2 Tesolounika 1

1 Ngko Poulɨêni Sailasɨênji Timoutiênji nakwo nohumentani olo iyoswo loso semtɨêmokiyalokuhwono. Sekwo Tesolounika soponjo soku Anɨtumo inɨngkowalokwofo soku sekwo nakwoe Mpohwo Anɨtuênji nakwoe Hwe Engo Jisas Kɨlaisɨênjiye aêamu kuyoho. 2 Mpohumo sekumneêno ole ulalokuhwono. Nanɨngkwohwo Anɨtu sohwoênji Hwe Engo Jisas Kɨlaisɨênji sikoêmontaêi siko yoêmayo wopɨngo selohohosɨsi siko sɨmeho pompenjiyo wosejopanjiyoho. 3 Sekwo nakwoe Hwe Engo Jisas Kɨlaisɨmo sɨmeho hiêntnnono uyɨwoênɨngkohofo soku, nakwoe aêamu kuyoho. Sɨkuno engolopohamo sekuneêno Mpohumo isamoyoka ulɨwoênɨngkuhwantanoho. Oso yahino hiso wopɨngofoho. Hwapɨngoso olenoho. Sekwoe sɨmeho hiêntnnono Anɨtumo uyoso engo imoênalofoho. Sekwo nomêne aêamu soênji sɨmeho inyoso engo imoênalofoho. Osoêno sekuneêno Mpohumo isamoyoka ulalokuhwono. 4 Oso hisoêno nakwo nomêne aêamu Jisasɨmo sɨmeho hiêntnnono uyɨwoênɨngkohofo somo sekuneêno ole ulalokuhwono. Aêamu nomêneso wonyo selohofontɨfi tohino engo sejopahonɨngkofi sekwo Anɨtumneêno musɨkwajiyoênjo yokumpohnênyo lohofontɨfi Anɨtumo sɨmeho hiêntnnono engo uyalokwofo. Ose yalokwofo soêno aêamu nomêne somo ulontani sɨmeho wopɨngo namoênɨwoênɨngkohoho. 5 Anɨtu hungkuno ikwolofoêne hwapɨngo sohwo itoênohini yɨwoênɨngkiso hweho. Sekwo Anɨtuye yahino wopɨngoso malokwofo soêno aêamu nomêneso tango sejopalokwofo. Yoêmayo tango seêmahwosoêno hwangku sekwo Anɨtuye angopo humayoso hoponoho. 6 Anɨtu oso aêamu sekumo wonyo selohofo somo kako aku tohino uyonefoho. Oso yahinoso itoênohinoho. 7 Sekwo tohino mawoênɨngkohofo soku nakwoênji Anɨtu usijoêno nehumajonefoho. Osohonta nakwoe Hwe Engo Jisas kako kakoe aêamu ahwomomo mtaêango yokumpohnênyo soênji nopahonɨngkuhwosi aêamu nuhwonɨfitnnefoho. Oso hohosohonta kako toho engoênji nopɨhwosi aêamu Anɨtumneêno huno muyo soênji nakwoe Hwe Engo Jisasɨye hungkunomo tɨfi minɨngkayoênjo somo Anɨtu kako aku tohino uyonefoho. 9 Oso aêamu homo somo uhwonɨngkuhwosi sekwo nɨhuênahone umoênantɨfe kuyoho ulonefoho. Hwe Engo sohwoe sɨmanoênji kakoe yokumpohnênyo pomponaho soênji muhwonyoênjo ifitnnefoho. Nɨhuênahone tohino neêno nomapitnnefoho. 10 Kako asomo poso sohonta kakoe aêamuso kakoe yofe nohoênomapitnnefoho. Aêamu Anɨtumo sɨmeho hiêntnnono umotofoso sɨmeho wopɨngoênji humafitnnefoho. Osohonta sekwo hofɨkoênji nohumafitnnefoho. Hwapɨngoso oso hungkuno selɨmentɨhwone somo sekwo sɨmeho hiêntnnono uyɨwoênɨngkohofofoho. 11 Oso hisoêno syofɨsyontani sɨkuno engolopohamo sekumo sefoêmayoêne Anɨtumo jomo ulɨwoênɨngkuhwonefoho. Ole ulalokuhwono. Anɨtu kako humayo wonyoangkafo soêno sehwosopoêmentiso oso hoponoho. Sekwo Hwe engo Jisasɨmo sɨmeho hiêntnnono uyalokwofo soêno yoêmayo syoho wopɨngo uyano lɨfijoso Anɨtu kakoe yokumpohnênyo wosejapono. Yoêmayo syoho wopɨngo Hwe Engo Jisasɨmneêno yalokwofoso moiêwo esojwaofɨkujoêno wosefoêmano. 12 Ose ifijoêmanji sekwo Hwe Engo Jisasɨye yofe wohoênomantɨfeho. Osoêno Jisas kako sekwoe yofe aku wohoênosemaêmtonoho. Hwapɨngoso ole, Anɨtuênji nakwoe Hwe Engo Jisas Kɨlaisɨênji siko nakumo wopɨngo nalohofɨwoênɨngkisiyo montaêiyoho.