Hipɨlu 7
PNG1 Melɨkisetek oso hwe engo sohwo kakoe yofe hwapɨngoso olenoho. Honɨngkano wopɨngo somo mokosyohumayo hwe engo hweho. Melɨkisetek huhwo sohwo kako ango Salem mokosyohumayo hweho. Oso ango yofe hwapɨngoso olenoho. Sɨmeho pompengo ifafoêne hweho. Melɨkisetek kako Anɨtu ahwomomo humaso sohumo aêamuênji motufohiênyoêne syohoênjo hweho. Apɨlohamɨye kami Lout osohumo hwe engo motawomentohofo sohwamo Apɨloham nofonjasyonto kakoe angopono nowentanɨngki hwe engo Melɨkisetek sohwo honɨngkanopo nɨswoênonto Apɨlohammo aho ulonjimokumentisofoho. Apɨloham yoêmayo hoêyango mangohwa mtaêni maêmentisoso aho hopiênono yano ilofahumentisoso Melɨkisetekɨye yofe hoênomayoêne angaêno uyɨmentisofoho. 3 Melɨkisetek kanɨngkwohwoêyaêuênji hofiyakwosafe yofe soênji nakwo huno monayohoyohoho. Oso sɨkuno konaêwohi maêmentiso somo u poyo peênɨmentiso sɨkuno somo u poyo kapeênɨmentono. Nakwo huno monayohoyohoho. Oêo, iyoswomo mamtɨêmokummentohofofoho. Melɨkisetek sohwo kako Anɨtuye hwomu Jisas paênyo Anɨtumo aêamuênji neêno ufohiênɨwoênɨngkiso hweho. 4 Melɨkisetekɨye yofe engo soêno sekwo huno fɨsyafɨhupmno. Neyakwo Apɨloham sohwo hwe engofoho lɨwoênɨngkuhwoneênwoho. Nakwoe hwapɨngo hweho. Apɨloham sohwo kako mangohwa mtaêni yoêmayo maêmentisoso Melɨkisetekɨye yofe hoênomayoêne fehohnjoso kakimo uyɨmentisofoho. Osoêno nakwo huno nayohoho. Melɨkisetekɨye yofe Apɨlohammo uyakoloêmentisofoho. 5 Jekoupɨye hwomu Lifai osohwo kakoe imu sohwa hofɨko aêamufe wonyo wayoêne syohoênjo hwafoho. Anɨtu olo honɨngkano hungkuno hoênahumentiso loso olenoho. Aêamu Isɨlael hofɨkoe yoêmayo hoêyangoso aho hopiênono yano ilofahufijoso Lifaiye temtitofoso angaêno womantɨfefoho. Lifaiye temtitofo sohwa aêamu Isɨlael sofe hofilaêwehwosafoho. Hopiênonohinoso Apɨlohamɨye mehomifoho. I osoêno Lifaiye imuso hofɨkoe hofilaêwehwosafe hoêyango yoêmayoso yano ilofahinyoso angaêno mawoênɨngkohofofoho. 6 I osoêno Melɨkisetek kako Lifaiye temtitofo mtaêangoêmaho. Apɨloham kako yano ilofahinyoso Melɨkisetekɨmo uyɨmentisofoho. Uyahonɨngki Melɨkisetek kako Apɨlohammo Anɨtu hungkuno uyɨmentiso sohumo aho ulonjimokumentisofoho. 7 Nakwo huno nayohoho. Hwe fihwo kako nomênehumo aho ulonjimokuwoênɨngkiso sohwo kakoe yofeso honjenoho. I aêamu aho kisusyontɨfe sohwoe yofeso monjenoho. 8 Lifaiye temtitofoso hoêyango yano ilofahinyo angaêno mawoênɨngkohofofoho. Oso aêamuso poyo peênnyofoho. I Apɨloham kakoe hoêyango yano ilofahinyo angaêno Melɨkisetekɨmo uyɨmentisofoho. Osohumneêno Anɨtuye hungkuno ole nalohi, Songo neêno humayo hweho. Osoêno Melɨkisetekɨye yofeso Lifaiye temtitofo sofe yofe somo yakoloênnyofoho. 9 I osoêno olo hungkuno loso wolɨhwano. Lifaiye temtitofoso hofɨko hoêyango yoêmayoso yano ilofahinyo angaêno mawoênɨngkohofofoho. I osoêno Apɨloham kakoe hoêyango yano ilofahinyo angaênohinoso Melɨkisetek maêmentisofoho. Oseso Melɨkisetek kako Lifai huhwoe mtaêni maêmentisofoho. 10 Hwapɨngoso ole, Lifai kako mmoênyo sohonta Apɨloham kako Melɨkisetekɨmo honɨngkanopo uswoênonto hoêyango fehohnjo uyɨmentiso sohonta kako kakoe imu Lifai uyone hopaso uyɨmentisofoho. 11 Hohonta hwe moyaêmi hofɨko honɨngkano hungkuno Mouses mtaêni maêmentohofoso ole ulɨmento, Aêamu Lifaiso hofɨko aêamufe wonyo wae yaofo syohoêneso hofɨko yahu wofonjokisyosyantɨfeho. Ose ulonto Anɨtu kako Elounɨmo oso syoho soêno sɨmoêmo uhwosopoêmentisofoho. I osoêno yahino sɨmoênjo yahu honɨyo usɨhumayoso aêamumo wopɨngo umokiyoêne hopoêmanji nomêne hwe aêamu Anɨtuênji ufohiênyoêne yahino songoênji Melɨkisetek kako syoho imentiso hopaso tɨfi pehoêne iêmofapmmentisoto. 12 U aêamufe wonyo wae syohoênjo sohwa hofɨkoe yahino uyohopoênɨfijoso honɨngkano hungkuno hi uyohopoênɨmtonoho. 13 Oso yahino songo uyohopeso Anɨtu kako nakwoe Hwe Engo Jisasɨmneêno nelalofoho. I osoêno kako Lifaiye temtitofo mtaêangoêmaho. Oêo, Jisasɨye temtitofo sohwa hofɨko oso syoho aêamufe wonyo wae yaofo soêno nɨhuêno mimmotofofoho. 14 Nakwo huno ole nayohi, Jisas kako Jutafe temtitofo mtaêango hweho. Oso temtitofo somneêno Mouses kako aêamufe wonyo wae yaofo syoho soêno mulɨmmentisofoho. 15 Jisasɨye temtitofo kengo mtaêango sohwo kako aêamufe wonyo wae nɨhuênahone yaofonto kako syoho songo aêamu Anɨtuênji ufohiênyo imentisofoho. Oso syoho songoso Melɨkisetek imentiso paênyoso uhwonontani osoêno nakwoe hunoso ehohosonesyalofoho. 16 Hwe fihwa aêamufe wonyo wae yaofo syohoênjo sohwa hofɨko Lifaiye temtitofo mtaêangoênohino hwafoho. I osoêno Jisas oso syoho hiso Lifaiye temtitofo mtaêni momaêmmentisofoho. Oêo, Jisas kako aêamufe wonyo wae nɨhuênahone yaofonto kako aêamu Anɨtuênji motufohiênɨmentisofoho. Jisas kako songo neêno humawoênɨngkiso hweho. Osoêno Jisas kako Anɨtuye yokumpohnênyoênji olo syoho loso neêno ihwonefoho. 17 Osoêno Anɨtu Jisasɨmo ulɨmento, Kɨko aêamu ngkimo motanɨfohiênyoêne syohoso Melɨkisetek imentiso hopaso neêno yohotnne hwosoho. Ose ulɨmentisofoho. 18 Osoêno hohontajo yahino aêamufe wonyo wae yaofoso Anɨtu kako wae yaoêmentisofoho. Hwapɨngoso hohontajo yahino aêamufe wonyo wae yaofoso hopoêmaho. Oêo, hohontajo yahinoso nakwo Anɨtumo sɨmeho hiêntnnono uyoso monefoêmanefoho. 19 Oso honɨngkano hungkuno Mouses nejapmmentisoso nakumo wopɨngo Anɨtu paênyo monamokonehoho. Osoêno Anɨtu kako honɨngkano nomêne songo hwosampoêmentisofoho. Oso honɨngkano songoso nakwo Anɨtuênji ufohiênyoso hoponoho. 20 Anɨtu kako Jisas aêamufe wonyo wae nɨhuênahone yososo kakoênji ufohiênyoêne syoho soêno uhwosopoêmentisofoho. Anɨtu Jisasɨye temtitofo somneêno uhwosopoêmentisoêmaho. Oêo, aêamu Anɨtuye hungkuno soêno huno nehopi uyosoêno kakoe yofe yokintahoponeêe soêno lonto kako Jisasɨmo uhwosopoêmentisofoho. Aêamu Lifai sohwa osoênji uhwosopoêmentohofoêmaho. Oêo, hofɨko homnɨngkwaêwehwoe pijohinopo maêmentohofofoho. 21 Anɨtu kako hungkuno yokumpohnênyo lonto Jisasɨmo ole soêno uhwosopoêmentisofoho. Jisas kako aêamufe wonyo wae nɨhuênahone ihwosi Anɨtuênji ufohiênyoêne syoho soêno uhwosopoêmentisofoho. Ole ulɨmento, Ngko Anɨtu hwoênyoho. Olo hungkuno yokumpohnênyo kilalokwe loso uyohope-eêneêmaho. Kɨko aêamufe wonyo wae nɨhuênahone yohoji ngkoênji motanɨfohiênyoêne syohoso neêno yohotnne hwosoho. Ose ulɨmentisofoho. 22 Anɨtu kako oso hungkuno yokumpohnênyo ulɨmentiso soêno nakwo huno ole nayohi, Jisas kako nakwoênji Anɨtumo motonafohiênyoêne pmmentisofoho. Olo yahino songo motonafohiênyoêne loso honɨngkano hungkuno hohontajo somo yakoloênnyofoho. 23 Hohonta aêamu piênɨngo aêamufe wonyo wae yaofo syohoênjo sohwa humamotofofoho. Hwapɨngoso hofɨko songo neêno humamotofoêmaho. Oêo, hofɨkoe syohoso nohoênasyontɨfi peênɨmentohofofoho. 24 I osoêno Jisas kako poyo peênonto apaêno lɨkafonto songo neêno humayo hweho. Kako aêamu Anɨtumo ufohiênyoêne syohoso neêno yonteso nomênehwo muyohopenohoho. Awonoho. 25 I Jisas huhwo sohwo kako Anɨtuênji neêno nohumanto kako nakumo nefoêmayoêne jomo ulalofoho. Osoêno hwe moyaêmi Anɨtumo uêmaneêentani nakwo Jisasɨmo sɨmeho hiêntnnono uyɨhwasoêno Jisas kako asomo netɨmanefoho. 26 Jisas kako yofe engo aêamuênji Anɨtumo ufohiênyoêne syohoênjo sohwo kako nakumo yoêmayo soêno nefoêmayoêneso hoponoho. Jisas kako nakwo aêamu wonyoênjo lohnênnonji nohumanto kako wonyo honɨngkano nɨhuêno mimmentisofoho. Oêo, wopɨngoênohini humamentisofoho. Osoêno Anɨtu kako aêamu hopiênonohino hwahoponjo soênji ahwomomjo soênji enjwaêmo nohumantɨfi Jisas kakoênohini yokintahopo uhumatɨêmentisofoho. 27 Aêamufe wonyo wae yaoêmotofo sohwa hofɨko sɨkuno huhwo huhwi yahu fonjokisahumotofofoho. Sɨmoêmo hofɨkoe wonyomneêno fonjokisasyontɨfi tɨfi aêamufe wonyomneêno fonjokisahumotofofoho. Osoêno Jisas kako syoho oseênjo hwoêmaho. Oêo, awonoho. Kako aêamu hopiênonohinofe wonyo wayoêne wapeênɨmo lonto kako sɨkuno angaênohino somo kako aêamu hopiênonohinofe wonyoso nɨhuênahone wae yaoêmentisofoho. 28 Hohontajo honɨngkano hungkunomo aêamu hwahoponjo yokumpohnênyo ane wonyo honɨngkanoênjo sohwamo oso syoho soêno uhwosopoêmojofoho. I Anɨtu kako hungkuno nehopi lonto kako oso syoho soêno kakoe Hwomu Jisasɨmo uhwosopoêmentisofoho. Anɨtu kako oso syoho somneêno Jisasɨmo uhwosopeso ntoênohinoho. Kako hoponoho. Oso syoho hiso neêno ihwonefoho.