Filemoun 1

1 U nje nɨngkwahwo Filemoun, nje hungkuno tɨfo upaênyo. Ngko Poulɨêni nekwoe nɨngkwahwo Timoutiênji nohumentayo kikineêno olo iyoswo loso mtɨêmokalokuhwoyo. Ngko aêamumo Jisas Kɨlaisɨye hungkuno ulɨmale soêno hofɨko ngkimo impoêangomo intofanɨhumalofofoho. U Filemoun kɨko nekwoênji Anɨtumneêno syoho afa hwosoho. Nekwo sɨmeho kijopalokuhwoyo. 2 Nekwoe hungkuno loso olo aêamu lomo uhwojalokuhwoyo. Nekwoe nampohwo Apiyaênji Akiposɨênjoho. Akipos ngko paênyo Anɨtumneêno yokumpohnênyo lohofonto Anɨtuye hungkuno lutɨhwalofoho. Nomêne aêamu Jisas Kɨlaisɨmo inɨngkawentɨfi jɨje angomo uhuêmokuwoênɨngkohofo somo hungkuno loso mtɨêmokalokuhwayo. 3 Nanɨngkwohwo Anɨtu sohwoênji nakwoe Hwe Engo Jisas Kɨlaisɨênji sikoêmontaêi siko yoêmayo wopɨngo selohofosɨsi sɨmeho pompengo wosejopanjiyoho. 4 Nje nɨngkwahwo Filemoun, ngko Anɨtumo jomo ulontnne sohonta ngko kikineêno isamoyoka mɨkunɨmposo ulɨwoênɨngkohefoho. 5 Hwapɨngoso ole, Olo hungkuno loso upaênɨmalefoho. Kɨko nakwoe Hwe Engo Jisas osohumo sɨmeho hiêntnnono engo uyonji aêamu Jisas sohumo inɨngkuwoênɨngkohofo osoêntnneêno sɨmeho uyalokuno. Osoêno Mpohumo isamoyoka ulalokweno. 6 Olo soêno nɨmoênɨngkohoho. Nakwo Jisas Kɨlaisɨmo inɨngkawoênɨngkuhwone hnênwi nakwo yokumpohnênyo sosofitoênɨngkuhwasi foêmaênososo yoêmayo wonyoangkafo Jisas Kɨlais nejapɨwoênɨngkiso soêno nakwo huno itoêno naisoso itoênohini wokemokosyohumantanoho. Osoêno Mpohumo jomo ulalokweno. 7 Filemoun kɨko aêamu Jisas Kɨlaisɨmo inɨngkawoênɨngkohofo somo sɨmeho engo uyalokuno soêno ngkimo yokumpohnênyo nɨsosofitofonji nje sɨmeho wopɨngo kɨko nɨmokuwoênɨngkino hwosoho. Anɨtuye aêamu hopiênonohinoso kikineêno syakufɨsyontɨfi sɨmeho wopɨngo umoênɨngkohoho. 8 Hungkuno angaênohino Ounesimosɨmneêno wakilohonɨmonneêno yohono. Nakwoe Hwe Engo Jisas Kɨlais aêamumo sɨmeho uyo yahino loso nejapmmentiso soêno ngko hungkuno yokumpohnênyo kɨko inɨngkayoêneso nokilɨêmnesohilo. I osoêno ngko sɨmeho kijapmmentohe soêno olo soêno jomo wakilohonɨmonneêno yohono. Kɨko ngkineêno huno kiyohoho. Ngko aêmane imoênonji Jisas Kɨlaisɨye syohomneêno impoêangomo humaleno. 10 Osoêno Ounesimosɨmneêno wakilohonɨmonneêno yohono. Kako nje hwomu paênyo imoênɨngkiso hweho. Impoêangomo nohumanji Anɨtuye hungkunoso Ounesimosɨmo ulahonɨngko hungkuno hiloso kako sɨmeho hiêntnnono uyonto Anɨtuye aêamu imoênɨmasofoho. Osoêno ngko kanɨngkwohwo paênyo humaleno. 11 Oso hwe huhwo sohwo Ounesimosɨyo kakoe yofe hwapɨngoso olenoho. Foêmayoênefoho. I hohonta Ounesimos kako jɨje syoho kilohofimentiso sohonta kako wonyo kilohoêmentisofoho. I olohonta kako kɨkoênji ngkoênji syoho wonyoangkafo elohofiyo hweho. Kako wefoêmaêmontonoho. 12 Anɨtuye syohomneêno impoêangomo nohumentanɨêmo kɨko ango kengopo nohumahoji ngkimo manɨfoêmatnnehino. Kɨko ngkoênji humentontasi ngkimo wopɨngo nonɨmokosyohumantnnesohilo. I osoêno jɨje syoho kilohofiyo ngkoênji humayo soêno ngkimo wopɨngo nɨmokosyohumahwosoêno nje sɨmeho wopɨngo wanɨmoênɨmonteêno yohoho. Jɨje uyohope hweho. Ounesimos ngkoênji wohumano lonji ko yoheso kɨko olo hilo soêno manjosoêno ngko jɨje honɨngkano jɨje syoho kilohofiyo osohumo asomo utɨmayoêne mopɨjwakumoêmnehono. Oêo, kɨko ngkimo nɨfoêmayo soêno asomo uhwajisoso oso wonyoangkafofoho. I osoêno jɨje hunofoho. Osoêno kikiyepono Ounesimos sohumo uhwojalokweno. Hwe huhwo sohumo sɨmeho engo uyonji uhwojalokweno. 15 Hohonta kako kuhwotɨêmofonto weêenehwo hiyaso umentisofoho. Osohonta kako hamniyoho momasoênjo siki syoho kilohofiyo hweho. I olohonta syoho kilohofiyoênohino hwoêmaho. Oêo, kako hnnɨngkwaêwehweho. Hwapɨngoso kako Hwe Engo Jisasɨmo sɨmeho uyɨwoênɨngkiso hweho. Sɨmoêmo Ounesimos weêenehwo kuhwotɨêmoêmentisoso olelɨkeno, kɨkoênji neêno nohumuhnne soêno kakuhwotɨêmoêmentono. Nenɨngkwohwo Ounesimosɨmo sɨmeho uyɨmentohe hwoênyoho. I olohonta kɨko kakimo sɨmeho engo uyɨmonnoho. Kako jɨje syoho kilohofiyoênji hnnɨngkwaêwehwoênjoho. 17 Kɨko ngkimo Anɨtuye syohomneêno nje tatohwo hwosoho syonɨfɨsyɨwoênɨngkinoêmanji kɨko ngkimo ntohofɨwoênɨngkino hopaso kɨko Ounesimosɨmo ulohofo. 18 Hohonta kako kikimo wonyo pipi kilohoêmentisoêmanji kɨko ngkineêno oso hisoêno hungkuno filɨhwajo. Ngko jɨje yoêmayo soêno kikimo aku wokijapmmo. 19 Ngko Poulɨêni yoêmayoso aku wokijapmneêno nehopi kilalokweno. U kɨko uhwonyo. Olo hungkuno loso nje ahoênji ifalifaliyo mtɨêmokalokweno. Ngko jɨje hunomo huno makufohotoêmnehono. Hohonta ngko Anɨtuye hungkuno lokitɨhwahonɨngko kɨko olo hungkuno hilo somo sɨmeho hiêntnnono umentohino soêno kɨko songo neêno humayoêneso maêmentohinofoho. I oso hungkuno kilɨmentohe soêno kɨko ngkimo aku peho ntapmmentohinoto. Awonoho. Oso hisoêno ngko huno makufohotoêmnehono. 20 U nje nɨngkwahwo, kɨko ngkoênji nakwoe Hwe Engo Jisas Kɨlaisɨye syoho ntnneêno syafɨsyohoji kɨko Ounesimosɨmo itoêno mokosyohumaho. Kɨko ose isoso nje sɨmeho wopɨngo wanɨmoênɨmontonoho. 21 Olo hungkuno ngko kikimneêno mtɨêmokuyohojalokwe loso kɨko uhwonɨngkohoji haloho pesoêno ngko huno niyohoho. Ounesimosɨmneêno yahino wopɨngo kɨko ulohofo soêno kilohe somo tɨfi inɨngkahuji oso mtaêni kɨko yoêmayo yahino wopɨngo neêno mjɨmɨsoso jɨje yahino wopɨngoso nje hungkuno kilohe loso jɨje hunoso nje hunomo wonɨyakoloêmonnoho. 22 Nomêne hungkuno tɨfo upaênyo. Ounesimos kikimo kuêmaso sohonta kɨko ngkineêno ango angaêno itoêno fesyohumaho. Hwapɨngoso sekwo ngkineêno Mpohumo jomo ulɨwoênɨngkohofo soêno hontohumaleno. Anɨtu sekuyepono ngkimo asomo wonɨhwajono ntnneêno yalokweno. 23 Epeefɨlos kakoênji ngko ntnneêno Kɨlais Jisasɨye syohomneêno impoêangomo humalohwoyo. Kako kikimneêno nje aêamu hweho lonto huno syokufɨsyalofoho. 24 Aêamu nomêne sohwa ngkoênji Anɨtuye syoho yalokuhwone sohwa kikimneêno nakwoe aêamu hweho kilalokwofo. Aêamu huhwo sohwa ole, Mak, Alisɨtakos, Ntemas, Luk. Osohwa kikimneêno syokufɨsyalokwofo. 25 Nakwoe Hwe Engo Jisas Kɨlais kako yoêmayo wopɨngo waselohofono. Nje hungkuno tɨfo osohopeho.