Joun 4
PNG1 Oso hohosohonta aêamu Falisi sohwa hofɨko olo hungkuno upaênɨmentohofi, Aêamu piênɨngo engo Jisasɨye inomokomoyo imoênɨngkahonɨngkofi Jisas hofɨkimo mijo kiyomaêmentisofoho. Oso inomokomoyo huhwo sohwa Jounɨye inomokomoyo sohwamo yakoloênnyo hwafoho. Ose upaênɨmentohofofoho. 2 Ose ko upaênɨmentohofoso Jisas huhwo kako aêamu somo mijo makiyomasoênjo hweho. Oêo, kakoe inomokomoyo sohwonaêni aêamu somo mijo kiyomaêmentɨhwonefoho. 3 Oso hungkuno homo somo aêamu Falisi sohwa upaênɨmentohofo soêno Jisas kako huno uyahonɨngki kako oso hwaho Jutiya hopo sopo ulɨkoêmanto kako hwaho Ngkalilineêno wawomneêno yohono lɨmentisofoho. 4 Ose lonto kako honɨngkano somo nowento kako hwaho Someliya sopoe umentisofoho. 5 Oso hopo sopo nowento kako ango Saika sopo iêmofamentisofoho. Oso ango hiso hohonta Jekoup kako kakoe hwomu Jousepɨmo hwaho umentisoso mofoneponoho. 6 Oso hopo sopo mijimo Jekoup nɨhuêno hohonta ijɨmentisoso woênnyoponoho. Jisas kako osopo hano nowento oso mijimoênjo hopo sopo mofehiênyo mijiyo kwaêofiyo ne lopo lohofontanɨngki (12 kɨlouk somo) Jisas kakoe aêapaho usijoêno oso hopo sopo humamentisofoho. 7 Aêmu Someliyantaêangosi mijo uêmonto pmmentisofoho. Oso aêmu hisi nopahonɨngki Jisas ulɨmento, Mijo ntape. Ngko wanɨmo. Ose ulɨmentisofoho. 8 Jisas kakoe inomokomoyo sohwonaêni nakwo wosopayo mpe uyontaneêno ango ne sopo nto umentɨhwoneponoho. 9 Jisas kakoênohini nohumentanɨngki oso aêmu Someliyantaêangosi Jisasɨmo ulɨmento, Kɨko aêamu Juta hwosoho. Ngko Someliya aêmuênyoho. Osoêno kɨko mijo ntape. Ngko wanɨmo eso pehoêno ntohino. Ose ulɨmentisofoho. Hwapɨngoso aêamu Juta soênji aêamu Someliya soênji hofɨko hungkuno molanɨmotofofoho. Jomo muêmaênyoênjo imotofofoho. 10 Jisas kako oso aêmu simo ulɨmento, Anɨtu kako aêamumo yoêmayo wopɨngoso uyone soêntnneêno, Ngko mijo ntape. Wanɨmo kiloheso sohwoênnontnneêno kɨko huno ntoêno kiyontentesi kɨko ngkimo mijoêno jomo ntohojoêno ngko mijo songo neêno humayoêne kijapmêmnesohilo. 11 Ose ulahonɨngki aêmusi ulɨmento, Hwe Engofo, kɨko mijo ifanyoso ane hwosoho. Olo mijimo loso kengo moêmtaêangofoho. Oseso oso mijo songo neêno humayoso ntɨêmtaêni womaêmonnto. 12 Neyakwo Jekoup sohwo kako nakumo kakoe mehomi sohwanjimo olo mijimo loso nejapmmentisofoho. Jekoup kakoênji kakoe mehomi sohwanji hofɨkoe yahuênji olo mijimo lomtaêni hohonta nɨmotofofoho. Oseso nakwo jɨje mijoso pehoêno womantantoho. Jɨje yofe engoso neyakwo Jekoup sohwoe yofe engo somo yakoloênnyo hwosilaho. 13 Ose ulahonɨngkahonɨngki Jisas ulɨmento, Aêamu olo mijo loso nɨwoênɨngkohofoso hofɨko nomêne sɨkunomo mijoêne apaêno umoênɨmontonoho. 14 I osoêno aêamu fihwo kako olo mijo uyɨme loso nosoêmanji kako apaêno mijoêno mumoênonehoho. Oêo, olo mijo uyɨme loso nonɨngkuhwosi kakoe sɨmeho moêmo mijolɨmo hopa imoênɨngkuhwosoêno oso mijo hiso neêno swapɨwoênɨngkuhwosi kakoe songo neêno humayoso neênohino hweho. 15 Ose ulahonɨngki aêmusi ulɨmento, Hwe Engofo, oso mijo hiso ngkimo ntape. Oseso hwangku ngko mijoêno mijoho mapeênɨmnehono. Oseso ngko olo mijo hiloso apaêno mifapmnehono. 16 Ose ulahonɨngki Jisas ulɨmento, Kɨko jɨje angopo nowehoji jɨje hwehumo utɨmahoji olopo asomo fɨpe. 17 Ose ulahonɨngki aêmusi ulɨmento, Ngko hwehwo aniênyoho. Ose ulahonɨngki Jisas ulɨmento, Ou, kɨko hwehwo aniênyoho ntohinoso nɨhuêno nehopi lohino. 18 Kɨko hohonta hwehwa aho hopiênonohino sohwamo umaênɨmentohino kiyoho. I, olo hwe lohwo olohonta kɨkoênjo humasiyoso jɨje hwehwoêmaho. Oso jɨje hungkuno nehopi lohino. 19 Ose ulahonɨngki aêmusi yomo yonto ulɨmento, Hwe Engofo, ngko kikineêno huno niyohoho. Kikimo Anɨtu hungkuno kijopahonɨngki lɨmotnno hwosoho. 20 Nakwo aêamu Someliya hnênwiye neyakwosa hofɨko olo hwofɨkiênyo lopo Anɨtuye yofe hoênomayoêne uhuêmokumotofofoho. I osoêno sekwo aêamu Juta soku ole lɨwoênɨngkohofi, Aêamu hopiênono ango Jelusalem soponohini Anɨtuye yofe hoênomayoêne uhuêmokukuno. 21 Ose ulahonɨngki Jisas ulɨmento, Aêmu losi, nje hungkuno ne somo kɨko sɨmeho hiêntnnono uyo. Sɨkuno fihwi umoênɨmonto yalokunjo somo sekwo olo hwofɨkiênyo lopo Mpohwoe yofe hoênomayoêne muhuêmokufitnnehofo. I aêamu ango Jelusalem hopo oso hisoêne muhuêmokufitnnehofo. Oêo, aêamu angoêmeemjoso hofɨkoe hwapɨngopo Anɨtuye yofe hoênomayoêne uhuêmokantɨfeho. 22 I osoêno sekwo aêamu Someliya soku sekwo Mpohwoe yofe hoênomayoêne hwapɨngo neso huno maseyofoho. Nakwo aêamu Juta hnênwi nakwo Anɨtuye yofe hoênomawoênɨngkuhwone ne sohumo nakwo huno nayohoho. Hwapɨngoso nakwo aêamu Juta hnênɨmtaêni Anɨtu kako hwe fihumo uhwosopeehonɨngki oso hwe huhwo sohwo kako aêamufe wonyomjo tohino somo isɨhutofomayoêne hweho. Osoêno hwapɨngo neso huno nayohoho. 23 Oso sɨkuno hiso umoênɨmonteêno kilohe hiso olohonta nto iêmofapohoho. Aêamu fihwo kako ngko Anɨtuye yofe wohoênomaêmo nehopi loso sohwo kako ole uyɨmontonoho. Kako Anɨtuye Towahunoênji nohumahwosi Towahuno huhwo sohwo Anɨtuye yofe hoênomayoêne honɨngkano neso utɨhwahonɨngkuhwosi oso hwo inɨngkohwosoêno kako Anɨtuye yofe nehopi wohoênomaêmontonoho. Nje Mpohwo kako aêamu oso yahino soênjo somneêno umoênɨngkohoho. 24 Anɨtu kako Towahuno hweho. Osoêno aêamu Anɨtuye yofe wohoênomaêmo loso sohwo kako Anɨtuye Towahunoênji nohumahwosi kako honɨngkano ntoênohinomo unɨngkamontonoho. Oso yahinoso Anɨtuye yofe hoênomayoêne nefoho. 25 Ose ulahonɨngki aêmusi ulɨmento, Ngko huno ole niyohoho. Anɨtu kako ole nalɨmento, Ngko sekumo sefoêmayoêne uhwosopoêmentohe sohumo sekuyepono uhwatɨmonnoho. Oso aêamu huhwo sohumneêno Kɨlaisɨyoho lɨwoênɨngkuhwonefoho. Kako nopɨhwosoêno kako yoêmayo yoêmayo soêno wolonetɨhwamontonoho. 26 Ose ulahonɨngki Jisas ulɨmento, Olo ngko olo huhwoênyoho. Ngko kɨkoênji hungkuno lalokuhwoyosofo. Ose ulɨmentisofoho. 27 Ose ulɨkwato lohofahonɨngki Jisasɨye inomokomoyo sohwonaêni uêmentani uhwonɨmentɨhwoneso Jisas oso aêmusiênji hungkuno hnnontanɨngki uhwonontani yomo yontani nakwo huno piênɨngo syafɨhuêmentɨhwonefoho. I osoêno nakwo aêmu simo ole mujofoho. Kɨko pehoêno kumoênɨngkohoho. I Jisasɨmo ole mujofoho. Aêmu simo pehoêno ulalokuno. Oêo, ose mujofoho. 28 Oseso aêmusi kako kakoe mijɨpoênyoso nulɨkoêmanto kakoe angopono asomo umentisofoho. Iêmofawento aêamu hopiênonohino somo ulɨmento, 29 Sekwo nopɨkuji olo hwe lohwo uhwonɨmno. Kako yoêmayo yoêmayo ngko hohonta imote soêno ntohoho. Oso hwe Anɨtu uhwatɨmnoho nalɨmentiso Kɨlais sohwolɨkeno. 30 Ose ulahonɨngki hofɨko hofɨkoe angopo ulɨkoêmantɨfi Jisasɨmo uhwonano lontɨfi pmmentohofofoho. 31 Oso hohosohonta Jisasɨye inomokomoyo sohwonaêni Jisasɨmo ulɨmentɨhwoni, Nakwoe Lonetɨhwayo sohwosi, kɨko wopayoêne mijoho kiyonoho. Wopayo hmnyo. 32 Ose ulahonɨngkuhwoni Jisas nalɨmento, Ngko wosopayo sekwo huno maseyoso ngko hiênjo hwoênyoho. 33 Ose nelahonɨngki inomokomoyo sohwonaêni ole hnnɨmentɨhwoni, Aêamu fihwo kako Jisasɨmo wopayo nto uyisohwolɨkeno. 34 Ose syofɨsyahonɨngkɨhwoni Jisas nalɨmento, Nje wosopayoso olenoho. Nje Mpohwo nɨhwatɨmentiso sohwoe hunomo tɨfi inɨngkayoêne syohoso nje wosopayofoho. Oso syoho hiso wesojwaoêmonnoho. Oso syohoso wosopayo paênyo yokumpohnênyo ntapɨwoênɨngkisofoho. 35 Ose nalonto ole nalɨmento, Sekwo ole lɨwoênɨngkohofi, Hamno osofosofahuêno neyakolofɨhwosoêno wosopayo toyo ihwosoêno womantanoho. Ose lɨwoênɨngkohofo kuyoho. I osoêno ngko ole selalokweno. Sekwo wosopayo somo feênɨhwonɨmno. Toyo nto imaho. 36 I oso wosopayo selalokweso aêamumneêno selalokweno. Wopayo toyoso aêamu hofɨko nje hungkunomo upaênɨngkuji sɨmeho komoêno wontapɨfe ntnneêno selalokweno. Hwe fihwo kako wosopayo hujo sohwo tɨfi noêmo kako wopayo toyo emahwosoêno oso wosopayo hiso kakoe hoêyango paênyofoho. Oso hopaso aêamu Anɨtuye hungkuno nomêne aêamumo ulɨwoênɨngkohofoso hofɨkoe hoêyangoso olenoho. Hofɨkoe hungkunomo nomêne aêamu upaênɨngkuji Anɨtumo sɨmeho uyɨfijoêmanji oso aêamu hiso hofɨkoe hoêyangofoho. Hofɨko oso hoêyango hisoênji engolopohamo nohumantokutnnefoho. Oseso oso wosopayo hulɨwoênɨngkiso soênji kakoe aêamu wopayo toyo emawoênɨngkohofo soênji hofɨko sɨmonyo afaêno afaêno uyantɨfeho. 37 Oseso oso hungkuno lɨwoênɨngkohofo loso nehopeho. Hwe fihwo kako wopuyo hulahonɨngki nomênihwo wosopayo toyoso emawoênɨngkisofoho. Ose lɨwoênɨngkohofofoho. 38 Sekwo wopuyo ko mahulɨmmalofoso sekwo wopayo toyo femapmno selohe soêno sekwo aêamu nomêne sofe syoho yokumpohnênyo imalofo somtaêni wopayo toyo emalokwofo. Sɨmoêmo aêamu nomêneso hofɨko Anɨtuye hungkuno nomêne aêamumo lutɨhwawoênɨngkohofo soêno sekwo oso aêamu hisomo nje hungkuno ulɨkujoêno hofɨko nje aêamu ne umoênantɨfeho. Oso hisoêno sekwo wopayo toyo paênyo emalokwofo. Jisas ose ulɨmentisofoho. 39 Oso aêmusi Jisasɨênji hungkuno hnnɨmentisiyosi kako aêamu Someliya somo kako yoêmayo yoêmayo ngko hohonta imote soêno ntohoho ulɨmentiso soêno aêamu piênɨngo engoso Jisasɨmo sɨmeho hiêntnnono uyɨmentohofofoho. 40 Oso aêamu hiso Jisasɨênjopo iêmofapontɨfi Jisasɨmo hungkuno yokumpohnênyo ulɨmentohofi, Kɨko nakwoênjo lopo fosyohumaho. Ose ulahonɨngkofi Jisas hofɨkoênji sɨkuno hufaêu humamentisofoho. 41 Osopo nohumentanɨngki aêamu piênɨngo engoso kakoe hungkunomo haloho upaênontɨfi sɨmeho hiêntnnono umentohofofoho. 42 Hofɨko sɨmeho hiêntnnono uyontɨfi hofɨko oso aêmu simo ulɨmentohofi, Sɨmoêmo jɨje hungkunomo upoênontani nakwo huno ole syafɨhuêmalohwoni, Olo hwe lohwo hungkuno neênjo hweho. I osoêno olohonta kakintaêni kakoe hungkuno neso nakwo huno ole nayohoho. Olo hwe lohwo kako aêamu hwahoponjo hnênwiye wonyo somjo tohino somtaêni isɨhutofonemayoêne hweho. Huno ose nayohoho. Ose ulɨmentohofofoho. 43 Oso sɨkuno hufaêu sohwaêu moiêwo imoênɨngkahonɨngki Jisas oso ango hopo sopo nulɨkoêmanto Ngkalilino umentisofoho. 44 Nomêne sohonta Jisas olo hungkuno loso lɨmentisofoho. Aêamu fihumo Anɨtu hungkuno uyahonɨngki lɨmojo sohwo kako kakoe hwapɨngo sopo yofe engo ane hweho. Ose lɨmentisofoho. 45 I osoêno Jisas kako kakoe hwapɨngopo Ngkalili iêmofopahonɨngki aêamu hopo soponjoso hofɨko Jisas pmmentiso soêno sɨmonyo imentohofofoho. Hwapɨngoso hofɨko hi ango Jelusalem Sɨkuno Engo iyoho humayo uhwonyo somo sɨmentohofofoho. Osopo nohumantɨfi yoêmayo wonyoangkafo aêamu miyɨwoênɨngkiyohofo Jisas yahonɨngki uhwonɨmentohofofoho. 46 Oso hwaho Ngkalili ango weêe Kana osopo Jisas asomo umentisofoho. Nomêne sɨkuno somo oso ango hopo sopo Jisas humamentiso sohonta kako hungkuno lahonɨngki ahuêmo mijoso ipisayo mijo pompenjiyo wain imoênɨmentisofoho. Jisas kako oso ango Kana sopo nohumentanɨngki hwe nomêne ango Koponeyam humamojo sohwo kako Jisas hwaho Jutiya sopo ntaêni hwaho Ngkalilineêno sopalofoho upaênɨmentisofoho. Oso hwe huhwo sohwo kako hwe engo hwaho mokosyohumayo sohwoe syoho fehohnjo somo mokosyohumamojo hweho. Kakoe hwomu mnokino engo tɨpemaêmentisofoho. Osoêno hwe huhwo sohwo ango Kana sopo nowento Jisasɨmo tɨpɨhwononto hungkuno yokumpohnênyo ulɨmento, Nje hwomu kako poyo wapeênɨmonteêno mofoneponoho. Osoêno kɨko ngkoênji ango Koponeyam nowehwasi nje hwomumo wopɨngo nɨmokiyo. 48 Ose ulahonɨngki Jisas ulɨmento, Ngko yoêmayo wonyoangkafo aêamu miyɨwoênɨngkiyohofoso miyomeêmanji sekwo ngkineêno masemoênyoênjo kuyoho, sɨmeho hiêntnnono montapeênjo hwasoho. 49 Ose ulahonɨngki oso hwe engo sohwoe syoho ulohofiyo sohwo ulɨmento, Hwe Engofo, kɨko komoêno fɨpe. Nje hwomu poyo peênoloho. 50 Ose ulahonɨngki Jisas ulɨmento, Kɨko jɨje angopono asomo fɨwe. Jɨje hwomu sohwo wopɨngo wohumamontonoho. Ose ulahonɨngki oso hwe huhwo sohwo kako Jisasɨye hungkunomo sɨmeho hiêntnnono uyonto kakoe ango poneêno asomo umentisofoho. 51 Nowentanɨngki kakoe syoho ulohofiyo sohwa honɨngkanopo uswoênontɨfi ulɨmentohofi, Jɨje hwomu sohwo wopɨngo humaho. 52 Ose ulahonɨngkofi kako ulohonɨmento, Nje hwomu sohwo wopɨngo mofehiênyo ntisohumo imoênɨmaho. Ose ulahonɨngki hofɨko ulɨmentohofi, Fosi mofehiênyo soumjiyo sohonta kakoe aêapaho tohohmtnnoso moiêwo imoênɨngkahonɨngki wopɨngo humaho. 53 Ose ulahonɨngkofi kanɨngkwohwo huno ole uyɨmento, Fosi mofehiênyo soumjiyo sohonta Jisas kakimo ulɨmento, Jɨje hwomu wopɨngo wahumamontonoho. Ose ikwesyafɨsyonto kako kakoe aêamu hopiênonohino sonji Jisasɨmo sɨmeho hiêntnnono umentohofofoho. 54 Oso wonyoangkafoso aêamu miyɨwoênɨngkiyohofoso Jisas hwaho Ngkalili sopo imentisoso sɨmoêmo ahuêmo mijomo wain imoênɨmentisofoho. Osofepo hwomu mnokinoênjo sohumo wopɨngo umokumentisofoho.