Jemɨs 1
PNG1 Ngko Jemɨsɨêni Anɨtuênji nakwoe Hwe Engo Jisas Kɨlaisɨênji sikoe syoho ulohofiyo hwoênyoho. Nje aêamu Isɨlael temtitofo aho hopiênono sɨfe mtaêni hufaêuyoso Jisas Kɨlaisɨmo sɨmeho hiêntnnono uyɨwoênɨngkohofo soku sekwoe angopo nulɨkoêmantɨfi angoêmeemjo humalofo soêntnneêno olo iyoswo loso semtɨêmokiyalokweno. Ngko nje aêamufo selalokweno. 2 Nje aêamu soku, yoêmayo tango seêmasoso sekwo sɨmeho wopɨngo wasemoênono. 3 Hwapɨngoso ole, yoêmayo tango seêmasoso sekwo yokumpohnênyo lohofoênefoho. Tango seêmasoso sekwoe sɨmeho hiêntnnono engo uyoêmanji yokumpohnênyo wolohofantɨfeho. Oso hisoêno sekwo huno moiêwonoho. 4 Osoêno sekwo engolopohamo tango seêmasoso iêwaho ikutoho. Oêo, sekwo sɨmeho wopɨngoênji yokumpohnênyo lohopijoso sekwo mopɨwahupitnnehofo. Ose ikujoêno Anɨtu nosehonɨngkuhwosi kakoe yahino soêno sekwo umofonyo miyontanɨngkuji wasehonɨmontonoho. Wopɨngo humentanɨngkuji wasehonɨmontonoho. 5 Sekwo yoêmayo soêno huno maseyoêmanji Mpohumo jomo ulɨmno. Aêamu fihwo huno wopɨngo soêno Anɨtumo jomo ulososo huno wopɨngo uyɨmontonoho. Anɨtu kako aêamu hopiênonohino somo weêeênohino muyɨwoênɨngkiso hweho. Oêo, engoênohino uyɨwoênɨngkiso hweho. Sekwo jomo ujosoêno Anɨtu kako yoka maselonehoho. 6 U oso aêamu sohwo kako sɨmeho hiêntnnono nehopi uyɨhwosi Mpohumo jomo ulososo kako huno ole syafɨsyɨhwoloho. Anɨtu kako wontapmmontolɨkeno. Montapeênjo umontolɨkeno. Oêo, aêamu sɨmeho hufaêuênjo sohwo kako iyoswo somo ifofo hwalohwalofo iwoênɨngkiso paênyo hweho. 7 Kako Hwe Engo wontapmmontonoho lɨhwosi, syafɨsyɨhwoloho. Oso hwe huhwo sohwo kako Hwe Engo sohumtaêni yoêmayoso momanehoho. Oêo, aêamu sɨmeho angaênohinoênjoso Hwe Engo sohumo jomo ulososo Anɨtu uyɨmontonoho. 8 Ihwoni, aêamu sɨmeho hufaêuênjo sohwo kakoe huno piênɨngo engoênjo hweho. Oso yoêmayo yahino kako yontesoêno kako honɨngkano angaênohino somo minɨngkayoênjo hweho. Oêo, huno piênɨngo engo syafɨsyonto honɨngkano itoêno motɨpemaso hweho. 9 Hwe fihwo Anɨtumo sɨmeho hiêntnnono uyɨwoênɨngkiso sohwo kako hamniyoho ane, osohwo kako sɨmeho wopɨngo umoênono. Anɨtu osohumo uhwononto yofe engo mulalofoho. 10 Anɨtu kako aêamufe hoêyango hamniyoho soêno sikinjo ne anefoho lɨwoênɨngkisofoho. Oso hisoêno hwe nomênehwo Anɨtumo sɨmeho hiêntnnono uyɨwoênɨngkiso sohwo kako hoêyango hamniyoho engoênjo sohwo kakoe yoêmayoso ihnênaofɨhwosoêno kako sɨmeho wopɨngo umoênono. Hwapɨngoso hoêyango hamniyoho yoêmayoso wokoso fiyo paênyoso umoênaoêmtonoho. 11 Wokoso fiyoso mofehiênyo sɨêmofapɨhwosi yokumpohnênyo lɨhwosi yofoho umontonoho. Oso paênyoso aêamu hamniyohoênji hoêyango engoênji kakoe syoho yoêmayoso mjɨmɨhwosi hamniyoho engo soêno notɨpehwosi oso hwe huhwo sohwo kako ajwo sopo wapeênɨmontonoho. 12 Hwe fihwo yoêmayo tangoênjo uêmahonɨngkuhwosi yokumpohnênyo neêno lohofoso sohwo sɨmeho wopɨngo umoênono. Yamofo hiso moiêwo nto ulohofosejwaofahonɨngki kako yokumpohnênyo neêno lohofoêmanji osohumo Anɨtu nto nalɨmentiso losoêno uyɨmontonoho. Aêamu ngkineêno sɨmeho ntaposo sohwo songo humayoêne uyɨmonnoho. Ose nalɨmentiso hopaso oso aêamu huhwo sohwo womaêmtonoho. 13 U sɨmeho fefoyo aêamu nomênehumo uêmasoso oso sɨmeho fefoyo sohwo honɨngkano wonyo nontɨmo ipemotawe soêmanji hwe huhwo sohwo ole lɨhwoloho. Olo sɨmeho fefoyo loso Anɨtu ntopahonɨngki wonyo honɨngkano loso yohono. Ose lɨhwoloho. Oêo, yoêmayo wonyoso Anɨtumo mɨputɨhwanehoho. Anɨtu aêamu somo wonyo yahino iyoêne mɨputɨhwanehoho. 14 Oêo, hwe sohwo huno wonyo syofɨsyahonɨngki oso huno wonyoso honɨngkano wonyo iyoêne kakimo ipemotosahonɨngki wonyo hilo soêno nɨmoênɨngkohoho lɨwoênɨngkiso hweho. 15 I kakoe huno wonyo somo inɨngkawesoso wonyo honɨngkano uyɨmontonoho. Wonyo hiso wonyo engo toyo yɨhwosi wonyo honɨngkano neêno iwoênɨngkuhwosi poyo peênɨkwato lohofɨhwosi nɨhuênahone umoênɨmontonoho. 16 Nje aêamufo, sɨmeho sejopalokwe soku, huno wonyo sohwo honɨngkano wonyo engomo ipesemotaweloho. 17 Yoêmayo wopɨngo nefoêmayoêneso ahwomo mtaêangofoho. Anɨtu nejapɨwoênɨngkisofoho. Anɨtu ahwomomjo pomponaho mofehiênyo, hamno, hntokwaliyo oso hwamo mtɨêmokumentisofoho. Pomponaho loso fehonta lasyonto nomênehonta molasyohoyohoho. I Anɨtu oso paênyo hwoêmaho. Oêo, kako neênohini yahino wopɨngoênohini nalohofɨwoênɨngkiso hweho. 18 Anɨtu nakwo kakoe mehomi imoênyoêneêno lonto kakoe hunomnohini inɨngkawento kako nanɨngkwohwo imoênɨmentisofoho. Kakoe hungkuno nehopiênohino somtaêni mehuêmenasiyoso nakwo temtitofo Anɨtu namtɨêmokumentiso somneêno umoênantanoho. 19 Nje aêamu soku, sekwo olo hilo soêno huno itoêno fɨsyafɨhupmno. Olo yahino loso ikutoho. Aêamu fehohnjoso hungkuno upaênɨfijoso aku hungkuno komoêno ulɨkujoêno yoka wohnnantɨfeho. Oêo, sekwo yoêmayo upaênɨfijo soêno huno itoêno syafɨsyɨkuji huno wopɨngo tɨpemafɨkuji hungkuno itoêno aku ulɨmno. Oso yahino inɨngkafijo soêno yokaso ikujohoso komoêno molɨkafonoho. 20 Aêamu fihwo sɨmeho tohinoênjo sohwo kako Anɨtuye honɨngkano wopɨngomo minɨngkayo hweho. 21 Osoêno yoêmayo yahino wonyo soênji honɨngkano wonyo soênji fohoênaopmno. Yoêmayo homo somo hi semoênɨngkisoso hwotoho fɨfijoso oso hungkuno Anɨtu sekwoe sɨmeho moêmo hoênasehumentiso somo hofiyo tɨfi finɨngkamno. Kakoe hungkunomo haloho popijoso kakoênji neêno nohumantɨkutnnefoho. 22 Anɨtuye hungkuno losomo tɨfiênohini finɨngkamno. Hwe fihwo haloho upaênonteso minɨngkayoêmanji kako sɨmeho moêmo hwasyo hungkuno hnnɨwoênɨngkiso hweho. 23 Hwe fihwo kako Anɨtuye hungkunomo haloho ko upaênonto haloho maposoênjo emoyɨwoênɨngkiso sohwo kako kakoe sɨmanomo tɨmo honɨngkonyomo ko honɨngkononto u kako mohonɨngkonɨwoênɨngkiso paênyo hweho. 24 Kako kakoe sɨmano kiho somo honɨngkononto mijo miyomaênyoênjo yonto komoêno nowento kakoe sɨmano kiho soêno inɨngo mofonto nje sɨmano kiho ane hwoênyoho lonto emoyɨwoênɨngkisofoho. Aêamu Anɨtuye hungkunomo haloho maposoênjo yɨwoênɨngkiso paênyo hweho. 25 Anɨtuye hungkuno honɨngkano wonyo mtaêni isɨhutofonemawoênɨngkiso hweho. Hungkuno hiloso itoênohinofoho. Hwe fihwo olo hungkuno hiloso hwapɨngo ne soêmo neêno uhwonɨwoênɨngkiso sohwo kako sɨmeho wopɨngo umoênɨngkahonɨngkuhwosi Anɨtu wopɨngo ulohoêmontonoho. 26 Aêamu fihwo ole syafɨsyososo, Ngko Anɨtuye aêamu ne hwoênyoho. Ngko aêamu Jisasɨmo inɨngkayoso sɨmeho moêmo hwasyo hungkuno hnnɨwoênɨngkiso hweho. Oseso kakoe sɨmeho hiêntnnohinoso kako Sante uhwonyoso ne ane sikinjo hweho. Mangoênohino hweho. 27 Anɨtu huno ole syafɨsyɨwoênɨngkiso, aêamu sɨmeho hiêntnnono nehopi ntapɨwoênɨngkiso sohwo ole yɨwoênɨngkiso, sɨkumehomi somo wopɨngo mokosyohumayo hweho. Osoênji apɨwojo sofamo tango uêmanteso oso moyaêmi sofamo kako wonyohofiyo ufoêmawoênɨngkiso hweho. Nomêneso ole, yoêmayo hwahoponjo honɨngkano wonyo somo minɨngkayoênjoêmanji nakwo honɨngkano wopɨngoênohini somo ose yasoêmanji nakwoe Mpohwo Anɨtu kako wopɨngo wonahonɨmontonoho.