Joun 13

1 Oso Anɨtu Aêamu Isɨlael somo Uyakoloêmentiso somneêne Syafɨsiyo sɨkuno engo iyoho humayoêne noêno moênɨngka imoênone sohonta Jisas kako huno ole uyɨmento, Moênɨngka ngko olo hwaho lopo ulɨkoêmahmêmo nje Mpohwoe angopono wasɨmne hwoênyoho. Ose huno umentisofoho. Olo hwaho loponjo hwe moyaêmi kakineêno hitoho ulofɨwoênɨngkohofo somo Jisas kako hitoho mɨkunɨmposo uloêmentisofoho. Kako kakoe aêamu ne somneêno hitoho neêno ulofontanɨngki kakoe poyo imoênyo sɨkunoso iêmofapmmentisofoho. 2 Jisasɨênji kakoe inomokomoyo sohwonaênnonji nohumentani sɨkunoênji wopayo nontanɨngkuhwoni Seten kako Jutas Isɨkaliyout Saimounɨye hwomu sohumo olo hunolo nto uyɨmento, Kɨko Jisasɨmneêno tokoyoêofo uyɨmonji yalokunoso olohonta olo sɨkwoêmiyo lomo noho fiyo. Oso hunoso Seten umentisofoho. 3 Oso hohosohonta Jisas kako huno ole uyɨmento, Anɨtu kako yoêmayo hopiênonohinoso ngkimo enjwaêmo nto hoênanɨhumasofoho. Huno nomêne olo soênji huno uyɨmento, Nje Mpohwo kako olo hwaho lopo nɨhwatɨmentiso sohwoêni ngko apaêno kakiyepono asomo nosɨmnefoho. Huno ose uyɨmentisofoho. 4 Oseso Jisas kako wopayo fehohnjo moiêwo manyohwo kako nolɨkafonto kakoe nemêno manjiêmofo wae yaofonto kako sosayo sɨpoênyo nomanto kakoe sɨmehopo nano mtitofahinɨmentisofoho. 5 Ose mtitofahinonto kako mijo nomanto noswanopo sisasyonto kako kakoe inomokomoyo sohwonaêniye sɨfemo mijo yonemaêmentisofoho. Ose yonemanto kakoe sosayo sɨpoênyo kakoe sɨmehopo mtitofahinɨmentiso soênji sosayo nasɨpoêmentisofoho. 6 Oseso Jisas kako Saimoun Pitamo uêmahonɨngki Pita ulɨmento, Hwe Engofo, kɨko nje sɨfemo mijo uyonɨmaêmonntaho. 7 Ose ulohonɨngkahonɨngki Jisas ulɨmento, Olohonta olo kilohofalokwe loso kɨko huno makiyohoyohoho. I osoêno hwangku kɨko huno wakiyɨmontonoho. 8 Ose ulahonɨngki Pita ulɨmento, Nje sɨfeso mijo niyanɨmahotoho. Nɨhuêno ngkilaho. Ose ulahonɨngki Jisas ulɨmento, Ngko jɨje sɨfemo mijo miyokumasoêmanji kɨko ngkoênji mohumayoêne hwosoho. Kɨko nje syoho mantohofiyoêne hwosoho. 9 Ose ulahonɨngki Saimoun Pita komoêno ulɨmento, Hwe Engofo, oseêmanji nje sɨfemnohini yonɨmahotoho. Oêo, nje aho mnokino hopiênonohino lomo fiyonɨmaho. 10 Ose ulahonɨngki Jisas ulɨmento, Aêamu fihwo kakoe aêapaho hiênji mijo nto yomoênɨngkiso sohwo kako kiho ane imoênyo soêno syoho engoênjo hwoêmaho. Oêo, kakoe sɨfemnohini mijo yomoênɨngkuhwosi kiho aneênjo wohumamontonoho. Olo ango lomo humalohwone sohwasi angaênohinohwo kihoênjohwo humaho. Nomêne sohwasi kiho ane hwasoho. Ose ulɨmentisofoho. 11 Hwapɨngoso Jisas kako Jutas kakineêno tokoyoêofo yone sohuneêno huno uyahonɨngki, Angaênohinohwo kihoênjohwo humaho eso ulɨmentisofoho. 12 Oseso Jisas hofɨkoe sɨfemo mijo moiêwo esojwamofonto kakoe nemênomanjiêmofo apaêno yonto nakwoênji apaêno ampo humamentisofoho. Nohumanto nalɨmento, Ngko sekwoe sɨfemo mijo yosemahe soêno huno itoêno nto laseyohoho. 13 Ose ulonto ulɨmento, Sekwo ngkineêno Hungkuno Mesyolonetɨhwayo hwosoho. Nakwoe Hwe Engo hwosoho ntɨwoênɨngkohofɨhwasoho. Oso hungkuno ntɨwoênɨngkohofoso ntoênohinoho. Ngko huhwoêne osenohinoho. 14 Ngko sekwoe hwe engo sohwoêni sekumo hungkuno meselutɨhwayo sohwoêni ngko sekwoe sɨfemo mijo yosemahono. Sekwo nakwo hwe engo hwonaênyoho lɨkuji nomêne aêamu sofe sɨfemo mijo miyomapitnnoho lonji selohofohono. Oseso sekwo sohwasi sekwo nomêni hwafe sɨfemo mijo yɨmaofɨkujoêno hofɨko sekwoe sɨfemo uyosemapɨfe. 15 Olo selohofohe yahino loso nto setɨhwaheso sekwo nomêni hwamo ose ulohopmno. 16 Ose ulonto ole ulɨmento, Ngko hungkuno nehopiênohini waselɨmonneêno yohono. Upaênɨmno. Aêamu fihwa hofɨko nomênihwoe syoho ulohofiyɨwoênɨngkohofo sohwa hofɨko hofɨkoe hwe engomo muyakolopitnne hwafoho. Aêamu fihwa hungkuno motawowoênɨngkohofo sohwa hofɨko aêamu lɨhwatɨmentiso sohumo muyakolopitnne hwafoho. 17 Ngko sekwoe hwe engo sohwoêni ngko olo hiloso selohofohe soêno sekwo olo hungkuno selalokwe hwapɨngoso huno waseyono. Sekwo nomêne hwamo ulohofoso ngko selohofohe hopaso ifijoêmanji sekwo sɨmeho wopɨngo wasemoênɨmontonoho. 18 Ose ulonto ole ulɨmento, Olo hungkuno selalokwe loso sekwo hopiênonohino sohwahnneêmaho. Ngko sehwosopoêmentohe sohwahnneêno sekwoe yahino humayo soêno ngko huno niyohoho. I osoêno Anɨtuye hungkuno aêamu mtɨêmokumentohofoso ne umoênɨmontonoho. Hungkuno angaênohinoso olenoho. Hwe fihwo ngkoênji wosopayo nososohwo kako ngkineêno hohujo ikinjanɨmofɨhwosi nje mangohwo umoênɨmontonoho. Ifalifaliyo ose mtɨêmokumentohofofoho. 19 Oso hungkuno hiso ne imoênoso sohontaêneêno selalokweno. Ne imoênɨngkuhwosoêno sekwo huno ole wosyonɨfɨsyantɨfeho. Jisas kako neênjo hweho. Ose wosyonɨfɨsyantɨfeho. 20 Ngko hungkuno nehopi waselɨmonneêno yohono. Ngko aêamu fihumo uhwojahonɨêmo aêamuso osohumo utɨmafɨkuji wopɨngo ulohopɨfijoêmanji hofɨko ngko huhwoênɨmo ntɨmafɨkuji wopɨngo wontohofantɨfeho. Aêamu ngkimo ntɨmalokwofo sohwa hofɨko nje Mpohwo Anɨtu huhumo utɨmalokwofo. Ose nalɨmentisofoho. 21 Oso hohosohonta Jisas kako hi tango mɨkunɨmposo uyahonɨngki kako hungkuno yolohoso ole lɨjwaoêmento, Hungkuno nehopi waselɨmonneêno yohono. Hwe fihwo kako olo ango lomo sekwoênji humaso sohwo kako mango sohwafe ahomo wohoênanɨhumonte hweho. 22 Ose nelahonɨngki kakoe inomokomoyo angaêno angaênohino sohwonaêni honɨngkonontani tɨhuneêno kalohoho huno syafɨhuêmentɨhwonefoho. 23 Ngko Joun olo hungkuno ifalifaliyo mtɨêmokalokwe sohwoêni Jisas kako ngkimo sɨmeho engo ntapɨwoênɨngkiso soêno ngko Jisasɨênji afapo humohumantohe hwoênyoho. 24 Oseso Saimoun Pita kako ngko Jounêni uhwonyoêne aho songo songo yahonɨngki ngko kakimo uhwonɨngkahonɨngko Pita ole ntɨmento, Kɨko Jisasɨmo ulohonyo. Tɨhuneêno kolalofoho. 25 Ose ntahonɨngki ngko Jisasɨmo ikinjamo lohofonji ulɨmentoho, Hwe Engofo, kɨko tɨhuneêno lalokuno. 26 Ose ulahonɨngko Jisas nalɨmento, Ngko wosopayo kutnnyoso mijomo yomahmêmo aêamu fihumo uyɨmonnoho. Oso huhweho. Jisas ose nalonto kako wosopayo kutnnyoso mijo yomanto Jutas, Saimoun Isɨkaliyoutɨye hwomumo uyɨmentisofoho. 27 Ose uyahonɨngki Jutas nɨmentisofoho. Oso hohosohonta Seten kako Jutasɨmo ehuhnnaoêmentisofoho. Jisas Jutasɨmo ulɨmento, Kɨko yoêmayo umonji yohinoso olohonta komoêno fiyo. 28 Oso hungkuno Jisas Jutasɨmo ulɨmentisoso kakoe inomokomoyo sohwonaêni osopo humohumantɨhwone sohwonaêni hwapɨngo neso huno monayo hwonaênyoho. 29 Oêo, fehohnjo sohwonaêni nakwo Jutas nakwoe hamniyoho ipofo mokosyohumawoênɨngkiso soêno huno ole syafɨhuêmentɨhwoni, Jisas kako oso Sɨkuno Engo iyoho humayo soêne yoêmayo mpe-eêne lɨhwatɨmentiso soêno syafɨhuêmentɨhwonefoho. Fehohnjo sohwonaêni huno ole syafɨhuêmentɨhwoni, Jisas kako aêamu umofonyo iyo somo hamniyoho uyoêno lɨhwajɨmentiso soêno syafɨhuêmentɨhwonefoho. 30 Jutas kako oso wosopayo nomanonto mempono komoêno humentisofoho. Noswonto uhwonɨmentisoso sɨkuno nto mjaoêmentisoso uhwonɨmentisofoho. 31 Jutas kako syukwato lohofahonɨngki Jisas kakoe inomokomoyo nomêne sohwonaênɨmo nalɨmento, Olohonta Aêamufe Hwomu sohwoêniye yofe engo utɨhwaênyopo uêmofapmmontonoho. Oso hisoêno Anɨtuye yokumpohnênyo engo somo aêamu tɨmo uhwonɨngkuji hofɨko kakoe yofe engo wohoênomantɨfeho. 32 Ngko nje Mpohwoe yofe engo imokuêmeêno Mpohumo kakoe yofe engoso kakoe Hwomu sohwoênɨmo komoêno wontapmmontonoho. 33 Ose nelɨkwato lohofonto ole nalɨmento, Nje mehomi sohwasi ngko sekwoênji weêenepi nohumahmêmo woselɨkoêmaêmonnoho. Oso hohosohonta sekwo ngkineêno hafɨhafe wonyopi wotɨpeentɨfeho. Ngko aêamu Juta sohwamo hungkuno nto ulɨmaleso olohonta sekwo huhwahnnonji selalokweno. Ngko ume sopo sekwo olohonta ngkimo monɨêmapitnnohofo. 34 Oseso ngko honɨngkano hungkuno songo sejopalokweno. Sekwo sekwoe aêamu somneêno sɨmeho wosemaênono. Ngko sekumo sɨmeho sejopalokwe paênyoso sekwo sekwoe aêamu somo sɨmeho uyɨmno. 35 Sekwo oso hopa aêamu somo sɨmeho uyɨkujoêno nomêne aêamuso sehonɨngkuji ole waselɨfe, Jisasɨye inomokomoyo hwasoho. Ose woselantɨfeho. 36 Saimoun Pita kako Jisasɨmo ulɨmento, Hwe Engofo kɨko ntɨêmne hwosilo. Ose ulohonɨngkahonɨngki Jisas ulɨmento, Ngko ume soponeêno kɨko olohonta mannɨngkapihnnohino. I osoêno hwangku sohonta kɨko ngkimo nɨêmatnne hwosoho. 37 Ose ulahonɨngki Pita ulɨmento, Hwe Engofo, olohonta ngko kikimo mokinɨngkapeso pipineêelo. Aêamu sohwa hofɨko kikimo fonjakohufijoêmanji hofɨko ngkimo fonjanisiyoso wopɨngofoho. Ngko kikimo kufoêmayoêne peênɨmeso wopɨngofoho. Wapeênɨmo. 38 Ose ulahonɨngki Jisas ulɨmento, Kɨko ngkimo nɨfoêmayoêne wapeênɨmo lalohino. Hungkuno nehopiênohini wakilɨmonneêno yohono. Olohonta tosɨka yoka mahoênyo sohonta kɨko mango hufaêu sɨhune ole walɨmonnoho, Ngko Jisas sohuneêno huno maniyo hwoênyoho. Aêamu somo ose ulɨmonnoho. Jisas Pitamo ose ulɨmentisofoho.