Joun 11

1 Hwe fihwo kakoe yofe Lasalos. Kako ango Mpetani sopo nohumanto mnokino engo tɨpemaêmentisofoho. Oso ango hopo sopo Maliyaênji Motaênji sikoênopeeêi sikoe angoponoho. 2 Oso aêmu Maliya hisi kako tɨfi noêmo nakwoe hwe engo Jisasɨye sɨfemo hwonemijo usisyonto kakoe mijiyo sawemo soênji sosayo usɨpoêmentisofoho. Oso hwe Lasalos kako mnokinoênjo sohwo kako Maliyafe konɨngkwaêwehweho. 3 Oseso Lasalos kako mnokino tɨpemahonɨngki kaisifaêu siko Jisasɨmneêno hungkuno ole lɨhwatɨmentisi, Hwe Engofo, jɨje nɨngkwahwo Lasalos sohwo mnokinoênjo hweho. Ose lɨhwatɨmentisiyefoho. 4 Lɨhwojahonɨngki Jisas kako hungkuno homo somo nupaênonto aêamu somo ulɨmento, Olo mnokino loso nɨhuênahone poyo peênyoêneêmaho. Oêo, Anɨtuye yokumpohnênyoso utɨhwaênyopo uhwonyoênefoho. Anɨtuye Hwomu sohwoêni yofe engo mayoênefoho. Ose ulɨmentisofoho. 5 Jisas kako Motaênji konampi Maliyaênji Lasalosɨjontnneêno sɨmeho engo uyɨmentisofoho. 6 Jisas kako Lasalos mnokinoênjo hweho ko upaênonto kako oso ango humamentiso sopo nomêne sɨkuno hufaêu humamentisofoho. 7 Sɨkuno hufaêu memjaofahonɨngki Jisas kakoe inomokomoyo sohwonaênɨmo nalɨmento, Nakwo hwaho Jutiya Lasalosɨye ango sopo asomo wosɨhwano. 8 Ose nelahonɨngki kakoe inomokomoyo sohwonaêni ulɨmentɨhwoni, Nakwoe Lonetɨhwayo sohwosi, aêamu Jutiya soponjo hwe engo sohwa hofɨko kikimo sojo wokufonjantɨfi imalofo soponeêno kɨko asomo wosɨhwantaneêno lonalohino. 9 Ose ulahonɨngkuhwoni Jisas kako pahnnɨmo hungkuno kakoe sɨkuno syoho iyoêne ole nalɨmento, Mofehiênyo lonto pomponaho yonte sopo aêamu hofɨko hano emoyɨkujoso mopɨwahupitnnehofo. Hwapɨngoso hofɨko olo hwaho loponjo pomponaho somo yoêmayo yoêmayo uhwonalokwofo. 10 I osoêno aêamu hofɨko sɨkwoêmjohoêmo hano emoyontɨfi hofɨko pɨwasyɨwoênɨngkohofofoho. Hwapɨngoso pomponaho anefoho. Oseso nje syohomneêno Anɨtu pomponaho ntopalokuso somo sɨmeso mopɨwahuêmnehono. 11 Ose nalonto tɨfi ole nalɨmento, Sekwo upaênɨmno. Nakwoe aêamu Lasalos sohwo saho nto fosyawentono. I osoêno ngko nuêmo kakimo ulɨkofamne hwoênyoho. 12 Ose nelahonɨngki kakoe inomokomoyo sohwonaêni ulɨmentɨhwoni, Hwe Engofo, kako saho nehopi fosyawesoêmanji kako wopɨngo umoênɨmontonoho. Ose ulɨmentɨhwonefoho. 13 Jisas kako Lasalos poyo nto peênɨmaho huno ose ko uyahonɨngki saho fosyaweho nalɨmentiso soêno inomokomoyo sohwonaêni nakwo nakwoe hunoso ole syafɨhuêmentɨhwoni, Lasalos sohwo kako saho nehopi fosyowentanɨngki nalohoho syafɨhuêmentɨhwonefoho. 14 Osoêno Jisas kako yoloho ole nalɨmento, Lasalos sohwo poyo nto peênɨmaho. 15 I sekwo ngkimo sɨmeho hiêntnnono ntapɨfitnneênji Lasalos kako poyo peênɨmaso sopo ngko mohumayoso wopɨngofoho nnɨngkohoho. I osoêno olohonta kako poyo peênɨmaso soponeêno wosɨhwano. 16 Ose nelahonɨngki Toumas hufaêu mehomi imoênɨmentiso sohwo kako nomêne inomokomoyo sohwonaênɨmo nalɨmento, Nakwo hwaho Jutiya sopo aêamu Jisasɨmo sojoênji wofonjosyano lontɨfi yalokwofo sopono noho wosɨhwano. Nakwo Jisasɨênji poyo umoênano. Ose nelahonɨngki nakwo Jisasɨênji sɨmentɨhwonefoho. 17 Oseso Jisas kako ango Mpetani sopo sɨêmofonto kako honɨngkanopo lohofahonɨngki aêamuso hofɨko ulɨmentohofi, Lasalosɨye pijafoso sokimomo neêno nowentanɨngki sɨkuno osofosofahuêno memjaoêmasofoho. Ose ulɨmentohofofoho. 18 Oso ango Mpetani sopo ango Jelusalem mofoneponoho. Honɨngkanoso sawemopoêmaho, hufaêu sɨhune kiloumitaponoho. 19 Aêamu Juta piênɨngoso ango Jelusalem mtaêangoso hofɨko Motaênji Maliyaênjiyepono konɨngkwaêwehwo peênɨmentiso soêno hofɨko sikoe sɨmeho wopɨngo umoênyoêne humotahoêne womentohofofoho. 20 Mota kako hungkuno ole upaênɨmento, Jisas ntopohoho. Ose upaênonto komoêno nowento Jisasɨmo honɨngkanopo uswoênɨngkahonɨngki Maliya kako angomo humohumantisofoho. 21 Mota Jisasɨmo uswoênonto Jisasɨmo ulɨmento, Hwe Engofo, kɨko olopo humantontentesi nje nɨngkwahwo poyo mapeênɨngkuhwonesohilo. 22 I osoêno ngko huno niyohoho. Kɨko yoêmayo soêno Anɨtumo jomo ulisoso kako yoêmayo kɨko ihnneso wokijapmmontonoho huno niyohoho. 23 Ose ulahonɨngki Jisas ulɨmento, Osoêno jɨje nɨngkwahwo apaêno songo wolɨkaêmontonoho. 24 Ose ulahonɨngki Mota ulɨmento, Ngko huno ole niyohoho, Sɨkuno aeêuyo somo aêamu lɨkapijo sohonta Lasalos huhwo nolɨkafone hweho. 25 Ose ulahonɨngki Jisas ulɨmento, Ngko aêamumo apaêno songo ulɨkafo soênji songo neêno humayo soênji ngko hwapɨngo hwoênyoho. Aêamu ngkimo sɨmeho hiêntnnono ntapinyoso kako poyo ko peênoso sohwo kako songo neêno wohumamontonoho. 26 Aêamu hofɨko olo hwaho lopo songo humalofoso hofɨko ngkimo sɨmeho hiêntnnono ntapɨfijoêmanji hofɨko poyo mapeênɨfitnnehofo. Olo hungkuno kilalokwe losomo sɨmeho hiêntnnono luyalokuno. 27 Ose ulahonɨngki Mota kako Jisasɨmo ulɨmento, Ou Hwe Engofo, kɨko Kɨlais sohwosi, Anɨtu kako olo hwaho loponeêno hwe fihwo sefoêmayoêne uhwosopoêmonnoho nalɨmentiso sohwohnneêno ngko kikineêno sɨmeho hiêntnnono kijahopohono. Kɨko Anɨtuye Hwomu Kɨlais hwosoho. 28 Mota ose ulonto kakoe angopo asomo nowento konampi Maliyamo joho ulahonɨngki Maliya kakimo uêmahonɨngki Mota hofiyoka ulɨmento, Nekwoe Letɨhwayo sohwo kako noponto kikineêno joho kilalofoho. 29 Maliya ose upaênonto komoêno mokolɨkapo lohofonto Jisasɨyepono umentisofoho. 30 Jisas kako ango ne sopo mêmofapmmentisofoho. Oêo, Mota uswoênɨmentiso sopo humohumantisofoho. 31 Aêamu Jutaso hofɨko Maliyaênji angoêmo nohumantɨfi Maliyamo sɨmeho tango uyosoêno kakoênji humohumantohofoso hofɨko kakimo uhwonɨngkohofoso kako komoêno lɨkafonto mempono nto poswahonɨngki uhwonontɨfi hofɨko kakimo uhwonontɨfi hofɨko huno ole syafɨhuêmentohofi, Kako konɨngkwaêwehwoe pijafo hoênahumalofo sopono humotaho walɨmonjitɨkeno ose syafɨhuêmentohofofoho. 32 Maliya kako Jisas humentahonjo soêmneêno wento Jisasɨmo uhwononto kako Jisasɨye sɨfɨkiênyoêmo hwomtame ehumanto ulɨmento, Hwe Engofo, kɨko olopo humantontentesi nje nɨngkwahwo sohwo poyo mapeênɨngkuhwonesohilo. 33 Jisas kako Maliya humotaho lontanɨngki uhwononto uhwonɨngkisoso aêamu Juta kakoênji humahwofoso humotaho nto mjolɨmɨwahonɨngkofi uhwononto kako kakoe sɨmeho tango uyahonɨngki 34 ulɨmento, Sekwo ntɨêmo hoênahumalofo. Ose ulohonɨngkahonɨngki ulɨmentohofi, Hwe Engofo, kɨko nopohoji uhwonae. 35 Ose ulahonɨngkofi Jisas kako humotaho lɨmentisofoho. 36 Aêamu Juta fehohnjoso Jisas kako huhwo humotaho lontanɨngki uhwonontɨfi hnnɨmentohofi, Ihwoni, kako Lasalos sohumo sɨmeho mɨkunɨmposo uyɨmojo hweho. 37 I aêamu nomênihwa ole hnnɨmentohofi, Olo hwe lohwo kako aêamu tɨmpiênyo somo wopɨngo umokumentiso hopaso kako Lasalosɨmo ufoêmantontentesi Lasalos kako poyo mapeênɨngkuhwonesohilo. Sitofo hungkuno ose hnnɨmentohofofoho. 38 Oseso Jisas kako sɨmeho tango engo apaêno uyahonɨngki Lasalosɨye pijafo hoênahumentohofo sopo umentisofoho. Oso hopo sopo Lasalosɨye pijafo hoênahumentohofo sokimo hokuêyo sopo sojo ewafo engoso nomantɨfi pɨjwahuêmentohofofoho. 39 Jisas oso hopo sopo nohumanto ulɨmento, Olo sojo pɨjwohumalofo loso wae feeopmno. Ose ulahonɨngki hwe poyo peênɨmentiso sohwoe konanisi Mota ulɨmento, Hwe Engofo, kakoe pijafo hoênahumalohwoneso oso sɨkuno osofosofahuêno nto memjaoêmasoso kakoe pijafoso pisakinoênjofoho. 40 Ose ulahonɨngki Jisas ulɨmento, Olohonta nto kilohefoho. Kɨko ngkineêno sɨmeho hiêntnnono ntapisoêmanji kɨko Anɨtuye yokumpohnênyoso uhwonɨmonnoho. Ose nto kilohefoho. 41 Motamo ose ulahonɨngki hofɨko sojo ewafo engo mehwosompeehumentohofofoho. Nomehwosompesyahonɨngkofi Jisas kako ahwomomo uhwononto aêamu kakoe mampaho upaênyoêne ole ulɨmento, Nje Mpohwo sohwosi kɨko nje hungkunomo haloho nɨpewoênɨngkino sohwohnneêno ngko isamoyoka kilalokweno. 42 Ngko huno niyohoho. Kɨko engolopohamo nje hungkuno jomo kilɨwoênɨngkohe somo nupaênɨwoênɨngkino hwosoho. I osoêno olo aêamu oloponjo lohokwofo lohwa kɨko ngkimo olo hwaho loponeêno nɨhwatɨmentohino soêno sɨmeho hiêntnnono uyɨfitnneêenji kilalokweno. 43 Ose ulɨkwato lohofonto joho mohmêno ulɨmento, Lasalos kɨko noho fusyape. 44 Ose ulahonɨngki aêamu poyo peênyo sohwo nolɨkafonto swapmmentisofoho. Kakoe sɨfe aho hwapɨfe nano popojontɨfi kakoe sɨmoêmango hi hwapɨfe ifohumpeehumentohofo sohwo hiênji swopahonɨngki Jisas ulɨmento, Yoêmayoso misɨhutoêmeefɨkujoêno wopaweno. Ose ulahonɨngki hofɨko kakoe hungkunomo inɨngkamentohofofoho. 45 Aêamu Juta hwe moyaêmi piênɨngo fehohnjoso Maliyaênji humamentohofoso Jisas kako oso hiso imentiso somo uhwonontɨfi hofɨko kakimo sɨmeho hiêntnnono uyɨmentohofofoho. 46 I osoêno aêamu fehohnjo sohwa hofɨko aêamu Falisi sohwafe angopono asomo nowentɨfi yoêmayo Jisas imentiso soêno aêamu Falisi sohwamo tokoyoêofo imentohofofoho. 47 Ose yahonɨngkofi aêamu Falisi sohwanji aêamu yofe engoênjo tajo ango syohoênjo sohwanji hofɨko aêamu kaunɨsol syohoênjo sohwamo uswoênontɨfi hnnɨmentohofi, Nakwo pipi yanehwono. Olo hwe lohwo yoêmayo wonyoangkafo aêamu miyɨwoênɨngkiyohofoso yalofoho. Pipi pɨjwaofanehwono. 48 Nakwo kakoe yahino losomo mopɨjwaofeêmanji aêamu hopiênonohinoso hofɨko kakimo sɨmeho hiêntnnono uyɨkuji kakimo tɨfi inɨngkafitnnoho. Ose ikujoênoêmanji aêamu Loum nakwoe hwaho nemokosyohumawoênɨngkohofo sohwa nonahonɨngkuji huno ole wosyofɨsyantɨfeho. Aêamu Juta hofɨko nakwoe hungkunomo enjwaêmo mohumunyofoho. Ose syafɨsyɨkuji hofɨko nakwoe tajo ango engo somo wonyo umokantɨfeho. Nakwo aêamu Juta hopiênonohino hnênɨmo wonyo wonemokantɨfeho. 49 Ose hnnontɨfi hwe fihwo hofɨkoênji humamentiso sohwo kakoe yofeso Kaiyofasɨyoho. Oso soswo somo aêamu tajo ango syohoênjo sohwamo umokosyohumayoêne hweho. Kaiyofas huhwo sohwo kako nolɨkafonto ulɨmento, Sekwo huno mosyafɨsiyoênjo liyalokwofo. 50 Sekwo olo aêamu losoku hunoêmaso kuyoho. Nakwo aêamu Juta hopiênonohino hnênɨmo aêamu Loum sohwa wonyo pehoêno wonemokantɨfito. Oêo, yahino itoênohinoso olenoho. Olo hwe angaênohino lohwo kako hwe moyaêmi hopiênonohino somneêno ufoêmayoêne poyo wapeênono. 51 Oso hungkuno ulɨmentisoso kakoe huno mtaêangoêmaho. Oêo, Kaiyofas kako oso soswo somo aêamu tajo ango syoho soêno yofe engo maêmentiso soêno Anɨtu oso huno hiso uyɨmentisofoho. Osoêno kako Jisas aêamu Juta somneêno ufoêmayoêne poyo umoênɨmontonoho eso ulɨmentisofoho. Ose ko ulɨmentisoso oso hungkuno Kaiyofas ulɨmentisoso aêamu angoêmeemjo somneêno ufoêmayoêne Jisas poyo imoênone soêno huno muyo hweho. 52 Oêo, Anɨtu kakoe mehomi angoêmeemjo hnênwi temtitofo angaênohino hopa imoênɨfitnneêno peênoneêento Anɨtu oso hunoso Kaiyofasɨmo uyahonɨngki ulɨmentisofoho. 53 Oso aêamu huhwo sohwa Kaiyofas ulɨmentiso sɨkuno somtaêni oso hungkuno Jisasɨmo fonjasiyoêne hungkuno lomaêmentohofofoho. 54 Oseso Jisas kako oso hwaho Jutiya sopo aêamu Jutafe tɨmo sopo hano memmentisofoho. Oêo, kako oso hwaho hopo sopo ulɨkoêmanto kako nomêne ango Efɨlaim soponeêno kakoe inomokomoyo sohwonaênnonji umentɨhwonefoho. Oso ango Efɨlaim aêamu mohumunyo mofone sopo molinyoponoho. Oso ango hopo sopo kakoe inomokomoyo sohwonaênnonji humamentɨhwonefoho. 55 Oso hohosohonta aêamu Jutafe Anɨtu Aêamu Isɨlael somo Uyakoloêmentiso somneêne Syafɨsiyo Sɨkuno Engof mofonepo umoênɨmonto imentisofoho. Osoêno oso Sɨkuno Engo mmoênyo sohonta aêamu angoêmeemjoso ango Jelusalemneêno wopayo engo nyoêne hofɨko hofɨkoe honɨngkano hungkuno itoêno inɨngkayo soêno hofɨkoe he yoêmayo mijo yojujosyɨhwasi ntoêno wehumano lontɨfi ole syafɨhuêmentohofi, Nakwo ose ihwasɨêmanji nakwoe honɨngkano kihoêmaso umoênantanoho. Ose syafɨsyontɨfi sɨmentohofofoho. 56 Hofɨko nosɨêmofontɨfi Jisasɨmneêno tɨpeentɨfi tajo ango engo somo uhuêmokontɨfi hofɨko ole hnnɨmentohofi, Olo Sɨkuno Engo lomneêno Jisas kako wosapmmontolɨkeno. Ose hnnɨmentohofofoho. 57 Hwapɨngoso aêamu Falisi sohwanji hwe engo sohwanji hofɨko aêamu hisomo hungkuno yokumpohnênyo ole lontɨfi, Sekwo Jisas humentahonɨngkuhwosi uhwonɨngkuji nowenetɨmapɨkujoêno nakwo huhwo sohumo impe untofano. Ose ulɨmentohofofoho.