Luk 19

1 Jisas kako ango Jelikou sopo noswonto nomêne ango poneêento angkuhwafo ajwo sopo pasɨmentisofoho. 2 Hwe fihwo kakoe yofe Sakiyos sohwo humunyoponoho. Kako hwe mnokino engoênjo hamniyoho mayo syohoênjo sohwo hamniyoho engoênjo hweho. 3 Kako Jisasɨmo uhwonɨmo lonto ko imentisoso hwe moyaêmi piênɨngo engo hwe tɨfo huhwo sohumo hoholo hoholofo ulohofahonɨngkofi kako Jisasɨmo muhwonyoênjo yonto 4 kako aêamu piênɨngo homo somo nuyakolofonto hano kunto kuntoêno fekwasi lohofonto iyo milontontanyomo kotasonto Jisas olopo pɨhwosoêno uhwonɨmo lonto humokehumantisofoho. 5 Jisas oso hopo sopo iêmofawento tɨmo yokintahopo uhwonɨngkisoso Sakiyos nohumentanɨngki uhwononto ulɨmento, Sakiyos, kɨko komoêno fɨkotape. Ngko olohonta jɨje angomo wohumamonneêno yohono. 6 Ose ulahonɨngki Sakiyos kako komoêno welɨkofapi lohofonto sɨmonyo yonto Jisasɨmo utɨmanto kakoe angomneêno ipemotawomentisofoho. 7 Hwe moyaêmi ose ipemotowahonɨngki uhwonontɨfi sitofo ole mjalɨmɨmentohofi, Olo hwe lohwo kako aêamu honɨngkano wonyoênjo lohwoe angomo wofosyawomonteêno yohoho. 8 Sakiyos kako Jisasɨênjopo lohofonto ulɨmento, Hwe Engofo, kɨko upaênyo. Nje hamniyoho yoêmayo hoêyango soênji ajwopo hotitohmêmo fehohnjo ngko mokosyohumahmêmo fehohnjo ngko aêamu umofonyo yalokwofo somo uyɨmonnoho. U, ngko aêamu fihumo hwasyo hungkuno lutɨmaêmentoheêmanji olohumo ngko hwasyo hungkuno lutɨmaêmentohe soêno yoêmayoso kakimo osofosofahuêno uyɨmonnoho. 9 Ose ulahonɨngki Jisas ulɨmento, Ose lohino soêno nakwo huno ole nayohoho. Olo sɨkuno lomo olo ango loponjo hwe moyaêmilofe honɨngkano wonyo somtaêni Anɨtu kako hofɨkimo nto isɨhutofomakwoho. Sakiyos huhwo Apɨlohamɨye imu hweho. 10 Aêamufe Hwomu sohwoêni olo aêamu olo paênyo wonyo honɨngkanomo humentanɨngkujo somneêno notɨpemahmêmo utɨmayoêne pmmentohe hwoênyoho. Jisas ose ulɨmentisofoho. 11 Oso hungkuno hiso nto upoênɨngkahonɨngkofi Jisas kako ango Jelusalem mofonepo uêmofapmmonto yahonɨngki aêamu hopo soponjoso ole syafɨhuêmentohofi, Oso sɨkuno Anɨtu kakoe aêamumo yokumpohnênyo mokosyohumayo somo utɨhwaênyopo ujo wehontojwahumonteêno yohoho. Ose syafɨhuêmentohofo soêno Jisas kako pahnnɨmo hungkuno ole ulɨmento, 12 Hwe engo fihwo kako ango ikano fipo uhwosi osopo aêamumo mokosyohumayoêne yofe engo mahwosi kakoe angopo asomo wapmmontonoho. 13 Oso hwe huhwo sohwo kako ango ikanopo wamonto imentiso sohonta kako kakoe syoho ulohofiyo aho hufaêu hopiênonohino sohwamo joho lutɨmanto hamniyoho aho sɨfe hopiênono kina aho sɨfe hopiênono kina huêmuyonto ulɨmento, Sekwo olo hamniyoho sejapohe losoênji ngko nomêne angopo nohumentanɨêmo sekwo nomêne hamniyoho engo emafɨkujoso ngko hwangku wopɨhwonɨmo. Ose ulɨmentisofoho. 14 Oso hwe huhwo sohwoe angoponjo aêamu fehohnjoso hofɨko kakineêno nakwolaho lontɨfi kako nto womentisopo hwe fihwamo tɨfi inɨngkayoêne olo hungkuno motayoêne lɨhwatɨmentohofoso olenoho. Olo hwe lohwo nakwoe hwe engo humayoso nakwolaho. 15 Ose ko lɨhwojahonɨngkofi hwe huhwo sohwo yofe engo manto hofɨkimo mokosyohumayoêne asomo pmmentisofoho. Asomo noponto kako hamniyoho uyohojohamentiso syoho ulohofiyo sohwamo hamniyoho alale kemaêmalofo uhwonɨmo lonto joho lutɨmaêmentisofoho. 16 Hwe nomênehwo sɨmoêmo uêmanto ulɨmento, Hwe engofo, oso aho sɨfe hopiênono kina ntapmmentohino somtaêni ngko tu hantɨlet (200) kina emaêmalefoho. 17 Ose ulahonɨngki hwe engo sohwo ulɨmento, Kɨko syoho nɨmokosyohumayo wopɨngo hwosoho. Kɨko oso syoho kijapmmentohe somo itoêno mokosyohumamahnno soêno ngko syoho engo wokijapmmo. Kɨko ango aho hufaêu hopiênonohino somo mokosyohumaho. 18 Ose ulahonɨngki nomêne syoho ulohofiyo osofeponjo sohwo uêmanto ulɨmento, Hwe engofo, kɨko oso aho sɨfe hopiênono kina ntapmmentohino somtaêni ngko wan hantɨlet (100) kina emaêmalefoho. 19 Ose ulahonɨngki hwe engo sohwo ulɨmento, Ngko kikimo ango aho fehohnjo hopiênonohinoso mokosyohumuhnneêno syoho wokijapmmo. 20 Ose ulahonɨngki syoho ulohofiyo nomênehwo uêmanto ulɨmento, Hwe engofo, oso aho sɨfe hopiênono kina ntapmmentohinoso oloêmo weho. Ngko hwapɨfe weêe somo fosyofosyonji hiyasoêmo hoênahumentohe wojoloênoho. 21 Hwapɨngoso ngko jɨje yahino soêno ngko huno niyohoho. Kɨko hwe yokumpohnênyo hwosoho. Yoêmayo nomêne aêamu hoênasyontɨfeso kɨko mawoênɨngkino hwosoho. Wosopayo nomêne aêamu mofontɨfeso kɨko ijɨwoênɨngkino. Osoêno ngko kikineêno iyoho nnɨngkohoho. 22 Ose ulahonɨngki hwe engo sohwo kako kakoe syoho ulohofiyo sohumo ulɨmento, Kɨko syoho nɨmokosyohumayoso wonyo hwosoho. Kɨko nje yahino soêno huno ko kiyahonɨngki kɨko ngkimo itoêno mantohoêmmahnno soêno ngko wonyo hwosoho kilalokweno. Ou, nehopi. Ngko hwe yokumpohnênyo hwoênyoho. Yoêmayo aêamu hoênasyontɨfeso ngko mawoênɨngkohono. Wosopayo nomênihwa hulontɨfe somtaêni ngko ijɨwoênɨngkohono. 23 Kɨko nje yahino soêno huno itoêno ko kiyahonɨngki kɨko aêamu hamniyoho mokosyohumayo sohwafe angomo mohoênanɨsiyoso pehoêno imahnnoto. Kɨko osopo nje hamniyohoso hoênasyontentesi ngko asomo pmêmo nje hamniyoho somtaêni nomêne hamniyoho honje iêmofaposo soênji nto mahmêmnesohilo. 24 Ose ulonto kako nomêne aêamu kakoênjopo humalohofontohofo sohwamo ulɨmento, Sekwo oso aho sɨfe hopiênono kina olo hwe lohumo uyɨmentoheso nomafɨkuji oso hwe tu hantɨlet (200) kina mokosyohumaso sohumo umasimno. [ 25 Ose ulahonɨngki hofɨko ulɨmentohofi, Hwe engofo, kako tu hantɨlet (200) kina hiênjo hweho.] 26 Ose ulahonɨngkofi hwe engo sohwo ulɨmento, Nje hungkuno waselɨmonneêno yohono. Sekwo itoêno upaênɨmno. Aêamu yoêmayoso itoêno mokosyohumawoênɨngkohofo somo ngko yoêmayo nomêneso uyɨmonnoho. Aêamu yoêmayoso itoêno momokosyohumayoênjo yontoso sohumtaêni oso yoêmayo weêe kako mokosyohumasoso ngko womaêmonnoho. 27 Ose ulonto ulɨmento, Nje aêamu fehohnjo olo ango loponjoso ngko hofɨkimo umokosyohumayoêneso nakwolaho ntontɨfi nje mangohwa imoênalokwofo soêno sekwo oso aêamu somo nutɨmotapɨkuji nje tɨmo lopo fonjahumno. Jisas oso pahnnɨmo hungkunoso ulɨmentisofoho. 28 Jisas oso hungkunoso moiêwo ulonto Jisas Jelusalemne honɨngkano siyo somo kako sɨmoêmo nto sɨmentisomo hofɨko tɨfi inɨngkasɨmentohofofoho. 29 Jisas kako oso hwofɨkiênyo Oulifɨno lɨwoênɨngkohofo sopo ango hufaêu Mpetɨfaseênji Mpetaniênji mofone sopo nosɨêmofonto kakoe inomokomoyo hufaêu sohwaêumo ole lɨhwatɨmento, 30 Siko oso ango ne sopo uêmofahusɨsi siko oso kuso somo noswohosɨsi tɨmo uhwonisoso ahwomo yahu toungki yokaêno hoênawoênyoso impe intoênowentanɨngkuhwosi uhwonanjiyoho. Oso yahu songo imoênɨmasoso aêamu mokehumunyofoho. Oso yahu hiso fisɨhutofomotapinyo. 31 Siko oso yahu hiso isɨhutofomahosɨsoêno aêamuso ole selɨkujoêno siko pehoêno isɨhutofomasiyeto. Ose selɨkujoêno siko ole ulinyo. Nekwoe Hwe Engo sohwo kako olo yahu lohumneêno syoho weho, ose ulinyo. 32 Jisas ose lɨhwojahonɨngki siko nowenji yoêmayo Jisas luhwatɨmentisoso tɨpemaêmentisiyefoho. 33 Siko oso yahu huhwo sohunjo impe itolofontanɨngki oso yahu hofekwosa sohwa uhwonontɨfi ulɨmentohofi, Siko peho uyanjiyoêno itolofalokusiyo. 34 Ose ulahonɨngkofi siko ulɨmentisiyo, Nakwoe Hwe Engo kako olo yahu lohuno syoho weho. 35 Ose ulonji siko oso yahu huhwo sohwoênji Jisasɨyepono motasɨmentisiyefoho. Siko sikoe manjiêmofoso yahufe hohujopo pojisyosyahonɨngki Jisas oso hopo sopo kehumamentisofoho. 36 Noposokehumawento nowentanɨngki hwe moyaêmi hofɨkoe hwapɨfe Jisas kako hano wene honɨngkano sopo Jisasɨye yofe hoênomayoêne huêmeehumentohofofoho. Osopo Jisas kehumentanjo yahu sohwo hwotoho mjahmmɨwomentisofoho. 37 Jisas kako hwofɨkiênyo Oulif Jelusalem mofone sopo iêmofaponto oso honɨngkano monje we sopo hwe moyaêmi hofɨko Jisasɨmo inomokohoênawoêmentohofoso yoêmayo syoho wonyoangkafo Jisas imojo soêno syafɨsyontɨfi hofɨko sɨmonyo yontɨfi mango engo lontɨfi Anɨtuye yofe hoênomaêmentohofofoho. 38 Mango mohmêno ole lɨmentohofi, Olo Hwe lohwo nakumo nemokosyohumayoêne Anɨtuye yokumpohnênyoênji palokuso lohwoe yofe wohoênomano. Anɨtu kako nakwo hwahoponjo hwe moyaêmi hnênneêno sɨmeho wopɨngo nejahopohoho. Anɨtu yokintahopo humaso sohuneêno yofe engo wohoênomano. 39 Ose lontanɨngkofi aêamu Falisi fehohnjo sohwa hwe moyaêmi piênɨngoênjo sopo lohofontɨfi Jisasɨmo ulɨmentohofi, Nakwoe Lonetɨhwayo sohwosi, oso hwe moyaêmi kikimo inomokohoênakuwotofo somo kɨko yoka uso. 40 Ose ulahonɨngkofi Jisas ulɨmento, Sekwo upaênɨmno. Hungkuno waselɨmonneêno yohono. Olo aêamulo hofɨko mampiênyo humantɨfijontentesi olo honɨngkano loponjo sojolo mango engo lɨkuji nje yofe hoênonɨmafɨkutnnesohilo. Ose ulɨmentisofoho. 41 Jisas kako Jelusalem uêmofawento pone hopo sopo kako uhwononto humotaho lɨmentisoso 42 ole lɨmento, Aêamu Jelusalemmjo soku, sekumo itoêno esehumajiyoêne yahinoso ko seêmahonɨngki sekwo hohujo ikinjaofalokwofo. Osoêno yahino wopɨngo hiso hiyasoêmo wentanɨngkuhwosi sekwo motɨpɨhwonɨfitnnehofo. 43 Sekwo upaênɨmno. Hwangku sɨkuno nomêne iêmofaposo somo sekwoe mango sohwa sekumo wosefonjano lɨkuji sekikitofɨkuji mekuêmofasi lohofɨkuji hofɨko tojopo koêmokwasokuji nolɨkofaofɨkuji 44 sekwoe ango fonjowonampekuji sekwo sekwoe mehomi hiênji hokunonji nɨhuênahone poyo moiêwo imoênɨfitnnefoho. Sekwoe sokango soênji sokilojo soênji weêe huhwo kihnênaweso mokihnênawenefoho. Hwapɨngoso oso sɨkuno Anɨtu sefoêmayoêne seêmaêmaso sohonta sekwo yofe mɨhwofeênjo imalofo kuyoho. 45 Jisas kako Anɨtuye tajo ango engo somo noswonto aêamu hoêyango yoêmayoso huêmeesyontɨfi hamniyoho mentanɨngkofo somo wae yaofo syohoso emaêmentisofoho. 46 Kako hofɨkimo ole ulɨmento, Aêamu Anɨtuye hungkuno mtɨêmokumentohofo sohwa ole mtɨêmokumentohofi, Olo nje ango loso Mpohumo jomo ujoêne angofoho. I osoêno nje ango loso sekwo aêamu hamniyoho hiyasoêmo hufo mawoênɨngkohofo sohwafe ango hopa imokalokwofo. Ose mtɨêmokumentohofofoho ulɨmentisofoho. 47 Ose imoênɨmentiso soêno sɨkuno huhwo huhwi Jisas kako hwe moyaêmimo Anɨtuye tajo ango engo somo kakoe hungkuno lutɨhwamojofoho. Aêamu tajo ango syohoênjo yofe engoênjo sohwanji aêamu honɨngkano hungkuno lutɨhwamotofo sohwanji aêamu Jutafe hwe engo sohwanji hofɨko Jisasɨmo fonjasiyoêne honɨngkano wotɨpemantɨfeêno imentohofofoho. 48 Ose ko yahonɨngkofi hwe moyaêmi hofɨko Jisasɨye hungkunomo upoênano mjalɨmumentohofo soêno hwe engo sohwa hofɨko Jisasɨmo fonjasiyoêne honɨngkanoso motɨpemaêmmentohofofoho.