Mak 12
PNG1 Ose ulonto Jisas pahnnɨmo hungkuno lomaêmento, Hwe fihwo kako ipisayo syoho hulonto, tojo emontofasyonto syoho ajwomoêmo ipisayo mijoêne kompusoho mtɨêmokumentisofoho. Ose yonto ango yokintahopo ipisayo syoho somo uhwontohumayoêne molɨmentisofoho. Ose imentisoso kako oso syoho homo somo mokosyohumayoêne kako aêamu hamniyoho syoho emawoênɨngkohofo sohwafe ahomo hoênasyonto kako ango ikanopono nowento osopo kako neêno humamojofoho 2 Ipisayo syoho ulohofiyo sohumo ipisayoêne kakoe ipisayo syohopono lɨhwatɨmentisofoho. 3 Hwe syoho mokosyohumayo sohwa kakoe syoho ulohofiyo sohumo uhwonontɨfi aho kemokosyohumantɨfi, ikujoho fonjontɨfi, ipisayo muyoênjo yontɨfi wae yaoêmentohofofoho. 4 Oseso kakwoêyohwo sohwo nomêne syoho ulohofiyo sohumo ipisayoêne lɨhwojahonɨngki hofɨko oso hwe sohwe mnokinopo ikujoho fonjontɨfi wonyo umokumentohofofoho. 5 Nomêne syoho ulohofiyo sohumo lɨhwojahonɨngki aêamu ipisayo syoho mokosyohumayo sohwa hofɨko fonjahumentohofofoho. Kakwoêyohwo nomêne syoho ulohofiyo sohwamo lɨhwajɨwoênontanɨngki fehohnjo ikujoho fonjontɨfi fehohnjo fonjahumentohofofoho. 6 Oseso syoho ulohofiyo nomêneso mohumayofoho. Moiêwonoho. Osoêno kakoe hwomu angaênohino sohumo aeêuyo lɨhwajonto lɨmento, Hofɨko nje hwomufe hungkunomo haloho wopeentɨfeho. Ose lɨmentisofoho. 7 Hwomu huhwo sohwo nuêmahonɨngki hwe syoho mokosyohumayo sohwa uhwonontɨfi hnnɨmentohofi, Oso hwe sohwo kako hwangku sohonta kanɨngkwohwoe yoêmayoso nomane hweho. Oyonɨmno. Nakwo komoêno kakimo poyo nofonjosyɨhwasi nakwo kakoe syohoso nɨhuênahone womantanoho. 8 Ose hnnontɨfi hwomu sohumo aho kentɨfi fonjahumentohofofoho. Nofonjasyontɨfi kakoe pijafo mempo swohoênaoêmentohofofoho. 9 Kakwoêyohwo sohwo aêamu wonyo huhwo sohwamo pipi ulohoêmontolo. Hwangku kako nopɨhwosi aêamu wonyo sohwamo nofonjasyɨhwosi kako nomêne aêamu sohwamo syoho hiso mokosyohumayoêne uyɨmontonoho. 10 Olo Anɨtuye hungkuno losoêno sekwo huno maseyoênjotaho. Hungkuno ole, Oso sojo engkwosaho paênyo aêamu ango injuwoênɨngkohofo sohwa wae yaoêmentohofo loso olohontajo engkwosaho loso angomo sosofitofoêne hwapɨngohwo imoênɨngkohoho. 11 Nakwoe Hwe Engo sohwo ole lɨmentisoso imoênɨmentisofoho. Nakwo olo soêno uhwonontaneso wonyoangkafofoho. Oso pahnnɨmo hungkunoso lalokuhwono Anɨtu lɨmentisofoho. 12 Jutafe hwe engo sohwa nupaênontɨfi oso pahnnɨmo hungkunoso aêamu syoho mokosyohumayoêno nto ulɨmentiso soêno nto lohoho hofɨkineêno huno uyahonɨngki hofɨko Jisasɨmo aho wokantɨfi ko imentohofoso aêamumneêno iyoho unɨmentisofoho. Oseso hofɨko Jisasɨmo ulɨkoêmantɨfi umentohofofoho. 13 Nowentɨfi hofɨko aêamu Falisi fihwanji aêamu Heloutɨmo uhwontohofo sohwanji Jisasɨye hungkunomo yamofo ulohofoêne lɨhwatɨmentohofofoho. 14 Jisasɨmo nuêmantɨfi afofo umokontɨfi ulɨmentohofi, Nakwoe Lonetɨhwayo sohwosi, kɨko hwe hungkuno nehopiênohino lɨwoênɨngkino sohwohnneêno huno nayohoho. Kɨko aêamumneêno iyoho makinɨwoênɨngkiso hwosoho. Osoêno aêamu yofe engoênjo sohwanji aêamu yofe ane sohwantnneêno kɨko huno piênɨngo mokiyahonɨngki Anɨtuye honɨngkano nehopiênohino lutɨhwawoênɨngkino hwosoho. Osoêno hungkuno angaêno wakilohonantaneêno yɨhwono. Nakwoe hwe yofe engoênjo Sisa kako hwaho mokosyohumayo sohumneêno hamniyoho (takis) hoênasiyoso wopɨngotaho. Wonyotaho. Nakwoe honɨngkano hungkunoso pehofo nalohoho. 15 Ose ulahonɨngkofi Jisas hofɨkoe sɨmeho hufaêuênjo soêno huno uyahonɨngki ulɨmento, Sekwo ngkimo yamofo pehoêno ntohofalokwofo. Hamniyoho angaêno ntapmno. Uhwonɨmo. 16 Ose ulahonɨngki nuyahonɨngkofi Jisas ulɨmento, Olo huyoêmango loênji yofe loênji tɨhwoeto. Ose ulahonɨngki ulɨmentohofi, Sisafefoho. 17 Ose ulahonɨngkofi Jisas ulɨmento, Sisafe yoêmayo soêmanji Sisamo uyɨmno. I, Anɨtuye yoêmayo soêmanji Anɨtumo uyɨmno. Ose ulahonɨngki hofɨko huno piênɨngo engo syafɨhuêmentohofofoho. 18 Aêamu nomênihwa hofɨkoe yofe Satɨyusi Jisasɨmo uêmaêmentohofofoho. Oso aêamu huhwa sohwa hofɨkoe huno ole uyɨwoênɨngkohi, Aêamu poyo peênyo sohwa nɨhuênahone peênɨwoênɨngkohofo apaêno songo molɨkafeênefoho. Ose syafɨsyɨwoênɨngkohofofoho. Jisasɨmo uêmantɨfi ole ulohonɨmentohofi, 19 Nakwoe Lonetɨhwayo sohwosi, Mouses nakumneêno hungkuno ole mtɨêmokumento, Hwe fihwo kako ape nomahwosi kako mehomi motɨpemayoênjo sohwo poyo peênɨngkuhwosoêno oso ape hisimo konɨngkwaêwehwo nomahwosi kolaêwehumneêno mehomi wotɨpemano. Mouses ose mtɨêmokumentisofoho. 20 Oseso hwe aho fehohnjo hopiênono nomnêi mtaêni hufaêu hwaêu humamojiyefoho. Tisɨmaso sohwo ape nomanto mehomi ane poyo peênɨmentisofoho. 21 Oseso konɨngkwaêwehwo oso ape hisimo nomanto mehomi ane poyo peênɨmentisofoho. Oseso konɨngkwaêwehwo oso paênyo imentisofoho. 22 Oseêno oseênohinofoho. Homnɨngkwaêwehwosa hopiênono mehomi ane poyo peênɨmentohofofoho. Tɨfi sohonta oso aêmu hi oseênohini peênɨmentisofoho. 23 Oseso aêamu poyo peênyo sohwa lɨkapijo sohonta tɨhwoe ape umoênɨmontolo. Hofɨkoênɨkwehwa aho fehohnjo hopiênono nomêni mtaêni hufaêu sohwa ape hisimo nto maêmentohofofoho. 24 Ose ulohonɨngkahonɨngkofi Jisas ulɨmento, Sekwo Anɨtuye hungkuno soênji Anɨtuye yokumpohnênyo soêntnneêno huno maseyoho yohoho. Osoêno sekwo hwasyo hungkuno lalokwofo. 25 Upaênɨmno. Aêamu poyo peênɨmentohofo sohwa nolɨkafɨkuji hofɨko ape momaênɨfitnnefoho. Oêo hofɨko aêamu ahwomomjo ape momasoênjo paênyo imoênɨfitnnefoho. 26 Oso hungkunoso aêamu poyo peênɨmentohofo sohwa apaêno lɨkapitnneêno sekwo Mousesɨye hungkuno atofo majotaho. Iyo tɨfo somtaêni toho sijontanɨngki Anɨtuye mampaho hoênɨmentisofoho. Apɨlohamjanji Jekoup Aisakɨjanji hofɨko poyo peênɨmentohofofoho. I osoêno Anɨtu Mousesɨmo ulɨmento, Ngko Apɨlohamja Aisakɨja Jekoupɨjafe Anɨtuênyoho. 27 Mouses kako ole syafɨhuêmento, Apɨlohamja Aisakɨja Jekoupɨja hofɨko hohonta poyo ko peênɨmentohofo sohwa songo humalofo soêno syafɨsyonto oso hungkuno hiso lutɨhwamentisofoho. Anɨtu kako poyo peênyo sofe Anɨtu hwoêmaho. Oêo, kako aêamu songo humalofo sofe Anɨtuyoho. Sekwoe hungkunoso hwayo hohnjofoho. Ose ulɨmentisofoho. 28 Hwe fihwo Jutafe honɨngkano hungkuno lutɨhwamojo sohwo hofɨko oso hungkuno hnnontanɨngkofi upaênɨmentisofoho. Jisasɨye hungkuno hunoênjoso nupaênonto Jisasɨmo nuêmanto ulɨmento, Anɨtuye honɨngkano hungkunoso nomêne somo yakoloênnyoso ntisoto. 29 Ose ulahonɨngki Jisas ulɨmento, Honɨngkano hungkuno engo sɨmoêmjo yakoloênnyoso olenoho. Aêamu Isɨlael soku sekwo upaênɨmno. Anɨtu sohwo kakoênohini nakwoe Anɨtuyoho. 30 Kɨko jɨje Hwe Engo Anɨtu sohuneêno jɨje sɨmeho uyohoji jɨje sɨmeho hopiênonohinoso kakimo uyo. Kɨko jɨje Hwe Engo Anɨtu sohuneêno jɨje sɨmeho uyohoji jɨje huyoêmango hopiênonohinoso kakimo uyo. Kɨko jɨje Hwe Engo Anɨtu sohuneêno jɨje sɨmeho uyohoji jɨje huno hopiênonohinoso kakimo uyo. Kɨko jɨje Hwe Engo Anɨtu sohuneêno jɨje sɨmeho uyohoji jɨje yokumpohnênyo hopiênohinoso kakimo uyo. 31 Honɨngkano hungkuno tɨfinjoso olenoho. Kɨko hi kumoênonto sɨmeho kumoênɨngkiso paênyoso aêamu nomênemneêno kɨkoênjo mofone sopo humalofo somo uyo. Oso honɨngkano hungkuno hufaêu sohwaêu hungkuno hopiênohinomo yakoloênnyofoho. 32 Ose ulahonɨngki hwe honɨngkano hungkuno lutɨhwamojo sohwo Jisasɨmo ulɨmento, Ou Nakwoe Lonetɨhwayo sohwosi, nehopi lohino. Anɨtu kakoênohini nakwoe Anɨtuyoho. Anɨtu nomênehwo mohumuyoho. 33 Ou, jɨje sɨmeho, jɨje huno, jɨje yokumpohnênyo Anɨtumo hopiênono uyo. Kɨko kikineêno kumoênyo hopaso kɨko nomêne aêamuneêno wakumoênono. Nakwo oso honɨngkano hufaêumo inɨngkowasoêmanji oso yahinoso nakwoe wonyo wae yaofoêne yahu fonjokisasiyo yoêmayo Anɨtumo uyosoêno yakoloênnyofoho. Ose ulɨmentisofoho. 34 Oso hwe huhwo sohwoe hungkunoso Jisas nupaênonto huno wonyoangkafofoho syafɨsyonto ulɨmento, Kikineêno Anɨtu yoêmayo yokumpohnênyo mokosyohumayoso mofoneponoho. Ose ulahonɨngki aêamu nomêne sohwa nomêne hungkuno Jisasɨmo ulohonyo soêno iyoho imentohofofoho. 35 Jisas Anɨtuye ango engomo hwe moyaêmi piênɨngo engomo lutɨhwamentisoso ulɨmento, Aêamu Jutafe honɨngkano hungkuno lutɨhwamotofo sohwa olo hungkunolo pehoêno lutɨhwaêwoênɨngkohofo. Kɨlais kako oso Anɨtu nakwoe hwahopo uhwatɨmentiso sohwo Ntefit hwe yofe engoênjo hohonta hwaho mokosyohumamojo sohwoe imu hweho. Oseso pipi lɨwoênɨngkohofo. 36 Anɨtuye Towahuno Wopɨngo hohonta olo hungkunolo Ntefitɨye sɨmeho moêmo hoênasyohonɨngki Ntefit ole mtɨêmokumento, Anɨtu kako nje Hwe Engo Kɨlais, Anɨtu nakwoe hwahopo uhwatɨmentiso sohumo ole ulɨmento, Kɨko nje aho anga sohohntaêni fosyohumaho. Osopo kɨko nohumahoji ngko jɨje mango sohwamo jɨje sɨfɨkiênyoêmo enjwaêmo wakuhumotɨêmonnoho. Oso hungkunoso Ntefit mtɨêmokumentisofoho. 37 Ihwoni. Oseso Ntefit kako oso hwe Anɨtu nakwoe hwahopo uhwatɨêmentiso Kɨlais sohuneêno nje Hwe Engo hweho lɨmentiso soêno Kɨlais sohwo kako Ntefitɨye imuhwo imoênyoso pipilo. Ose ulahonɨngki aêamu nupaênontɨfi hungkuno wonyoangkafofoho syafɨhuêmentohofofoho. 38 Jisas nomêne hungkuno lutɨhwamento, Sekwo aêamu honɨngkano hungkuno lutɨhwawoênɨngkohofo hunoênjo sohwafe yahino somneêne iêwaho itoêno fiyɨmno. Hofɨko hofɨkoe yofe engo somneêno hwapɨfe sawemo yontɨfi honɨngkanopo emoyɨwoênɨngkohofofoho. Osopo emoyontanɨngkofi hwe moyaêmi hofɨkimo uhwonontɨfi nakwoe hwe engo hwasoho ulɨwoênɨngkohofo soêno umoênɨwoênɨngkisofoho. 39 Osoênji hofɨko tajo ango somo aêamufe sɨmanopo humayoêno umoênɨwoênɨngkisofoho. Osoênji hofɨko aêamu wopayo engo iloho yano sohonta epohumayo sɨmoêmjo soêno umoênɨwoênɨngkiso hwafoho. 40 Hofɨko Anɨtumo hungkuno sawemo engo jomo ko ulontɨfi hofɨko apɨwojo sofafe ango yoêmayo soêno wosemokosyohumano poji ulontɨfi ango hiso hofɨkoêne nɨhuênahone emawoênɨngkohofɨhwafoho. Ose hwe huhwo sohwo tohino engo notɨpemapitnnefoho. Ose ulɨmentisofoho. 41 Jisas kako Anɨtuye tajo ango engo somo aêamu Anɨtumneêno hamniyoho hoênasiyo sopo nohumanto hofɨko ipofomo hoênosyontanɨngkofi uhwonɨmentisofoho. Aêamu hamniyoho engoênjo sohwa hamniyoho piênɨngo hoênahumentohofofoho. 42 Apɨwojo hoêyango anesi noponto hamniyoho weêe hufaêu hoênahumentisofoho. Oso hamniyohoso touya angaênohino paênyofoho. 43 Jisas uhwononto kakoe inomokomoyo sohwamneêno joho lutɨmanto ulɨmento, Hungkuno nehopiênohini waselɨmonneêno yohono. Sekwo upaênɨmno. Olo apɨwojo losi kako hamniyoho hoênasiyoso nomêne aêamu hopiênono Anɨtumneêno hoênasyohofo somo kakoe weêeso uyakolokwoho. 44 Nomêne aêamu hamniyoho hoênosyalokwofoso hofɨko hamniyoho engo mokosyohumunyofoho. Osoêno hofɨko oso hamniyoho engo somtaêni Anɨtumneêno weêeênohini hoênosyalokwofoho. Olo apɨwojo losi kako hamniyoho mokosyohumunyoso hopiênonohino Anɨtumneêno hoênasyohoho. Kako nomêne hoêyangoso nomêne hamniyohoso nɨhuêno aniyoho.