Loum 11

1 Oseso ngko ole waselohonɨmonneêno yohono. Aêamu Isɨlael somo Anɨtu uhwosopoêmentiso oso hofɨko Anɨtuneêno hohujo ikinjɨmofahonɨngkofi Anɨtu kako oso aêamu homo somo wae nɨhuênahone yaoêmentisotaho. Oêo, awonoho. Nɨhuênahoneêmaho. Oêo, ngko huhwoêni aêamu Isɨlael hwoênyoho. Ngko Apɨlohamɨye imu hwoênyoho. Ngko kakoe kakwoêyohwo Jekoupɨye hwomu Mpenyaminɨye temtitofo mtaêango hwoênyoho. 2 Aêamu Isɨlael hohonta Anɨtu nahwosopoêmentiso hnênɨmo Anɨtu kako mohoênonafefoho. Hwe fihwo Ilaija sohumo Anɨtu hungkuno uyahonɨngki kako aêamu Isɨlael somneêno hungkuno yokumpohnênyo ulɨmentiso soêno sekwo huno seyohoho. Kako Anɨtumo ole ulɨmento, 3 Hwe Engo sohwosi, aêamu sohwamo jɨje hungkuno uyahonɨngki lɨmotofo oso hwamo nomêne aêamuso fonjosyalokwofo. Aêamu kikineêno yahu fonjokisasiyo ijempohoso wonyo nto imokumalofo. Osoêno ngko angaênohino sohwoêni humanji kikineêno sɨmeho kijopalokweno. I osoêno hofɨko ngkimo wofonjonɨsyantɨfeêno hofɨko ngkineêno hafɨhafe ntɨpeentɨkwofo. Ose ulahonɨngki 4 Anɨtu kako kakineêno aku hungkuno pehofo ulɨmentono. Anɨtu ole ulɨmento, Kɨkoênohinɨêmaho. Oêo, ngko aêamu sefen tausen (7,000) osomo mokosyohumaleno. Hofɨko oso hwasyo anɨtu Mpal sohuneêno hwomtame mulohofɨwoênɨngkiyohofo. Oêo, hofɨko ngkimo sɨmeho ntopalokwofo. Ose ulɨmentisofoho. 5 Olohonta oso paênyoso Anɨtu kako yalofoho. Aêamu Juta angaêno angaênohino somo Anɨtu kako hitoho ulofahonɨngki kako nakumo kakoêntnne nonahwosopento wopɨngo nelohofahonɨngki nakwo kakoe aêamu nehnênwi humalohwono. 6 I nakwo nakwoe honɨngkano wopɨngo imotohwone soêno nahwosopoêmentisoêmaho. Oêo, nakwoe honɨngkano wopɨngomneêno nahwosopententesi u kako nakumneêno wopɨngo monalohofeênesohilo. Oêo, nakwoe yokumpohnênyo soêno nahwosopehwonesohilo. Oseêmanji Anɨtu nalohofososo ne aneênesohilo. 7 Osoêno nakwo pehofo lanehwono. Olenoho. Aêamu Isɨlael fehohnjo hofɨko ole hwasyo syafɨsyɨwoênɨngkohofi, Nakwo honɨngkano hungkunomo itoêno inɨngkowasoêmanji Anɨtu kako nakumo ole wonalɨmontonoho, Sekwo wopɨngo kuyoho. Ose wonalɨmontonoho. Osoêno oso hwasyo huno hiso syafɨsyontɨfi hofɨko syoho engo yalokwofo. I osoêno Anɨtu kakoêntnne uhwosopoêmentiso osomnohini Anɨtu kako wopɨngo kuyoho ulɨmontonoho. I aêamu nomêneso hofɨko Anɨtuye hungkuno somo haloho maposo oso aêamufe sɨmehoso yokumpohnênyo nto imoênɨmaho. 8 Oso hisoêno aêamu Anɨtuye hungkuno mtɨêmokumentohofo sohwa aêamu juta somneêno olo soêno mtɨêmokumentohofi, Hofɨkoe huno sɨmeho osomo Anɨtu kako saho hopa kuwojahonɨngki nakwo hungkuno hofɨkimo ulahonɨngkuhwoni hofɨko haloho mupaênyoênjo yontɨfi muhwonyoênjo imentohofofoho. Oseso oso mtaêangoso oso yahinoso neêno mjɨmoênɨmoponto olohonta neêno weho. Ose mtɨêmokumentohofofoho. 9 Ihwoni. Mote sohwo hofoyomo wosopayo uhwononto wanɨmo lonto nomanteso oso hofoyo huhwo sohwo poyo umokumontonoho. Oso paênyoso hwe yofe engoênjo Ntefit kako huhwo aêamu Juta somneêno olo soêno nto mtɨêmokumentisofoho. Aêamu Jutaso hofɨkoe wosopayo engo nonontɨfi hofɨkoe yoêmayo hoêyango wopɨngo somo uhwonontɨfi ole syafɨsyɨwoênɨngkohofi, Ihwoni, Anɨtu kako nakumo wopɨngo nelohofalofoho. Ose nalohofonto wopɨngo kuyoho nelalofoho. Oso hunoso hwasyo syafɨsyɨwoênɨngkohofo hiso hofoyo hopa wonyo umokumontonoho. 10 Hofɨkoe tɨmoso sɨkwoêmjoho imoênɨngkuhwosi hofɨko yoêmayo somo tɨmo ntoêno muhwonɨfitnnehofo. Yoêmayo tango uêmasoso hofɨkoe hano uyoso engkulo engkulokano wowantɨfeho. Ntefit oso hungkuno hiso aêamumo yoêmayo wopɨngo Anɨtu uyonte somneêno sɨmonyo ko yontɨfi kakoe hungkuno ne soêno haloho maposoênjo somne mtɨêmokumentisofoho. 11 I osoêno ngko hungkuno nomêne waselohonɨmonneêno yohono. Aêamu Jutaso hofɨko Anɨtuye hungkunomo haloho mapososoêno hofɨko pɨwahuêmentohofoso nɨhuênahone pɨwahuêmentohofotaho. Oêo, nɨhuênahoneêmaho. Oso aêamu Jutaso hofɨko Anɨtuye honɨngkano wopɨngo somo itoêno minɨngkayoênjo yontɨfi sompeeoêmentohofo soêno Anɨtu aêamu temtitofo kengo somneêno kakoe mehomi ne imoênɨngkujoêno kako asomo utɨmayoêne joho ulalofoho. Anɨtu aêamu kengo somo wopɨngo ulohofontanɨngkuhwosi aêamu Jutaso hofɨko nuhwonɨngkuji hofɨko sɨmeho tohino umnɨngkuhwosoêno hofɨko Anɨtumneêno huno apaêno syafɨsyɨkujoêno Anɨtumo apaêno uêmayo soêno hi umoênɨmontonoho. 12 Aêamu Jutaso hofɨko honɨngkano wonyo imentohofo soêno Anɨtu kako aêamu kengo somo wopɨngo ulohofalofoho. Aêamu Jutaso hofɨko Anɨtumneêno hohujo ikinjaofahonɨngkofi aêamu kengoso hofɨko Anɨtuneêno huno wopɨngo tɨpemaêmentohofofoho. Oseso aêamu Jutaso hofɨko Anɨtuneêno huno apaêno syafɨsyɨkuji asomo iêmofapɨkujoêno Anɨtu kako nakwo aêamu hopiênonohino hnênɨmo kako wopɨngo mɨkunɨmposo engo wonalohoêmontonoho. 13 Sekwo aêamu temtitofo kengo mtaêango soku sekwo upaênɨmno. Anɨtu kako ngkimo aêamu temtitofo kengo kengo sokumo kakoe hungkuno lɨkuêmofoêno syoho ntapmmentiso soêno olo syoho hilo soêno ngko hi numoênɨngkahonɨngki yalokweno. 14 Ngko olo syoho hiloso yonji ole syofɨsyalokweno, Sekwo temtitofo kengo kengo soku Anɨtuye hungkunomo upaênɨngkuji sɨmeho uyɨkujoêno Anɨtu kako wopɨngo waselohoêmontonoho. I aêamu Jutaso oso homo somo sehonɨngkuji hofɨko huno ole wosyofɨsyantɨfeho. Aêamu kengoso hofɨko nakwoe Anɨtuênjopo humafitnnohontɨfi hofɨko apaêno Anɨtumo sɨmeho uyɨfitnneêno Anɨtuye hungkuno losetɨhwahmêmeêno aêamu Juta angaêno angaêno Kɨlaisɨmo sɨmeho uyantɨfeho. 15 Anɨtu kako aêamu Juta somneêno hohujo weêenehwo ikinjaofonto aêamu temtitofo kengo kengo mtaêango somo nomanto kakoênji sɨmeho afa inalokwofo. Osoêno tɨfi noêmo aêamu Jutaso hofɨko Anɨtumo apaêno sɨmeho uyɨkujoêno Anɨtu kako hofɨkimo asomo utɨmayoso aêamu poyo peênontɨfeso songo ulɨkafo oso paênyofoho. 16 Nakwo aêamu Juta hnênwiye yahinoso olenoho. Nakwo wosopayo iloho yontani oso wosopayo sɨmoêmjoso Anɨtumo uyɨwoênɨngkuhwonefoho. Osoêno nakwo oso wosopayo tɨfinjo nɨwoênɨngkuhwoneso oso hiênji Anɨtuyefoho. Oso iyo pmpongo hi oso hi Anɨtuyeêmanji u oso pamo hopiênonohinoso kakoefoho. 17 Pahnnɨmo hungkuno upaênɨmno. Anɨtu kako kakoe syohopo iyo angaênohino wopɨngoso hulɨmentisofoho. Oso iyo homo somjo pamo fehohnjoso Anɨtu kako wae yaofonto weêmtaêango iyo pamo nomanto oso kakoe syoho soponjo iyo somo mufohuêmentisofoho. Oso ipamo weêmtaêango mufohuêmentiso huhwo sohwo kako oso iyo syoho soponjo sohuntaêni afofo manto ne engo intoênɨmentisofoho. Oso iyo syohoponjoso hwapɨngoso Apɨlohamɨyoho. Iyo pamo weêmtaêangoso sekwo aêamu temtitofo kengo kengoêmtaêango sokuneêno lalokweno. 18 Sekwo aêamu temtitofo kengo kengoêmtaêango soku Anɨtu kako oso iyo ne somo sekumo masefohuêmentisofoho. Osoêno sekwo aêamu Juta somneêno sitofo ulɨkutoho. Sekwo sokumo aêamu Juta sofe hofiyakumtaêni afofo malokwofo. Sekwo soku hwapɨngo kuêmaho. Oêo, sekwo soku pamo kuyoho. 19 Osoêno sekwo ole wolantɨfitaho. Anɨtu kako aêamu Juta fehohnjo somo iyo pamo paênyo somo wae yaofonto oso homo somo Anɨtu kako nakumo asomo monafohotoêmentisofoho. Ou monafohotofoêneso hofɨkimo wae yaoêmentisofoho. Ose wolantɨfitaho. 20 Oêo, oseêmaho. Hofɨko Anɨtumo sɨmeho hiêntnnono muyɨmmentohofo soêno wae yaoêmentisofoho. I osoêno sekwo aêamu temtitofo kengo soku, Anɨtumo sɨmeho hiêntnnono uyalokwofo soêno kako sekumo hofɨkoe pijohino osopo mesehumatɨêmentisofoho. Osoêno sekwo yokumpohnênyo imoênɨngkutoho. Olo soêno sekwo iyoho wasenono. 21 Anɨtu kako aêamu Juta ipamo ne paênyo somo wae yaoêmentiso oso hopaso sekumo wae yasemofonoho. Sekwo yokumpohnênyo imoênɨngkutoho. 22 Oseso nakwo Anɨtu aêamumneêno hitoho ulofo soênji sɨmeho tohino umnyo soênji uhwonɨngkuhwono. Yoêmayo Anɨtu iwoênɨngkisoso itoênohinofoho. Aêamu Anɨtuye yahino wopɨngo somneêno ulɨkoêmaêmentohofo somneêno Anɨtu kako hofɨkineêno sɨmeho tohino engo umnalofoho. I osoêno sekwo sokuneêno Anɨtu sekuneêno hitoho ulofalofoho. I sekwo kakineêno hitoho selofɨhwasoêno Anɨtu kako sekuneêno hitoho neêno uloêmontonoho. U, sekwo kakineêno sɨmeho muyɨkujoêno u sekwo hokumo wae weesemoêmontonoho. 23 Oseso aêamu Juta somo Anɨtu wae yaoêmentisoso hofɨko Anɨtu kakineêno sɨmeho hiêntnnono apaêno uyɨkujoêno Anɨtu kakoe iyo syohoponjo somo apaêno womɨfohuêmontonoho. Ou, Anɨtu kako hofɨkimo asomo mufisyososo kako hoponoho. 24 Sekwo aêamu temtitofo kengo soku sekwo weêmjo iyo pamo paênyo kuyoho. Osokumo Anɨtu kako nosemanto sekumo kakoe syoho ne soponjo iyo somo masefohotoêmentiso kuyoho. Oso iyo hiso sekwoe hwapɨngopontaêangoêmaho. Osoêno Aêamu Jutaso hofɨko oso iyo ne somtaêangoso hofɨkimo apaêno hofɨkoe hwapɨngo sopo apaêno ufohotofoso syoho engoêmaho. 25 Nje aêamu Anɨtumneêno uhuêmokuwoênɨngkohofo soku, olo hungkuno hiyasoêmo woênnyo soêno sekwo huno ntoêno mosyafɨsiyoênjo ifitnnoho. I sekwo sekwoe yofe mohoênomaênɨfitnnehonji hungkuno hiso utɨhwaênyopo ujwo ehontojwasyɨêmo waselɨmonneêno yohono. Hungkuno hiso olenoho. Aêamu Juta fehohnjoso hofɨko Anɨtuneêno nakwolaho lontɨfi hohujo ikinjɨhumamentohofofoho. Hofɨko ose ikinjɨhumahonɨngkofi Anɨtu kako aêamu temtitofo kengo kengo somtaêni angaêno angaênohino uhwosopoêmentisoso hofɨko Anɨtumo sɨmeho uyɨmopalokwofo. 26 Osoêno Anɨtu uhwonososo aêamu temtitofo kengo mtaêango uhwosopoêmentisoso kakineêno sɨmeho nto uyɨkujoêno hopoenohini uhwonɨngkuhwosi kako oso aêamu Juta hopiênonohino somo asomo utɨmaêmontonoho. Anɨtuye hungkuno mtɨêmokumentohofo sohwa ole mtɨêmokumentohofi, Aêamu Juta mtaêango angaênohino fihwo kako nakwoe wonyo somtaêni isɨhutofonemayoêne iêmofaponefoho. Kako iêmofapɨhwosi aêamu Isɨlael Jekoupɨye imu hofɨkoe yokumpohnênyo yahino wonyoso wae yaofonefoho. 27 Hohonta aêamu homo somo Anɨtu sekwoe wonyoso wae weesemoêmonnoho selɨmentoheso olohonta nto iêmofapohoho. Sekwoe wonyoso wae nto yasemofohono. Ose mtɨêmokumentohofo. 28 Aêamu Jutaso hofɨko Anɨtuye hungkuno wopɨngo somneêno nakwolaho lontɨfi Anɨtuye mangohwa imoênɨmentohofofoho. Ose imoênɨngkahonɨngkofi sekwo aêamu temtitofo kengo mtaêango soku Anɨtuye aêamu ne imoênalokwofo. I osoêno Anɨtu aêamu Juta somo hohonta kakoêntnne uhwosopoêmentiso osoêno kako hofɨkoe hofiyakwosamneêno syafɨsyonto kako apaêno asomo utɨmaêmonteêno yalofoho. 29 U Anɨtu kako aêamu somo wopɨngo ulohoêmo losoêmanji u kako oso aêamu homo somo wopɨngo ulohoêmontonoho. Hwapɨngoso Anɨtu kakoe hunoso mɨkwesyafɨsyonehoho. 30 Hohonta aêamu Jutaso hofɨko Anɨtuye hungkunomo inɨngkowentanɨngkofi sekwo aêamu temtitofo kengo soku Anɨtuye hungkunomo haloho maposoênjo imotofofoho. I olohonta aêamu Jutaso hofɨko Anɨtuye hungkuno haloho maposoênjo yahonɨngkofi Anɨtu kako sekuneêno hitoho ulofahonɨngki kako sekumo wopɨngo selohofalokuso soêno sekwo kakoe hungkuno somo sɨmeho wopɨngo uyalokwofo. 31 Oso paênyoso aêamu Juta haloho maposoênjo somneêno Anɨtu hitoho ulofɨhwosoêno hofɨkoe honɨngkano wonyoso nohoênaofɨkujoêno Anɨtu kako sekwoênji hofɨkimo wopɨngo waselohoêmontonoho. 32 Sekwo aêamu hopiênonohino sokumo oso haloho maposo yahino sohwo kako sekumo yokumpohnênyo semokosyohumaho. Hwapɨngoso Anɨtu kako aêamu hopiênonohino sokuneêno haloho maposoênjo kuyoho ko selonte soêno kako kakoe hitoho ulofososo aêamu hopiênonohino soêno ujo ehontojwasiyoênefoho. 33 Ihwoni. Nakwoe Anɨtu kako yanoênohino hweho. Kakoe hunoso nɨhuêno mɨkunɨmposoênjo hweho. Nakwo aêamu hwahoponjo hnênwi kakoe huno hwapɨngo somo pipi wotɨpemantanto. Oêo, nɨhuêno awonoho. Anɨtu kako yoêmayo hopiênonohino soêno hungkuno mtitofɨwoênɨngkiso soêno nakwo huno nayoso pipilo. Awonoho. 34 Aêamu Anɨtuye hungkuno mtɨêmokumentohofo sohwa ole mtɨêmokumentohofi, Nakwoe Hwe Engo Anɨtu sohwoe huno oso paênyoso huno tɨhwo uyohoho. Anɨtumo huno tɨhwo umasoto. 35 Anɨtu kako yoêmayo hopiênonohinoso hwapɨngo hweho. I osoêno aêamu fihwo kako ole loso ngko Anɨtumo peho uêmeêno wontapmmontolo. Aku ngkimo ntapeso, oêo, awonoho. 36 Anɨtu kako yoêmayoso hwapɨngo hweho. Kako yoêmayo hopiênonohinoso mokosyohumaho. Anɨtu kako yoêmayo hopiênonohino somo kanɨngkwohweho. Osoêno nakwo Anɨtu kakoe yofeso engolopohamo neêno wohoênomehwano. Oso hungkunoso nehopeho.