Matɨyu 24
PNG1 Jisas Anɨtuye tajo ango engo somo nulɨkoêmahonɨngki kakoe inomokomoyo sohwa kakimo nuêmantɨfi Jisasɨmo ango hiloso utɨhwano lontɨfi yahonɨngkofi 2 Jisas ulɨmento, Olo ango homo losomo sekwo lɨhwonalokwofo. Hungkuno nehopi waselɨmonneêno yohono. Olo ango lomjo sojo angaênohinoso nomênepo kihnênawesoso awonoho. Oêo, hofɨko olo ango wopɨngo losomo mtɨhupekuji womehuêmmokwojantɨfeho. 3 Jisas hwofɨkiênyo Oulif sopo nohumentanɨngki kakoe inomokomoyo sohwa nuêmantɨfi hofɨkoênohini nohumantɨfi ulɨmentohofi, Oso hungkuno nalohinoso sɨkuno ntisomo iêmofaponeto. Kɨko asomo piso sohontalaho. Sɨkuno moiêwo imoênone soênji sɨmoêmo peho imoênoneto. Nakwo oso sɨkuno soêno huno pipi nayoneto. 4 Ose ulohonɨngkahonɨngkofi Jisas ulɨmento, Itoêno uhwontohumamno. Aêamu sekumo hwasyo honɨngkanomo ipemotasewofitoho. 5 Hwangku aêamu piênɨngo engo iêmofapɨkuji hofɨko nje yofe ntɨkuji ole selɨfitnnefoho. Ngko Kɨlais hwoênyoho. Anɨtu nɨhwosopoêmentiso hwoênyoho. Ose selɨfijoso aêamu piênɨngo hofɨkoe hungkunomo inɨngkafitnnefoho. 6 Sekwo ikujoho fongkiênyoêne hungkuno upaênɨngkuji iyoho senyoêeno. Ikujoho fongkiênyoso iêmofapososo sɨkuno moiêwo mmoênyofoho. 7 Hwangku aêamu temtitofo kengo sohwanji temtitofo nomêne sohwanji hofɨko ikujoho fongkiênɨfitnnefoho. I, aêamu hwaho kengopontaêango sohwa nomêne hwaho kengoponjo sohwanji ikujoho fongkiênɨfitnnefoho. Ango kengo kengo sopo mijoho engo iêmofapososo nomêne ango kengo kengo sopo hwaho hwomɨhwo mjɨmɨwenefoho. 8 Olo tango weêeso emayofoho. Tango mɨkunɨmpososo tɨfi noêmo weho. 9 Osohonta aêamuso nosetɨmafɨkuji tohino nosejapɨkuji nofonjasehufitnnefoho. Hwe moyaêmi hopiênono sekumneêno sɨmeho tohino mɨkunɨmposo umnonefoho. Hwapɨngoso sekwo nje aêamu sokuneêefoho. 10 Hohosohonta hwe moyaêmi piênɨngo engo Anɨtumneêno sɨmeho hiêntnnono unyoso nohoênaofɨkuji hofɨkoe aêamu somneêno hungkuno wonyoso tokoyoêofo ifitnnefoho. Hofɨko hi hofɨkoe aêamumneêno mangohwa imoênɨfitnnefoho. 11 Osohonta aêamu piênɨngo hwasyo hungkunoênjo lutɨhwafɨkuji aêamu honɨngkano hwasyomo ipemotawofitnnefoho. 12 Yahino wonyo mɨkunɨmposo imoênɨngkuhwosi aêamu nomêne somneêno hitoho ulofoso nohoênapitnnefoho. 13 I, aêamu fihwo yokumpohnênyo neêno lohofontanɨngkuhwosi sɨkuno aeêuyo imoênososo Anɨtu kako oso huhwo sohumo utɨmanefoho. 14 Anɨtu aêamumo mokosyohumayo hungkuno wopɨngoso angoêmeemo lutɨhwafijoso aêamu hopiênono nupaênɨngkuji humentanɨngkuji sɨkuno moiêwo imoênyoso iêmofaponefoho. 15 Hohosohonta sekwo hwahoponjo anɨtu hwasyo sohwoe huyoêmango nɨhuêno wonyo sohwo Anɨtuye tajo ango engo Jelusalem sopo uhwonɨfitnnefoho. Nuhwonɨngkuji yomo engo ikuji youwo youwo lɨfitnnefoho. Olo hilo soêno hohonta Ntaniyel hwe fihumo Anɨtu hungkuno uyahonɨngki lɨmojo sohwo lɨmentisofoho. Aêamu olo hungkuno loso atofo loso sohwo huno itoêno wosyafɨsyono. 16 Ose uhwonɨngkuji youwo lɨkuji aêamu hwaho Jutiya sopo humunyoso hofɨko hwofɨkiênyopono hiyaso komoênosɨfitnnefoho. 17 Hwe fihwo antɨfepo humaso sohwo kako hwahopo pɨwelɨkofaohwosi kakoe hoêyango ango mtaêni moswomanehoho. 18 Aêamu syohoêmo lohofontoso sohwo kakoe angopo ntaêni ife womamo lososo momawenefoho. Oêo, leêmoênohini lohofonefoho. 19 Oso sɨkuno somo moyaêmi sɨmehoênjo sofanji mehomi weêe amno unyo sofantnneêno ngko hitoho ntokwoho. Hwapɨngoso oso sɨkuno homo somo olo hwaho lopo tango mɨkunɨmposo iêmofapɨhwosi Anɨtuye sɨmeho tohinoso oso hwe moyaêmi somo uêmanefoho. 20 Olo sɨkuno hiyaso leêmofoêne wojoso sɨkuno meeofoso soênji iêmofaposoêmanji sekwo leêmofoso pipilo. Sɨkuno iyoho humayo soênji iêmofaposoêmanji leêmofoso pipilo. Osoêno sekwo Mpohumo jomo ulɨkuno. Sɨkuno meeofosomo iyoho humayo somo imoênɨngkuhwoloho. Osoêno Mpohumo jomo ulɨkuno. 21 Oso sɨkuno somo tango mɨkunɨmposo woênnyofoho. Hwaho songo imoênɨmentiso sohonta mjɨmoênɨmɨwento olohonta tango oso paênyoso mmoênyofoho. Hwangku tango apaênohinoso oseêneêmaho. 22 Oso sɨkuno tohino mayo somo Anɨtu kako tɨfo mmokiyoêmanji aêamu hopiênono poyo nto imoênɨfijoênesohilo. I, osoêno Anɨtu kakoe aêamu uhwosopoêmentiso somneêno huno syafɨsyɨhwosi sɨkuno oso tohino mayo soêno tɨfo imokonefoho. 23 Hohosohonta hwe fihwo ole noselonefoho. Uhwonɨmno. Kɨlais olopo humaho. Ou, Kɨlais oso nompo humaho. Ose selɨkujoêno sekwo hofɨkoe hungkunomo tɨfi inɨngkayoêeno. 24 Osohonta aêamu fihwa ngko Kɨlais hwoênyoho loso sohwanji aêamu Anɨtuye hungkuno hwasyo lutɨhwayo sohwanji iêmofapɨkuji yoêmayo wonyoangkafoso yamofo sekumo esetɨhwafitnnefoho. Aêamu Anɨtuye hungkunomo minɨngkayoênjo hopiênonohinoso oso hisofe hungkunomo inɨngkafitnnefoho. I, Anɨtuye aêamu neso hungkuno hwasyomo unɨngkowantɨfitɨkeno lɨkuji yoêmayo wonyoangkafoso yamofo esetɨhwafitnnefoho. 25 Olo yoêmayo hilo soêno nto selohefoho. Osoêno yoêmayo uhwonɨfijo soêno huno itoêno seyonefoho. 26 Oseso hofɨko sekumo ole selɨfitnnefoho. Uhwonɨmno. Kɨlais kako aêamu ane nompo humaso lohunonoho. Ose selɨkujoêneso sekwo muhwonafitnnehofo. Ou, hofɨko ole selɨfitnnefoho. Uhwonɨmno. Kɨlais kako olo ango lomo humaho. Ose selɨkujoêneso oso hungkuno somo sekwo inɨngkakutoho. 27 Emtaêmɨngo mofehiênyo sapiso moêmtaêni yonteso mofehiênyo nɨngkuênɨngkiso soêmo posomjiyohosawowoênɨngkiso hopaso Aêamufe Hwomu sohwo oso paênyo noponefoho. 28 Ose ulonto pahnnɨmo hungkuno ulɨmento, Aêamu poyo peênyo sohwoe pijafo woênnyo sopo yɨhufo ajiêmango oso hopo sopo nopɨkuji uhuêmokufitnnefoho. 29 Oso tango hiso moiêwo imoênɨngkuhwosoêno mofehiênyo nɨhuêno komoêno sɨkwoêmno imoênɨngkuhwosoêno hamno majoênjo ihwosi hntokwaliyo notɨhwoêmeeofonefoho. Yoêmayo ahwomomjo hntokwaliyo yomo yomo yahonɨngkuhwosi uhwonɨfitnnefoho. 30 Aêamufe Hwomu sohwo pone soêno ahwomomo yamofo iêmofapɨhwosoêno aêamu hwahoponjo humalofoso nuhwonɨngkuji humotaho lɨfitnnefoho. Osohonta uhwonɨfijoso Aêamufe Hwomu sohwo kako himopo kakoe yokumpohnênyo engoênji pomponaho engoênji pontanɨngkuhwosi uhwonɨfitnnefoho. 31 Hohosohonta kounoho yoka engo hoênɨngkuhwosi Anɨtu kakoe aêamu ahwomomjo somo uhwajɨhwosi angoêmeemjo aêamu uhwosopoêmentiso somo nuhuêmokonefoho. Hwaho ae efohotoênawojoêmeemjo mɨhwofojonefoho. 32 Sekwo iyo mijisiyo somo uhwonɨmno. Uyonɨmofoso uhwonɨngkuji jefo uyɨmonteênefoho wolantɨfeho. 33 Oso paênyo yoêmayo soêno seloheso uhwonɨngkuji huno ole waseyono. Kakoe sɨkuno nto iêmofapohoho. Kako hokuêyopo lohokwoho. Huno ose waseyono. 34 Hungkuno nehopi waselɨmonneêno yohono. Hwe moyaêmi olo hwaho lopo neêno nohumentanɨngkuji yoêmayo hiso imoênonefoho. 35 Olo ahwomoênji hwahoênji moiêwo imoênoso sohonta nje hungkunoso moiêwo mmoênyoênjo. Neêno nowentɨhwonefoho. 36 Oso sɨkuno somneêno nakwo huno monayofoho. Aêamu ahwomomjo sohwanji ngkoênji huno monayofoho. Oêo, Mpohwo Anɨtu kakoênohini huno uyalofoho. 37 Oso aêamu hohonta Nɨwaênji humamotofoso kako yofayokinomo humentiso sohonta yoêmayo yahino imotofo paênɨngoso sekwo yontanɨngkuji Aêamufe Hwomu sohwo noponefoho. 38 Hohonta mijo aêamu somo muhuloêmentiso sohonta hofɨko wopayoênji mijoênji nɨfitnneso ape mapitnneso mjɨmɨwentanɨngkofi Nɨwa kako yofayokinomo humentisofoho. 39 Aêamu hiso yoêmayo soêno huno mosyafɨsiyoênjo yontɨfi nohumentanɨngkofi mijo muhulofahonɨngki peênɨmentohofofoho. Oso paênyoso aêamu huno mosyafɨsiyoênjo yontanɨngkuji Aêamufe Hwomu komoêno noponefoho. 40 Oso hohosohonta hwe hufaêu syohopo lohofontanɨngkohosɨsi Anɨtu angaênohinohumo nutɨmahwosi nomênehumo nulɨkoêmanefoho. 41 Aêmu hufaêu faêu wopayo sɨhu kolofontanɨngkohosɨsi Anɨtu nomênimo utɨmahwosi nomênisi wohumamontonoho. 42 Osoêno sekwo itoêno fohontohumantokuno. Oso sɨkuno sekwoe Hwe Engo sohuneêno itoêno fohontohumantokuno. Oso sɨkuno sekwoe Hwe Engo sohwo pone soêno sekwo huno maseyofoho. 43 Sekwo olo soêno huno fɨsyafɨhupmno. Hwe fihwo kakoe angomo humahwosi aêamu nomêneso kakoe hoêyango hufo iyoêneêentɨfi sɨkuno somneêno huno uyɨhwosoêno kako tɨmo wohontohumantonoho. Nohontohumentanɨngkuhwosi aêamu kakoe angomo maswonehoho. 44 Osoêno sekwo soku sɨkuno engolopohamo itoêno fesyohumantokuno. Ngko Aêamufe Hwomu sohwoêni sɨkuno sekwo huno mosyofɨsyomokosyohumentanɨngkujo somo wopmmonnoho. 45 Syoho ulohofiyo huno wopɨngoêjo sohwo tɨhwolo. Olenoho. Oso hwe huhwo sohumo kakoe hwe engo sohwo ulonteso, Kɨko nje aêamu syoho ntohofiyo somo uhwontohumaho. Ose lonto uhwosopeehonɨngki kako aêamu somo mokosyohumanto wopayo uyɨmojo hweho. 46 Tɨfi sohonta syoho ulohofiyo wopɨngo sohwoe hwe engo asomo poso sohonta kako syoho wopɨngo mokosyohumentanɨngkuhwosi uhwonɨngkuhwosi oso syoho ulohofiyo sohwo sɨmeho wopɨngo umoênɨmontonoho. 47 Ngko hungkuno nehopi waselɨmonneêno yohono. Oso hwe engo huhwo sohwo kako kakoe yoêmayo hopiênonohinoso olo syoho ulohofiyo huhwo sohumo enjwaêmo wohoênahumontonoho. 48 I osoêno, oso syoho ulohofiyo huhwo sohwo kakoe huno ole wosyafɨhuêmontonoho. Nje hwe engo sohwo kako asomo komoêno maponehoho. 49 Ose syafɨsyahonɨngkuhwosi kakoe syoho ulohofiyo sohumo uhwontohumayo ikujoho fonjɨhwosi aêamu mijo yokumpohnênyo nontɨfi nonilohofɨwoênɨngkohofo soênji wopayoênji mijoênji wanɨmontonoho. 50 Oso syoho ulohofiyo sohwo ose yosoêmanji kakoe hwe engo sohwo sɨkuno fihumo syoho ulohofiyo sohwo kako huno mosyofɨsiyoênjo yoêmayo itoêno mesyohontohumentanɨngkuhwosi asomo wapmmontonoho. 51 Poso sohonta syoho ulohofiyo huhwo sohumo tohino mɨkunɨmposo uyɨhwosi aêamu hwasyo hungkunoênjo soênji uhumajoso sopo hofɨko hulɨngkwajingo ifalohoênɨngkuji humotaho engo lɨfitnnefoho.