Hipɨlu 5
PNG1 Aêamu Jutaso hofɨkoênjo mtaêango hwe fihumo uhwosopoêmentohofo sohwo syoho ole imentisofoho. Kako aêamu hisofe wonyo honɨngkanomneêno Anɨtumo syoho ulohofiyonto yahu fonjokisasyonto yahuênji yoêmayo soênji Anɨtu uhwonyoêne kisɨêmeehumentisofoho. 2 Oso hwe huhwo sohwo kako hwahoponjo aêamu hweho. Kako sɨhune fehohnjo somo honɨngkano wonyo imentisofoho. Osoêno aêamu huno ntoêno mosyafɨsiyoênjo somo u aêamu Anɨtuye honɨngkanomneêno inɨngo moênyo somo kako hofohofahnêno ulohofɨhwosi ufoêmaêmontonoho. 3 Kako hofɨko paênyo hwoêmanji kakoe wonyo honɨngkanomneênji aêamufe wonyo honɨngkanomneênji Anɨtumneêno yahu fonjokisasyɨwoênɨngkiso hweho. 4 Hwe fihwo ole monalonehoho. Ngko Anɨtumneêno aêamu somo ufoêmayoêne yofe engo womaêmo. Ose malonehoho. Oêo, Anɨtu kako Eloun Mousesɨye kolaêwehwo sohumo uhwosopoêmentiso hopaso uhwosopoêmontonoho. 5 Kɨlais huhwo kako oseênohinoho. Kako ole malɨmmentisofoho. Ngko aêamu ufoêmayoêne yofe engo womaêmo. Oêo, ose malɨmmentisofoho. Anɨtu kako ole ulɨmento, Kɨko nje Hwomu hwosoho. Olohonta ngko jɨje Mpohwoênyoho. 6 Ose ulɨmentisoso nomênepo Anɨtu ole ulɨmento, Kɨko aêamu ngkimo motanɨfohiênyoêne syohoso Melɨkisetek imentiso hopaso neêno yohotnne hwosoho. Ose ulɨmentisofoho. 7 Hohonta Jisas kako nakwo aêamu lohnênwi paênyo imoênonto nakwoe hwahopo humamentiso sohonta kako Anɨtumo humotahoênji yokumpohnênyo jomo ulɨmojo hweho. Anɨtu kakoênohini Jisasɨmo poyo peênyosoêno ufoêmayoêne hweho. Jisas kakoe hunomneêno hi inyoso monje yasyonto kako Anɨtumo inɨngkayo soêno hi umoênɨngkahonɨngki Anɨtumo enjwaêmo humamentiso soêno Anɨtu Jisasɨmo ufoêmaêmentisofoho. 8 Jisas kako Anɨtuye Hwomu hweho. I osoêno kako nohumanto Anɨtuye hungkunomo haloho pesoêno tohino engo maêmentisofoho. Tohino engo nomanto kako Anɨtuye hungkunomo haloho poêmentiso soêno huno engo tɨpemaêmentisofoho. 9 Yoêmayo tohino uêmahonɨngki kako wonyo honɨngkano nɨhuêno mimmentisofoho. Osoêno kako wopɨngoênohini nohumanto kako engolopohamo nakumo nefoêmayoêne hwapɨngo hweho. Nakwo kakoe hungkunomo halohoêno pewoênɨngkuhwone hnênɨmo kako nakumo asomo netɨmaso sohonta songo neêno nohumentɨhwanefoho. 10 Oseso Anɨtu Jisasɨmo ulɨmento, Kɨko aêamu ngkimo motanɨfohiênyoêne syohoso Melɨkisetek imentiso hopaso neêno yohotnne hwosoho. Jisasɨmo ose ulɨmentisofoho. 11 Nakwoe Hwe Engo Jisas nakwoe wonyo wae enaofoêne sohuneêno hungkuno piênɨngo engo woselontaneêno ihwono. I osoêno sekwoe hunoso pitoênnyoênjo kuyoho. Huno ntoêno mehohosahinyo kuyoho. Osoêno nakwo olo hungkuno hwapɨngoso pipi losetɨhwanehwono. 12 Sekwo Anɨtuye hungkuno hohonta upaênɨmentohofo soku olohonta sekwo nomêne somo molutɨhwayoso pehoêneto. Sekwoe hunoso tɨfoênjo kuyoho. Osoêno hwe fihwo kako Anɨtuye hungkuno hwapɨngo neso apaêno wolosetɨhwano. Sekwo Anɨtuye hungkuno neso wosopayo yokumpohnênyo hopaso manɨfitnnehofo. Oêo, amnoênohino nalokwofo. 13 Nakwo huno nayohoho. Aêamu fihwo amnoênohini nɨwoênɨngkiso sohwo kako mehomi paênyo hweho. Mango ane paênyo hweho. Honɨngkano wopɨngomo inɨngkayoêne huno ntoêno muyo hweho. 14 U wosopayo yokumpohnênyoso aêamu engo hunoênjo sohwafefoho. Oso aêamu huhwo sohwo kako Anɨtuye hungkunomneêno huno neêno syafɨsyɨwoênɨngkiso sohwo kako honɨngkano wopɨngo soênji wonyo soêntnno huno ntoêno ehohosahinyo hweho.