Luk 17
PNG1 Jisas kakoe inomokomoyo sohwamo ulɨmento, Aêamu Anɨtuye hungkunomo sɨmeho uyɨwoênɨngkohofo somo yoêmayo yahino wonyo yamofo ulohofoêneso nehopi iêmofaponefoho. Iêmofapɨhwosoêno aêamu piênɨngoso wopɨwesyantɨfeho. I osoêno oso aêamu nomênihwo pɨwasiyoêne yamofo ulohofoso sohwo tohino engo manefoho. Osoêno kako huno itoêno wasyofɨsyono. 2 Oso hwe huhwo sohwo kako nje mehomi weêe sohumo yamofo mulohofeênjo sohonta aêamu kakoe tɨêwangomo sojo mɨkunɨmposo ifakojujɨkuji mijo ayomo hoênaofontɨfijontesi wopɨngoênesohilo. Hwapɨngoso aêamu nje mehomi lohwamo pɨwasiyoêne imokoso sohwo tohino mɨkunɨmposo manefoho. 3 Oso yahino hisoêno sekwo iêwaho itoêno fiyɨmno. Jɨje nɨngkwahwo wonyo kilohofo soêmanji kɨko oso yahino wonyo somneêno yoka uso. Ulohojoêno kako kakoe yahino wonyo somneêno sɨmeho tango tɨpemahwosi oso wonyo somo wae yaofo soêno kilɨhwosoêno kɨko oso wonyo hiso wae hmmofo. 4 Sɨkuno angaênohino fihumo kako kikimo wonyo neêno kilohofontanɨngkuhwosi aho fehohnjo hopiênono nomêni mtaêni hufaêu ko imoênɨngkuhwosoêno kako wonyo angaêno angaêno yoso somneêno, Tatohwo kɨko nje wonyo wae feenɨmofo, oseso neêno kilontanɨngkuhwosi kɨko kakoe wonyoso wae neêno hmmofo. 5 Aêamu Anɨtuye hungkuno lutɨhumɨkuêmofo syohoênjo (apousel) sohwa Jisasɨmo ulɨmentohofi, Nakwo sɨmeho hiêntnnono kijopalokuhwone somo kɨko engo fonamojo. 6 Ose ulahonɨngkofi Jisas ulɨmento, Sekwo ngkimo sɨmeho hiêntnnono montopantokuyohofo. Sekwo ngkimo nnɨngkape-eso nɨhuêno weêe patnnyo uyo paênɨngoêmanji sekwo oso iyo ipisayoênjo sohumo ole ulɨfijoso, Pmpongo hiênji sokato lohofohoji mijo ayo nompo filohofayo. Ose ulɨfijoêmanji iyo huhwo sohwo kako sekwoe mangomo haloho wasepoêmontonoho. I osoêno sekwo ngkimo moênnɨngkapohiyohofo. Jisas ose ulɨmentisofoho. 7 Hwe fihwo sekwoênjopo humaso sohwo kako syoho ulohofiyo hiênjo hwoêmanji oso syoho ulohofiyo sohwo kako syohopo hwaho mno ijiyotaho, yahu mokosyohumayotaho, u kako moiêwo ihwosi kako kakoe hwe engo sohwoênjopo iêmofaponto kako wopayo mijoho ko uyahonɨngki kako komoêno humahopɨhwosi wopayo manonehoho. 8 Oêo, sɨmoêmo kako kakoe hwe engo sohwoe wosopayo itoêno esyohumahwosi kakoe he wopɨngo ihwosi wosopayo hiso ikuêyopo ifosyalokumpehwosi hwe engo sohumo wosopayo uyɨmtonoho. Kakoe hwe engo sohumo wopayo moiêwo kakiêno uyɨhwosi kako tɨfi wanɨmontonoho. 9 Oso hwe engo huhwo sohwo kako kakoe syoho ulohofiyo huhwo sohumo kakoe syoho itoêno imentiso soêno isamoyoka ulɨmontolaho. Oêo, awonoho. Hwapɨngoso kakoe syohoênohinofoho lɨhwosi isamoyoka mujoênjo uyɨmontonoho. 10 Oseso sekwo hoku yoêmayo hungkuno Anɨtu seloso somo sekwo itoêno ko inɨngkafijoso sekwo huno ole fɨsyafɨhupmno. Nakwo Anɨtuye syoho ulohofiyo hnênwi nakwo itoênohinonɨêmaho. Kakoe syoho iwoênɨngkuhwone soêno nakwoe yofe hoênonemayoso pehoêneto. Oêo, nakwoe syohofoho. 11 Jisas kako Jelusalemne honɨngkano hwaho Someliyaênji Ngkaliliênji neêno ajwopo sɨmentisofoho. 12 Kako ango fipo iêmofopahonɨngki hwe aho hufaêu hopiênono uyo wonyo engoênjo sohwa Jisasɨmo honɨngkanopo uswoênɨmentohofofoho. 13 Hofɨko ikanopo lohofontɨfi Jisasɨmo joho mohmêno ulɨmentohofi, Jisas Hwe Engo sohwosi, kɨko nakumneêno hitoho wakilofono. 14 Ose ulahonɨngki Jisas hofɨkimo uhwononto ulɨmento, Sekwo nukuji aêamu tajo ango syohoênjo sohwamo sekwoe aêapaho motakuji utɨhwamno. Ose ulahonɨngki halohoêno yontɨfi hofɨko nowentɨfi hofɨkoe aêapahoso honɨngkano ajwopo wopɨngo umoênɨmentisofoho. 15 Hwe fihwo hofɨkoênjo ajwo sopo humaso sohwo kakoe aêapaho wopɨngo honɨngkononto kako Jisasɨyepono asomo umentisofoho. Kako mango engo lonto Anɨtuye yofe hoênomaêmentisofoho. 16 Kako Jisasɨmo uêmanto hwahopo pɨwasyonto kako Jisasɨye sɨfɨkiênyoêmo sɨmano mongkutofosyohumanto Jisasɨmo isamoyoka engo ulɨmentisofoho. Oso hwe huhwo sohwo kako hwaho Someliyantaêango hweho. 17 Jisas osohumo uhwononto ulɨmento, Aêamu aho hufaêu hopiênono sohwamo wopɨngo umokohono. Kɨkoênohini nɨêmahinoso nomênihwa ntɨêmo humalofo. 18 Olo hwe lohwo kako aêamu Juta hwoêmaho. Oêo, temtitofo kengo mtaêango hweho. Kakoênohini Anɨtumo isamoyoka ujoêne asomo pisoso pehoêneto. 19 Ose lonto ulɨmento, kɨko nolɨkafohoji mpano. Kɨko sɨmeho hiêntnnono ntapohino soêno jɨje aêapaho wopɨngo kumoênɨngkohoho. Ose ulɨmentisofoho. 20 Aêamu Falisi fehohnjo sohwa Jisasɨmo ulɨmentohofi, Anɨtu kakoe aêamumo yokumpohnênyo emokosyohumayoêne sɨkunoso ntohonta uêmofapmmontolo. Ose ulahonɨngkofi Jisas ulɨmento, Anɨtu kakoe aêamumo emokosyohumayoso aêamu tɨmoênji muhwonɨfitnnehofo. 21 Sekwo ole malɨfitnnehofo. Ihwoni, Anɨtu kako kakoe aêamumo emokosyohumayoso olopo weho. U, nompo weho. Ose malɨfitnnehofo. Oêo, Anɨtu kakoe aêamumo emokosyohumayoso sɨmeho moêmo woênnyoponoho. Sekwoe tɨmoênji muhwonɨfitnnehofo. 22 Jisas ose ulonto kakoe inomokomoyo sohwamo ulɨmento, Hwangku nomêne sɨkuno iêmofapɨhwosoêno sekwo ole wohnnantɨfeho. Nakwo oso Hwomu Anɨtu uhwosopoêmentiso sohumo uhwonontaneêno yɨhwono. Ose ko hnnɨngkuji sekwo muhwonɨfitnnehofo. 23 Oso hohosohonta aêamu fehohnjoso ole woselantɨfeho, Ihwoni, oso hwomu Anɨtu uhwosopoêmentiso sohwo oso nompo humaho. U, olopo humaho. Ose selɨkujoêno sekwo haloho upekutoho. Aêamu huhwo sohumo nuhwonɨngkakutoho. 24 Sekwo emtaêmɨngo soêno huno seyohoho. Emtaêmɨngo kako oso nompo ntaêni yonto kako ahwomomo ifehuêmokosyahonɨngki aêamu hopiênono tɨmo uhwonɨwoênɨngkohofofoho. Oso paênyoso oso Hwomu Anɨtu uhwosopoêmentiso sohwo kakoe pe-eso emtaêmɨngo uhwonɨwoênɨngkuhwone paênyoso iêmofapɨhwosoêno sekwo uhwonɨfitnnefoho. 25 I osoêno sɨmoêmo oso Hwomu huhwo sohwo kako tohino engo umnososo aêamu olohonta humalofoso kakineêno hohujo ukinjɨmofantɨfeho. 26 Oso aêamu hohonta Nɨwaênji humamotofoso kako yofayokinomo humentiso sohonta yoêmayo yahino imotofo paênɨngoso oso Hwomu Anɨtu uhwosopoêmentiso sohwo poso sohonta aêamu humalofoso uyantɨfeho. 27 Hofɨko humamotofo sohonta hofɨko wosopayoênji mijoênji nonontɨfi ape maênɨmotofofoho. Oso yahino hiso neêno mjɨmɨwentanɨngkofi Nɨwa kako yofayokinomo noswahonɨngki mijo ifofayo engo yonto hwe hwoyaêmi hopiênonohinoso mijo mihuloêmentisofoho. 28 Apɨlohamɨye kami Lout sohwo humamojo sohonta aêamu humamentohofo oso hiso paênyo imotofofoho. Hofɨko nohumantɨfi yoêmayo wopayo mijo nontɨfi yoêmayo hoêyango mpe yontɨfi nomêni hwamo hamniyoho mayoêne hoêyango uyontɨfi hofɨko wopayo syoho yontɨfi ango molɨmotofofoho. 29 Ose yontanɨngkofo sohonta Lout kako ango Soutom ulɨkoêmanto ango kengopo nowahonɨngki tohoênji sojo hwoyango hnnyo soênji ahwomo mtaêni ifoyo hopa syonto hwe hwoyaêmi hopiênonohino somo wonyo imokumentisofoho. 30 Aêamu oso paênɨngo yontanɨngkuji oso hwomu Anɨtu uhwosopoêmentiso sohwo utɨhwaênyopo iêmofape soêno Anɨtu ujo wehontojwahumontonoho. 31 Oso sɨkuno homo somo utɨhwaênyopo iêmofaposo sohonta aêamu fihwo kako angkuhwafopo humaso hwoêmanji kako hwomu huhwo sohumo uhwonɨngkuhwosi kakoe angomjo hoêyango yoêmayoso mayosoêno huno mosyafɨsyonehoho. Oso paênyoso hwe fihwo syohoêmo humaso hwoêmanji kako hwomu huhwo sohumo uhwonɨngkuhwosi kakoe angoponjo yoêmayoso mayosoêno huno mosyafɨsyonehoho. 32 Oêo, sekwo Loutɨye ape simneêno fɨsyafɨhupmno. Kako kakoe angoponjo yoêmayo soêno syafɨsyonto ikinjaoêmentisoso sojo imoênɨmentiso somneêno fɨsyafɨhupmno. 33 Aêamu olo hwaho loponjo humayo somo aho yokumpohnênyo kemokosyohumunyo sohwo kakoe fosyohumayoso moiêwo umoênɨmontonoho. Aêamu olo hwaho loponjo humayo somo aho mokemokosyohumunyo sohwo kakoe fosyohumayo neso wotɨpemaêmonte hweho. 34 Ngko waselɨmonneêno yohono. Sekwo itoêno upaênɨmno. Oso sɨkuno Hwomu sohwo poso sohonta hwe hufaêu hwaêu saho afapo fosyowentanɨngkohosɨsi Anɨtu nomênihumo utɨmahwosi nomênihwo wohumamontonoho. 35 I aêmu hufaêu faêu wopayo sɨhu kolofontanɨngkohosɨsi Anɨtu nomênimo utɨmahwosi nomênisi wohumamontonoho. [ 36 I hwe hufaêu hwaêu syohopo lohofontanɨngkohosɨsi Anɨtu nomênihumo utɨmahwosi nomênihwo wohumamontonoho.] 37 Jisas ose ulahonɨngki inomokomoyo sohwa nupaênontɨfi Jisasɨmo ulɨmentohofi, Hwe Engofo ose nalohinoso imoênyoso ntɨpo umoênɨmontolo. Ose ulahonɨngkofi Jisas pahnnɨmo hungkuno ole ulɨmento, Aêamu poyo peênyo sohwoe pijafo woênnyo sopo yɨhufo ajiêmango oso hopo sopo uhuêmokufitnnefoho.