɨngkano ntoênohinoênjo kuyoho. Nakwoe wonyo somneêno Anɨtu kako Jisasɨmo tohino uyɨmentiso soêno kakoe yahino itoênohino somo ujo ehontojwahumentisofoho. Nakwo Anɨtuye yahino itoênohino somo uhwonalokuhwono. 27 Nakwoe yofe hoênomaênyoêne honɨngkano ntɨêmo weho. Oêo, nɨhuêno awonoho. Oso honɨngkano hiso nɨhuênahone nto pɨjwaoêmaho. Oso honɨngkano hiso peho pɨjwaoêmaho. Nakwo Anɨtuye honɨngkano hungkunomo hofiyoêno inɨngkowentanɨngkuhwanesohilo. Oêo, nɨhuêno awonoho. Yoêmayo wopɨngo Jisas nalohoêmentiso somo nakwo sɨmeho hiêntnnono uyalokuhwone soêno oso hiso nakwoe yofe hoênomaênyo honɨngkano somo nto pɨjwaoêmaho. 28 Osoêno nakwo huno ole nayohi, Aêamu fihwo kako Jisas Kɨlaisɨmo sɨmeho hiêntnnono uyɨwoênɨngkiso oso humnohini Anɨtu kako wopɨngo hwosoho ulɨmontonoho. I honɨngkano hungkunomo itoêno inɨngkayo yahinoso hopoenohinɨêmaho. 29 U, oso Anɨtu sohwo kako aêamu Juta sokuneênohino hwolaho. Nomêne temtitofo oso hwa ane hwolaho. Oêo, awonoho. Anɨtu sohwo kako aêamu hopiênonohinofe Anɨtuyoho. 30 Ou, Anɨtu ne sohwo kako angaênohinohwo humaho. Aêamu fihwo kako kakoe aêapaho sɨhu koloênnyo sohwo kako Jisas Kɨlaisɨmo sɨmeho hiêntnnono uyoso sohumo Anɨtu ulɨmontono, Kɨko wopɨngo hwosoho. I aêamu nomêne kako kakoe aêapaho sɨhu makoloênyo huhwo Jisasɨmo sɨmeho hiêntnnono uyo huhumo ulɨmentono, Kɨko huhwosi wopɨngo hwosoho ulɨmontonoho. 31 Nakwo Jisas Kɨlaisɨmo sɨmeho hiêntnnono uyasoêmanji i nakwo honɨngkano hungkuno somo hwotoho wofeentantaho. Oêo, nɨhuêno awonoho. Nakwo Jisas Kɨlaisɨmo sɨmeho hiêntnnono uyɨhwasoêno nakwo honɨngkano hungkunomo hoênomalokuhwono.