Jemɨs 4

1 Yoêmayo yoka soênji ikujoho soênji peho emawoênɨngkisoto. Yoêmayo soêno sɨmeho fefoyo semoênonto huno wopɨngoso ehilofahonɨngki sɨmeho fefoyoso ifeehuêmokasi lohofonto yokaênji ikujohoênji emawoênɨngkisofoho. 2 Yoêmayo soêno hi semoênɨngkahonɨngki oso hisoêno mayoso hopoêmaho. Osoêno yoêmayoso mayoêne aêamu somo wofonjosyantɨfeêno yɨwoênɨngkohofofoho. Nomêne aêamufe yoêmayoso uhwonontɨfi womano lontɨfi i osoêno mayo honɨngkanoso pɨkuênnyo soêno sekwo yoka hnnontɨfi ikujoho fongkiênɨwoênɨngkohofo kuyoho. Sekwo Anɨtumo yoêmayo soêno jomo mujoênjo yontɨfeso momasoênjo yɨwoênɨngkohofo kuyoho. 3 I oso hi semoênɨngkiso soêno Anɨtumo jomo ulɨfijoêmanji kako mosejaponehoho. Hwapɨngoso sekwoe huno itoêno mosyafɨsiyoênjo yontɨfi aêapahomnohini syafɨsyɨwoênontɨfi jomo ulahonɨngkofi mosejapɨwoênɨngkisofoho. 4 Sekwo olo paênyo kuyoho. Ape fisi kakoe hwehumo elojisyasi lohofonto hwehwoe mango sohwanji humawoênɨngkisiyoho. Sekwo huno maseyoho liyohoho. Hwe fihwo yoêmayo hwahoponjo yahino soêno umoênɨngkisoêmanji kako Anɨtuye mangohwo nto iêmofapohoho. Sekwo Anɨtuye mehomi soku sekwo hwahoponjo yahino soêno hi semoênososo sekwo ape fisi kakoe hwehumo elojisyasi lohofonto hwehwoe mango sohwanji humawoênɨngkisiyo paênyo kuyoho. 5 Anɨtuye hungkuno ole naliso, Anɨtu kako nakumo namtɨêmokumentiso sohonta kako nakwoe huyoêmango nejapmmentisofoho. Nakwoe huyoêmango hiloso yoêmayo wonyo hwahoponjo somneêno umoênɨwoênɨngkiso hweho. Oso hungkunoso siki mtɨêmokumentohofo soêno losyofɨsyalokwofo. 6 I osoêno oso sɨmeho fefoyo yoêmayoso nelohofahonɨngki Anɨtu kakoe yokumpohnênyo hwahoponjo somo uyakolofonto wonyohofiyo nefoêmawoênɨngkiso hweho. Anɨtuye hungkuno mtɨêmokumentohofo sohwa nomênepo ole naliso, Aêamu yokumpohnênyo imoênontɨfi hahnênyo iwoênɨngkohofo somneêno Anɨtu kako ngkilaho lɨwoênɨngkisofoho. I aêamu hwahopo pawowoênɨngkohofo somo Anɨtu wonyohofiyo ufoêmaêmtonoho. 7 Osoêno sekwo Anɨtuye hungkuno haloho popmno. Kakoe hungkunomneêno enjwaêmo fosyohumamno. Sekwo Setenɨmo hwotoho fɨfijoso kako hiyaso waleêmoêmtonoho. 8 Sekwo Anɨtu kakineênohini wosyofɨsyano lɨfijoêmanji kako sekumneênohini wosyasyefɨsyono. Sekwo honɨngkano wonyoênjo sohwasi oso wonyo hiso nɨhuênahone fohoênaopmno. Aêamu hofɨkoe aho kihoênjo honɨngkonontɨfi mijo yatɨkuênontɨfeso kihoêmaso imoênɨwoênɨngkiso hopaso sekwoe sɨmehoso wasemoênono. Sekwo sɨmeho hufaêuênjo soku sekwo Anɨtumo jomo ulɨmno. Sekwoe wonyo wae weesemoêmontonoho. 9 Sekwoe honɨngkano wonyomneêno hi tango seyɨhwosoêno humotaho filɨmno. Sekwo honɨngkano wonyoênjo tɨkafo jalokwofo soku sekwo humotaho filɨmno. Sekwoe honɨngkano wonyo soêno sɨmeho wopɨngoênjo soku hi tango waseyono. 10 Sekwo Mpohumo ole ulɨmno. Ngko wopɨngo ane hwoênyoho. Kɨko monɨfoêmayoêmanji ngko nɨhuênahone hwoênyoho. Ose ulɨfijo soêno Anɨtu sekwoe sɨmeho angaênohino sehonɨngkuhwosi kako sekwoe yofe wohoênomaêmtonoho. 11 Nje aêamufo, Anɨtuye hungkuno ole nalohi, sekwo nomêne somneêno sitofo wonyo hungkunoênji nohnnyoêeno. I osoêno aêamu fihwo sitofo uloso sohwo kako Anɨtuye honɨngkanɨmneêno sitofo lalofoho. Sekwo Anɨtuye honɨngkanomneêno hungkuno wonyo lɨfijoêmanji sekwo Anɨtuye hungkunomo hwotoho fɨfijoso Anɨtuye hungkunomo itoêno womɨhwojantɨfeêno yalokwofo. 12 Honɨngkano hungkuno hwapɨngoso Anɨtu kengaênohino hweho. Kakoênohini aêamufe hungkunomo itoêno ihumajiyo hweho. Kakoênohini kakoe hungkunomo aêamu haloho peso somo asomo utɨmayoêne hweho. U kakoênohini kakoe hungkunomo aêamu haloho maposoênjo somo tɨkanomo mɨhwajone hweho. Osoêno sekwo nomêne somneêno sitofo ujo soku hofɨkoe honɨngkanomo itoêno mɨhwajiyo kuêmaho. Nehopi, sekwo hopoêmaho. 13 Sekwo ole hnnɨwoênɨngkohofo, olohontalɨkeno moênɨngkalɨkeno nakwo ango nomênepo nuhwasi soswo angaêno neyakolofɨhwosoêno syoho yɨhwasi hamniyoho engo wotɨpemantanoho. Ose hnnɨwoênɨngkohofo soku haloho upaênɨmno. 14 Sekwo moênɨngka iêmofapone soêno huno maseyohoyohoho. Nakwo olo hwaho lopo humalohwoneso tɨkayo paênyoênwoho. Tɨkayo hiloso nosyonteso moiêwo komoêno imoênɨngkiso paênyoênwoho. Nakwo olo hwaho lopo sɨkuno piênɨngo mohumulohwono. Osoêno nakwo yoêmayo soêno uyano molanehwono. 15 Oêo, ole wolano. Nakwoe Hwe Engo sohumo ole umoênosoêmanji nakwo nohumehwasi yoêmayo syohoso uyantanoho. Ose wolano. 16 I olohonta sekwoe yokumpohnênyo soêno hoênomaênontɨfi yoêmayo syoho iyo soêno nakwo hoponoho lalokwofo. Ose syafɨsyɨkutoho. Oso yokumpohnênyo yahino imoênyoso wonyofoho. Oêo, ole fɨsyafɨhupmno. Yoêmayo nakwoe Hwe Engo sohumo umoênososo osoênohino uyano. 17 Osoêno hwe fihwo kako honɨngkano wopɨngo soêno huno uyoêmanji oso honɨngkano hiso miyoêmanji kako wonyo iwoênɨngkiso hweho.