Apousel 27

1 Hofɨko hwaho Italiêno yofayokinomo wekaneêentɨfi hungkuno mtitoêmentohofo soêno hofɨko Poulɨênji aêamu nomêne impoêango mtaêango sohwanji hwe nomêne yofe Juliyos oso hwoe ahomo hoênahumentohofofoho. Oso hwe huhwo sohwo kako hwe engo Sisafe aêamu itokusoênjo wan hantɨlet (100) sohwamo umokosyohumayo hweho. 2 Nakwo yofayokino Atɨlamitiyom mtaêango somo kotasɨmentɨhwonefoho. Yofayokino homo somo hwaho Esiya wowano lahonɨngkofi nakwoênji umentɨhwonefoho. Hwe fihwo yofe Alisɨtakos nakwoênji umentɨhwonefoho. Kako hwaho Masetouniya ango Tesolounikantaêango hweho. 3 Moênɨngkanta nakwo ango Saitoun ifohohosahumentɨhwonefoho. Juliyos kako Poulɨmneêno hitoho ulofahonɨngki Poulɨmo ulɨmento, Kɨko jɨje aêamu olo ango lopo humamotofo soênji fosyohumaho. Ose ulahonɨngki Poulɨye aêamuso wopayo yoêmayoso Poulɨmo uyɨmentohofofoho. 4 Oso ango somtaêni nowekentanɨngkuhwoni ifofo engo ilojaofahonɨngki oso ifofo ilojaoêmentiso sohosɨle ifofo engoênjo sohohntaêni iêwaho yontani ifofo weêeênjo sohohntaêni hwaho weêe Saipɨlos sopo womentɨhwonefoho. 5 Nowentani nakwo Sisaliyaênji mofone sopo mijomo nowekentani hwaho Lisiya ango Maila sopo iêmofapmmentɨhwonefoho. 6 Osopo aêamu itokusoênjomo mokosyohumayo sohwo yofayokino nomêne Alekɨsantɨliyantaêangoso Loum neêno umneêento tɨpemaêmentisofoho. Notɨpemanto nakumo netɨmanto nehwojamentisofoho. 7 Oso yofayokino homo somo nakwo nokotosontani nowentani sɨkuno piênɨngo hofohofahnêno umentɨhwonefoho. Hofɨko syoho tohohmtnnoênjo engo yontɨfi nakwo ango Nitos mofone sopo iêmofapmmentɨhwonefoho. Oso hopo sopo ifofo nomtɨhupmmofahonɨngki nakwo mayofoho. Osoêno nakwo oso hwaho weêe Kɨlit osohosili nowentani ango Salɨmoune uyakoloêmentɨhwonefoho. 8 Oso hopo sopo hofɨko syoho tohohmtnnoênjo engo yontɨfi nakwo hwaho Kɨlit momɨngo sopo womentɨhwonefoho. Nowentani nakwo mijo wopɨngoênjo sopo iêmofɨwentani oso hopo sopo ole lɨmotofofoho. Mijo Wopɨngoponoho. Ango Laseya mofoneponoho. 9 Osopo nohumentanɨngkuhwoni sɨkuno piênɨngo memjaofahonɨngki sɨkuno nomêne aêamu Juta wopayo humaho humayo somo moiêwo imoênɨmentisofoho. Osohonta mijo ayo nɨhuêno wonyo imoênɨmentisofoho. Osoêno Poul kako aêamu yofayokino syohoênjo sohwamo ulɨmento, 10 Sekwo upaênɨmno. Nakwo olohonta hanoêmanji, syoho tohohmtnnoênjo engo yɨhwasi yoêmayo hopiênono wonyo umoênɨmontonoho. Hoêyangoênji yofayokinoênnohinoêmaho. Oêo, aêamuênnonji wonyo umoênɨmontonoho. Olo hilo soêno ngko huno niyohoho. 11 Ose ko lahonɨngki hwe aêamu itokusoênjomo mokosyohumayo sohwo kako Poulɨye hungkunomo haloho miyofoho. Oêo, kako hwe yofayokino kilonjipe sohwoênji hwe yofayokino kakwoêyohwo sohwoênji sikoe hungkunomo tɨfi inɨngkamentisofoho. 12 Oso mijo wopɨngo hopo sopo ifoyoênji ifofo engoênji iyo sohonta yofayokino itoêno mofosyohumayoênjo yɨwoênɨngkisofoho. Oso hisoêno aêamu yofayokino syohoênjo sohwa ole mtitoêmentohofi, nakwo olopo ulɨkoêmano. Nakwo ango Finikɨs nowehwasi ifoyoênji ifofo engoênji iyo sohonta yamofo wofosyohumano. Ose mtitoêmentohofofoho. Ango Finikɨs oso mijo wopɨngopo hwaho Kɨlitɨênjoponoho. Ifofommneêno hiyasoêmnoho. 13 Weêenepo ifofo posɨpoênnyo imoênɨngkahonɨngki hofɨko huno ole syafɨhuêmentohofi, Jefo wopɨngofoho. Hano wohwano. Ose lontɨfi hofɨko sojo tangoênjo mijo mtaêni ifɨwosɨpemantɨfi nakwo hwaho Kɨlit momɨngomnohini umentɨhwonefoho. 14 Weêenepo nowentanɨngkuhwoni ifofo mɨkunɨmposo hwaho Kɨlitnntaêango pmmentisofoho. 15 Ifofo engo sohwo nakwoe yofayokinomo fonjahonɨngki kilonjipe monto hopo mmoênyoênjo yahonɨngki ifofo yofayokinomo motalɨêmoêmentisofoho. 16 Nomotalɨêmofontanɨngki hwaho weêe kakoe yofe Kauta hohujo hohntaêni umentɨhwonefoho. Hohujo hohntaêni yofayokino nowentanɨngki nakwo oso yofayokino nomêne weêe husɨmpemotawowoênɨngkohofoso syoho tohohmtnnoênjo engo yontɨfi mokohusɨmpemantɨfi yofayokino engomo hoênahumentohofofoho. 17 Osohonta hofɨko yofayokino engo sohumo mnangomoêmnohini impe swofapoêmentohofofoho. Yokumpohnênyo intofomokosyohumayoênefoho. Hofɨko hwaho engo Apɨlika sojoênjo soponeêno iyoho unɨngkahonɨngki yofayokinomjo hwapɨfe ifofoêneêentɨfi pmpilɨpeehumentohofoso asomo peehonɨngki yofayokino mijopo mtapmmentisofoho. 18 Ifofoênji mijo yokinoênji nakumo neêno ilojonemofahonɨngki moênɨngkanta nakwo hoêyango yofayokino mtaêangoso mijomo hoênomoêmosapmmentɨhwonefoho. 19 Moênɨngkanta nomêne sɨkuno sohumo hofɨko yoêmayo yofayokinomjoso ahoênji mijomo mehuêmeeoêmentohofofoho. 20 Sɨkuno piênɨngo engo somo mofehiênyoênji hntokwaliyoênji muhwonyoênjo yontanɨngkuhwoni ifofo neêno nalohoêmentisofoho. Oso hisoêno nakwo ole syafɨhuêmentɨhwoni, Nakwo angonepo mêmofayoênjo uyantanoho. Oêo, nakwo mijomo poyo umoênantanoho. Ose syafɨhuêmentɨhwonefoho. 21 Sɨkuno piênɨngo engo aêamu sohwa wopayo manyoênjo yahonɨngkofi Poul hofɨkoênji ajwoêmtaêni nolɨkafonto ulɨmento, Upaênɨmno. Sekwo nje hungkunomo haloho yontɨfijontentesi nakwo Kɨlitnntaêango mulɨkoêmasoênjo nesohilo. Nakwo olo syoho tohohmtnnoênjo engo miyoênjo esohilo. Hoêyango yoêmayo moiêwo mmoênyoênjo nesohilo. 22 I osoêno ngko hungkuno waselɨmonneêno yohono. Sekwo iyoho senɨngkuhwoloho. Aêamu sohwonaêni mapeênyofoho. I, yofayokinoênohino moiêwo imoênnyofoho. 23 Ngko Anɨtuye aêamu ne hwoênyoho. Kakineêno ngko hwomtame ulohofɨwoênɨngkohe hwoênyoho. Olo sɨkwoêmiyo lomo hwe ahwomo mtaêango sohwo ngkoênjopo nolohofonto, 24 ntɨmaho, Poul kɨko iyoho kinyoêeno. Hwangku kɨko Loumjo hwe engo Sisafe sɨmanopo lohotnne hwosoho. Anɨtu kako kikineêno hitoho ulofɨwoênɨngkiso soêno aêamu hopiênono kɨkoênji humalofo sohwa songo wohumantɨfeho. Ose ntɨmasofoho. 25 Osoêno sekwo iyoho senyoêeno. Olo hungkuno hiloso Anɨtu ntɨmasoso ne imoênyo soêno ngko sɨmeho uyohono. 26 I sɨmoêmo ifofo nakwoe yofayokinomo motoleêmofɨhwosi sojopo wonyo umoênɨmontonoho. Ose ulɨmentisofoho. 27 Sɨkuno aho hufaêu hopiênono sɨfe mtaêni osofosofahuêno memjofahonɨngki nakwo Mijo Ayo Engo Saênjo Metiteleniyan sopo mtawomentɨhwonefoho. Oso sɨkwoêmiyo somo kuntoliyopo aêamu yofayokino syohoênjo sohwa ole syafɨhuêmentohofi, Hwaho weêe mofoneponoho. 28 Ose syafɨsyontɨfi hofɨko mijomo impe yamofo yamofo humomjɨmɨhwofofoho. Humomjɨmɨhwofoso uhwonɨmentohofoso mitɨpongo kengomoêmo, fouti (40) mita, uhwonontɨfi weêenehwo nowentɨfi apaêno humomjɨmɨhwofofoho. Osopo nuhwonontɨfi mitɨpongo weêe hopaponoho, teti (30) mita. 29 Ose uhwonɨmentohofoso hofɨko iyoho unɨngkahonɨngki syafɨhuêmentohofi, Nakwo sojoênjopo iêmofɨwanehontɨfi sojo osofosofahuênohini tangoênjo engoso yofayokino hano miyoênjoêne mijomo intofuyohoêmokumentohofofoho. Ose yontɨfi hofɨko mofehiênyo komoêno wosɨêmofapono lontɨfi aho kuêmokumentohofofoho. 30 Aêamu fehohnjo yofayokino syohoênjo sohwa hofɨko ole syafɨhuêmentohofi, Nakwo yofayokino weêe soênjo aêamu sohwamo uhwojano lontɨfi hofɨko yofayokino weêe somo impe hiyamno syofɨyohoêmokumentohofofoho. Ose yontɨfi hwasyo hungkuno ulɨmentohofi, Nakwo sojo tangoênjo yofayokino sɨmano hohntaêni untofuyohoêmokano. 31 Ose ulahonɨngkofi Poul aêamu itokusoênjo sohwanji hwe mokosyohumayo sohwoênjimo ulɨmento, Oso aêamu sohwa yofayokinomo mohumayoênjo ifijoêmanji nakwo hopiênono poyo wopeênantanoho. 32 Ose ulahonɨngki aêamu itokusoênjo sohwa hofɨko yofayokino weêe somo impe hotito lohofontɨfi mijomo uyohoêmokumentohofofoho. 33 Mofehiênyo weêenepi wosapmmonto yahonɨngki Poul aêamu hopiênonohino sohwamo wosopayo nyoêne yokumpohnênyo ulɨmentisofoho. Ole ulɨmento, Sɨkuno aho hufaêu hopiênono sɨfe mtaêni osofosofahuêno nakwo wopayo manyoênjo humentanɨngkuhwoni memjonaêmaso hwonaênyoho. 34 Osoêno ngko hungkuno yokumpohnênyo waselɨmonneêno yohono. Sekwo wopayoêmanji fohuêmemapmno. Oso yokumpohnênyo wosemokosyohumano. Upaênɨmno. Nakwo hopiênono itoêno wofosyohumantanoho. 35 Ose ulonto kako wopayo nomanto, hofɨkoe sɨmanopo Anɨtumo isamoyoka ulonto wosopayo hiso kutɨkujo lohofonto kako sɨmoêmo nɨmentisofoho. 36 Oseso hwe hopiênono nuhwonontɨfi sɨmeho wopɨngo umoênɨngkahonɨngki hofɨko wopayo huêmemaêmentohofofoho. 37 Nakwo yofayokinomo humalohwone sohwonaêni tu hantɨlet sefenti-sikɨs (276) hwonaênyoho. 38 Hofɨko wopayo moiêwo nonontɨfi yofayokino nohayo imoênyo soêno hoêyango nomêne sɨngkume paênyoso mijomo mehoênaoêmentohofofoho. 39 Mofehiênyo sɨêmofopahonɨngki hwahopo uhwonontɨfi lɨmentohofi, Olo hwaho hopo sopo nakwo huno monayoponoho. Ose lontɨfi uhwonɨmentohofoso mijo wopɨngopo sojo ane wosohoênohino sopo uhwonontɨfi osopo ufohohososyano lɨmentohofofoho. 40 Hofɨko sojo yofayokino hano miyoênjoêne intofahinyoso sɨhu hotitofontɨfi nɨhuênahone mijomo uyohoêmokumentohofofoho. Ose yontɨfi hofɨko impe hohonta kilonjipe somo intofahumentohofoso italoêmentohofofoho. Hwapɨfe ifofoêne fisojwaofontɨfi yofayokino hwahoponeêno umentohofofoho. 41 Yofayokino nowento wosohoênji sojoênjopo hntoleho hntaêni fokotofomanto ifofo engoênji mijo engoênji hohujo hohntaêni fonjahonɨngki yofayokino ajwopo mtɨhupoêmentisofoho. 42 Aêamu itokusoênjo sohwa huno syafɨhuêmentohofi, Aêamu impoêangomjo sohwa mijopo pɨfijoso hiyaso leêmopitnnoho, nakwo wofonjano. 43 Ose syofɨsyahonɨngkofi hwe aêamu itokusoênjo mokosyohumayo sohwo Poulɨmo ufoêmaêmo lonto ulɨmento, Aêamu sohwamo nofonjɨkutoho. Sekwo aêamu mijomno hunoênjo sohwasi sekwo sɨmoêmo nolɨkofaofɨkuji femoyamno. 44 Aêamu nomêne sohwasi sekwo tɨfi iyofeejo yofayokino mtaêango nomafɨkuji nomtawekuji fɨfohohosahumno. Ose ulahonɨngki nakwo kakoe hungkunomo halohoêno yontani hwahonepo itoêno iêmofamentɨhwonefoho.