Loum 13
PNG1 Nakwo aêamu hopiênonohino hnênwi nakwoe aêamu nemokosyohumayo sohwamo enjwaêmo wohumano. U nakwo huno ole wonayono. Olo nakwoe hwaho loponjo hwe engo sohwa hofɨko siki iêmofapinyo hwaêmaho. Oêo, Anɨtu kako hofɨkimo uhumajɨwoênɨngkiso hwafoho. Oso hofɨkoe syoho iwoênɨngkohofoso Anɨtu mtaêangofoho. 2 Aêamu fihwo kako nakwoe hwaho mokosyohumayo sohwoe hungkunomo haloho maposoênjo hwotoho fewoênɨngkiso sohwo kako oso yahino wopɨngo olo hwaho lopo nemokosyohumayoêne Anɨtu hoênahumentiso somo hwotoho fewoênɨngkiso hweho. Aêamu ose yoso sohwo kako oso kakoe wonyo hisoêno olo hwaho lopo tohino womaêmontonoho. 3 Aêamu ntoêno humawoênɨngkohofoso hofɨko hwe engo hwaho mokosyohumayo sohwamneêno iyoho miyonehoho. Oêo, aêamu yahino wonyo iwoênɨngkohofoso hofɨko hwe engo hwaho mokosyohumayo sohuneêno iyoho unalofoho. Ngko hwe engo hwaho mokosyohumayo sohuneêno iyoho miyoênjo wohumamo lohoji kɨko honɨngkano ntoênohino somo tɨfi finɨngkayo. Ose isosoêno hwe engo sohwo kako jɨje yofe wohoênokumaêmtonoho. 4 Oso hwe engo hwaho mokosyohumayo huhwo sohwo Anɨtuye syohoênjo hweho. Oso hwe engo sohwo kako kikimo nokufoêmahwosoêno kɨko wopɨngo wohumamonnoho. U kɨko yahino wonyoso yohoji kakineêno iyoho wakinono. Hwapɨngoso kakoe ahomo itokuso mokosyohumasoso siki momokosyohumuyoho. Oêo, Anɨtu aêamu honɨngkano wonyoênjo somo tohino uyoêne syoho uyɨmentisofoho. 5 Osoêno nakwo nakwoe hwe engo sohumo enjwaêmo wohumano. Hwapɨngoso pehoêneto. Hwapɨngoso hufaêuyoho. Sɨmoêmo nakwo tohino momasoênefoho. I osoênohinɨêmaho. Oêo, nomêne ole, Anɨtu kako nakumo huno wopɨngo sɨmeho moêmo hoênonahumentiso soênefoho. Oso huno wopɨngoso, Wonyo kuyoho monalonehoho. Ose lɨhwasi aêamu nakwoe hwahopo mokosyohumawoênɨngkohofo sohwafe honɨngkano hungkunomo hofiyoêno unɨngkowano. 6 Oseso oso hwapɨngo hufaêuyo soêno hwe engo sohwa hofɨko hamniyoho hoênasiyoêne joho nalɨkujoêno uyantanoho. Hwapɨngoso oso aêamu hwaho mokosyohumayo sohwa hofɨko Anɨtuye syohoênjo hwafoho. Osoêno hofɨkoe syoho soêno umoênɨngkahonɨngki syoho yokumpohnênyo yɨwoênɨngkohofofoho. 7 Osoêno hwe engo sohwa hofɨko yoêmayo soêno sekumo hamniyoho joho selɨkujoêno sekwo uyɨmno. U sekwo hofɨkoe hungkunomo haloho pekuji hofɨkimo enjwaêmo humafɨkuji hofɨkoe yofe fohoênomapmno. Hwapɨngoso hofɨko sekwoe hwe engo hwafoho. 8 Sekwo nomêne aêamufe yoêmayoso mpe hwangku ulohoêmneêeno lohoji umajo soêno aku komoêno uyo. Aku muyoso wopɨngoêmaho. Olo yahino lomo finɨngkamno. Anɨtu kako sekumo sɨmeho mɨkunɨmposo sejapɨwoênɨngkiso soêno sekwo aêamu hopiênonohino somo sɨmeho neêno neêno uyano lɨkuji neêno uyɨmno. Aêamu fihwo kako aêamu hopiênonohino somo sɨmeho uyɨwoênɨngkiso sohwo kako Anɨtuye honɨngkano hungkunomo ntoêno inɨngkowalofoho. 9 Anɨtuye honɨngkano hungkuno Mouses nejapmmentisoso olenoho. Kɨko ape mayo yahino osomo wonyo imokohotoho. Kɨko aêamu fonjasiyoêeno. Kɨko hufo iyoêeno. Kɨko nomêne aêamufe yoêmayo soêno hi kumoênyoêeno. Oso honɨngkano hungkuno hisoênji nomêne honɨngkano hungkuno Anɨtu nejapmmentiso soênji hwapɨngoso angaênohinoho. Oso hwapɨngo ne angaênohino hiso olenoho. Sɨmeho kɨko inɨwoênɨngkino paênyoso kɨko nomêne aêamu hopiênonohino somo sɨmeho uyo. 10 U aêamu kako sɨmeho nomêne aêamu somo uyoso sohwo kako hofɨkimo wonyo mulohofonehoho. Oso aêamu huhwo sohwo kako honɨngkano hungkuno hopiênonohino somo tɨfi ntoêno inɨngkunyo hweho. 11 Osoêno sekwo nomêne aêamu somo sɨmeho uyɨmno. Olo sɨkuno nakwo humalohwono somneêno sekwo huno fɨsyafɨhupmno. Aêamu Anɨtuye yahino wopɨngo somo minɨngkayoênjo yalokwofo soku sekwo saho fosyawotofo. Filɨkapmno. Jisas kako nakumo asomo netɨmayoêne sɨkunoso sawemo woêmentiso soêmaho. Oêo, olohonta mofoneponoho. Sɨmoêmo nakwo Anɨtuye hungkuno somo sɨmeho hiêntnnono uyomahonɨngkuhwoni sɨkuno piênɨngo neyakoloêmentisofoho. I olohonta sɨkuno moiêwo umoênɨmonto mofoneponoho. Oseso nomêne aêamumo sɨmeho yokumpohnênyo uyɨmno. 12 Sɨkwoêmjohoso moiêwo umoênɨmontonoho. Iyoho longkonyoso weêenepi walongkonɨmontonoho. Osoêno nakwo oso yahino wonyo somo hohujo ikinjaofɨhwasi nakwo Anɨtuye yahino wopɨngo somo unɨngkowano. 13 Osoêno nakwoe hano emoyoso aêamu hofɨko hano hinjopo emɨwoênɨngkohofo hopaso nakwo honɨngkano ntoênohino uyano. Aêamu hofɨko sɨkwoêmjohoêmo humalofoso hofɨko yokumpohnênyo yohoênontɨfi mijo yokumpohnênyo nontɨfi nonilohofontɨfi aêmohufo yontɨfi hofɨko yoêmayo yahino wonyo soênji syohiênyo hutoênɨkwoêmantɨfi yoka hnnontɨfi hofɨko aêamu nomênefe yoêmayo hoêyango soêno hi umoênɨwoênɨngkohoho. Osoêno nakwo oso yahino hiso nɨhuênahone nohoênaofɨhwosi apaêno miyanehwono. 14 Oêo, nakwo nakwoe Hwe Engo Jisas Kɨlaisɨye yokumpohnênyo nomehwasi kakoe yahino wopɨngoênohino somo unɨngkohwano. Nakwo nakwoe sɨmeho yoêmayo wonyoso umo lososo miyanehwono.