Luk 2

PNG

‹ Chapter 1 Luk — All Chapters Chapter 3 ›

1 Oso hohosohonta hwe yofe engo�njo hwaho Loum mokosyohumayo sohwo Sisa Oukasɨtos, kako honɨngkano songo imofonto ulɨmento, A�amu ango�meemjo sofe yofe nakwoe iyoswomo wamtɨ�mokano. 2 Ose ulahonɨngki oso soswo sɨmo�mjo somo a�amufe yofe ifalifaliyo mtɨ�mokumentohofofoho. Oso hohosohonta hwe yofe engo�njo hwaho Siliya mokosyohumayo sohwo Kwiliniyosɨyoho. 3 Oseso hwe moya�mi hopi�nonohino hofɨkoe ango hwapɨngopono hofɨkoe yofe mtɨ�mokiyo�ne humpo�mentohofofoho. 4 Jousep sohwo kako Ntefitɨye imu hweho. Oso�no kako ango Nasalet hwaho Ngkalili nulɨko�manto hwaho Jutiya Ntefitɨye pone Mpetɨlehemne�no umentisofoho. 5 Jousep kako kakoe ape ufohoto�mentohofosi Maliya sɨmeho�njosi�nji nekwoe yofe wemapɨfe lonji umentisiyefoho. 6 Oso hopo sopo nohumanji Maliyafe sɨkuno mehomi aswo mayo�ne i�mofapmmentisofoho. 7 Kako hwomu tisɨmaso aswo manto hwapɨfe ekojɨsasyonto yahu wopayo uyo kompuso so�mo uwotɨmentisofoho. Hwapɨngoso a�amu fosyawowo�nɨngkohofo angoso a�amu nto uhula�mo�mentohofofoho. 8 Oso hwaho hopo sopo ango pone engo momɨngo sohohnta�ni a�amu ahwomo yahu mokosyohumayo sohwa hofɨkoe yahu oso sɨkwo�miyo somo mokosyohumentanɨngkofi 9 a�amu ahwomomjoso nu�mahonɨngki ahwomo mta�ango pomponaho engo losyahonɨngki a�amu yahu mokosyohumayo sohwa iyoho unɨmentisofoho. 10 Iyoho yahonɨngkofi a�amu ahwomomjo fihwo ulɨmento, Sekwo iyoho ikutoho. Upa�nɨmno. Ngko hungkuno wopɨngo a�amu hopi�nonohino somne�no sɨmeho wopɨngo umo�nyo�ne�nji motapohefoho. 11 Olo sɨkuno lomo Ntefitɨye pone engo Mpetɨlehem sopo a�mu fisi hwomu aswo makwoho. Olo mehomi lohwo a�amu sokumo asomo setɨmayo�ne hweho. Kako Kɨlais Hwe Engo huhwo sohumo Anɨtu uhwosopo�mentiso hweho. 12 Sekwo nowekuji wotɨpemantɨfeho. Hwomu huhwo sohumo hwapɨfemo ifohumpento yahu wopayo uyo kompusoho somo ho�nasyohoho. Oso hiso nuhwonɨngkuji sekwo huno ole waseyono. Olohohweho. 13 Ose ulahonɨngki nɨhu�no komo�no a�amu ahwomo mta�ango pi�nɨngo engoso sɨmo�mjo so�nji utɨhwa�nyopo i�mofapontɨfi Anɨtuye yofe ho�nomayo�ne ole ulɨmentohofi, 14 Anɨtu ahwomo yokintahopo humaso sohumne�no isamoyoka ulano. Kakoe yofe woho�nomano. A�amu hwahoponjo humalofoso Anɨtuye sɨmeho wopɨngo umokalokwofoso hofɨko sɨmeho wopɨngo�nji wohumantɨfeho. Ose ulɨmentohofofoho. 15 A�amu ahwomomjoso nulɨko�mantɨfi ahwomomo asomo sɨmentohofo sohonta a�amu yahu mokosyohumayo sohwa ole hnnɨmentohofi, Nakwo Mpetɨlehem ne�no kunto�no wohwano. Olo hiloso nakwoe Hwe Engo sohwo nto lonetɨhwaso so�no uhwonowano. 16 Ose hnnontɨfi komo�no nowentɨfi hofɨko Jousepɨ�nji Maliya�nji sikoe hwomu yahu wopayo uyo kompusoho somo wentanɨngki tɨpɨhwonɨma�nɨmentohofofoho. 17 Hofɨko nuhwonontɨfi hofɨko olo hwomu lohumne�no yo�mayo hungkuno a�amu ahwomo mta�ni upa�nɨmentohofo so�no lɨjwao�mentohofofoho. 18 A�amu hopi�nonohino oso hungkuno a�amu yahu mokosyohumayo sohwa ulɨmentohofoso upa�nɨmentohofo so�no huno pi�nɨngo engo syafɨhu�mentohofofoho. 19 Olo hungkuno a�amu ahwomomjoso yahu mokosyohumayo sohwamo ulɨmentohofo so�no Maliya nupa�nonto kakoe sɨmehomo memeesyonto hunomo moho�nahu�mentisofoho. 20 Oso a�amu yahu mokosyohumayo sohwa asomo nowentɨfi Anɨtuye yofe ho�noma�mentohofofoho. Yo�mayo upa�nɨmentohofo so�nji yo�mayo a�amu ahwomomjoso nto ulɨmentohofo hopaso uhwonɨmentohofo so�ntnne�no Anɨtumo isamoyoka ulontɨfi sɨmonyo imentohofofoho. 21 Hwangku sɨkuno aho fehohnjo hopi�nono nom�ne mta�ni hufa�u sɨhune memjaofahonɨngki mehomi huhwo sohwoe a�apahomo sɨhu kolofontɨfi hofɨko yofe ole mulɨmentohofi Jisasɨyoho. Oso yofe hiso mehomi huhwo sohwoe kona�wohi sɨmeho mmo�nnyo sohonta a�amu ahwomomjo sohwo Maliyamo ulapmmentisofoho. 22 Oso honɨngkano hungkuno Mouses a�amu somo uyɨmentisoso olenoho. Moya�mi sofa hofɨko aswo mayo sohonta sɨkuno fouti (40) memjaofɨhwoso�no hofɨko Anɨtuye tajo ango engo somo mahufitnnehofo. Sɨkuno hiso moi�wo imo�nɨngkuhwoso�no hofɨko Anɨtumne�no yo�mayoso wofonjokisosyantɨfeho. Honɨngkano hungkunoso osenoho. Oseso Maliyafe sɨkuno moi�wo imo�nɨngkahonɨngki kako kakoe mehomi�nji Jousepɨ�nji ango Jelusalem sopo Anɨtumo mehomi utɨhwayo�ne sɨmentisiyefoho. 23 Hwapɨngoso Hwe Engofe hungkuno ole wo�nnyofoho. Mehomi tisɨmasoso hwomu�manji sekwo Anɨtumo uyɨmono. Hofɨko Anɨtuye hwafoho. 24 Hungkuno nom�neso olenoho. Mehomi songo utɨhwayo sohonta yɨhufo ntolofiyo fa�utɨkeno kumakumuyo polonyo hufa�utɨkeno osofa�u Anɨtumne�no fonjokisasyo. Oseso siko oso hiso Anɨtumne�no fonjokisasiyo�ne sɨmentisiyefoho. 25 Oso hohosohonta hwe fihwo ango Jelusalem humamojo sohwo kakoe yofeso Simeyounɨyoho. Oso hwe huhwo sohwo kako hwe wopɨngo�nohino hweho. Kako sɨkuno huhwo huhwi Anɨtumne�no hwomtame ulohofɨwo�nɨngkiso hweho. Kako oso hwe Anɨtu a�amu Isɨlael somne�no uhwatɨmonnoho lɨmentiso sohune�no sɨkuno huhwo huhwi oso hwomu huhwo sohumo uhwonyo�ne hontohumayo imojo hweho. Anɨtuye Towahuno Wopɨngo sohwo Simeyounɨmo humamentisofoho. 26 Anɨtuye Towahuno Wopɨngo sohwo kako Simeyounɨmo ole nto ulɨmentisofoho. Kɨko komo�no poyo mape�ntnne hwosoho. O�o, sɨmo�mo kɨko oso hwe Anɨtu uhwatɨmonnoho selɨmentiso sohumo kaki�no uhwonɨngkohoji kɨko tɨfi wape�nɨmonnoho. Ose ulɨmentisofoho. 27 Oseso oso sɨkuno Jisasɨye kanɨngkwohwo�ya�u siko Mousesɨye honɨngkano hungkuno somo ito�no inɨngkayo�ne Jisasɨmo Anɨtuye tajo ango engo somo motahumentisiyo sɨkuno somo Anɨtuye towahuno sohwo kako Simeyounɨmo Anɨtuye tajo ango engo somo syuyo�ne lɨkofɨhwatɨmentisofoho. 28 Simeyoun oso hwomu huhwo sohumo uhwononto nutɨmanto Anɨtuye yofe ho�nomayo�ne ole ulɨmento, 29 U, Hwe Engofo, kɨko hungkuno ntɨmentohinoso olohonta ne imokohino. Oso�no ngko jɨje syoho kilohofiyo sohwo�ni hungkuno sɨmo�mo ntɨmentohino hopaso ngko sɨmeho wopɨngo�njo hwo�ni wape�nɨmonnoho. 30 Hwapɨngoso ngko nje tɨmo�nji oso hwomu nakumo asomo netɨmayo�ne kɨko uhwosopo�mentohino sohumo nto uhwonɨngkohono. 31 Kɨko olo huhwo lohumo emokosyohumanji hwe moya�mi temtitofo kengo kengo hopi�nonohino somne�no utɨhwa�nyopo ujo nto ehontojwasyohino. 32 Kako huhwo sohwo pomponaho hopa a�amu hopi�nonohino somo lɨsyɨhwosi kako jɨje yahino wopɨngoso utɨhwamte hweho. Jɨje yofe engo so�nji jɨje yokumpohn�nyo engo so�nji a�amu Isɨlael somo utɨhwamontonoho. 33 Simeyoun ose ulahonɨngki Jisasɨye kanɨngkwohwo�ya�u yo�mayo Jisasɨmne�no ulɨmentiso so�no upa�nonji yomo yonji huno pi�nɨngo engo syafɨhu�mentisiyefoho. 34 Simeyoun Jisasɨye kanɨngkwohwo�ya�umo hungkuno wopɨngo�njo aho ulonjimokonto osopo kako kona�wohi Maliyamo ole ulɨmento, Olo hwomu lohumne�no kɨko tango mɨkunɨmposo wotɨpema�monnoho. Hwapɨngoso a�amu Isɨlael pi�nɨngoso hwomu lohumo uhwonɨngkuji nakwolaho wolantɨfeho. Ose lɨfijo so�no hofɨko nɨhu�nahone nowahupitnnefoho. I oseso a�amu nom�ne pi�nɨngoso hofɨko olo hwomu lohumne�no yokumpohn�nyo lohofɨkuji sɨmonyo ifitnnefoho. Kako a�amufe sɨmeho mo�mo yo�mayo huno mnawojoso utɨhwa�nyopo ujo wehontojwahumontonoho. Maliyamo ose ulɨmentisofoho. 36 A�mu fisimo Anɨtu hungkuno uyahonɨngki lɨmojosi osopo humamentisofoho. Kakoe yofeso Anafoho. Kanɨngkwohwoe yofeso olenoho. Feenuelɨyoho. Kako Asyafe temtitofo mta�angiyoho. Kako nɨhu�no a�maniyoho. Hohonta kako hwehumo uma�nonto hwehwo�nji soswo aho fehohnjo hopinono nom�ne mta�ni hufa�u humamentisiyo sohonta hwehwo poyo pe�nɨngkahonɨngki a�musi kako�nohini nohumentanɨngki soswo eti-foua (84) uyakolo�mentisofoho. Kako Anɨtuye tajo ango engo somta�ni noswapɨwo�nɨngkisi�maho. O�o, osopo ne�no humamojiyoho. Sɨkuno�nji imɨngo�nji hinjopo sɨkwo�miyomo kako Anɨtumne�no hwomtame uloho�mojiyoho. Sɨkuno fisomo kako wosopayo manyo humanto Mpohumo jomo�nohino ulɨmojiyoho. 38 Oso hohosohonta kako hisi Jisasɨmo u�manto Anɨtumo isamoyoka ulɨmentisofoho. Kako a�amu ango Jelusalem humamotofoso Anɨtu kako ngko hwe anga�no sekumo asomo setɨmayo�ne uhwatɨmonnoho lɨmentiso sohumne�no hontohumentanɨngkofo somo oso hwomu huhwo sohumne�no hungkuno lujɨmo�mentisofoho. 39 Yo�mayo honɨngkano hungkuno wo�nnyo somo ito�no nto inɨngkawenji Jousepɨ�ya�u siko hwaho Ngkalili sikoe ango we�e Nasaletnne�no umentisiyefoho. 40 Hwomu sohwo kako engo wento yokumpohn�nyo manto kako huno engo tɨpema�mentisoso hi�njo hweho. Anɨtuye hitoho engoso kakimo wo�mentisofoho. 41 Soswo huhwo huhwi Jisasɨye kanɨngkwohwo�ya�u siko ango Jelusalem sopo oso Anɨtu A�amu Isɨlael somo Uyakolo�mentiso somne�ne Syafɨsiyo sɨkuno engo somne�no sɨmojiyofoho. Oso sɨkuno hiso a�amu Jutafe hofiyakwosamo Anɨtu kako hofɨkoe mango sohwafe aho mta�ni isɨhutofomayo�ne huno syafɨsiyo�nefoho. 42 Jisas kakoe soswo aho hufa�u hopi�nono sɨfe mta�ni hufa�u uyokolofahonɨngki kako hofɨko�nji oso Sɨkuno Engo somne�no sɨmotofo hopaso sɨmentohofofoho. 43 Oso Sɨkuno Engoso moi�wo imo�nɨngkahonɨngki hofɨkoe ango pone�no asomo womentohofofoho. Kanɨngkwohwo�ya�u ango pone�no ko wahonɨngki Jisas kako Jelusalem humohumantisofoho. Osohonta kanɨngkwohwo�ya�u Jisas siko�nji mohumayo so�no huno mosyafɨhu�mmentisiyefoho. 44 O�o, huno ole syafɨhu�mentisi, Jisas kako nom�ne hwomu hwanji emoyalokwofo syafɨsyonji mofehi�nyo anga�no Jisas ane siko�nohini emoyɨmentisiyefoho. Mofehi�nyo moi�wo imo�nɨngkahonɨngki kanɨngkwohwo�ya�u siko Jisasɨmne�no sikoe a�amu�njo so�mo hafɨhafe wonyopi tɨpementisiyefoho. 45 Siko motɨpemayo�njo yonji siko ango Jelusalemne�no asomo nosonji hafɨhafe ne�no tɨpmmentisiyefoho. 46 Sɨkuno hufa�u sɨhune memjaofahonɨngki Jisas kako Anɨtuye tajo ango engo somo nohumentanɨngki uhwonɨma�nɨmentisiyefoho. Kako a�amu honɨngkano hungkuno lutɨhwamotofo sohwanji humamentohofofoho. Jisas hofɨkoe hungkunomo upa�nonto yo�mayo hofɨko ulɨmentohofo so�no hofɨkimo kako aku ulohonɨmentisofoho. 47 A�amu huhwo sohwa hofɨko Jisasɨye hungkunomo upo�nontɨfi yomo yontɨfi kakoe huno engo somne�no pisopisaho lɨmentohofofoho. Yo�mayo hungkuno Jisas hofɨkimo aku ulɨmentiso so�no hofɨko wonyoangkafofoho syafɨhu�mentohofofoho. 48 Kanɨngkwohwo�ya�u siko Jisasɨmo notɨpɨhwononji kakoe hungkunomo upa�nonji siko hiya�u yomo yonji pisopisaho lɨmentisiyefoho. Maliya Jisasɨmo ulɨmento, Olo hwomu lohwo sohwosi peho�no humahnno. Nekwo kikine�no hafɨhafe we�e motɨpeeloku yɨhwoyo. Kɨko nekumo me-ejo�njo imahnno so�no nekwoe sɨmeho tango we�yo�maho. 49 Ose ulahonɨngki kako ulɨmento, Siko ngkine�no peho�no ntopeentɨkusiyo. Ngko nje Mpohwoe ango lomo humayoso hoponoho. Siko huno ose maseyotaho. 50 Ose ulahonɨngki siko oso hungkuno hwapɨngo ne so�no huno mosyafɨhu�mmentisiyefoho. 51 Oseso Jisas kako kanɨngkwohwo�ya�u�nji asomo nowentɨfi hofɨkoe ango Nasalet u�mofamentohofofoho. Osopo Jisas kako nohumanto kanɨngkwohwo�ya�uye hungkunomo haloho�no upo�mojo hweho. Maliyasi kako oso yo�mayo hiso�no kakoe sɨmeho mo�mo mnawo�mojofoho. 52 Jisas kako engo wento kakoe huno wopɨngoso engo imo�nɨmentisofoho. A�amu hopi�nonohino so�nji Anɨtu huhwo�nji Jisasɨmo uhwonɨmentohofoso wopɨngo uhwonɨmentohofofoho.

‹ Chapter 1 Luk — All Chapters Chapter 3 ›

Luk 2

Cite / Share This Page