Loum 15

1 Nakwo Anɨtuye huno engo tɨpemaênyo hnênwi nakwo nomêne aêamu Anɨtuye huno weêeênjo somo yokumpohnênyo utofano. Oso aêamu homo somo yoêmayo tango hofɨkimo uêmasoso hofɨkoênohini intofoso hopoêmaho. Nakwo hofɨkimo ufoêmano. Nakwo nakwoe yoêmayo yahino osomnohini huno syafɨhuênɨngkuhwaloho. 2 Nakwo aêamu angaêno angaênohino hnênwi nakwoe humayoênohini somneêno huno syofɨhuênɨngkuhwaloho. Oêo, nakwo aêamu hopiênono Anɨtumo sɨmeho unyo somo ufoêmano. Oseso nakwo hofɨkimo ufoêmehwasoêno hofɨko Anɨtuye yahino wopɨngo ne somo inɨngkakuji hofɨko yokumpohnênyo wolohofantɨfeho. 3 Osoêno nakwo huno nayohoho. Kɨlais kako kakoe humayo soêno syafɨhuênɨmentisoêmaho. Oêo, kako nakuneêno syonafɨsyonto hwahopo pmmentisofoho. Kɨlaisɨye yahino hisoêno hohonta aêamu Anɨtuye hungkuno mtɨêmokumentohofo sohwa ole mtɨêmokumentohofi, Aêamu kikineêno hungkuno wonyo kilɨfijoso oso hofɨkoe wonyo hungkuno huhwo sohwo ngkimo ifehuêmokanɨsyohoho. Oso hungkuno hiso Kɨlaisɨmneêno mtɨêmokumentohofofoho. 4 Oso aêamu Anɨtuye hungkuno mtɨêmokumentohofo sohwa hofɨko oso hungkuno hopiênono hiso nakwo Anɨtumneêno huno tɨpemayoêne mtɨêmokumentohofofoho. Oso hungkuno hiso nakumo yokumpohnênyo nasosofitofoênefoho. Osoêno nakwo Anɨtumneêno yokumpohnênyo lohofontani nakumo Anɨtu asomo netɨmayoêne hontohumalohwono. 5 Anɨtu kako nakumo yokumpohnênyo nasosofitofoêne sohwo kako nakwo yokumpohnênyo lohofoêne nefoêmawoênɨngkiso hweho. Osoêno kako nakumo Kɨlais Jisasɨye hunomnohini nehopi inɨngkohwasi oso huno homo somnohini aho yokumpohnênyo kemokosyohumayoêne wonefoêmaêmontonoho. 6 Oseso sekwo sɨmeho afa inɨngkuji sekwoe huno angaênohino soênji sekwo Anɨtuye yofe fohoênomapmno. Oso Anɨtu huhwo sohwo kako nakwoe Hwe Engo Jisas Kɨlaisɨye kanɨngkwohweho. 7 Jisas Kɨlais nakumo kakoe aêamu ne imoênyoêne netɨmaêmentiso hopaso nakwo nomêne aêamu huno engoênji huno weêeênjo somo sɨmeho afa inyoêne utɨmano. Osoêno nomêne aêamuso hofɨko nakumo nahonɨngkuji Anɨtuye yofe wohoênomantɨfeho. 8 Hohonta Anɨtu aêamu Juta sofe ajuyohwosamo hungkuno uyɨmentiso soêno Kɨlais kako oso hungkuno hiso ne imoênyoêne aêamu Jutafe syoho ulohofiyo imoênɨmentisofoho. 9 Osoênohinɨêmaho. Oêo, Anɨtuye hitoho engoso aêamu temtitofo kengo kengo hiênjimo ifehuêmokasyɨhwosi hofɨko hi Anɨtumo sɨmeho wopɨngo uyɨfitnneêento Jisas pmmentisofoho. Aêamu Anɨtuye hungkuno mtɨêmokumentohofo sohwa ole mtɨêmokumentohofi, Oseso ngko jɨje hungkunoso aêamu temtitofo kengo somo ulɨmonnoho. Ngko jɨje yofe hoênomayoêne ta walɨmonnoho. 10 Nomênepo ole mtɨêmokumentohofi, Sekwo aêamu temtitofo kengo sɨkunonji sekwo aêamu Juta Anɨtu sehwosopoêmentiso osɨkunonji sekwo Anɨtumneêno sɨmonyo fiyɨmno. 11 Nomênepo ole mtɨêmokumentohofi, Sekwo aêamu temtitofo kengo soku sekwo Anɨtuye yofe fohoênomapmno. I aêamu hopiênonohino soku sekwo Anɨtuye yofe engoso fohoênomapmno. 12 Nomênepo Aisaiya kako Kɨlaisɨmneêno ole mtɨêmokumento, Aêamu fihwo Juta mtaêango sohwoe yofe Jesi oso hwoe imu sohwa mtaêni Hwe Engo imoênonefoho. Oso hwe engo huhwo sohwo kako oso temtitofo kengo sofe Hwe Engo hweho. Hofɨko kakimo sɨmeho uyɨkujoêno hofɨkimo asomo utɨmayoêne wohontohumantɨfeho. Aisaiya ose mtɨêmokumentisofoho. 13 Osoêno Anɨtu kako nakwoe sɨmeho hiêntnnono uyoêneso hwapɨngo hweho. Nakwo Anɨtumo sɨmeho hiêntnnono uyɨwoênɨngkuhwone sohumo kako nakumo asomo netɨmayoêne hontohumalohwono. Osoêno sekwoe sɨmeho wopɨngo soênji sekwoe sɨmeho pompenjiyo soênji Anɨtu kako engo wosejapono. Osoêno sekwo Anɨtuye Towahunofe yokumpohnênyo nomafɨkuji yoêmayo Anɨtu sekumo wopɨngo waselohoêmo selɨmentiso soêno sekwo sɨmonyo fiyɨmno. 14 U nje aêamu soku, ngko olo soêno huno niyohoho. Sekwo Anɨtuye yahino wopɨngo soênji kakoe huno engo notɨpemantɨfi sekwo Anɨtuye hungkuno wopɨngoso lutɨhunalokwofo. Osoêno sekwo foêmo foêmaênyo hofiyo lohoênalokwofo. 15 I osoêno ngko olo iyoswo fehohnjo semtɨêmokiyalokwe loso sekwoe huno somo huno sefohotofoêneso ngko hungkuno yokumpohnênyo selalokweso ngko olo hungkuno hiloso mtɨêmokalokwe soêno ngko iyoho mannyofoho. Hwapɨngoso Anɨtu kako ngkimo olo syoho wonyoangkafo hiloso ntapmmentisofoho. 16 Oseso ngko Kɨlais Jisasɨye syoho ulohofiyo sohwoêni ngko sekwo aêamu temtitofo kengo sokuneêno Anɨtuênji ufohiênyoêne syoho hopa yonji ngko kakoe hungkuno wopɨngoso selalokweno. Ngko olo soêno nɨmoênɨngkohoho. Aêamu temtitofo kengo kengoso hofɨko Anɨtumo uêmayoêne nɨmoênɨngkohoho. Anɨtu kakoe Towahuno wopɨngo sohwo aêamu homo somo wopɨngo umokahonɨngkuhwosi Anɨtu kakoe sɨmehoso wopɨngo umoênɨmontonoho. 17 Ngko olo syoho Kɨlais Jisasɨênji Anɨtumneêno yalokuhwoyo soêno ngko sɨmonyo yalokweno. 18 I osoêno ngko yoêmayo syoho nje yokumpohnênyoênji iwoênɨngkohe soêno maselɨmnehono. Oêo, yoêmayo syoho Kɨlais kakoênohini iwoênɨngkiso soêno aêamu temtitofo kengo kengoso hofɨko Anɨtuye hungkunomo haloho pentɨfi tɨfi inɨngkawowoênɨngkohofo soêno waselɨmonneêno yohono. 19 Kɨlais kakoe yokumpohnênyo nomêne aêamu somo itɨhwayoêne ntopahonɨngki yoêmayo kengo kengo wonyoangkafo aêamu miyɨwoênɨngkohofoso ngko imentohefoho. Oso hiso Anɨtuye Towahuno sohwo ngkimo nɨfoêmahonɨngki ngko Kɨlaisɨye hungkuno wopɨngoso ango Jelusalem mtaêni emaêmentoheso ango homo homo neêno ulɨmɨwenji hwaho Ililikom osopo esojwaoêmentohefoho. Hungkuno fehohnjo hiyaso mohoênahumentohefoho. Oêo, Kɨlaisɨye hungkuno hopiênonohinoso umentohefoho. 20 Ngko olo soêno nɨmoênɨmentisofoho. Aêamu ango kengo kengoêmjo somo Kɨlais kakoe yofe mupaênyoênjo somo kakoe hungkuno wopɨngoso lɨkuêmofoêne nɨmoênɨmentisofoho. Nomêne aêamuso hofɨko Anɨtuye hungkunoso nto lutɨhwafijo somo oso aêamu homo somo ngko apaêno molutɨhwamnehono. 21 Oêo, aêamu Anɨtuye hungkuno mtɨêmokumentiso Aisaiya osohwo kako hungkuno ole mtɨêmokumento, Aêamu hofɨko kakineêno mupaênyoênjoso hofɨko upoênantɨfeho. Osoêno hofɨko kakoe hungkunoso nupaênɨngkuji hofɨkoe hunoso itoêno uyɨmontonoho. Aisaiya ose mtɨêmokumentisofoho. 22 Oseso ngko sekwoe ango sopono woseêmaêmonji ko yontnneso olo syoho yalokwe hilo kako ngkimo nɨkilojɨpeehonɨngki ngko sekumo moseêmasoênjo imentohefoho. 23 Soswo piênɨngo engo somo ngko sekumo woseêmaêmonji imote sohwoêni i olohonta ngko olo hwaho lopo nje syohoso moiêwo esojwaoêmaleno. Osoêno olohonta ngko sekumo woseêmaêmonnoho. 24 Oseso ngko sekumo sɨmoêmo sehonɨêmo tɨfi sohonta ngko hwaho nomêne Sɨpen sopono wamonnoho. I osoêno ngko sekwoênji weêenehwo nohumahmêmo nje sɨmeho wopɨngo kakiêno wanɨmoênono. I osohonta sekwo ngkimo hwaho Sɨpen honɨngkanoso ntɨhwafɨkujoêno ngko wamonnoho. 25 I osoêno sɨmoêmo ngko Anɨtuye aêamu Jelusalem humayo yoêmayo umofonyo inyo somo hamniyoho yoêmayoso wosɨyohojamonnoho. 26 Aêamu Masetouniya soênji Ngkɨlik soênji hofɨko Anɨtumo sɨmeho uyɨwoênɨngkohofoso hofɨko hofɨkoe yoêmayo yoêmayoso nuhuêmokontɨfi Anɨtuye aêamu Jelusalemmjo somo hofɨko yoêmayo soêno umofonyo iwoênɨngkohofo somneêno ufoêmayoêne hungkuno nano mtitoêmalofofoho. 27 Oso aêamu somo foêmayoêne mtitoêmalofoso wopɨngofoho. Oseso sɨmoêmo aêamu Jelusalemmjoso hofɨko Anɨtuye hungkuno upaênontɨfi hofɨko aêamu temtitofo kengo somo hofɨkoe huyoêmangomo ufoêmayoêne hofɨko aêamu Anɨtuye hungkuno ujoêne uhwatɨmentohofofoho. Osoêno aêamu temtitofo kengoso hofɨko olohonta aêamu Jelusalemmjo somo aku ufoêmayoêne yahinoso ntoênohinofoho. 28 Yoêmayo hoêyango oso aêamu hiso hofɨko huêmokahinnyoso ntopahonɨngkofi ngko Jelusalemmjo aêamu sofe ahomo wohoênahumonneêno yohono. Oso syoho hiso moiêwo esojwaohmêmo ngko sekwoe ango sopo noseêmahmêmo osohonta ngko hwaho Sɨpen osopono wamonnoho. 29 Olo soêno ngko huno niyohoho. U ngko sekumo seêmaêmeso u Kɨlais kako nakumo wopɨngo nalohofɨhwosoêno nakwo wonyoangkafo wohumantanoho. 30 U nje aêamu soku, ngko olo soêno nɨmoênɨngkohoho. Nakwoe Hwe Engo Jisas Kɨlais osohwo kako nakumo wopɨngo nalohoêmentiso soêno kakoe Towahuno Wopɨngo sohwo nakwoe sɨmeho moêmjo somo ujo entohojwo nasɨwoênɨngki sohweho. Sekwo ngkineêno Mpohwo Anɨtu kako ngkimo nɨfoêmayoêne jomo yokumpohnênyo ulɨmno. 31 Aêamu hwaho Jutiya humalofoso hofɨko Anɨtuye hungkunomo hwotoho fewoênɨngkohofo somneêno sekwo huno syafɨsyɨkuji, u oso aêamuso hofɨko Poulɨmo tohino uyɨfitnnoho lɨkuji osoêno sekwo ngkimo nɨfoêmayoêne Anɨtumo jomo yokumpohnênyo ulɨmno. Oso hamniyoho yoêmayo aêamu uhuêmokumalofoso ngko Jelusalemneêno nomotasɨêmeêno hofɨko nuhwonɨngkuji hofɨkoe sɨmeho wopɨngo umoênɨngkuhwosoêno womantɨfeho. Osoêntnneêno sekwo Mpohumo jomo ulɨmno. 32 Oseso Anɨtu kako olo soêno umoênosoêmanji ngko sɨmeho wopɨngoênji noseêmahmêmo sekwoênji ngko usijoêno weêenehwo nohumahmêmo ngko nje huyoêmango yokumpohnênyo womaêmonnoho. 33 Anɨtu kako nakwoe sɨmeho pompengo ifisyonafɨwoênɨngkiso hwapɨngo sohwo kako sekwo aêamu hopiênonohino sokunonji wohumano. Nehopeho.