Joun 7

1 Oso hohosohonta Jisas kako hwaho Ngkalili sopo nowento hano emoimentisofoho. Aêamu Jutafe hwe engo sohwa Jisasɨmo wofonjosyano lontɨfi yahonɨngkofi kako hwaho Jutiya sopo hano memoyoênjo imentisofoho. 2 Oso aêamu Jutaso hofɨkoe sɨkuno iyoho humayo nomêne engoso mofonepo umoênɨmonto imentisofoho. Oso sɨkuno hiso aêamu Jutafe hofiyakwosa hofɨko hwapɨfe ango molontɨfi humamotofo sohonta Anɨtu hofɨkimo hofiyo mokosyohumamojo soêno huno syafɨsiyoêne sɨkunofoho. 3 Oseso Jisas kakoe homnɨngkwaêwehwosa kakimo sitofo hungkuno ulɨmentohofi, Kɨko olo hwaho Ngkalili lopo sopo nohumahotoho. Oêo, kɨko hwaho Jutiyaêneêno sohoji osopo yoêmayo wonyoangkafo aêamu miyɨwoênɨngkiyohofoso kɨko yohojoêno aêamu piênɨngoso kikimo kohonɨngkuji jɨje yofe engo umoênɨmontonoho. 4 Kɨko yofe engo womaêmo lohojɨêmanji olo hiyaso loêmo pehoêno humahnno. Kɨko yofe engo ne hiênjo hwosɨêmanji kɨko yoêmayo wonyoangkafoso aêamu hopiênonohino somo fitɨhwaho. Ose ulɨmentohofofoho. 5 Hwapɨngoso homnɨngkwaêwehwosa huhwanji Jisasɨmo sɨmeho hiêntnnono mummentohofofoho. 6 Jisas hofɨkimo ulɨmento, Ngko ango Jelusalemneêno utɨhwaênyopo sɨmne sɨkunoso mêmofapefoho. I sekwo yoêmayoso uyano lɨkujɨêmanji sekwo aêamu hwahoponjo soku sɨkuno engolopohamo sekwoe sɨkunofoho. 7 Olo hwaho loponjo hwe moyaêmi hopiênonohinoso hofɨko sekumneêno sɨmeho tohino mosejopalokuyohofo. Oêo, sɨmeho tohino ngkimnohini ntopantokwofo. Hwapɨngoso yoêmayo yahino wonyo hofɨko iwoênɨngkohofo soêno ngko lɨjwaofɨwoênɨngkohe soêno sɨmeho tohino ntapɨwoênɨngkohofofoho. 8 Nje nɨngkwahwoso sohwasi sekwo nosɨkuji sekwo oso sɨkuno iyoho humayo engo somo fisɨhwonamno. I, ngko oso sɨkuno iyoho humayo engo somo mosɨhwonamnehono. Nje sɨkuno ngko siyoêneso ntoêno mmoênyofoho. 9 Jisas kako ose ulonto oso hwaho Ngkalili sopo humamentisofoho. 10 Jisas homnɨngkwaêwehwosa sohwa hofɨko oso Sɨkuno Engo somneêno sɨkwato lohofahonɨngkofi Jisas kako huhwo sɨmentisofoho. I osoêno kako utɨhwaênyopo sɨmentisoêmaho. Oêo, hiyasoêmo sɨmentisofoho. 11 Aêamu Jutafe hwe engo sohwa hofɨko oso Sɨkuno Engo somo humawoênɨngkohofo sopo humantɨfi Jisasɨmneêno hafɨhafe tɨpentɨfi aêamu somo ulohonɨmentohofi, Jisas kako ntɨêmo humaho. 12 Hwe moyaêmi piênɨngo engoso hofɨko mtitofo mtitofo syohumolawentɨfi aêamu fehohnjoso ole lɨmentohofi, Jisas kako wopɨngo hweho. Aêamu fehohnjoso ole lɨmentohofi, Jisas kako aêamumo hwasyo hungkuno lɨkuêmofɨwoênɨngkiso hweho. Ose lɨmentohofofoho. 13 I osoêno aêamu hopiênonohino hofɨko hwe engo sohwamneêno iyoho unɨngkahonɨngki hofɨko hungkuno utɨhwaênyopo mahnnɨmentohofofoho. 14 Oso Sɨkuno Engo iyoho humayo ajwo sopo Jisas kako Anɨtuye tajo ango engo somo noswonto aêamu somo utɨhwaênyopo hungkuno lomaêmentisofoho. 15 Aêamu Jutafe hwe engo sohwa hofɨko Jisasɨye hungkunomo upoênantɨfi yomo yontɨfi ole hnnɨmentohofi, Olo hwe lohwo kako huno engo loso ntɨêmtaêni tɨpemaêmasoto. Kako nakwoe sɨkule ango hungkuno atofo lutɨhwawoênɨngkuhwone somo masyuyo hweho. 16 Ose hnnɨngkahonɨngkofi Jisas kako hofɨkimo ulɨmento, Olo hungkuno selalokwe loso nje huno mtaêango moselalokuyohono. Oêo, Anɨtu kako ngkimo nɨhwatɨmentiso sohwo ntahonɨngki selalokweno. 17 Aêamu fihwo kako Anɨtuye hungkunomo unɨngkamo loso sohwo kako olo nje hungkuno lomneêno kako huno ole uyono. Hungkuno loso kakoe huno mtaênɨngoêmaho. Oêo, Anɨtuye huno mtaênɨngofoho. Kako huno ose uyono. 18 Hwe fihwo kako kakoe huno mtaêni yoêmayo loso yoso sohwo kako yofe engo womaêmo lɨhwosi walɨmontonoho. I aêamu fihwo kako oso aêamu lɨhwatɨmentiso sohwoe yofe engoso sekwo nohoênomapitnneêento selalokusoêmanji kako hwasyo hungkuno moselalofiyoho. Honɨngkano wonyo ane hweho. 19 Jisas ose ulonto ole ulɨmento, Hohonta Mouses kako seyakwosamo Anɨtuye honɨngkano hungkuno uyɨmentisofoho. I osoêno sekwo hopiênonohino soku oso honɨngkano hungkuno somo hwotoho fentɨfi ntoêno minɨngkayoênjo imotofokuyoho. Sekwo ose imentohofo soêno sekwo ngkimo pehoêno wofonjonisyantɨfeêno yalokwofo. 20 Ose ulahonɨngki hwe moyaêmi hopiênonohinoso hofɨko Jisasɨmo ulɨmentohofi, Kikimo tɨhwo wofonjakohumontolo. Awonoho. Kɨko towahuno wonyo Seten mtaêangoso hiênjo hwosoho. 21 Hofɨko ose ulahonɨngkofi Jisas ulɨmento, Sɨkuno iyoho humayo fihumo ngko hwe mnokinoênjo sohumo wopɨngo umokumentohe soêno sekwo sɨmeho tohino ntapɨwoênɨngkohofofoho. I osoêno sekwo soku sɨkuno iyoho humayo somo syoho iwoênɨngkohofokuyoho. Seyakwo Mouses sohwo honɨngkano hungkuno ole sejapmmento, Sekwo sɨkuno aho fehohnjo hopiênonohino aho nomêne mtaêni hufaêu memjaofɨhwosoêno moênɨngkanta hwomu milongo sohwamo aêapaho somo sɨhu fɨkolopmno. I Mouses oso hungkuno somneêno hwapɨngo hwoêmaho. Oêo, seyakwosa mtaêangofoho. I osoêno oso sɨkunoso memjaofɨhwosoêno sɨkuno iyoho humayo soêmanji sekwo oso sɨkuno somo syoho iwoênɨngkohofɨhwasoho. Sekwo oso ko iwoênɨngkohofo soêno ngko hwe sohumo wopɨngo umokumentohe oso sɨkuno somo sekwo ngkineêno sɨmeho tohino pehoêne ntopantokwofo. 24 Sekwo yoêmayo yahino somo uhwonɨngkuji wonyofoho eso komoêno lɨkutoho. Oêo, sekwo sɨmoêmo hwapɨngo ne soêno huno ntoêno ikwesyafɨsyɨkuji sekwoe hunoso yano ntoêno mpopmno. Ose ikujoêno sekwo yahino wonyo soênji wopɨngo soênji huno ntoêno wotɨpemantɨfeho. Ose ulɨmentisofoho. 25 Hwe moyaêmi fehohnjo Jelusalem sopo humamotofoso ole hnnɨmentohofi, Olo hwe lohumo aêamu hwe engo sohwa wofonjosyano lontɨfi iwoênɨngkohofo lohwolaho. 26 I uhwonɨmno. Kako utɨhwaênyopo lohofonto kakoe hungkuno lontanɨngki hofɨko yoka hungkuno mulalokuyohofo. I nakwoe hwe engo sohwa hofɨko olo hwe lohumneêno Anɨtu uhwatɨmentiso hweho ose kosyofɨsyalokwofo. 27 Ose hnnontɨfi nomêniso ole hnnɨmentohofi, I osoêno olo hwe lohwoe hwaho loponjo ango ne soêno nakwo huno nayohoho. Oso hwe Anɨtu uhwatɨmonnoho nalɨmentiso soêno kako iêmofape sohonta kakoe hwapɨngo soêno nakwo huno ntoêno monayonefoho. Ose hnnɨmentohofofoho. 28 Jisas kako Anɨtuye ango engo somo ajwoêmo nohumanto aêamu somo mango engo ulɨmento, Sekwo ngkineêno huno seyohoho. I sekwo nje ango soponeêno huno moiêwonoho. I osoêno nje hwapɨngo neso nje Mpohwo ngkimo nɨhwatɨmentiso sohuneêno sekwo huno ntoêno maseyohiyohoho. Ngko nje huno mtaêni pmmentohe hwonɨêmaho. Oêo, nje Mpohwo kako nɨhwatɨmentiso sohwo kako yoêmayo yahino ne soêno hwapɨngo hweho. I sekwo kakimo huno itoêno maseyokuyoho. 29 Ngkoênohini kakineêno huno moiêwonoho. Hwapɨngoso ngko kakoênji nohumentai kako huhwo ngkimo lonɨhwatɨmentiso soêno pmmentohe hwoênyoho. 30 Ose ulahonɨngki hofɨko kakimo impe untofantɨfi ko imentohofoso aêamu fihwo kakimo aho mokisahumentisofoho. Hwapɨngoso Jisas kakoe sɨkunoso mmoênyofoho. 31 Hwe moyaêmi piênɨngoso hofɨko Jisasɨmo sɨmeho hiêntnnono uyontɨfi ole hnnɨmentohofi, Oso hwe sohumo Anɨtu uhwatɨmentiso sohwo nopɨhwosoêno kako olo hwe lohwoe yokumpohnênyo somo uyakoloêmontolaho. Oêo, awonoho. Olo hwe oloho hweho. Ose hnnontɨfi tɨfi inɨngkamentohofofoho. 32 Aêamu Falisi sohwa oso hungkuno aêamu Jisasɨmneêno hnnɨmentohofo homo somo upaênontɨfi hofɨkoênji aêamu tajo ango syohoênjo yofe engoênjo sohwantnneêno hofɨko Anɨtuye ango engo somjo aêamu hwapɨfe tɨfoênjo sohwamo Jisasɨmo impe intofoêne lɨhwatɨmentohofofoho. 33 Lɨhwatɨmentohofo soêno Jisas kako huno uyahonɨngki kako aêamu kakoênjoponjo somo ulɨmento, Sɨkuno weêenehwo ngko sekwoênji wosɨmonnoho. Nohumahmêmo ngko nɨhwatɨmentiso sohwoepono asomo wawomonnoho. 34 Oso hohosohonta sekwo ngkineêno hafɨhafe ko tɨpɨfijoso manohonɨfitnnehofo. Hwapɨngoso oso ango ngko nuêmo humame sopo sekwo monɨêmapitnnefoho. 35 Ose ulahonɨngki aêamu Juta sohwafe hwe engo sohwa ole hnnɨmentohofi, Oseso olo hwe lohwo kako ntente we sopo uhwonantanto nakwo huno uhwonyosofo. Kako aêamu Ngkɨlik sohwafe hwaho sopo nowehwosi aêamu Juta oso hopo sopo humawoênɨngkohofo soênji aêamu temtitofo kengo Ngkɨlik soênjimo kakoe hungkunoso wolutɨhwamtolɨkeno. 36 Ole nalohi, Sekwo ngkineêno hafɨhafe ko tɨpɨfijoso manohonɨfitnnehofo. Ose nalonto ole nalohi, Sekwo ango ngko humame sopo sekwo monɨêmapitnnefoho. Oso hungkuno nalisoso hwapɨngo neso pehomto. Ose hnnɨmentohofofoho. 37 Oso sɨkuno nɨhuêno engo iyoho humayo aeêuyo sohonta Jisas nolɨkafonto mango engo ole ulɨmento, Aêamu mijoêno umoênoso sohwo kako ngkiyepono nopɨhwosi ngkintaêni wannono. 38 Aêamu Anɨtuye hungkuno mtɨêmokumentohofo sohwa ole mtɨêmokumentohofi, Aêamu ngkineêno sɨmeho hiêntnnono ntaposo sohwo kakoe sɨmeho soêmo mijolɨmo hopa imoênɨngkuhwosi oso mijo songo neêno humayoêneso hano lohoênawoênnyofoho. Ose mtɨêmokumentohofofoho. 39 Mijoêno Jisas ulɨmentisoso Anɨtuye Towahuno Wopɨngo somneêno ulɨmentisofoho. Aêamu sɨmeho hiêntnnono unyo sohwa hofɨko Anɨtuye Towahuno mapitnneêno ulɨmentisofoho. I osoêno Jisas kakoe yofe engo soênji kakoe yokumpohnênyo hwofiloênnyo soênji momasoênjo osoêno Anɨtu kakoe Towahuno aêamu homo somo muyoênjo imentisofoho. 40 Hwe moyaêmi fehohnjo sofanji Jisasɨye hungkuno upaênontɨfi ole hnnɨmentohofi, Ou, nehopeho. Oso hwe sohumo Anɨtu hungkuno uyahonɨngki nalone sohuneêno hontohumawoênɨngkuhwoneso olo huhweho. 41 Ose hnnɨngkahonɨngkofi nomêne aêamuso ole hnnɨmentohofi, Olo Kɨlaisɨyoho. Anɨtu kako ahwomo mtaêni uhwatɨmentiso hweho. Ose lahonɨngkofi nomêneso ole hnnɨmentohofi, Oêo, Kɨlais kako hwaho Ngkalili sopo mêmofaponehoho. 42 I aêamu Anɨtuye hungkuno mtɨêmokumentohofo sohwa olo hisoêno yoloho mtɨêmokumentohofofoho. Kɨlais kako hwe engo Ntefitɨye temtitofo iêmofapɨhwosi oso ango Mpetɨlehem Ntefit humamojo hopo sopo uêmofapmmontonoho. Olo hwe lohwo kako Ngkalili sopo iêmofapmmentisofoho. Oso huno hwasyo syafɨhuêmentohofofoho. 43 Oseso aêamu Jisasɨmneêno huno kengo kengo syafɨsyontɨfi hwe moyaêmi hofɨko Jisasɨmneêno hotitoêmentohofofoho. 44 Aêamu fehohnjo sohwa hofɨko Jisasɨmo impe untofosyano lontɨfi ko imentohofoso aêamu fihwo Jisasɨmo aho mokisahumentisofoho. 45 Oseso aêamu hwapɨfe tɨfoênjo sohwa hofɨko aêamu Falisi sohwanji aêamu tajo ango syohoênjo yofe engoênjo sohwafe poneêno asomo nopahonɨngkofi hwe engo sohwa yoka ulɨmentohofi, Sekwo Jisasɨmo impe mintokwape pipi yohofo. 46 Ose ulahonɨngkofi hwapɨfe tɨfoênjo sohwa ulɨmentohofi, Jisas kako hungkuno wonyoangkafo lisoso nakwo hungkuno oso paênyoso nakwo mupaênɨngkohoyɨhwono. 47 Ose ulahonɨngkofi aêamu Falisi sohwa ulɨmentohofi, I sekwo huhwahnnji Jisasɨmo sɨmeho uyahonɨngkofi hwasyo honɨngkanomo ipesemotasewesotaho. 48 I nakwo hwe engo sohwonaênnonji aêamu Falisi sohwonaênnontnne hwe fihwo kako Jisasɨmo sɨmeho hiêntnnono unyo sohumo lɨhwonalokwofo. Nɨhuêno awonoho. 49 Olo aêamulo Jisasɨmo sɨmeho uyalokwofo sohwa hofɨko Mousesiye honɨngkano hungkuno somo huno muyofoho. Osoêno Anɨtu aêamu homo somo tohino uyɨmontonoho. Oso hwasyo hungkuno ulɨmentohofofoho. 50 Nikoutimos kako hohonta Jisasɨmo uêmaêmentiso sohwo kako huhwo aêamu Falisi hweho. Kako hofɨkoênji nohumanto ulɨmento, 51 Nakwoe honɨngkano hungkunoso ole nalɨwoênɨngkisotaho. Aêamufe hungkuno mupaênyoêmtaêni tohino siki uyo. Ose nalɨwoênɨngkisotaho. Oêo, sɨmoêmo kakoe hungkuno yoloho neso upaênɨngkuhwasi yoêmayo iwoênɨngkiso soêno huno ntoêno nayɨhwasoêno u, osohonta kakoêne hungkuno nano womtitofantanoho. 52 Ose ulahonɨngki hofɨko ulɨmentohofi, I kɨko huhwo hnnonji Ngkalili ntaêango hwosilaho. Anɨtuye hungkunomo atofo fiso. Atofo lohoji olo soêno huno wotɨpemaêmonnoho. Aêamu Anɨtu hungkuno uyɨhwosoêno nalone sohwo hwaho Ngkalili sopo mêmofaponehoho. Oseso kɨko huno wotɨpemaêmonnoho. 53 Ose ulahonɨngkofi hofɨko hofɨkoe angopono humpoêmentohofofoho.