Ngkolesiya 5

1 Setenɨye impoêango mtaêni Kɨlais nakumo nasɨhutoêmentiso hnênwi nakwo yokumpohnênyo wolohofano. Honɨngkano hungkunoso sekumo nomokokiloêmokosehumajoloho. 2 Sekwo upaênɨmno. Ngko Poulɨêni hungkuno waselɨmonneêno yohono. Huno ole losyofɨsyalokwofo. Nakwoe aêapaho sɨhu koloênyoêmanji Jutafe honɨngkano hungkunomo inɨngkayoêmanji Anɨtu nakwoe wonyo wae wenaêmtonoho. Huno ose syofɨsyalokwofoêmanji Jisas kako sekwoe wonyoêne poyo siki peênɨmentono. 3 Ngko apaêno waselɨmo. Aêamu fihwo kako Anɨtuye aêamu ne imoênyo soêne kako honɨngkano hungkunomo inɨngkawesoso kakoe aêapaho sɨhu kolofoêmanji oso hwe huhwo sohwo honɨngkano hungkuno nɨhuêno hopiênonohinomo unɨngkaweno. Nɨhuêno kengaênohinomo minɨngkayoêmanji u honɨngkano wonyo kengaêno isoêmanji nɨhuênahone tɨkanomo wene hweho. 4 Sekwo wonyo wayoêne honɨngkano hungkuno inɨngkawowoênɨngkohofoêmanji sekwo Jisas Kɨlaisɨmo nto usɨkwojaoêmalofo kuyoho. Yoêmayo wonyoangkafo Anɨtu sekumneêno selohofɨwoênɨngkiso soêno sekwo hohujo nto ikinjaoêmalofofoho. 5 Sekwo hohujo ikinjaofahonɨngkofi nakwo fehohnjo hnênwi Jisas nakwoe wonyoêne poyo peênɨmentiso somneêno sɨmeho hiêntnnono uyahonɨngkuhwono Anɨtuye Towahuno Wopɨngo kako nakwoe wonyo honɨngkanomo wae yaofalofoho. Osoêno tɨfi noêmo Anɨtu utɨhwaênyopo, Nje mehomi wopɨngo ne kuyoho nalonefoho. Oso hisoêno nakwo hontohumalohwono. 6 Nakwo Jisas Kɨlaisɨye mehomi ne imoênɨngkuhwone soêno u aêapahomo sɨhu koloênyoso aêapaho makoloênyoso oso sikiyoho. Oêo, Jisas Kɨlaisɨye mehomi ne imoênyoso ole, Jisasɨye hungkunomo tɨfi inɨngkayo soênji aêamu nomêne somo sɨmeho hiêntnnono uyo soêntnne oso Jisasɨye mehomi nefe yahinofoho. 7 Sɨmoêmo sekwo Jisasɨmo tɨfi hofiyo inɨngkamotofofoho. I sekwoe yahino wopɨngo somo tɨhwo pɨjwasehumasoto. Jisasɨye hungkuno somo inɨngo mopmno eso tɨhwo selɨmasoto. 8 Anɨtuêmaho. Oêo, kako oso honɨngkano wonyo somtaêni Jisasɨmo uhwojahonɨngki sekumo sesɨhutomentiso hweho. 9 Toho weêe sijontanɨngkuhwosi ifofo yososo toho engo sijɨhwosi yoêmayo hopiênonohinomo wonahumontonoho. Oso paênyo aêamu angaênohino hwasyo hungkuno selososo sekwo hopiênonohino soku sekwo hwasyo honɨngkanomo inɨngkowalokwofo. 10 I osoêno ole syosefɨsyalokweno. Hwe Engo sohwo sefoêmahonɨngkuhwosi oso hwasyo hungkunomo inɨngkowalokwofo somo sekwo hohujo ikinjaofɨkuji Jisasɨye hungkunomnohini ngko inɨngkowalokwe hopaso finɨngkamno. Oso aêamu sohwo sekumo ole seloso, Sekwo aêapaho sɨhu fɨkoloênɨmno, ose seloso sohwo hwasyo honɨngkanomo ipesemotaseweso sohwo kakoe yahino wonyo somneêno Anɨtu kako tohino uyonefoho. 11 Aêamu fehohnjo ngkineêno ole lalokwofo, Poul huhwoênji ole lutɨhwawoênɨngkiso, Aêamu honɨngkano hungkunomo inɨngkayoso aêapaho sɨhu koloênyo somo ose inɨngkaofijoêmanji Anɨtu hofɨkoe wonyoso wae weeoêmtonoho. Ngkineêno ose lalokwofo. I oso hungkunoso ngko lutɨhwantɨêmtentesi aêamu honɨngkano hungkunomo inɨngkowalokwofo sohwa ngkimo tango montapeênjo ikutnnesohilo. Oêo, ngko Jisas aêamufe wonyo soêno iyopo poyo peênɨmentiso soêno ulalokwe soêno hofɨko ngkimo tohino ntapɨwoênɨngkohofofoho. 12 Aêamu sekwoe aêapaho fɨkoloênɨmno selalokwofoso hofɨko hofɨkoe aêapahomo nɨhuênahone sɨhu koloênɨfijoso sekumo selɨkoêmafɨkuji nɨhuênahone moseêmafɨkutnnehofo. Osoêno nɨmoênɨngkohoho. 13 U nje aêamu soku, honɨngkano hungkuno somtaêni Anɨtu kako sekumo sesɨhutoêmentisofoho. Sekumo pehoêne sesɨhutoêmentisoto. Apaêno honɨngkano wonyomo inɨngkayoênetaho. Nɨhuêno awonoho. Olenoho. Nomêne aêamu somo sɨmeho uyoêne nomêne aêamu somo ufoêmayoêne osoêne Anɨtu nakumo isɨhutofonemaêmentisofoho. 14 Yoêmayo honɨngkano hungkuno neso hungkuno angaênohino somo woênnyofoho. Hungkuno olenoho. Kɨko kikineêno kumoênyo hopaso kɨko aêamu hopiênonohino somneêno wakumoênono. 15 I sekwo nomêne aêamu soênji yoka hnnɨngkuji sɨmeho tohino semnɨngkuhwosoêno tango inɨngkuji ikujoho fongkiênɨfijoêmanji i sekwo iêwaho fiyɨmno. I sekwo oso yahino ifijoêmanji sekwo hopiênono wonyo umoênantɨfeho. 16 Hungkuno ole waselɨmonneêno yohono. Sekwo haloho popmno. Anɨtuye Towahuno Wopɨngofe mampaho jɨje hunomo huno kiyɨhwosoêno sɨmeho kumoênoso somo tɨfi finɨngkayo. Ose iyoêmanji yoêmayo wonyoso jɨje sɨmeho umo lɨhwosi ko yososo miyonehoho. 17 Ihwoni, jɨje sɨmeho ole kilalofi, Olo honɨngkano losomo hano fiyo. I Anɨtuye Towahuno Wopɨngo ole kilalofi, Yoêmayo wonyo jɨje sɨmeho umo lɨhwosi yososo miyonehoho. Oêo, nje honɨngkanomo tɨfi nnɨngkape. Ose kilalofoho. Osoêno oso hwaêu jɨje sɨmeho moêmo ikujoho hopa fongkiênalokusiyo. Kɨko yoêmayo uyɨmonji yalokunoso kɨko hopoêmaho. 18 Kɨko Anɨtuye Towahuno Wopɨngomo tɨfi inɨngkusoso kɨko honɨngkano hungkuno somo enjwaêmo mohumuhnnohino. 19 Yoêmayo wonyoso nakwoe sɨmeho yonesoêno huno nayohoho, nomêne aêamufe aêapahomneêno sɨmeho fefoyoso, yoêmayo huno wonyo syafɨsiyoso, honɨngkano wonyomo hano iyoso, 20 iyo huyoêmangoênji sojo huyoêmangoênji yofe hoênomayoso, hwahoponjo hwasyo anɨtu hwe hwoso sohumo tɨfi inɨngkayo, peefo, kiênyo imokiyoso, aêamu mangohwa imoênontɨfi ikujoho fongkiênyoso yoka hnnyoso, sɨmano hintotohino kumnyoso, yofe hoênomaênyoso, nomêne somneêno hitoho mulofeênjoso, oêo aêamu kakoe yoêmayo somneêno syafɨsiyoso, aêamu itoêno mohumayofoho. Oêo hofɨko husilo husilofo lohofontɨfi nomêne aêamu somneêno sitofo ujofoho. 21 Nakwoe sɨmeho aêamu nomênefe yoêmayo soêno hi umoênyo, mijo yokumpohnênyo nonontɨfi nilohofoso, yoêmayo syohiênyo wonyo iyoso, yoêmayo fonɨfonyo iyo, yoêmayo wonyo iyoso, umo lɨwoênɨngkisofoho. Sɨmoêmo selɨmentohe hopaso apaêno yokumpohnênyo waselɨmonneêno yohono. Aêamu yoêmayo wonyoso iwoênɨngkohofoso hofɨko Anɨtu nemokosyohumayo sopo mahufitnnefoho. 22 I osoêno nakwo Anɨtuye Towahuno Wopɨngofe mampahomo inɨngkowasoso nakwo nomêne aêamu somneêno hitoho wonalomontonoho. Nakwo Anɨtuênji hungkuno hnnɨngkuhwasi sɨmeho wonyohofiyoênji wohumantanoho. Osoêno Anɨtuênji aêamu soênjimo sɨmeho pompenjiyo uyantanoho. Nakwo Anɨtuye Towahuno Wopɨngofe mampahomo inɨngkowasoso, u aêamu nomêne nakumneêno wonyo hungkuno losoêmanji nakwo sɨmeho wonyo muyanehwono. Oêo, sɨmeho wopɨngoênji wohumantanoho. Nakwo aêamu nomêne somneêno hitoho nalofɨhwosoêno ufoêmantanoho. Yoêmayo wopɨngo ulohofantanoho. Yoêmayo nakwo nomêne somo ulasoso ne umoênɨmontonoho. 23 Nakwo nomêne somneêno hwahopo wopowantanoho. Nakwoe yofe mohoênomaênyoênjo uyantanoho. Yoêmayo nakwoe sɨmeho uyɨmonto ko yososo nakwo honɨngkano wopɨngoênohinomo uyantanoho. Oso yoêmayo yahino wonyoangkafo loso yasoso honɨngkano hungkunoso yoêmayo hwahoponjo hungkunoso nakumo mopɨjwonamofeênjo umontonoho. 24 Jisasɨye aêamu ne hnênwi olo soêno nano mtitoêmentɨhwone, Yoêmayo nakwoe huno wonyo naisoso yoêmayo sɨmeho fefoyo neêmaso sohonta ole syafɨsyɨwoênɨngkuhwono. Mpano. Jisasɨye iyo hwojiyafɨkuênnyopo oso hisoêno nto peênɨmentisofoho. Ose syofɨsyontani honɨngkano wopɨngomo humalohwono. 25 Anɨtuye Towahuno Wopɨngo kako songo humayoêne kakoe yokumpohnênyo ntnneêno nejapɨwoênɨngkiso soêno nakwo kakimo enjwaêmo wohumano. Kakoe hungkuno somo sɨkuno huhwo huhwi unɨngkowano. 26 Yoêmayo nakwoe yofe engo imoênyoêneso mosyafɨsiyoênjo uyano. Nakwo nomêne aêamu somneêno sɨmano hintotohino monahmnyoênjo uyano. Nakwo nomêne aêamu sofe yoêmayo soêno hi monamoênyoênjo uyano.