Hipɨlu 12
PNG1 Oso aêamu sɨsɨhwayo paênyoso Anɨtumo sɨmeho hiêntnnono umotofoso hofɨko sɨmeho hiêntnnono uyoêne yahinoso nto netɨhwamentohofofoho. Hofɨkoe hungkunoso upaênɨwoênɨngkuhwono. Osoêno nakwo Anɨtuye honɨngkanomo walokuhwone hnênwi nakwo yoêmayo wonyoso Anɨtuye honɨngkano wopɨngomo pɨjwonesyohumaso soênji yoêmayo yahino nakumo yokumpohnênyo nemokosyohumawoênɨngkiso soênji nɨhuênahone nohoênosyɨhwasi sɨmeho angaênohinoênji oso syoho yokumpohnênyo Anɨtu nejopalokuso oso ntoêno uyano. 2 Ose ihwasi nakwo Jisasɨmo tɨmo angaêno honɨngkuhwasi kakimneênohini huno wosyofɨsyano. Nakwo kakimo sɨmeho hiêntnnono uyo kako hwapɨngo hweho. Sɨmeho hiêntnnono uyo yahinoso kako nɨhuêno yokumpohnênyo imokone hweho. Aêamu iyo hwojiyafɨkuênnyo sopo poyo peênɨmentohofoso yofe nɨhuêno wonyo maêmentohofofoho. I osoêno Jisas kako oso wonɨmango engo unyosoêno mosyafɨsiyoênjo yonto kako poênɨfo mmoênɨmmentisofoho. Oêo, hwapɨngoso Jisas kako huno syafɨhuêmento, Anɨtu nje sɨmeho wopɨngo nɨmokonefoho. Osoêno syafɨsyonto Jisas kako sɨmeho hiêntnnono Anɨtumo uyonto nakumneêno tohino engo manto poyo peênɨmentisofoho. Oseso olohonta kako kanɨngkwohwo Anɨtuye aho angahohntaêni nohumanto yoêmayo hopiênonohino somo mokosyohumaho. 3 Jisas nakumneêno aêamu wonyo somo enjwaêmo weêenehwo humamentisofoho. Osoêno hofɨko kakineêno mangohwa imoênontɨfi nɨhuêno wonyo ulohoêmentohofofoho. Osoêno sekwo Anɨtuye syohomneêno yoêmayo tango seêmahwosoêno sekwo oso tango Jisas maêmentiso soêno fɨsyafɨhupmno. Osoêno syafɨsyɨkuji sekwoe syoho wopɨngo somo nusɨkwajɨkutoho. Oêo, sekwo yokumpohnênyo inɨngkakuji syoho itoêno fiyɨmno. 4 Sekwo yoêmayo honɨngkano wonyo somo monje yasiyoêneso syoho yokumpohnênyo fiyɨmno. Aêamu fehohnjoso hofɨko honɨngkano wonyo soêne nakwolaho lɨwoênɨngkohofo somo nomi aêamuso hofɨkimo fonjahumentohofofoho. 5 Oso hungkuno Anɨtu kakoe mehomi hnênɨmo yokumpohnênyo nasosofitofoêne nalɨmentiso soêno inɨngo laseyohoho. Olo hungkuno loso nalohoho. Nje hwomu sohwosi, nakwoe Hwe Engo kako jɨje honɨngkano ntoêno efisopekuhwajiyoêne, Wonyo yahino kilohofɨhwosoêno oso hungkuno homo somo kɨko haloho pofo. Oso hiso kilohofɨhwosoêno huno ole syafɨsyɨkutoho. Anɨtuye honɨngkanoso tango mɨkunɨmposo niyantofoho. Ose syafɨsyohotoho. 6 Oêo, aêamu hopiênono Anɨtu nje mehomi kuyoho ulɨwoênɨngkiso somo, Honɨngkano wonyo nɨhuêno yohotoho ulɨwoênɨngkisofoho. Aêamu hiso honɨngkano wonyo ifijoêmanji Anɨtu kako yoka ulɨmontonoho. Ose nalɨmentisofoho. 7 Kɨko Anɨtuye hungkunomo tɨfi inɨngkahuji tango kuêmahwosoêno kɨko yokumpohnênyo neêno filohofo. Hwapɨngoso Anɨtu kako jɨje honɨngkanomo efisopekuhwojalofoho. Ose kilohofɨhwosoêno kɨko huno wakiyono. Kɨko kakoe mehomi hwosoho. Nanɨngkwohwosa hofɨko hofɨkoe mehomi hnênɨmo nakwoe honɨngkanomo efisopenehwajɨwoênɨngkohofofoho. 8 Nakwo aêamu hopiênonohino hnênwi honɨngkano wonyoênjoênwoho. Osoêno Anɨtu kako kakoe honɨngkanomneêno ntoêno wefisopenehwajono. Anɨtu kako jɨje honɨngkanomo ntoêno momekuhwajiyoêmanji kɨko kakoe mehomi hwosɨêmaho. Oêo, kɨko sɨkumehomi paênyo hwosoho. 9 Nakwo nanɨngkwohwosa hofɨko nakwoe honɨngkano wonyomo menehwojahonɨngkofi nakwo hofɨkoe yofe hoênomawoênɨngkuhwono. Osoêno Anɨtu kako nakumo kakoe honɨngkanomneêno ntoêno efisopenehwajɨhwosoêno nakwo haloho pehwasi honɨngkano wopɨngoênohini uyano. Kako nakwoe huyoêmangomo mokosyohumawoênɨngkiso hweho. Osoêno nakwo enjwaêmo nohumehwasi ntoêno wohumano. 10 Hwahoponjo nanɨngkwohwosa hofɨko hofɨkoe huno mtaêni olo hwaho lopo weêenehwo humayoêne nakwoe honɨngkano ntoêno menehwajɨwoênɨngkohofofoho. I nanɨngkwohwo Anɨtu kako kakoe honɨngkanomneêno efisopenehwojahonɨngki nakwo wopɨngo imoênalokuhwono. Ose nalohofɨhwosoêno nakwo kako paênyo umoênantanoho. 11 Aêamu nakwoe honɨngkanomo ntoêno menehwajɨkujoêno nakwo tango engo wotɨpemantanoho. I osoêno nakwo wopɨngo humayoêne Anɨtu kako nakwoe honɨngkano wonyomo somneêno menehwajɨhwosoêno ne untoênɨmontonoho. Oso ipisayo neso aêamuênji sɨmeho pompengo ifisyamoênyoênefoho. 12 Ose selohe soêno sekwo Anɨtumneêno yokumpohnênyo filohopmno. 13 Sekwoe honɨngkano ntoêno mɨhwajɨkuji aêamu sɨfe poênɨfoênjo senɨngkape sohwo kako mapɨwasyonehoho. Oêo, hano itoêno ihwosi sɨfe poênɨfoso yokumpohnênyo umoênɨmontonoho. 14 Sekwo sekwoe aêamuênji pompenjiyo humayoêne syoho yokumpohnênyo fiyɨmno. I sekwo honɨngkano wonyo hopiênonohino fohoênaopmno. Sekwo honɨngkano wonyo nɨhuêno ane humayo soêno syoho yokumpohnênyo fiyɨmno. Aêamu honɨngkano wonyoênjoso hofɨko nakwoe Hwe Engo sohumo muhwonɨfitnnefoho. 15 Anɨtu kako wopɨngo waselohoêmo. Wosefoêmaêmo. Ose nalɨhwosoêno aêamu fihwo kako nupaênɨngkuhwosi Anɨtumo ole ulonoho. Nɨfoêmayoso pehoêneto. Ngkilaho. Ose ulonoho. Osoêno sekwo Anɨtumneêno yokumpohnênyo lohofɨkuji foêmaênɨmno. Anɨtu kako nefoêmayoso nakwolaho ulɨhwasi hofohofahnêno nakwoe sɨmeho wonyo wonamoênɨmontonoho. Sɨmeho wonyo namoênɨngkuhwosoêno aêamu piênɨngo engo somo tohino uyantanoho. Aêamu sɨmeho wonyoênjo sohwo kako nomêne aêamu somo honɨngkano wonyomo ipemotahwosoêno oso hwe huhwo sohumo Anɨtu kako wonyo hwosoho ulɨmontonoho. 16 Aêamu fihwo sekwoênji humaso sohwo kako aêmohufo ihwoloho. Aêamu fihwo sekwoênji humaso sohwo kako Isou Anɨtumo hwotoho hmmentiso paênyo ihwoloho. Isou kako mijoho engo uyahonɨngki kanɨngkwohwo Aisak kakoe tisɨmaso sohumo aho ulonjimokone soêno Isou kako huno ole syafɨhuêmento, U kakoe syohofoho. Nje nɨngkwahwo Jekoup kako womano. Ngko mijoho peênalokweno. Ose syafɨsyonto Isou kakimo hwosopisyafɨhwosi Jekoupɨmo aho ulonjimokone somjo wosopayo soêno ulahonɨngki Jekoup kolaêwehumo oso wopayoso mpe ulohoêmentisofoho. 17 Sekwo huno seyohoho. Tɨfi noêmo Isou oso aho wontonjɨmokononto somjo hungkunoso aku womaêmo lonto yahonɨngki kanɨngkwohwo Aisak muyɨmmentisofoho. Oêo, Isou kako humotaho engo lonto oso wonyo imentiso somo wae yamoênyoso hopoêmaho. 18 Anɨtu kako aêamu Isɨlael somo kakoe hungkuno hwofɨkiênyo Sainai sopo uyɨmentiso sohonta himo sɨkwoêmnoso hwofɨkiênyo hopo sopo ifeehuêmo yahumentisoso toho ahwomo mtaêango uhwonontɨfi ifofo engo yahonɨngki hi ulɨkofahonɨngki iyoho mɨkunɨmposo unɨmentisofoho. Kounoho yoka hoênonto mampaho ahwomo mtaêni ole hoênɨmento, Aêamu fihwo olo hwofɨkiênyo loso kako aho pmêmokoso sohumo sekwo sojoênji fonjahumno. Aêamuênohinɨêmaho. Oêo, yahuênji hwofɨkiênyo lopo hano weso sohumo fonjahumno. Ose hoênɨngkahonɨngki aêamuso iyoho unɨngkahonɨngki hofɨko Mousesɨmo ulɨmentohofi, Mouses kɨko Anɨtumo ole uso, Oso hungkuno tango mɨkunɨmposo soêno nakwo iyoho nenalofoho. Nakwo olo mampaho loso nupaênɨngkuhwaloho. Ose uso. Ose ulahonɨngkofi Mouses ulɨmento, Ngko huhwoêni yomo yonji iyoho nnɨngkohoho. Ose ulɨmentisofoho. 22 I sekwo soku hofɨko ose uhwonɨmentohofo paênyoso sekwo muhwonɨmmentohofofoho. Oêo, sekwo hwofɨkiênyo Saiyon Anɨtu songo humaso sohwoe ahwomomjo ango engo Jelusalem osopo iêmofapmmalofo. Osopo aêamu ahwomomjo nɨhuêno piênɨngo engoso sɨmonyo yontanɨngkofi iêmofapohofo. 23 Osopo sekwo Anɨtuye mehomi hopiênono tisɨmaso paênyo kuyoho. Sekwoe yofe Anɨtu nto mtɨêmokumentisoso ahwomomo weho. Anɨtu aêamu hopiênonohinofe hungkunomo ikwolofoêne yano ulofiyo sohumo sekwo iêmofapohofo. Aêamu Anɨtumo sɨmeho hiêntnnono uyontɨfi poyo peênɨmentohofo somo Anɨtu kako Wopɨngo kuyoho, ulɨmentiso osomo wopɨngo ne nto imokumentisofoho. Oso aêamu hiso osopo humalofo. 24 Jisas kako Anɨtuye angopo neêno siyoêne honɨngkano songo kakoe honɨyoênji hwosampoêmentiso sohwo osohumo sekwo iêmofapohofo. Kakoe honɨyo soênji nakumo kakoênji mokojɨjwonahinyofoho. Osoêno Apel kakoe honɨyo usɨhumaêmentiso somo Jisas kakoe honɨyoso hwofiloênnyofoho. 25 Sekwo ntoêno fɨsyafɨhupmno. Hohonta Anɨtu Mousesɨmo hungkuno yokumpohnênyo uyahonɨngki aêamu Isɨlaelɨso haloho maposoênjo imentohofofoho. Osoêno hofɨkoe honɨngkano wonyo soêno tohino engo maêmentohofofoho. Tohino homo somo hofɨko muyakoloêmmentohofofoho. Oseso Kɨlais ahwomomo humaso sohwo hungkuno yokumpohnênyo nto nejapmmentisofoho. Oso hungkuno homo somo haloho maposoênjo ihwasi hohujo ikinjaofososo nakwo tohino engo mayo sohonta hiyaso ntɨêmte waneto. Nɨhuêno awonoho. 26 Hohonta Anɨtuye mampaho hwofɨkiênyo Sainai sopo ntaêni hoênɨngkahonɨngki hwaho hwomɨhwo imentisofoho. I osoêno olohonta Anɨtu ole nelalofi, Sɨkuno nomênemo hwomɨhwo ihwosi hwaho nɨhuênahone wae yaoêmnefoho. Hwahoênohinoêmaho. Oêo, ahwomo hiênji wae imnefoho. Ose nelalofoho. 27 Oso hungkuno hwomɨhwo ihwosi hwaho wae yaoêmnefoho nelalofonjo hwapɨngoso ole, yoêmayo yoêmayo Anɨtu olo hwaho lopo mtɨêmokumentisoso hwomɨhwo ihwosi wae yonefoho. I yoêmayo Anɨtu ngko nje angomo womokosyohumamo loso soênohini neêno nowentɨhwonefoho. 28 Ose nalisosoêno nakwo sɨmonyo uyano. Anɨtu nemokosyohumayo sopo moiêwo mmoênonehoho. Oêo, neêno nowentɨhwoneponoho. Osoêno nakwo Anɨtumo isamoyoka ulɨhwasi kakoe sɨmeho wopɨngo umoênyoêne soêno kakoe syoho hofiyo ulohofiyano. Anɨtuye yofe hoênomehwasi kakoe yokumpohnênyo soêno iyoho wonanono. 29 Hwapɨngoso nakwoe Anɨtu kako yoêmayo wonyo iyosoêno nɨhuêno yokumpohnênyo nelalofi, Yoêmayo wonyoso nɨhuêno ngkilaho. Ose nelalofoho.