Apousel 25

1 Fesɨtos hwaho kengo mtaêni ango Sisaliya iêmofaponto hwaho mokosyohumayo syohoso nomanto sɨkuno hufaêu sɨhune memjaofahonɨngki kako Jelusalemno sɨmentisofoho. 2 Aêamu tajo ango syohoênjo sohwanji aêamu Jutafe hwe engo sohwanji Fesɨtosɨênjopo uêmantɨfi hofɨkoe hwasyo hungkuno Poulɨmneêno ulɨmentohofofoho. Hofɨko jomo yokumpohnênyo ulɨmentohofi, 3 Kɨko nonefoêmahoji Poulɨmo Jelusalemno uhwajo. Ose ulontɨfi Poulɨmo honɨngkanopo fonjosyaneêentɨfi nto mtitoêmentohofofoho. 4 Ose ulahonɨngkofi Fesɨtos ulɨmento, Poul ango Sisaliya sopo impoêangomo humaho. Oso hopo soponeêno weêenepi wamneêno yohono. 5 Poul kako wonyo imentisoêmanji sekwoe hwe engo sohwa ngkoênji nowehwasi osopo wolantanoho. Ose ulɨmentisofoho. 6 Fesɨtos Jelusalem nohumanto nomêne sɨkuno aho fehohnjo hopiênono nomêne mtaêni hufaêu sɨhunetɨkeno sɨkuno aho hufaêu hopiênonohinotɨkeno memjaofahonɨngki hofɨko Sisaliyaêno umentohofofoho. Iêmofapontɨfi moênɨngkanta Fesɨtos kako ango hungkuno itoêno melɨhwajiyoêne somo nohumanto kako Poul wapono lonto lɨhwatɨmentisofoho. 7 Lɨhwojahonɨngki Poul noswahonɨngki aêamu Jelusalem mtaêni pmmentohofo sohwa Poulɨênjopo nolohofontɨfi hungkuno tangoênjo Poulɨmneêno lɨmentohofofoho. Hofɨko Poulɨmo wonyo imentohino hwosoho ko ulɨmentohofoso Fesɨtos kako hofɨkoe hungkuno somo ne motɨpeêmammentisofoho. 8 Poul hofɨkimo aku ulɨmento, Ngko honɨngkano wonyo mmofeênjo hwoênyoho. Ngko aêamu Jutafe honɨngkano hungkunoso mtɨhupeso awonoho. Ngko Anɨtuye ango engo somo wonyo imokiyoso awonoho. Hwe yofe engoênjo Sisa oso hwoe hungkunomo ngko hwotoho fiyoso awonoho. 9 Ose ulahonɨngki Fesɨtos kako aêamu Juta sohwamo afofo umokumonto yonto Poulɨmo ulɨmento, Kɨko huno pipi kiyohoho. Nakwo ango Jelusalem sopo nosɨhwasi osopo jɨje hungkuno itoêno melokuhwajɨmeso wopɨngtaho. 10 Ose ulohonɨngkahonɨngki Poul ulɨmento, Olo ango humale loso aêamu Loum sohwafe hungkuno itoêno melɨwojiyo angofoho. Osoêno olo ango olo huhwo lohwo nje hungkuno itoêno mefoholofɨhwajiyoêne angofoho. Kɨko huno moiêwonoho. Aêamu Juta somneêno wonyo mimmentohefoho. 11 Ngko wonyo honɨngkano imofontɨêmtentesi oso wonyo hisoêno kɨko poyo peênyo ntɨfijoso hungkuno aneênjo nopeênɨêmnesohilo. I osoêno oso hungkuno ntohofoso hwasyoêmanji kɨko hofɨkoe ahomo nohoênanɨsyohotoho. Hwe yofe engo hwofiloênnyo Sisa osohwo kako nje hungkuno upaênono. Oso hisoêno ngko Loummneêno wawomneêno yohono. 12 Ose ulahonɨngki Fesɨtos kakoe aêamu kaunɨsol syohoênjo sohwanji hnnontɨfi Poulɨmo ulɨmento, Kɨko Sisamneêno jɨje hungkunomo upaênono ntohino soêno eêwano. Sisafepono fɨwano. Ose ulɨmentisofoho. 13 Hwangku sohonta hwe yofe engoênjo hwaho mokosyohumayo Akɨlipa sohwo kako kakoe ape Mpenaisi osoênji siko ango Sisaliya iêmofawenji Fesɨtosɨmo isamo ulohoêmentisiyefoho. 14 Siko ango Sisaliya humentanɨngki sɨkuno piênɨngo memjaofahonɨngki Fesɨtos Poulɨmneêno hungkuno ole lutɨhwamento, Poul impoêangomo humentanɨngki Felikɨs musɨhutofeênjo ulɨkoêmaêmentisofoho. 15 Ngko Jelusalem nosonji osopo nohumentanɨngko hwe yofe engoênjo tajo ango syohoênjo sohwanji aêamu Jutafe hwe engo sohwanji nɨêmantɨfi Poulɨmneêno ntontɨfi ntɨmentohofi, Kɨko Poulɨmo ole uso, Jɨje wonyo imentohino soêno poyo peênyo. Ose uso. 16 Ose ntahonɨngkofi ulɨmentoho, Nakwo aêamu Loum sɨênwi oso yahino hiso aneênwoho. Hwe fihwo aêamu nomêne kakineêno hungkuno hiênjo sohwo kakoe sɨmanopo malohofeênjo yɨhwosi oso hungkunoso majoêmanji oso hwe sohumo tohino siki muyanehwono. Oêo, aêamu sohwo nomênehumneêno hungkuno hiênjo osohwo kakoe hungkuno ulahonɨngkuhwosoêno hwe huhwo sohwo hungkuno aku ulososo oso honɨngkano wopɨngofoho. Ose ulɨmentohefoho. 17 Hofɨko ngkoênji pmmentɨhwone sohonta ngko mohontohumammentohefoho. Oêo, moênɨngkanta ngko hungkunojo ango somo nohumanji Poulɨmneêno lɨhwatɨmentohefoho. 18 Ngko ole syafɨhuêmentoho, Hofɨko Poulɨmneêno honɨngkano wonyo soêno ulantɨfeêno yohofo. Ose syofɨsyahonɨngko hofɨko nolɨkofohumantɨfi wonyo ne soêno mujoênjo imentohofofoho. 19 Oêo, hofɨko yoka ole woênnyo hwafoho. Poul hofɨkoe Anɨtumneêno honɨngkano songo inɨngkayoêne tɨpemaêmentiso soênji hwe fihwo kakoe yofe Jisas osohwo poyo peênɨmentiso soênji osoêno yoka ulɨmentohofofoho. Poul ulɨmento, Jisas songo humaho. 20 Osoêno ole syafɨhuêmentoho, Hungkuno hwapɨngo neso pipi syafɨhuêmnehono. Ose syafɨsyonji Poulɨmo ulohonɨmentoho, Nakwo ango Jelusalem sopo nosɨhwasi osopo jɨje hungkuno itoêno melokuhwajɨmeso wopɨngotaho. 21 Ose ulahonɨngko Poul ntɨmento. Oêo, ngko impoêangomo nohumahmêmo tɨfi hwe yofe engo hwofiloênnyo Sisa osohwo nje hungkuno itoêno melonɨhwajonoho. Ose ntahonɨngki ngko nje aêamu impoêangomjo mokosyohumayo sohwamo ulɨmentoho, Poul impoêangomo wohontohumano. Hwangku Sisamo uhwonyoêne uhwatɨmonnoho. 22 Oso hungkunoso Akɨlipamo ulahonɨngki Akɨlipa ulɨmento, Olo hwe lohwoe hungkunoso upaênɨmneêno yohono. Ose ulahonɨngki ulɨmento, Moênɨngkanta kɨko upaênyo. 23 Moênɨngkanta Akɨlipaênji kakoe ape Mpenaisiênji siko hwapɨfe wokosoênjo wonyoangkafoso yahonɨngki hwe itokusoênjo aêamu yofe engoênjo sohwanji oso ango Sisaliya hwe engo sohwanji nopontɨfi Akɨlipa hiyaêumo ipemotapontɨfi ango uhuêmokiyo sopo humentohofofoho. Nuhuêmokahonɨngkofi Fesɨtos Poulɨmo utɨmotapɨfe lɨhwatɨmentisofoho. 24 Nutɨmotopahonɨngkofi Fesɨtos ulɨmento, Hwe yofe engoênjo Akɨlipa sohwanji sekwo aêamu hopiênono nakwoênjopo humalofo soku olo hwe lohumo uhwonɨmno. Aêamu Juta Jelusalem mtaêango soênji olopontaêango soênji olo hwe lohumneêno nje sɨmanopo lohofontɨfi nto ntɨmentohofofoho. Hofɨko joho mohmêno ntɨmentohofi, Olo hwe lohwo kako songo mohumanehoho. 25 I osoêno kakoe honɨngkanomneêno hungkuno upaênonji wonyo iyosoêno poyo peênyoêne soêno motɨpemaêmmentohefoho. I kako ntɨmento, Sisa nje hungkuno upaênono. Oseso ngko hungkuno nano mtitofonji kako Sisafepono waweno ulɨmentohefoho. 26 Ngko Poulɨye honɨngkano wonyo motɨpemasoênjo soêno ngko Sisamneêno iyoswo pipi mtɨêmokumnehono. Osoêno hwe yofe engoênjo Akɨlipa kɨkoênji aêamu nomêne humalofo soku ngko Poul sekwoe sɨmanopo utɨmotapohono. Sekwo kakoe hungkuno upaênɨfijo soêno ngko Sisamneêno iyoswo ifalifaliyo mtɨêmokumne soêno ntɨmno. 27 Ngko aêamu impoêango mtaênɨngo sohwo Sisafepono uhwatɨmeso kakoe honɨngkano wonyomneêno iyoswo ifalifaliyo mamtɨêmokiyoêmanji oso ngko yahino hopoêmaho lohono. Ose ulɨmentisofoho.