Ngkolesiya 3

1 Sekwo aêamu Ngkolesiya omomo yahino yɨwoênɨngkohofo soku, sɨmoêmo nakwo Jisas Kɨlais sekwoe wonyomneêno iyo hwojiyafɨkuênnyopo poyo peênɨmentiso soêno hofiyo losetɨhwahonɨngkuhwoni sekwo Kɨlais ne sohumo hopa tɨmo uhwonɨmentohofofoho. I olohonta sekwo hwasyopo hwosopisyaoêmalofofoho. Sekwoe huno somo hwasyo honɨngkanomo tɨhwo ipesemotapmmasoto. 2 Ngko sekumo nomêne angaênohino soêno waselohonɨmneêno yohono. Sekwo honɨngkano hungkuno somo inɨngkamentohofo soêno Anɨtu kako kakoe Towahuno Wopɨngo sejapmmentisotaho. Oêo, sekwo Jisasɨye hungkuno songomo upaênontɨfi Jisas Kɨlaisɨmo sɨmeho hiêntnnono umentohofo soêno Anɨtu kakoe Towahuno Wopɨngoso sejapmmentisofoho. 3 Sekwoe huno wopɨngoso pipi yontɨfi hoênaoêmalofoto. Sɨmoêmo sekwo syoho emayoso Anɨtuye Towahuno Wopɨngofe yokumpohnênyoênji hofiyo emantɨfi osopo huno wopɨngoso hoênaofontɨfi sekwoe yokumpohnênyo hwahopo ntaênɨngo soênji wesejwaofantɨfeêno yalokwofo. 4 Sekwo Anɨtuye Towahunoênji hofiyo humamotofo soêno inɨngo laseyohoho. Osoêno syafɨsyɨkuji ne anefoho wolantɨfetaho. Awonoho. Ne anefoho malɨfitnnehofo. 5 Apaêno waselohonɨmneêno yohono. Sekwo honɨngkano hungkuno somo inɨngkayoêne Anɨtu kakoe Towahuno Wopɨngo sejopalofoho. I osoêno sekwo Jisasɨye hungkunomo haloho upaênontɨfi sɨmeho hiêntnnono uyahonɨngkofo soêno kakoe Towahuno sejopalofoho. 6 Oso paênyoso Apɨloham imentisofoho. Aêamu Anɨtuye hungkuno mtɨêmokumentohofo sohwa Apɨlohamneêno ole mtɨêmokumentohofi, Apɨloham sohwo kako Anɨtuye hungkunomo sɨmeho hiêntnnono umojo hweho. Anɨtu oso sɨmeho hiêntnnonohino soêno ulɨmento, Nje hungkunomo Apɨloham sɨmeho hiêntnnono ntape soêne kako honɨngkano wonyo ane hweho. Ose lɨmentisofoho. 7 Oseso sekwo huno waseyono. Aêamu Anɨtuye hungkunomo sɨmeho hiêntnnono uyoso sohwo oso aêamu sohwo Apɨlohamɨye mehomi ne hweho. 8 Nɨhuêno hohonta Anɨtu ole soêno huno uyɨmento, aêamu temtitofo kengo kengoso ngkimo sɨmeho hiêntnnono nontapɨfitnne soêno ngko wopɨngo kuyoho ulɨmnefoho. Huno ose uyɨmentiso soêno kako Apɨlohammo olo hungkuno wopɨngo loso ulɨmento, Kɨko itoêno ehumayo soêno ngko aêamu hwaho kengo kengoponjo temtitofo kengo kengo soênjimo wopɨngo ulohoêmnefoho. Anɨtu Apɨlohammo ose ulɨmentisofoho. Oso hungkuno hiso aêamu Anɨtuye hungkuno mtɨêmokumentohofo sohwa mtɨêmokumentohofofoho. 9 Apɨloham oso hungkuno somo sɨmeho hiêntnnono uyahonɨngki Anɨtu wopɨngo ulohoêmentisofoho. Osoêno aêamu Juta soênji temtitofo kengo soênji sɨmeho hiêntnnono uyahonɨngkofi Anɨtu kako hofɨkimo wopɨngo ufoêmawoênɨngkiso hweho. 10 I osoêno aêamu honɨngkano hungkuno soêno ole lɨwoênɨngkohofi, Ngko honɨngkano hungkuno somo inɨngkayo soêne Anɨtu nje wonyoso wae weenɨmofono. Oso hungkuno somo huno ose syafɨhupijoêmanji, Hofɨko tɨkanomo ufitnnefoho. Hwapɨngoso aêamu Anɨtuye hungkuno mtɨêmokumentohofo sohwa ole mtɨêmokumentohofi, Aêamu honɨngkano hungkuno nɨhuêno kengaênohino somo minɨngkayoênjo ifijoso tohino engo nomanefoho. Ose mtɨêmokumentohofofoho. 11 Nomêne Anɨtuye hungkunomo hwe kakoe yofe Hopeekok ole mtɨêmokumento, Aêamu Anɨtumo sɨmeho hiêntnnono unyo sohwo osoênohino soêno oso hwoe wonyoso Anɨtu kako wae imofɨhwosi kɨko wonyo honɨngkano ane hwosoho ulɨhwosi songo neêno humayoso uyonefoho. Ose mtɨêmokumentisofoho. Osoêno nakwo huno nayohoho. Aêamu kako honɨngkano hungkunoênohini inɨngkayo sohumo Anɨtu kako ole mulonehoho. Kɨko wopɨngo hwosoho. Oêo, ose mulonehoho. 12 Honɨngkano hungkunomo inɨngkayo yahinoso nomêne kengofoho. Honɨngkano hungkunomo inɨngkayoêneso Anɨtuye hungkuno ole naliso, Aêamu fihwo honɨngkano hungkuno nɨhuêno hopiênonohino somo itoênohino inɨngkaweso sohwo kako wonyo honɨngkano nɨhuêno ane sohwo songo neêno nohumane hweho. I oso hwe huhwo sohwo kako nɨhuêno angaêno wonyo yosoêmanji nɨhuênahone tɨkanomo nowene hweho. Tohino nomanefoho. Ose nalɨmentisofoho. 13 I osoêno aêamu wonyo honɨngkano ane sohwo olo hwaho lopo mohumunyoponoho. Osoêno aêamu hopiênono hofɨko tɨkanomo ufitnnefoho. I osoêno nakwo honɨngkano hungkunomo itoêno minɨngkayoêne soêno Kɨlais kako iyopo nakwoe wonyoêne poyo peênɨmentiso sohonta nakwoe tohino engo maêmentisofoho. Kɨlais kako tohino engo maêmentiso soêno aêamu Anɨtuye hungkuno mtɨêmokumentohofo sohwa ole mtɨêmokumentohofi, Aêamu fihwo iyopo fonjintoêofasiyo sohumo Anɨtu kako kakimo hohujo ikinjɨmofɨhwosi tohino engo uyonefoho. Ose mtɨêmokumentohofofoho. 14 Osoêno oso hungkuno Anɨtu Apɨlohammo ulɨmentisoso ne imoênɨmentisofoho. Apɨlohamɨye imuhwo Jisas Kɨlais kako aêamu hopiênonohino aêamu Juta soênji aêamu kengo kengo soênji hofɨkoe wonyo soêno tohino engo maêmentisofoho. Osoêno aêamu oso hisoêno sɨmeho hiêntnnono ufijoêmanji Anɨtu kakoe Towahuno wopɨngoso aêamu homo somo uyɨmontonoho. 15 Nje aêamu soku, nakwoe hwahoponjo yahino soêno pahnnɨmo hungkuno waselɨmo. Hwe fihwo kako kakoe poyo peênyo soêno huno syafɨsyonto kakoe mehomi somo yoêmayo hoêyango yano ulofɨwoênɨngkiso hweho. Hwe nomêne sohwo oso hungkuno yokumpohnênyo somo hwotoho mafenohoho. Oêo kakoe hungkunoso nowentɨhwonefoho. 16 Oso paênyoso Anɨtuye hungkuno Apɨlohamênji kakoe imu sohwoênjimo ulɨmentisoso neêno weho. Oso imu piênɨngoêmaho. Oêo, imu kengaênohino sohumneêno ulɨmentisofoho. Oso imu huhwo sohwo Jisas Kɨlaisɨyoho. 17 Ihwoni, Anɨtu kako kakoe hungkuno Apɨlohammo uyonto ne imoênoneêento imentisofoho. Ose uyɨmentisoso soswo foua hantɨlet teti (430) uyokolofahonɨngki osohonta Anɨtu Mousesɨmo honɨngkano hungkuno uyɨmentisofoho. I oso hungkuno tɨfinjoso hungkuno sɨmoêmjo somo wae meeofonehoho. Oêo, hungkuno sɨmoêmjo Anɨtu Apɨlohammo uyɨmentisoso neêno weho. 18 Osoêno honɨngkano hungkunomo inɨngkayoso nakwo yoêmayo umentiso Anɨtu nakumneêno hoênahumentisoso womantanoho. Hungkuno tɨfinjoso olenoho. Hwe fihwo kako honɨngkano hungkunomo inɨngkayo soêno Anɨtu kakoe wonyo wae yontentesi oso yahino kengoênesohilo. 19 I osoêno Anɨtu kako Mousesɨmo oso honɨngkano hungkuno tɨfinjoso pehoêno umentisoto. Olenoho. Anɨtu kakoe honɨngkano wopɨngo netɨhwayoêne nejopahonɨngki aêamu hnênwi kakoe honɨngkano hiloso mtɨhupewoênɨngkuhwoneênwoho. Mousesɨmo honɨngkano hungkunoso uyɨmentiso sohonta Anɨtu kako huno syafɨhuêmento, Olo honɨngkano hungkuno loso neêno nowentanɨngkuhwosi Apɨlohamɨye imuhwo Jisas oso humneêno ulɨmentiso sohwo hwahopo poso sohonta honɨngkano hungkuno hiloso wesojwaoêmontonoho. Olo hungkuno loso aêamu ahwomomjoso aêamu ajwo loêmo humaso Mouses osohumo uyahonɨngki Mouses kako aêamu somo uyɨmentisofoho. 20 I osoêno Anɨtu kakoe hungkuno Apɨlohammo uyɨmentiso sohonta nomêne aêamu ajwopo mohumunyofoho. Anɨtu kakoênohini uyɨmentisofoho. 21 Oso hungkuno tɨfinjoso Anɨtu Mousesɨmo uyɨmentisoso hungkuno sɨmoêmjoso Apɨlohammo uyɨmentiso somo wae weeoêmto liyalofoho. Oêo, oseêmaho. Nakwo Mousesɨye honɨngkano hungkunomo tɨfi inɨngkohwaso hnênwi Anɨtu nakumo songo humayoêneso nejaponefoho. U, Anɨtu aêamu Mousesɨye honɨngkano hungkunomo inɨngkaofijo somo ole ulɨhwonesohilo. Sekwo wopɨngo kuyoho. Ose ulɨhwonesohilo. 22 Oêo, Anɨtuye hungkuno mtɨêmokumentohofoso ole nalohi, Aêamu hopiênono olo hwaho lopo humalofo somo honɨngkano wonyoso yokumpohnênyo mokosyohumawoênɨngkisofoho. Ose nalisofoho. I osoêno aêamu Jisas Kɨlaisɨmo sɨmeho hiêntnnono uyo somo Anɨtu oso hungkuno Apɨlohammo uyɨmentisoso oso aêamu homo somo uyɨmtonoho. Hungkuno hiloso ole, Anɨtu Apɨloham kakoe imu soênjimo wopɨngo ulohofonefoho. 23 Jisas kako nakwoe hwahopo mape sohonta nakwo Jisasɨmo sɨmeho hiêntnnono muyoênjo nohumentahonɨngkuhwone osohonta honɨngkano hungkunoso nakumo nano mekiloêmokonehumajɨêmentisofoho. Osopo nohumentanɨngkuhwoni sɨmeho hiêntnnono uyo honɨngkano Anɨtu netɨhwamentisofoho. 24 Osoêno honɨngkano hungkuno loso Anɨtuye yahino wopɨngoso netɨhwayoêne mesyolonetɨhwamentisofoho. I osoêno Jisas Kɨlais nakwoe wonyoêne poyo peênɨmentiso sohonta honɨngkano hungkuno mesyolonetɨhwayo imojoso moiêwo imoênɨmentisofoho. I olohonta nakwo Jisas Kɨlaisɨmo sɨmeho hiêntnnono uyalokuhwone hnênneêno Anɨtu kako sekwo wopɨngo kuyoho nalisosoêno honɨngkano hungkunoso momekiloêmokonehumajonehoho. 26 Oseso nakwo Jisas Kɨlaisɨmo sɨmeho hiêntnnono uyalokuhwoneso nakwo Anɨtuye mehomiênwoho. 27 Aêamu Jisas Kɨlaisɨmo inɨngkayoêne mijo kiyomayo neso hofɨko Jisas Kɨlaisɨye huno nomantɨfi Kɨlais imentiso paênyo yalokuhwono. 28 Osoêno olohonta nakwo Jisas Kɨlaisɨmo inɨngkowalokuhwone soênwi nakwo hopiênono afaênohinɨênwoho. Aêamu Juta soênji aêamu temtitofo kengo soênji kengoêmaho. Oêo aêamu syoho ulohofiyo soênji aêamu nomêne somo mokosyohumayo soênji kengoêmaho. Oêo, hwe sohwanji moyaêmi sofanji kengoêmaho. Awonoho. Jisas Kɨlais nakwoe sɨmeho moêmo ne humaso hnênwi nakwo afaênohino humalohwono. 29 Osoêno jɨje sɨmehomo Jisas kuhumasoêmanji kɨko Apɨlohamɨye imu hwosoho. Oseso oso hungkuno Anɨtu Apɨlohamênji kakoe imu soênjimo uyɨmentisoso kɨko nomatnnefoho. Hungkuno hiloso olenoho. Anɨtu Apɨloham kakoe imu soênjimo wopɨngo umokumentisofoho.