Toho Wojo Honajo Hungkuno 2

1 Jisas kako ole ntɨmento, Joun, kɨko hwe engo aêamu Anɨtuye yofe hoênomayoêne ango Efesos somo mokosyohumawoênɨngkohofo somneêno hungkuno ole mtɨêmojo. Ngko sohwoêni hntokwaliyo aho fehohnjo hopiênonohino nomêne mtaêni hufaêuyoso nje ahomo mokosyohumunyoso ngko sikiloho ahojo wonyoangkafo, aho fehohnjo hopiênonohino nomêne mtaêni hufaêuyo sopo hano emoyalokwe sohwoêni ngko hungkuno ole selalokweno. 2 Sekwoe yoêmayo yahino soêno ngko huno niyohoho. Sekwo syoho yokumpohnênyo yontɨfi ngkimo monɨsɨkwajiyofoho. Yoêmayo tango seêmahonjoso sekwo yokumpohnênyo lohofɨwoênɨngkohofo soêno ngko huno niyohoho. Sekwo aêamu honɨngkano wonyoênjo somneêno nakwolaho lɨwoênɨngkohofo kuyoho. Hofɨko noseêmantɨfi Anɨtu mtaêango (apousel) hwonaênyoho selahonɨngkofi hofɨkoe hwasyo hungkuno soêntnneêno hwasyo yahino soêntnneêno sekwo huno seyahonɨngki sekwo hofɨkoe hungkuno soênji yahino soênji yano ilofɨhwajɨwoênɨngkohofo soêno ngko huno niyohoho. 3 Sekwo nje yofe soêno nnɨngkopantokwofo soêno aêamu nomêne sohwa nosehonontɨfi wonyo selohofalokwofo. I osoêno sekwo yokumpohnênyo lohofontɨfi tango engo tɨpemalokwofo. Oso tango tɨpemayo soêno sekwo iyoho masenyofoho. Oso hisoêntnneêno ngko huno niyohoho. 4 I osoêno angaêno wonyo yalokwofo soêno ngko sekumneêno hungkunoênjo hwoênyoho. Hohonta sekwo sɨmeho hiêntnnono kahopi ntapmmentohofo sohonta nehopi ntapmmentohofofoho. I, olohonta awonoho. 5 Hohonta sekwo yahino wonyoangkafo imotofofoho. Oseso sekwo oso yahino wopɨngo homo somo nusɨkwajontɨfi nto pɨwahuêmalofo. Osoêno sekwo yahino wopɨngo imotofo soêno huno ikwesyafɨsyɨkuji sekwoe sɨmeho fɨwoloêmokumno. Iwoloêmokukuji yahino sɨmoêmo imotofo hopaso apaêno fiyɨmno. U sekwo sɨmeho mɨwoloêmokiyoêmanji ngko noseêmahmêmo sekwoe sikilohoso wae weesemoêmonnoho. 6 I yahino wopɨngo angaêno yalokwofo soêno ngko sɨmeho wopɨngo nɨmoênɨngkohoho. Oso yahino hiso olenoho. Sekwo aêamu hwahoponjo yahinomneêno sekumo aku ipesemotayo somneêno nakwolaho ulalokwofo. Ngko huhwoêni ngkilaho ulalokweno. Sekwo ose yalokwofo soêno nje sɨmeho wopɨngo nɨmoênɨngkohoho. 7 Sekwo haloho hiênjɨkuêmanji olo hungkuno hiloso Anɨtuye Towahuno Wopɨngo sohwo Kɨlaisɨye aêamu sokumo selalokunjo somo haloho popmno. Aêamu fihwo kako hwahoponjo yahino somo uyakoloênnyo sohwo ngko osohumo songo humayoêneso uyɨmonnoho. Oso aêamu huhwo sohwo kako Anɨtuye angopo wosopayo syoho hulɨmentisoso mtaêni iyo songo neêno humayoêne ipisayoso wosomjanɨmontonoho. Mjanoso sohwo songo neêno nolohofantɨhwonefoho. 8 Hwe engo aêamu Sɨmena somo mokosyohumawoênɨngkohofo somneêno hungkuno ole mtɨêmojo. Ngko sɨmoêmtaêango sohwoêni yoêmayo emayo soênji esojwaofo soênji ngko hwapɨngo hwoênyoho. Hohonta ngko poyo peênɨmentohe sohwoêni i olohonta ngko songo humaleno. Ngko olo hungkuno hiloso selalokweno. 9 Sekwoe yoêmayo tohino soênji tango soênji seêmalokusoso yoêmayo soêno umofonyo yɨwoênɨngkohofo soêno ngko huno niyohoho. I osoêno ngko sekwoênji humantohe soêno sekwo aêamu hoêyango engoênjo paênyo kuyoho. Aêamu fehohnjo sekumneêno sitofo hungkuno selalokwofo soêno huno niyohoho. Oso aêamu hiso nakwo Juta aêamu hwonaênyoho hwasyo hungkuno lalokwofo. Hofɨko Setenɨye aêamufoho. 10 Yoêmayo tango seêmaso soêno sekwo iyoho senɨngkuhwoloho. Seten kako yamofo waselohoêmontonoho. Fehohnjo sokumo Seten kako sekumo impoêangomo sehumajɨhwosi sekwo yokumpohnênyo wolohofantɨfetɨkeno lɨhwosi wasehonɨmontonoho. Oso sɨkuno tangoênjo sɨkuno piênɨngo engo moseyakolofonehoho. Oêo, sɨkuno aho hufaêu hopiênonohino paênyofoho. Osoêno yoêmayo tango seêmaso sohwo poyo wasemokumo lɨhwosi yɨhwosoêno sekwo poênɨfo wekutoho. Oêo, sekwo sɨmeho hiêntnnono neêno ntapɨwoênɨngkuno. Ose ifijo soêno ngko sekumo hoêyango songo neêno humayoêneso wosejapmmonnoho. 11 U sekwo haloho hiênjɨkuêmanji olo hungkuno hiloso Anɨtuye Towahuno Wopɨngo sohwo Kɨlaisɨye aêamu sokumo selalokunjo somo haloho popmno. Aêamu fihwo hwahoponjo yahinoso kakimo upemotamo lɨhwosi yoso somo monje yasyoso sohwo hungkuno ikwolofoêne sɨkuno somo tohino momanehoho. Kako toho neêno nalokunjo somo maswonehoho. 12 Jisas ole ntɨmento, Joun, kɨko hwe engo aêamu Anɨtuye yofe hoênomayoêne ango Pekamom sopo uhuêmokuwoênɨngkohofo somo mokosyohumawoênɨngkohofo sohwamneêno hungkuno ole mtɨêmojo. Ngko hwakuhwajo sɨhumampoênyo yohosi yohohnjo mokosyohumanji olo hungkuno hiloso selalokweno. 13 Oso ango engo sekwo humawoênɨngkohofo sopo Seten yokumpohnênyo mokosyohumawoênɨngkisofoho. Aêamu piênɨngoso hofɨko Setenɨye yofe hoênomawoênɨngkohofo soêno ngko huno niyohoho. I osoêno sekwo ngkimo sɨmeho hiêntnnono neêno ntopalokwofo. I Antipas sohwo nje hungkuno hofiyo lɨjwaoêmojo sohwo sekwoênji nohumanto kako nje honɨngkanomo tɨfi nnɨngkamentiso soêno aêamu Seten mokosyohumawoênɨngkisoso kakimo ko fonjosyahonɨngkofi sekwo ngkineêno hungkuno yoloho lɨjwaofoêneso iyoho masenyofoho. Oêo, Antipas poyo peênɨmentiso sohonta tango mɨkunɨmposo ko seêmanteso sekwo Anɨtumneêno ajwopo yokumpohnênyo lohoêmentohofofoho. 14 Sekwo oso wonyoangkafo ko yalokwofoso nomêne yahino wonyo soêno hungkuno hiênjo hwoênyoho. Sekwo aêamu Pekamom soku, aêamu fehohnjo sekwoênji humalofoso Mpelamɨye yahinomo yokumpohnênyo kemokosyohumalofo. Yahino hiso olenoho. Mpelam sohwo kako hwe engo Mpelak osohumo Isɨlael somneêno yahino wonyo kompemayo soêne lutɨhwahonɨngki Mpelak sohwo kako aêamu Isɨlael somo kompemahonɨngki Isɨlaelɨso pɨwahuêmentohofofoho. Nopɨwasyontɨfi hofɨko hwahoponjo anɨtu hwasyo sohumo yofe hoênomantɨfi yahu hwahoponjo hwasyo anɨtu sohumneêno hoênahinyoso nɨmentohofofoho. Nonontɨfi aêmohufo imentohofofoho. 15 Oso paênyoso aêamu fehohnjo sekwoênji humalofoso hofɨko aêamu Nikoulasɨfe hungkuno wonyomo yokumpohnênyo kemokosyohumalofo. Osoêno hofɨko hwahoponjo yahinomo inɨngkowalokwofo. I sekwo oso aêamu wonyo homo somo kengopo molɨhwajiyoênjoso pehoêneto. 16 I osoêno oso yahino wonyoso nohoênaofɨkuji sɨmeho fɨwoloêmokumno. U mɨwoloêmokiyoêmanji weêenepi ngko noseêmahmêmo nje hungkuno sɨhumampoênyo paênyo soênji aêamu wonyo hisokumo wae weeseêmonnoho. 17 Sekwo haloho hiênjɨkuêmanji olo hungkuno hiso Anɨtuye Towahuno Wopɨngo sohwo selalokunjo somo haloho popmno. Aêamu fihwo kako hwahoponjo yahino somo uyakoloênnyo sohumo ngko hofiyo umokosyohumamonnoho. Hohonta nje aêamu Isɨlael mokosyohumamote hopaso oso aêamu sohumo hofiyo mokosyohumahmêmo wosopayo ahwomo mtaêango uyɨmonnoho. Osoênji sojo halojo yofe songo mtɨêmokinyo soênji uyɨmonnoho. Oso yofeso aêamu sojo homo somo maso sohwo kakoênohini huno uyonefoho. 18 Jisas ose ntonto ole ntɨmento, Joun, kɨko hwe engo aêamu Anɨtuye yofe hoênomayoêne ango Taiyotaila sopo uhuêmokuwoênɨngkohofo somo mokosyohumawoênɨngkohofo sohwamneêno hungkuno ole mtɨêmojo. Ngko Anɨtuye Hwomu sohwoêni tɨmo tɨpomponaho paênyoênjo sɨfe sojo hwoyango hnnyo paênyo sohwoêni olo hungkuno loso selalokweno. 19 Yoêmayo syoho engo yɨwoênɨngkohofo soêno huno niyohoho. Sekwo aêamu nomêne soênji sɨmeho inontɨfi ngkimo sɨmeho hiêntnnono ntapontɨfi aêamu nomêne somo wopɨngo ulohofɨwoênɨngkohofo soêno ngko huno niyohoho. Yoêmayo tango seêmanteso sekwo ajwopo yokumpohnênyo lohofɨwoênɨngkohofo kuyoho. Olo yahino hohonta emaêmentohofoso wopɨngo imoênonto engo imoênalofoho. 20 Oso yahino wonyoangkafo ko yalokwofoso nomêne yahino wonyo soêno hungkuno hiênjo hwoênyoho. Ape wonyosi Jesepel kako sekwoênji nohumentanɨngki sekwo kengopo molɨhwajiyoênjo yohofo. Kako Anɨtuye hungkunoênjiênyoho hwasyo hungkuno selalofoho. Kako nje syoho ntohofiyo sohwamo honɨngkano wonyomo ipɨtɨhwanto ipemotowalokunjo soêno hofɨko aêmohufo yontɨfi hwahoponjo anɨtu hwasyo sohumneêno wosopayo hoênahinyoso nalokwofo. 21 Oso aêmusi kako sɨmeho uwoloêmokononji ko hontohumaheso awonoho. Kako nje hungkunomo hwotoho fento kako oso hwaênyo iyo yahino somo wohoênaoêmo huno ose muyalofiyoho. Oso yahino wonyo hiso kakimo nto ifehuêmokahumaho. 22 Sekwo upaênɨmno. Oso aêmu simo mnokino engo uyɨêmo aêamu sohwa kakoênji hwaênyo lohoênyo sohwa hofɨko hofɨkoe honɨngkano wonyo somneêno sɨmeho mɨwoloêmokiyoêmanji tohino engo uyɨmonnoho. 23 Aêamu oso aêmu siye yahinomo inɨngkawowoênɨngkohofo somo poyo umokumonnoho. Ose iêmeêno aêamu hopiênonohino nnɨngkapɨwoênɨngkohofoso olo soêno huno uyɨmontonoho. Ngko Jisas sohwoêni aêamu hopiênonohinofe huno sɨmeho somo huno niyohoho. Aêamu angaêno angaênohino sokumo yoêmayo yɨwoênɨngkohofo soêno yamofo waselohoêmonnoho. Ngko aêamu wonyo homo somo poyo imokuêmeêno hofɨko huno ole uyɨmontonoho. 24 Aêamu Taiyotaila humawoênɨngkohofoso aêmu wonyo siye yahinomo tɨfi minɨngkayoênjoso sekwo Setenɨye yahino wonyo ne somneêno huno mosyafɨsiyoênjo yalokwofo sokumo ngko ole selalokweno, Ngko nomêne syoho mosejapmnehono. Oêo syoho angaêno sejopalokwe loso olenoho. 25 Sekwo syoho wopɨngo yalokwofoso neêno ikuji nje hungkunomo aho yokumpohnênyo fɨkesyohumamno. Mokosyohumentanɨngkuji ngko noseêmaêmnefoho. 26 Nje aêamu soku sekwo hwahoponjo yahino somo uyakoloênnyo soku sekwo nje yahino somo neêno nnɨngkopontanɨngkuji sɨkuno moiêwo imoênoso sohonta ngko sekumo mnokino engoênjo imoênɨngkuji womokosyohumantɨfeho. 27 Nje Mpohwo Anɨtu kako aêamumo mokosyohumayo soêno yokumpohnênyo ntapmmentiso hopaso ngko nje yokumpohnênyo sekumo wosejapmmonnoho. Hwakwontoho fompilofiso hopaso aêamu wonyo somo sekwo nomokosyohumafɨkuji hofɨkoe yokumpohnênyo soênji hofɨkoe yofe engo soênji wofongkulofantɨfeho. 28 Oso hohosohonta ngko imɨngo ne soênji iêmuso wasejapmmonnoho. 29 Sekwo haloho hiênjɨkuêmanji olo hungkuno hiloso Anɨtuye towahuno sohwo nje aêamu sokumo selalokwe somo haloho popmno.