Luk 12

1 Hwe moyaêmi nɨhuêno piênɨngo engo uhuêmokumentohofoso hofɨko itoêno humamentohofoêmaho. Oêo, hofɨko nomêne aêamu sofe sɨfemo hwotoho wosolongkufinantɨfi imentohofofoho. Oso hohosohonta Jisas kakoe inomokomoyo sohwamo ikinjamo lohofonto hofɨkimo sɨmoêmo ole ulɨmento, Sekwo aêamu Falisi sohwafe yahino somneêno iêwaho itoêno fiyɨmno. Yahino hiso olenoho. Hofɨko hofɨkoe yahino wonyo utɨhwaênyopo mêmofape soêno hwasyo hungkuno selɨwoênɨngkohofɨhwafoho. Oso yahino soêno selalokweno. 2 Yoêmayo hiyasoêmo wojoso hwangku utɨhwaênyopo uêmofapmmontonoho. Yoêmayo sekwo hiyaso mokosyohumawoênɨngkohofo hungkuno hiyasoêmo lontɨfeso yahino wonyo hiyasoêmo yontɨfi tɨfi noêmo utɨhwaênyopo iêmofapɨhwosoêno aêamu tɨmo uhwonantɨfeho. 3 Oseso yoêmayo hungkuno sekwo sɨkwoêmjohoêmo lontɨfeso hwangku mofehiênyoênji wohoênɨmontonoho. Yoêmayo hungkuno sekwo hiyasoêmo hofiyoka lontɨfeso hwangku utɨhwaênyopo mango engoênji wamjɨlɨmɨwantɨfeho. 4 Ose ulonto ole ulɨmento, U, nje aêamu soku, sekwo upaênɨmno. Sekwo aêamu poyo semokiyo somneêno sekwo iyoho senɨngkuhwaloho. Oêo, hofɨko sekwoe aêapaho poyo semokukuji osopo pipi selohopitnnehofo. Oêo, awonoho. 5 I olo humneêno sekwo iyoho senyoêneêno waselɨmonneêno yohono. Anɨtu kako sekwoe aêapaho poyo semokuhwosi sekwoe huyoêmangoso nɨhuênahone tɨkanomo uhwajiyoêne yokumpohnênyo hiênjo hweho. Osohumneênohini iyoho wasenono. 6 Sekwo huno seyohoho. Yɨhufo nɨhuêno weêe popijamo paênyoso aêamu yɨhufo hiso aho fehohnjo hopiênonohino somo touya hufaêu somneêno mpe yɨwoênɨngkohofofoho. I osoêno oso yɨhufo nɨhuêno weêe somneêno Anɨtu kako inɨngo mamofɨwoênɨngkiyohoho. 7 Anɨtu kako yoêmayo hopiênonohinoso hunoênjo hweho. Kako jɨje mnokinomjo mijiyo kengaêno kengaênohinoso Anɨtu kako atofo nto lɨmentisofoho. Oseso sekwo aêamu poyo semokiyo sohwamneêno iyoho senɨngkuhwaloho. Oêo, oso yɨhufo nɨhuêno weêe Anɨtu inɨngo mamofeênjo hofiyo mokosyohumawoênɨngkiso somo sekwo yakoloênnyo kuyoho. 8 Olo soêno waselɨmonneêno yohono. Aêamu fihwo kako aêamufe tɨmopo ngkineêno hungkuno lɨjwaofoso sohwo oso humneêno ngko Aêamufe Hwomu sohwoêni aêamu ahwomomjo sofe tɨmopo hungkuno wolɨjwaoêmonnoho. 9 I osoêno aêamu fihwo kako aêamufe tɨmo sopo ngkineêno hohujo ikinjanɨmofoso sohwo oso humneêno ngko huhwoêni aêamu ahwomomjo sofe tɨmopo hohujo ikinjɨmoêmnefoho. 10 I aêamu fihwo ngkineêno sitofo ntososo kako oso wonyo hisoêno Anɨtumo wae yaofoêne jomo ulososo Anɨtu kako wae weeoêmontonoho. I osoêno aêamu Anɨtuye Towahuno Wopɨngo sohumneêno sitofo ulososo oso wonyo hiso Anɨtu kako wae meeofonehoho. Oêo, wonyo hiso neêno wawoêmontonoho. 11 Aêamu hofɨko tajo ango weêe soêmo aêamu hwaho mokosyohumayo sohwanji aêamu yofe engoênjo sofe tɨmopo ipesemotasokujoêno sekwo iyoho senɨngkuhwaloho. Huno ole syafɨsyɨkutoho. Hofɨko hungkuno nalohonɨngkujoêno nakwo peho hungkuno ulantanto. Ose syafɨsyɨkutoho. 12 Oêo, olo hoholohonta Anɨtuye Towahuno Wopɨngo kako yoêmayo hungkuno sekwo ujoêne soêno waselɨmontonoho. 13 Hwe moyaêmi piênɨngo engo nohumentanɨngkofi hwe angaênohino sohwo Jisasɨmo ole ulɨmento, Nje Lontɨhwayo sohwosi, nje mpohwo poyo peênɨngkahonɨngki nje tatohwo kako hoêyango hopiênonohinoso maêmentisofoho. Oseso olo hilo soêno kɨko nje tatohumo uso. Hoêyango hiso yano ilofɨhwosi fehohnjo ngkimo wontapono. Ose lonɨhwajohoho uso. 14 Ose ulahonɨngki Jisas ulɨmento, I pipilo. Senɨngkwohwoe hoêyango yoêmayoso yano ilofoêne syohoso tɨhwo ntapmmentisoto. Awonoho. 15 Ose ulonto aêamu hopiênonohino somo ole ulɨmento, Sekwo huno itoêno fɨsyafɨhupmno. Nomêne aêamufe yoêmayo somneêno hi semoênyo soêno yahino soêno iêwaho fiyɨmno. Aêamu hoêyango piênɨngo engo yokumpohnênyo mokosyohumayo sohwo kako oso hoêyango somtaêni sɨmeho wopɨngo neso motɨpuhwonyo hweho. 16 Ose ulonto kako pahnnɨmo hungkuno ole ulɨmento, Hwe hamniyoho engoênjo fihwo kakoe wopasyoho somtaêni yoêmayo piênɨngo engo maêmentisofoho. 17 Ose uhwononto oso hwe hamniyoho engoênjo sohwo hnnɨmento, Ngko pipi imnehono. Yoêmayo wosopayo hoênasiyoêne angoso hopoêmaho. 18 Ose syafɨsyonto ole lɨmento, U, ole uyɨmonnoho. Nje wosopayo hoênasiyoêne ango weêeso wae yahmêmo nomêne engo mɨkunɨmposo wamolɨmo. Ose molɨêmo ngko wopayo yoêmayoso oso ango songomo wohoênahumonnoho. 19 Ose iêmeêno ngko nje huyoêmangomneêno ole wahnnɨmo, Jɨje yoêmayo wopɨngoso piênɨngo weho. Soswo piênɨngo engoso kiyakolofɨhwosoêno hoêyango yoêmayoso neênohino wakuwentɨêmtefoho. Oseso syoho engo yohotoho. Oêo, iyoho humahoji yoêmayo mijo wosopayo nɨngkohoji sɨmeho wopɨngoênjo fosyohumaho. 20 Ose ko hnnɨngkahonɨngki Anɨtu hwe huhwo sohumo ulɨmento, Kɨko huno ane hwosoho. Olo sɨkwoêmiyo lomo kɨko poyo wapeênɨmonnoho. Jɨje hoêyango engo itoêno esyohumahnnoso tɨhwo womaêmteto. 21 Oso pahnnɨmo hungkunoso ulonto ole ulɨmento, Oso paênyoso aêamu hoêyango yoêmayoso piênɨngo engo elofisosyalofonjo sohwo kako Anɨtuye tɨmopo ne soêno umofonyo yone hweho. Osoêno sekwo huno itoêno fɨsyafɨhupmno. 22 Ose ulonto Jisas kakoe inomokomoyo sohwamo ole ulɨmento, Osoêno ole selalokweno. Sekwo sekwoe fosyohumayo soêno huno piênɨngo engo syafɨsyɨkuji ole nolɨkutoho. Nakwo peho wosopayo wonantanto. Sekwo sekwoe aêapahomneêno huno piênɨngo engo syafɨsyɨkuji ole nolɨkutoho. Ngko nje aêapahomo peho wekojisyahinɨmonnto. Ose syafɨsyɨkutoho. 23 Hwapɨngoso nakwo pehoêne humolawotohwono. Wosopayoênetaho. Hwapɨfeênetaho. Oêo, osoêneêmaho. 24 Sekwo yɨhufoêne fɨsyafɨhupmno. Hofɨko wopuyo hulɨwoênɨngkohofoêmaho. Hofɨko wopayo mehuêmeesyɨwoênɨngkohofoêmaho. Hofɨko wopayo angoso yoêmayo hoênasiyoêne ango hiênjoêmaho. I osoêno Anɨtu kako hofɨkimo wosopayo yoêmayoso uyɨwoênɨngkohoho. Sekwo hwe moyaêmi soku Anɨtu kako sekumo sehononteso sekwo yɨhufo somo yakoloênnyo kuyoho. 25 Hwe fihwo sekumtaêni kako huno piênɨngo piênɨngo syafɨsyɨhwosi nje soswo sawemo umokinɨmneêno yohono lososo ne umoênɨmontolo. Awonoho. 26 I sekwo oso weêe hiso ifitnneso hopoenohini mmoênyohwasɨêmanji sekwo nomêne yoêmayo piênɨngo engo somneêno huno piênɨngo piênɨngo pehoêne syofɨsyalokwofo. 27 Sekwo wokoso fofo soêno huno fɨsyafɨhupmno. Hofɨko yoêmayo syoho anefoho. Hofɨko he yoêmayoso mojiyofɨwoênɨngkiyohofo. I osoêno ole waselɨmonneêno yohono. Hohonta hwe engo Soulomoun hamniyoho hwapɨngoênjo sohwo kako kakoe hwapɨfe wonyoangkafo yoêmayo wokoso naênohino soênji inonteso kako olo wokoso fofo weêe somo muyakolofonehoho. 28 Ou oso wokoso fofo sɨkuno fihumo syohopo lohofososo moênɨngkanta aêamu nolofekuji tohomo wolofefantɨfeho. I osoêno oso wokoso fofo Anɨtu wonyoangkafo mtɨêmokuwoênɨngkiso somo uhwonontaneso wopɨngofoho lɨwoênɨngkuhwono. Oseso sekwo soku wokoso fofomo yakoloênnyo hokumo Anɨtu kako hofiyo wosemokosyohumamontonoho. Sekwo Anɨtumo sɨmeho hiêntnnono weêeênohinoso pehoêno uyalokwofo. 29 Oseso sekwo wopayo yoêmayo mijo soêno peho wonantaneênunto Ose syafɨsyɨkutoho. Huno piênɨngo piênɨngo seyoêeno. 30 Aêamu olo hwaho lopo Anɨtumo minɨngkayoênjo hofɨko yoêmayo yoêmayo mayoêne huno piênɨngo piênɨngo syafɨsyɨwoênɨngkohofo. I osoêno senɨngkwohwo Anɨtu sohwo kako yoêmayo soêno sekwo umofonyo yahonɨngkohofoso kako huno nto uyohoho. Kako wopɨngo wosemokosyohumamontonoho. 31 Oseso sɨmoêmo sekwo Anɨtumo enjwaêmo humayoêne hi semoênɨngkuhwosoêno Anɨtu kako yoêmayo yoêmayo umofonyo ifijoso wosejapmmontonoho. 32 Nje yahu mehomi soku sekwo yoêmayo soêno iyoho senɨngkuhwoloho. Anɨtu kako kakimo enjwaêmo humayoêne mesehumajiyoêneso hungkuno nto mtitoêmentisofoho. Anɨtu kako sekumo semokosyohumayo soêno sɨmeho wopɨngo umoênalofoho. 33 Sekwoe hoêyango yoêmayoso aêamu mpe waselohopɨfe. Sekwo oso hamniyoho hiso aêamu umofonyo iyo somo uyɨmno. Ose ifijo soêno sekwoe hoêyango neso ahwomomo weho. Ahwomomjo hoêyango wonyo mmoênonehoho. Osoêno sekwo sekwoe hoêyango engo ahwomomo fohuêmeehumno. Oso hopo soponjo hoêyangoso mpoênaofeênefoho. Aêamu hoêyango hufo iyoso aneponoho. Namo, mote, yoêmayoso hoêyangomo wonyo mmokonehoho. 34 Ango jɨje hoêyango yoêmayo wopɨngo wojo sopo jɨje sɨmeho hi oso hopo weho. 35 Sekwo sekwoe he itoêno yofɨkuji sikiloho mongkujɨkuji itoêno fesyohumamno. 36 Ose ifijoêmanji sekwo olo paênyo wohontohumantɨfeho. Aêamufe hwe engo sohwo kako ape mayoêne wopayo iloho engo somtaêni asomo poso sohonta kako hokuêyopo hwanɨngo fonjɨhwosoêno syoho ulohofiyo sohwa hano komoêno wohwosampɨtɨmantɨfeho. 37 Oso syoho ulohofiyo huhwo sohwa hofɨko saho mofosyawoso uyantɨfeho. Oêo, hofɨko hofɨkoe hwe engo sohumneêno yoêmayo itoêno esyohumentanɨngkuji hwe engo sohwo poso sohonta hofɨko sɨmonyo engo uyantɨfeho. Hungkuno nehopi waselɨmonneêno yohono. Oso hwe engo huhwo sohwo kako uhwonososo yoêmayo itoêno esyohumayo somo uhwonɨngkuhwosi kako huhwo kakoe syoho ulohofiyo sohwamo wopayo nɨwoênɨngkohofo epohumayo sopo uhumajɨhwosi kako wopayo uyɨmontonoho. 38 I kako sɨkwoêmiyo kuntoliyopo posoêmanji u kako yɨhufo yoka sɨmoêmjo hoênɨwoênɨngkiso soênji posoêmanji kako kakoe syoho ulohofiyo sohwamo uhwonososo hofɨko saho mofosyowentanɨngkuji uhwonɨngkuhwosoêno hofɨko sɨmonyo uyantɨfeho. 39 Hwe engo sohwo kako asomo pe-eêne mofehiênyo sɨmoême soêno huno itoêno seyosoêmanji sekwo hopiênonohino soku itoêno wesyohumantɨfeho. U, oso hopaso hwe ango mokosyohumayo sohwo kako nomêne aêamu kakoe ango hopo sopo ntaêni yoêmayo hufo womaêmo lontesoêno sɨkuno huno uyontentesi kakwoêyohwo oso sɨkuno somneêno hontohumentanɨngkuhwosi aêamu hufo imojo sohwo kako yoêmayoso momahwonesohilo. 40 Oseso sekwo soku sɨkuno engolopohamo itoêno fesyohumantokuno. Ngko Aêamufe Hwomu sohwoêni sɨkuno sekwo huno mosyofɨsyomokosyohumentanɨngkuji asomo wapmmonnoho. Ose ulɨmentisofoho. 41 Pita ose upaênonto Jisasɨmo ulɨmento, Hwe engofo, oso pahnnɨmo hungkuno nalohinoso nakumnohini lonalohino. Hwe moyaêmi hopiênonohinoênyumo lonalohino. 42 Ose ulohonɨngkahonɨngki Jisas kako nomêne pahnnɨmo hungkuno ole ulɨmento, Hungkuno selalokwe loso olo humnefoho. Aêamu fihwo huno wopɨngoênjo sohwo kakoe hwe engo sohwo osohumo nomêne syoho ulohofiyo sohwamo umokosyohumayo syohoso uyahonɨngkuhwosi syoho hiso itoêno inyo sohumneêno selalokweno. Oso hwe engo huhwo sohwo kako asomo pɨhwosi uhwonososo kakoe syoho ulohofiyo sohwamo mokosyohumayo syohoênjo sohwo wosopayo uyontanɨngkuhwosi uhwonɨngkuhwosoêno oso syoho ulohofiyo sohwo sɨmonyo uyɨmontonoho. 44 Ngko hungkuno nehopi waselɨmonneêno yohono. Oso hwe engo huhwo sohwo kako kakoe yoêmayo hopiênonohinoso oso syoho ulohofiyo huhwo sohumo enjwaêmo wohoênahumontonoho. 45 I osoêno oso syoho ulohofiyo huhwo sohwo kako huno ole wosyafɨhuêmontonoho. Nje hwe engo sohwo kako asomo komoêno maponehoho. Ose syafɨsyɨhwosiêmanji kako nomêne syoho ulohofiyo hwe moyaêmi sofanjimo ikujoho fonjomasoso kako yoêmayo wosopayo tohoênohini nɨngkuhwosi kako mijo yokumpohnênyo nɨngkuhwosi wonilohofaoêmontonoho. 46 Syoho ulohofiyo sohwo ose yosoêmanji kakoe hwe engo sohwo sɨkuno fihumo syoho ulohofiyo sohwo kako huno mosyofɨsiyoênjo yoêmayo itoêno mesyohontohumentanɨngkuhwosi asomo wapmmontonoho. Oso hwe engo sohwo kako syoho ulohofiyo huhwo sohumo tohino engo uyɨhwosi aêamu kakoe hungkunomo haloho maposoênjo sopo uhumatɨêmontonoho. 47 Syoho ulohofiyo sohwo kakoe hwe engo yoêmayo syoho yoneêento ulisoso kako huno ko uyahonɨngkuhwosi hungkuno homo somo minɨngkayoênjo yoêmayoso itoêno mesyohumayoênjo oso hwe huhwo sohwo tohino engo womaêmontonoho. 48 Syoho ulohofiyo nomênehwo kakwoêyohwo sohwoe huno somo huno muyoênjo soêno kako yahino wonyo ko ihwosi kakuneêno huno mosyafɨsiyoênjo yososo kakwoêyohwo sohwo tohino weêeênohini uyonefoho. Anɨtuye syoho ulohofiyo fisomo yoêmayo wopɨngo piênɨngo engo uêmante soêno kako Anɨtumneêno syoho piênɨngo engo uyono. Aêamu yoêmayo yoêmayo piênɨngo engo mokosyohumunyo sohwo Anɨtu kako osohumo nomêne aêamumo ufoêmayoêne yoêmayo soêno jomo ulɨmontonoho. 49 Ngko olo hwaho lopo ahwomo mtaêango toho womotapmmo lonji pmêmentohe hwoênyoho. Oso toho hiso olohonta sijontentesi wopɨngoênesohilo. 50 Oso toho hiso mosijontanɨngkuhwoso sohonta ngko tohino engo womaêmonnoho. Oso tohino engo mayo hisoêno nje hi tango mjonɨmopɨhwosi oso tohino moiêwo umoênosojwaoêmontonoho. 51 Ole losyonɨfɨsyantɨkwofo. Olo hwaho loponjo ikujoho yoêmayo yahinoso moiêwo esojwaofoêne pmmentiso hweho. Ngkineêno ose losyonɨfɨsyantɨkwofo. Oêo, sekwo upaênɨmno. Ngko aêamu hotitofoêne pmmentohe hwoênyoho. 52 Olohontajoênji hwangku nomêneêntnneêno hofɨkoêmontohwa aêamu aho fehohnjo hopiênonohinoso nohotitofahonɨngkuji aêamu hufaêuso siko aêamu hufaêu sɨhune sohwafe mangohwa umoênanjiyoho. I aêamu hufaêu siko ngkimo nnɨngkapohosɨsoêno oso aêamu hufaêu sɨhune sohwa sikoe mangohwa umoênantɨfeho. 53 I kanɨngkwohwo kako ngkimo nnɨngkapɨhwosoêno kakoe hwomu ngkineêno ngkilaho walɨmontonoho. I mu fisi kako ngkimo nnɨngkapɨhwosoêno konaêwohi ngkilaho wantɨmontonoho. U, aêmu fisi kako ngkimo nnɨngkapɨhwosoêno kakoe hwomufe ape mangohwo umoênɨmontonoho. Oso hopaso aêamu piênɨngoso hofɨko wohotitofantɨfeho. Ose ulɨmentisofoho. 54 Olo hungkuno hilo soênji aêamu homo somo ulɨmento, Sekwo mofehiênyo ikwoêmokuwoênɨngkiso sohohntaêni himo uhwonɨngkuji ole wolantɨfeho. Ifoyo wahuêmontonoho. Ose lɨkuji ou, nehopi wahuêmontonoho. 55 U, sekwo ifofo yokumpohnênyo mongkihntaêni sopahonɨngkuhwosi uhwonɨngkuji ole wolantɨfeho. Mofehiênyo yokumpohnênyo walɨmontonoho. Ose lɨkuji ou, nehopi walɨmontonoho. 56 Sekwo yoêmayo hwahoponjo soênji ahwomomjo soênji uhwonantɨfi sekwo huno itoêno syafɨsyɨwoênɨngkohofo kuyoho. I osoêno yoêmayo olohonta imoênalokuso somo ko uhwonontɨfi sekwo sekwoe yahino wonyo somneêno tohino mayosoêno huno maseyoênjo iêwaho itoêno miyalokuyohofo. Hwapɨngoso pehoêneto. Sekwo mangoênohino kuyoho. 57 Sekwo huno wopɨngo syafɨsyɨkuji yahino itoênohino somneêno yano milofahinyoso pehoêneto. 58 Hwe fihwo kako kikimo impoêangomo wolintofakohumo lɨhwosi ipekumotowahonɨngkuhwosi honɨngkanopo humahosɨsi osopo sikoênohini hungkuno itoêno filinyo. Majoêmanji hwe engo hungkuno itoêno mɨhwajiyo syohoênjo sohwo kako impoêangomo womekuhumatɨêmontonoho. 59 Ose yosoêmanji kɨko impoêangoso kuntoêno ulɨkoêmaêmne hwosɨêmaho. Oêo, sɨmoêmo kɨko jɨje yahino somneêno yoêmayo hamniyohoso wohoênahumonnoho. Ose ulɨmentisofoho.