Toho Wojo Honajo Hungkuno 22
PNG1 Oso hohosohonta ngko nohumentanɨngko aêamu ahwomomjo sohwo kako mijo engoso ntɨhwamentisofoho. Oso mijo songo neêno humayoêne hiso tɨmo honɨngkonyomjo pomponaho paênyofoho. Oso mijo tɨmoso aêamu nakwoe Wonyoêne Poyo Peênɨmentiso sohwoênji Anɨtuye epohumayo somtaêni swofijwaoponto 2 ango pone engo somne honɨngkano somo mtɨhupento walofoho. Honɨngkano yohosiyo hohntaêni momtɨfamoênyofoho. Oso honɨngkano homo somo yohosiyo hohntaêni iyo songo neêno humayoêne lohoênnyoponoho. Oso iyo homo somjo ipisayo untoênɨmonteso hamno huhwo huhwi intoênɨwoênɨngkisofoho. Oso iyoswo inoho iyo homo somjoso hwe moyaêmimo wopɨngo umokuwoênɨngkisofoho. 3 Yoêmayo Anɨtu ngkilaho lɨwoênɨngkisoso mawoênnyoponoho. Aêamu nakwoe wonyoêne poyo peênɨmentiso sohwoênji Anɨtuye epohumayo soênji woênnyoponoho. Oso hopaso Anɨtuye syoho ulohofiyoso kakineêno hwomtame yuhumafitnnefoho. 4 Hofɨko Anɨtuye sɨmanomo uhwonɨngkuji Anɨtuye yofe hofɨkoe yomohuênyopo mtɨêmokinyofoho. 5 Sɨkunoso apaêno mêmofaponehoho. Hofɨkoe Hwe Engo Anɨtu sohwo hofɨkoe pomponaho hweho. Osoêno hofɨko kwefoho mofehiênyoso nɨhuêno anefoho. Hofɨko hwe engo imoênɨngkuji engo lopahomo neêno nohumantɨfitnnefoho. 6 Ose ntonto ntɨmento, Olo hungkuno kilalokwe loso nehopeho. Aêamu hopiênonohino olo hungkuno losomo nupaênɨngkuji sɨmeho hiêntnnono ufijoêmanji sɨmeho wopɨngo umoênɨmontonoho. Hwapɨngoso hungkuno hiloso ne umoênɨmontonoho. Hwe Engo Anɨtu kako kakoe hungkunoso aêamumo uyɨwoênɨngkiso soêno hofɨko aêamumo lutɨhwawoênɨngkohofofoho. Anɨtu kako aêamu ahwomomjo sohwamo kɨko Jounɨmo yoêmayo imoênone soêno kitɨhwayoêne uhwatɨmasofoho. Oseso kɨko Anɨtuye syoho ulohofiyo somo utɨhwaho. Ose ntɨmentisofoho. 7 Sekwo upaênɨmno. Jisas ole nalɨmento, Ngko sekumo komoêno woseêmaêmonnoho. Yoêmayo imoênone soêno hungkuno olo iyoswo lomo wojo somo aêamu tɨfi inɨngkawesoêmanji wopɨngofoho. Ose nalɨmentisofoho. 8 Ngko Jounêni olo hungkuno losomo nupaênonji yoêmayo tɨfi imoênone somo uhwonɨmentohefoho. Ngko yoêmayoso nuhwonosojwaofonji oso aêamu ahwomomjo yoêmayo ntɨhwamentiso sohwoe sɨfɨkiênyoêmo hwomtame wehumamonji yahonɨngko 9 ntɨmento, Kɨko ngkineêno hwomtame enɨhumahotoho. Kɨko jɨje aêamuênji aêamu Anɨtuye hungkuno Toho Wojo lɨmotofo sohwanji olo hungkuno lomo tɨfi inɨngkawowoênɨngkohofo soênji nakwo hinjohoênwo Anɨtuye syoho ulohofiyo hwonaênyoho. Osoêno kɨko Anɨtu kakineênohini hwomtame fɨhumaho. 10 Ose ntonto ntɨmento, Kɨko olo hungkuno yoêmayo imoênone loêno mtɨêmokohinoso kɨko hiyaso mokosyohumahotoho. Oêo, yoêmayo loso Anɨtu kako weêenepi kako hungkuno lososo moiêwo umoênɨmontonoho. 11 Aêamu honɨngkano wonyo iwoênɨngkiso sohwo kako honɨngkano wonyo somo neêno wamjɨmmontonoho. Hwapɨngoso honɨngkano iwoloêmokinyoêne mofehnênyoso awonoho. Aêamu honɨngkano pisakinoênjo iwoênɨngkiso sohwo kako oso honɨngkano pisakinoênjoso neêno wamjɨmɨêmontonoho. Aêamu kako honɨngkano wopɨngomo ntoêno inɨngkawowoênɨngkiso sohwo kako honɨngkano ntoênohino somo neêno wamjɨmɨêmontonoho. Aêamu honɨngkano wonyo aneênjo sohwo kako honɨngkano wonyo aneênjo neêno wamjɨmɨêmontonoho. Ose ntɨmentisofoho. Hwapɨngoso Jisas kako asomo pone soêno honɨngkano iwoloêmokiyoêne mofehnênyoso awonoho. 12 Jisas apaêno ntɨmento, Kɨko olo hungkuno loso aêamumo uso. Upaênɨmno. Ngko weêenepi wapmmonnoho. Oseso ngko nopmêmo aêamu hopiênonohino sofe yoêmayo yahino wonyo soênji wopɨngo soênji yano ulofiyoêne wapmmonnoho. 13 Ngko yoêmayoso emayo sohwoêni moiêwo nto esojwaoêmaleno. Ngko yoêmayo somo hwapɨngo sohwoêni oso nje yoêmayo homo somo moiêwo nto esojwaoêmale hwoênyoho. 14 Aêamu hofɨkoe honɨngkano wonyo hoênaoêmentohofo somo ngko hofɨkimo hwapɨfe songo ulohohmêmeêno hofɨko sɨmonyo engo uyantɨfeho. Osopo hofɨko nohumafɨkuji iyo ipisayo songo neêno humayoêneso wonɨngkuwantɨfeho. Oso pone songo Jelusalem soponjo hokuêyo somo suyoso hofɨko hoponoho. 15 Aêamu sɨwojo paênyoso aêamu peefoênji kiênyoênji yɨwoênɨngkohofoso aêamu aêmohufo yahinoênjoso aêamu nomêni hwamo fonjasiyo yahinoênjoso aêamu hwasyo anɨtu sohwamo yofe hoênomawoênɨngkohofoso aêamu hwasyo hungkuno lɨwoênɨngkohofo soênji aêamu hwasyo hungkuno soêno hi umoênyo soênji hofɨko Anɨtuye ango somo nɨhuêno mahufitnnefoho. 16 Ose ntonto ntɨmento, Ngko Jisasɨêni nje aêamu nje yofe hoênomayoêne uhuêmokuwoênɨngkohofo soku nje hungkuno lomo upaênɨfitnne soêno nje aêamu ahwomomjo sohumo sekuye poneêno lɨhwajɨmalefoho. Ngko hwe engo Ntefitɨye hwapɨngo sohwoêni kakoe Imu hwoênyoho. Yoêmayo hungkuno Anɨtu Ntefitɨmo uyɨmentisoso ngko ne imokumontohefoho. Ngko Imɨngoênji Hntokwaliyo Iêmu sohwo imɨngoênji lɨwoênɨngkiso sohwo paênyo hwoênyoho. Ose ntɨmentisofoho. 17 Anɨtuye Towahuno Wopɨngo sohwoênji aêamu Jisasɨmo sɨmeho hiêntnnono uyɨwoênɨngkohofo kakoe ape paênyo soênji Jisasɨmo ole ulalokwofo, Oyomo. Aêamu kakoe hungkuno lomo upaênoso sohwo kako oyomo ulono. Aêamu kako mijoêno umoênɨngkuhwosoêno kako wapono. Aêamu kako mijo wanɨmo lɨhwosi kako nopɨhwosi mijo songo neêno humayoêneso wanono. Mijo hiso mpe miyonehoho. Oêo, Anɨtu uyɨmontonoho. 18 Olo hungkuno loso ngko yokumpohnênyo waselɨmonneêno yohono. Olo hungkuno yoêmayo imoênone loêno iyoswo lomjoso upoênalokwofo soku, aêamu fihwo olo hungkuno losoênji nomêne hungkuno kengo mtaêangoso ufisyɨpoêmasoso yoêmayo tango olo iyoswo lomo wojoso Anɨtu kako nomɨhuêmokuhwosi oso aêamu sohumo uyonefoho. 19 U aêamu fihwo kako olo iyoswo lomjo hungkuno fehohnjo wae yaofoso sohumo Anɨtu kako kakimo wae yaofonefoho. Oso hwe huhwo sohwo kako iyo songo neêno humayoêne somjo ipisayoso manonehoho. Oso Anɨtuye pone songo Jelusalem iyoswo lohwo naliso hopo sopo mohumanehwono. 20 Jisas kako olo hungkunolo nalɨmentiso sohwo ole nelalofi, Ou nehopeho. Weêenepi ngko komoêno wapmmonnoho. Jisas ose nelalofoho. Ou Hwe Engo Jisas, ngko Joun sohwoêni ole kilalokweno. Kɨko komoêno fɨpe. Ose kilalokweno. 21 Nakwoe Hwe Engo Jisasɨye hitohoso sekwo hopiênonohino kunonji waweno. Joun kako ose lɨmentisofoho. Olo hungkuno loso osohopeho.