Apousel 17
PNG1 Poulɨênji Sailasɨênji ango Amɨfipoulisɨênji Apolouniyaênji uhwontawenji ango Tesolounika sopo iêmofapmmentisiyefoho. Osopo aêamu Jutafe tajo ango lohoênnyoponoho. 2 Poul sɨkuno iyoho humayoso engolopohamo kako tajo angomo umojo sohwo hofɨkoe tajo angomo hofɨkoênji humentisofoho. Sɨkuno iyoho humayo hufaêu sɨhune somo Poul Anɨtuye iyoswo mtaêango hungkuno hwapɨngo lutɨhwamentisofoho. 3 Ole lutɨhwamento, Anɨtuye hungkuno ole nalɨmento, Hwe fihwo nopɨhwosi tohino engo nomahwosi nopeênɨngkuhwosi apaêno nolɨkafonefoho. Ose nalɨmentisofoho. Oso hisoêno Anɨtu nakwoe hwahopo uhwatɨmentiso huhwo sohwo Jisasɨyoho. Osohuneêno selalokweno. 4 Poulɨye hungkuno upaênontɨfi aêamu fehohnjo oso hungkuno hiso sɨmeho hiêntnnono uyontɨfi Poulɨênji Sailasɨênjimo inɨngkamentohofofoho. Oso aêamu hiso fehohnjo Ngkɨlik aêamu Anɨtuneêno tajo ango somo uhuêmokumotofofoho. Hwe engo sohwafe moyaêmi sofanji inɨngkamentohofofoho. 5 I osoêno aêamu Juta fehohnjo honɨmo yontɨfi hofɨko hwe wonyo aêamu uhuêmokiyo sopo siki humawoênɨngkohofo sohwamo nomantɨfi nomêne hwe moyaêmiênji uhuêmokontɨfi mango engo lɨwoênɨmentohofofoho. Ose yahonɨngkofi aêamu hopiênonohino sɨmano hintotohino umnɨngkahonɨngki Jesounɨye angomo kikitoêmentohofofoho. Hofɨko Poulɨênji Sailasɨênjineêno notɨpeentɨfi utɨhwaênyopo womuhumojano lɨmentohofofoho. 6 Ose ko lɨmentohofoso wonyopi tɨpeentɨfi Jesoun oso hwoênji aêamu Jisasɨmo inɨngkawowoênɨngkohofo nomêne soênjimo hwe engo hwaho mokosyohumayo sohwamneêno husɨmpentɨfi mango engo mohmêno ulɨmentohofi, Olo hwe hufaêu lohwaêu siko hwaho hopiênonohinopo yahino wonyo yonji olohonto olopo humasiyo. 7 Olo Jesoun lohwo hikimo kakoe angomo motawomasofoho. Hiko nakwoe hwe engo Sisafe hungkunomo hwotoho fewoênɨngkisiyo hwaêuyoho. Ole lɨmentisiyo, Hwe yofe engoênjo hwaho mokosyohumayo ne sohwo Jisasɨyoho. 8 Ose ulahonɨngkofi aêamu hopiênono nupaênontɨfi hwe engo huhwanji sɨmano hintotohino umnɨmentisofoho. 9 Hwe engo sohwa Jesounênji aêamu Jisasɨmo inɨngkawowoênɨngkohofo nomêne soênjiye hamniyoho weêe nomantɨfi usɨhutofahonɨngkofi hofɨko umentohofofoho. 10 Oso sɨkwoêmiyo somo sɨkuno meefahonɨngki aêamu huhwo sohwa Poulɨênji Sailasɨênji Mpeliya ango sopo komoêno uhwatɨmentohofofoho. Osopo iêmofaponji aêamu Jutafe tajo ango somo humentisiyefoho. 11 Aêamu Mpeliyaso huno wopɨngoênjofoho. Hofɨko aêamu nomênefe hungkunomo upaênɨwoênontɨfi huno itoêno syafɨhuêmotofofoho. Aêamu Tesolounika paênyoêmaho. Oêo, Poulɨye hungkunomo sɨkuno huhwo huhwi upaênɨwoênontɨfi Anɨtuye iyoswo somo hungkuno atofo lɨmotofofoho. Ole syafɨhuêmentohofi, Poulɨye hungkuno nehopitɨkeno. Anɨtuye hungkunomo uhwonano. Ose syafɨsyontɨfi Anɨtuye hungkunomo atofo lɨwoênɨmentohofofoho. 12 Anɨtuye hungkuno atofo lontɨfi Poulɨye hungkuno neênjo uhwonontɨfi Jisasɨmo sɨmeho hiêntnnono umentohofofoho. Aêamu hiso fehohnjo Ngkɨlik aêamu hwe moyaêmi yofe engoênjofoho. 13 Aêamu Juta Tesolounika humamotofoso Poul Mpeliya ango sopo Anɨtuye hungkuno lɨjwaofahonɨngki nupaênontɨfi nolɨkafontɨfi Mpeliya ango sopono pmmentohofofoho. Osopo aêamufe huno yɨwoloêmokontɨfi fonɨfonyo yahonɨngkofi aêamuso sɨmano hintotohino umnɨmentisofoho. 14 Oso hisoêno aêamu Jisasɨmo inɨngkawowoênɨngkohofoso nupaênontɨfi Poulɨmo mijo ayo momɨngopo komoêno uhwatɨmentohofofoho. I osoêno Sailasɨênji Timoutiênji siko Mpeliya ango sopo humamentisiyefoho. 15 Aêamu Poulɨmo ipemotawomentohofo sohwa ango Atenɨs iêmofawentɨfi osopo Poul ole lɨhwatɨmento, Sailasɨênji Timoutiênji siko komoêno wapiyo. Ose ulahonɨngki aêamu sohwa Poulɨmo ulɨkoêmantɨfi kakoe hungkuno motasɨmentohofofoho. 16 Poul ango Atenɨs hwe hufaêu sohwaêumneêno uhwontohumanto sojo huyoêmango kengo kengo uhwonɨmentisofoho. Oso huyoêmangoso aêamu hwomtame ulohofoêne mtɨêmokumentohofofoho. Poul nuhwononto sɨmeho tango umentisofoho. 17 Osoêno Poul aêamu Jutafe tajo ango somo noswonto osopo aêamu Juta soênji aêamu kengo Anɨtumneêno jomo ulɨmotofo soênji Anɨtuneêno hungkuno hnnɨwoênɨmentohofofoho. 18 Aêamu huno hwapɨngoênjoso fehohnjo Epikuliyan honɨngkanomo inɨngkamotofo soênji fehohnjo Sɨtouik honɨngkanomo inɨngkamotofo soênji Poulɨênji yoka ikujoho paênyo hnnɨmentohofofoho. Yoêmayo Jisas imentiso soêno kako poyo peênonto apaêno songo lɨkaêmentiso soêno Poul kako hofɨkimo ulɨmentisofoho. Oso hungkunoso nupaênontɨfi fehohnjo ole hnnɨmentohofi, Olo hwe huno ane hweho. Kako neêno lɨwoênɨngkiso lohwo pehofo hungkuno lalofoho. Nomêne fehohnjo ole hnnɨmentohofi, Aêamu kengofe anɨtu huyoêmango soêno lalofoho. Ose hnnɨmentohofofoho. 19 Oseso hofɨko Poulɨmo nomantɨfi aêamu kaunɨsol Aleyoupakosɨênjo sopo uhumajontɨfi, Olo hungkuno songo lalokunoloso nakwo huno wonaimonteêno yalofoho. 20 Jɨje hungkuno fehohnjo songoso nakwo huno itoênohinoêmaho. Olo hungkuno hwapɨngoso nakwo huno wonayono. Ose ulɨmentohofofoho. 21 Aêamu Atenɨs soênji aêamu nomêne osopo humamentohofo soênji hofɨko hungkuno songo upaênontɨfi oso hisoêno neêno lɨmotofofoho. Syoho neênji miyoênjofoho. Oêo, hungkunoênohino lɨmotofofoho. 22 Oseso Poul kako nolɨkafonto aêamu kaunɨsol Aliyoupakas sohwanjo sopo lohofonto ulɨmento, Sekwo aêamu Atenɨs soku, Ngko sehonɨngkoheso sekwoe sojo huyoêmango piênɨngo engo somneêno sekwoe Anɨtu paênyomo hwomtame ulohofɨwoênɨngkohofo kuyoho. 23 Ngko sekwoe angkuhwafo lopo emoyonji oso sekwoe ango sojo huyoêmango yofe hoênomayoêne piênɨngo uhwonɨmalefoho. Ole uhwonɨmaleso, ijempoho angaênohino sopo sekwo ole mtɨêmokumentohofi, Oloso nakwo Anɨtu nomênehwo huno momasoênjo sohumneênefoho. Ose mtɨêmokumentohofofoho. Oso Anɨtu huhwo sohwo sekwo huno maseyoênjo siki hwomtame ulohofɨwoênɨngkohofo sohuneêno selalokweno. 24 Kako hwahoênji yoêmayo hwahoponjo wojoso mtɨêmokumentiso sohwa kako yoêmayo hwahoponjo ahwomomjoso mokosyohumayoêne Hwe Engo hweho. Ango aêamu molinyo sopo mohumayoponoho. 25 Kako yoêmayo umofonyo iyoso nɨhuêno awonoho. Osoêno aêamu pipi ufoêmapitnnehofo. Oêo, Anɨtu kako songo humayo soênji ifofo sɨmano esyaofoêne soênji aêamu hopiênonohino somo yano uyɨwoênɨngkiso hweho. Yoêmayo hopiênonohino hwapɨngo hweho. 26 Sɨmoêmo neêmo kako hwe angaênohino mtɨêmokumentiso sohonta aêamu hopiênonohinofe sɨkuno soênji hofɨkoe hwaho ayo momɨngo sopo hoênahumentisofoho. Oso hwe sɨmoêmjo sohumtaêango temtitofo hopiênonohinoso imoênɨmentohofofoho. Anɨtu aêamu somo hwaho hoêmo hoêmo uhwojɨwoênalofoho. 27 Anɨtu ose yonto kako aêamuso kakineêno watɨpenɨmopɨfento yalofoho. Aêamu hofɨko Anɨtumo notɨpemafɨkuji nuhwonɨfitnnefoho. Nakwo aêamu angaêno angaênohino soênnonjo sopo Anɨtu mofonepo humaho. 28 Hwe nomêne sohwa ole ulɨmento, Anɨtu nakwoe hwapɨngo hweho. Nakwoe sɨmano esyaofoso, nakwoe hano emoyoso, nakwoe songo humayoso kako angaênohino hwapɨngo hweho. Nomêne hwe sekumtaêango hunoênjo sohwo ole lɨmento, Nakwoêntnne kakoe mehomiênwoho. 29 Nakwo Anɨtuye mehominɨêmanji ole mosyafɨsiyoênjo uyano. Aêamu hwaho kengo kengo nomantɨfi aêmohuyoêmango mtɨêmokuwoênɨngkohofofoho. Nakwoe Anɨtu kako hwahoponjo huyoêmango aêamu mtɨêmokuwoênɨngkohofo paênyo hweho. Ose mosyafɨsiyoênjo uyano. 30 Hohonta aêamu Anɨtumneêno huno mosyafɨsiyoênjoso yoêmayo huyoêmango mtɨêmokahonɨngkofi Anɨtu nuhwononto hungkuno mujoênjo imentisofoho. I olohonta Anɨtu kako aêamu hopiênonohino hnênɨmo ole nelalofoho, Sekwoe honɨngkano wonyomo hohujo ikinjaofɨkuji ngko Anɨtu ne sohwoênɨmo tɨfi nnɨngkapmno. Ose nelalofoho. 31 Anɨtu aêamu hopiênonohino somneêno sɨkuno yano ilofɨhwajiyoêne hoênahumentisofoho. Hwe fihumo yano ilofɨhwajiyo syoho soêno uhwosopoêmentisofoho. Aêamu hopiênonohinoso oso hwe huhwo sohumneêno huno uyosoêno Anɨtu utɨhwaênyopo hwe peênyo sohumo songo ulɨkaêmentisofoho. Oso hungkunoso Poul ulɨmentisofoho. 32 Oso hungkuno hwe peênyo sohumo apaêno songo ulɨkaêmentiso soêno nupaênontɨfi aêamu fehohnjo sitofo ulɨmentohofofoho. Aêamu nomêne fehohnjoso ole ulɨmentohofi, Olo hungkuno hiloso apaêno upoênano. 33 Oseso Poul aêamu somo nulɨkoêmanto umentisofoho. 34 Aêamu fehohnjo Poulɨmo ufohiênontɨfi Jisasɨmo sɨmeho hiêntnnono umentohofofoho. Hwe angaêno kakoe yofe Ntiyounisiyos kako kaunɨsol Aleyoupakos syohoênjo hweho. Aêmu fisi kakoe yofe Ntomalisɨyoho. Osoênji nomênesɨênjoho.