2 Koulin 11
PNG1 Sekwo ngkimo nupoêntohumamno. I ngko hungkuno fehohnjo aêamu omomo hungkuno lɨwoênɨngkohofo sohwafe hungkuno hopa ko selɨêmeêno sekwo nje hungkuno somo nupoêntohumamno. 2 Upaênyo Anɨtu kako sekumo kakimnohini inɨngkayoêne sehwosopoêmentisofoho. Osoêno nomêne aêamuso sekumo hwasyo honɨngkanomo ipesemotafijo soêno Anɨtuye sɨmeho wonyo umoênɨmontonoho. I osoêno ngko huhwoêni sɨmeho wonyo wanɨmoênɨmontonoho. Ihwoni. Ngko pahnnɨmo hungkuno weêenehwo waselɨmonneêno yohono. Sekwo aêmu sijo sofa nomêni hwamneêno huno mosyafɨso hwehwamneênohini huno syafɨsyɨwoênɨngkohofo hopaso ngko sekumo Kɨlaisɨyepono sehwatɨêmeêno sekwo kakimnohini huno fisyafɨhupmno. Sekwo nomênihumo unɨngkowano lɨfijoso Anɨtu kako sɨmeho wonyo wosejapmmontonoho. I ngko huhwoêni sɨmeho wonyo wosejapmmonnoho. 3 I osoêno ngko olo hilo soêno iyoho nnɨngkohoho. Hohonta Seten kako homa imoênonto Atam kakoe ape Efamo hwasyo ulɨmentiso soêno Efa kako hwasyo honɨngkanomo inɨngkamentisofoho. Seten ose ulohoêmentiso hopaso aêamu fehohnjo hofɨko hwasyo hungkuno lohoseêmafɨkujoêno sekwo Anɨtuye honɨngkanomo hofiyo inɨngkawowoênɨngkohofo somo nusɨkwojɨkuji hwasyo honɨngkanomo inɨngkayo soêno ngko iyoho nnɨngkohoho. Sekwo Kɨlaisɨmnohini inɨngkayo yahinoso nusɨkwajɨfitnnohontnneêno selalokweno. 4 Hwapɨngoso aêamu fehohnjo hofɨko sekumo seêmantɨfi Jisasɨmneêno ngko hungkuno selɨmentoheso molohoseêmaêmmalofo. Oêo, Jisasɨmneêno hofɨko sekumo waseêmano ko lontɨfi hofɨkoe hwasyo hungkunoso Jisasɨmneêno lohoseêmaêmalofofoho. Oso hwasyo hungkuno homo somneênohini syafɨsyɨwoênɨngkohofofoho. Hohonta nakwo Jisas Kɨlaisɨye hungkuno wopɨngo selɨmentɨhwone sohonta sekwo Anɨtuye Towahuno wopɨngo maêmentohofofoho. I olohonta sekwo hofɨkoe hwasyo hungkuno somneêno neênjofoho lontɨfi sekwo towahuno nomêne kengo maêmalofo kuyoho. Aêamu sekumo hwasyo selontanɨngkofi sekwo nakwolaho mujo kuyoho. Oêo, sekwo oso syoho hiso ifijo hopaso nomapitnnefoho. 5 Sekwo upaênɨmno. Oso aêamu (apousel) huhwo sohwamo sekwo wonyoangkafo hwasoho ulɨwoênɨngkohofoso hofɨko nje yofemo niyakoloênnyo hwolaho. Nɨhuêno awonoho. 6 Aêamu fehohnjo hungkuno lutɨhwayo yahino wonyoangkafo iwoênɨngkohofo hopaso ngko ko miyoênjo imneso ngko Anɨtuye hungkuno somneêno nje hunoso umofonyo miyohoyohono. Oêo, Anɨtuye hungkuno neso ngko huno niyohoho. Oso hisoêno sekwo huno seyohoho. Sɨkuno piênɨngo engo somo nakwo sekumo Anɨtuye yahino ne soêno nto esetɨhwamentɨhwonefoho. 7 Sekwo huno seyohoho. Ngko sekwoênji nohumanji Anɨtuye hungkuno losetɨhwamentohe sohonta ngko oso syoho homo somneêno hamniyohoêno jomo selɨmentohetaho. Oêo, ngko nje yofe monje yahinɨmentohe soêno ngko nje nonyo wosopayo yoêmayo soêno syoho imentohefoho. Osoêno ngko sekwoe yofe honje hoênosemanji sekumo nje syoho ntohofiyo kuyohoênji momasemokuêmmentohefoho. Oso yahino wopɨngo sekumo selohoêmentoheso wonyotaho. 8 Ngko sekwoênji nohumentanɨngko Anɨtuye aêamu ango kengo mtaêangoso ngkineêno nje wosopayo yoêmayo somneêno hamniyoho uyohotɨmentohofofoho. Oseso ngko sekumo sefoêmayoêne aêamu kengo somtaêni hamniyoho hufo hopa maêmentohefoho. 9 Hohonta ngko sekwoênji humamote sohonta ngko yoêmayo soêno umofonyo yonji oso hisoêno sekumo jomo maseli yonji sekumo tango mosejapefoho. Oêo, Anɨtuye aêamu Masetouniya humamotofoso ango Koulin sopo iêmofopahonɨngkofi ngko yoêmayo umofonyo imoteso hopoenohini ntapmmentohofofoho. Oseso ngko hohonta sekwoênji humanji nje yoêmayo soêno tango mosejapmmotefoho. Osoêno olohontajo soênji oso yahino hisoênji neêno wamjɨmɨêmomnefoho. 10 Kɨlaisɨye hungkuno neso ngkimo nɨweho. Oseso nje yahino hisoêneêno ngko nje yofe hoênomanɨêmeêno aêamu Ngkɨlik sofe angoêmeemo hoênɨngkanɨngkuhwosi hofɨko oso homo somneêno nje yofe monje meenɨhufitnnehofo. 11 Oso hungkuno hiso ngko pehoêno selohono. Ngko sekumo sɨmeho mosejapmmaleêno laselohono. Oêo, osoêneêmaho. Ngko sekumo sɨmeho sejapɨwoênɨngkohe soêno Anɨtu kako huno moiêwonoho. 12 Oêo, oso hiso olenoho. Oso aêamu huhwo sohwa hofɨko Anɨtuye hungkuno hwasyo losetɨhwawoênɨngkohofo sohwa hofɨkoe yofe hoênomaênyoêne nakwo Anɨtuye syohoso Poul hopa iwoênɨngkuhwone hwonaênyoho. Ose ko lontɨfi hofɨko sekumtaêni yoêmayoso semalokwofo. Osoêno hofɨkoe honɨngkano somo pɨjwohumayoêne ngko sekumtaêni nje syoho somneêno yoêmayo soêno jomo molosemaêmmote yahino hiso olohonta hoênomoênalokweno. 13 Oso aêamu (apousel) homo somo Anɨtu kakoe syoho somneêno muhwosopoêmmentisofoho. Oêo, hofɨko hwasyo hungkuno ole selɨwoênɨngkofi, Nakwo aêamu apousel sohwafe syohoênjo hwonaênyoho. Ose selahonɨngkofi sekwo oso homo somo inɨngkawoênɨngkohofofoho. 14 Sekwo oso hisoêno hi semoênɨngkuhwoloho. Seten kako huhwoênji honɨngkano hwasyo somo sekumo ipesemotayoêne aêamu ahwomo mtaêangohwa paênɨngo pomponaho engoênji imokinɨwoênɨngkiso hweho. 15 Oseso aêamu Setenɨye syoho ulohofiyoso hofɨko Anɨtuye syoho ulohofiyo hopa imoênyo soêno sekwo yomo ikutoho. Sekwo oso aêamu huhwo sohwamo nuhwonontɨfi aêamu wopɨngofoho senɨwoênɨngkiso kuyoho. I osoêno hwangku noêmo hofɨkoe yahino yontɨfijo somneêno tohino engo mapitnnefoho. 16 Sɨmoêmo ngko ole selohono, Ngko aêamu omomo hungkuno lɨwoênɨngkohofo sohwafe hungkuno hopa ko selɨêmeêno sekwo nje hungkuno somo nupoêntohumamno. Olo hungkuno selalokwe loso omomo hungkuno nelalofoho syafɨsyɨkujɨêmanji eêwano omomo hungkuno weêenehwo selɨêmeêno upoêntohumamno. Oso aêamu huhwo sohwa hofɨko Anɨtuye hungkuno hwasyo losetɨhwantɨfi hofɨkoe yofe hoênomaênɨwoênɨngkohofo hopaso ngko nje yofe wohoênomaênɨmonneêno yohono. 17 Hungkuno selalokwe loso Anɨtuyeêmaho. Oêo, aêamu omomo hungkuno selɨwoênɨngkohofo sohwa hofɨkoe yofe hoênomaênyoêne omomo hungkuno selɨwoênɨngkohofo hopa selalokweno. 18 I aêamu piênɨngo hwahoponjo yahinomo inɨngkawentɨfi hofɨkoe yofe hoênomaênɨwoênɨngkohofo sohwafe yahinomo weêenehwo inɨngkaêmo nje yofe wohoênomaênɨmonneêno selalokweno. 19 Sekwo aêamu hunoênjɨênwoho lolalokwofo. I sekwo aêamu hwasyo hungkuno selɨwoênɨngkohofo sohwamo tɨfi inɨngkawoênɨngkohofo soêno huno ane kuyoho. 20 Aêamu fihwo kako nje syoho wontohofiyano selɨhwosi mimpoênosemotahwosi sekwo inɨngkayoênohino kuyoho. U kako sekwoe yoêmayoso moiêwo wolasemoêmo syafɨsyɨhwosi hwasyo hungkuno wolosetɨmaêmontonoho. Kako poji esetɨmanto imayo selohofɨwoênɨngkiso hweho. Kako sekumo monje yasesyonto sekwoe sɨmoêmangopo ajonyo sefonjahonɨngki sekwo kakimo tɨmoênohini uhwontohumawoênɨngkohofo kuyoho. Yoka mujoênjo kuyoho. 21 Ngko oso yahino hiso imneso yokumpohnênyo ane hwoênyoho. Osoêno ngko oso hopa sekumo moselohoêmesoêno ngko wonɨmango wannɨmontonoho. I nomêne omomo hungkuno apaêno waselɨmonneêno yohono. Aêamu nomêne sohwa hofɨkoe yofe yoêmayo soêno hoênomaênɨwoênɨngkohofo hopaso ngko huhwoêni nje yofe wohoênomaênɨmonneêno yohono. Nje omomo hungkuno upaênɨmno. 22 Hofɨkoe yofe hoênomaênyoêneso ole lahnnɨwoênɨngkohofo. Nakwo aêamu Hipɨlu hwonaênyoho. Ose lahnnɨwoênɨngkohofo. I ngko huhwoêni Hipɨlu aêamu hwoênyoho. U ole lahnnɨwoênɨngkohofo, Nakwo aêamu Isɨlael hwonaênyoho. I ngko huhwoênyi aêamu Isɨlael hwoênyoho. U, Apɨlohamɨye imuhwolaho. Ngko huhwoêni Apɨlohamɨye imu hwoênyoho. 23 U hofɨko Anɨtuye syoho ulohofiyo hwolaho. I nje yofe hoênomaênyo somneêno omomo hungkuno apaêno wahnnɨmo. Hofɨko Kɨlaisɨmneêno syoho iwoênɨngkohofo somo ngko hofɨkimo uyakolofohono. Nje syoho engoso hofɨkimo uyakolokwoho. Ngko impoêangomo humayoso sɨkuno piênɨngo niyakolofoso ngko hofɨkimo uyakolofohono. Anɨtuye syoho somneêno aêamu ngkimo ikujoho nɨfonjontɨfeso ngko hofɨkimo uyakolofohono. Sɨkuno piênɨngo ngko poyo wapeênɨmonji iyoso hofɨkimo uyakolofohono. 24 Aêamu Juta sohwa hofɨko ngkimo impojonyo sɨkuno kengo kengo aho fehohnjo hopiênonohino somo neêno nɨfonjontanɨngkofi teti-nain (39) imoênɨmentisofoho. 25 Sɨkuno hufaêu sɨhune somo aêamu Loum sohwa hofɨko sohwe sonyo ikujohoênji nɨfongkuêmentohofofoho. Sɨkuno fihwi hofɨko ngkimo sojoênji nɨposɨêmentohofofoho. Sɨkuno fihwi ngko yofayokinopo nohumentanɨngko yofayokino hiso wonyo imoênɨmentisofoho. Oso hiso sɨkuno angaênohinomo emoimentoheêmaho. Oêo, sɨkuno hufaêu sɨhune emoyonji wonyo imoênɨmentisofoho. I sɨkuno nomênemo yofayokino mijo ajwopo wonyo imoênɨmentiso sohonta ngko sɨkuno angaêno mofehiênyo angaêno mijo ajwopo mtapmmentohefoho. 26 Sɨkuno piênɨngo engo ngko Anɨtuye syoho somneêno aêamumo lɨkuêmofontanɨngko mijo ifofayo yonto ngkimo wonyo wanɨmokumonto imentisofoho. Aêamu wonyo honɨngkanoênjo sohwa hofɨko aêamufe hoêyango hufo imotofo sohwa hofɨko ngkimo honɨngkanopo wonyo wonɨmokantɨfi imentohofofoho. Nje aêamu Juta huhwanji aêamu temtitofo kengo huhwanji ngkimo wonyo wonɨmokantɨfi imentohofofoho. Ngko antɨme engo sopo we soêmo mijo ayo ajwopo nohumentanɨngko yoêmayo yahinoso ngkimo wonyo wanɨmokumonto imentisofoho. Aêamu fehohnjo hofɨko nakwo Jisasɨye syohoênjo hwonaênyoho hwasyo lontɨfi hofɨko huhwanji ngkimo wonyo wonɨmokantɨfi imentohofofoho. 27 Ngko sɨkuno piênɨngo engo somo yoêmayo yoêmayo syoho yokumpohnênyo tohohmtnnoênjo iwoênɨngkohe hwoênyoho. Ngko ose yontnne sohwoêni sɨkuno piênɨngo somo ngko saho mofosyawosofoho. Oso syoho hiso neêno yonji ngko wopayoênji mijoêntnneêno mijoho peênɨmotefoho. Sɨkuno piênɨngo ngko wosopayo manyoênjo yonji yoêmayo hwapɨfe soêntnneêno umofonyo yonji kwongkwongo nisɨmojofoho. 28 Oso tango hisoênohinɨêmaho. Oêo, sɨkuno huhwo huhwi tango nomêne olo soênji nɨêmawoênɨngkisofoho. Aêamu Anɨtumneêno uhuêmokuwoênɨngkohofo sofe tango soêntnneêno ngko huno syafɨsyonji ngko hofɨkimo wopɨngoênohini ufoêmahmêmo hofiyo umokosyohumayo soêneênohini syafɨsyɨwoênɨngkohefoho. 29 Oso aêamu hiso honɨngkano wonyo ifijoêmanji ngko huhwonnontnneêno sɨmeho tango niyantofoho. U nomêne aêamuso oso aêamu homo somo honɨngkano wonyo somo ipemotawofijoêmanji ngko oso aêamu ipemotafijo somneêno sɨmeho tohino wannɨmontonoho. 30 Aêamu omomo hungkuno lɨwoênɨngkohofo sohwa hofɨkoe yofe hoênomaênɨwoênɨngkohofo hopaso ngko uyɨmo hnnɨmeêmanji ole wahnnɨmo. Ngko yokumpohnênyo ane hwoênyoho. Ose hnnɨme somneêno ngko nje yofe wohoênomaênɨmonneêno yohono. 31 Anɨtu sohwo kako nakwoe Hwe Engo Jisas Kɨlaisɨye kanɨngkwohwo ko imoênonto kakoe Hwe Engo hweho. Oso huhwo sohwoe yofeso neêno wohoênomehwantanoho. Oso huhwo sohwo kako nje hungkuno nehopiênohino lalokwe somneêno huno uyohoho. 32 Ngko ango Ntomasɨkos sopo nohumentanɨngko hwe engo hwaho mokosyohumayo Aletas sohwoe hwe mnokino manjiêmofoênjo aêamumo mokosyohumayo sohwo kako Poulɨmo aho wakeno lonto kako aêamu syuwoênɨngkohofo kuso somo ngko Poulɨênɨmo aho nɨkeêne aêamu sohwamo uhumatɨêmentisofoho. 33 Ose ko uhumojahonɨngki Jisasɨye aêamu fehohnjo sohwa ngkimo sohwo hoêyo engo somo meenɨsyontɨfi nomêne sofo weêe soêmo sohwo hoêyo somo impe intofontɨfi intofaniyohoêmokahonɨngkofi ngko hwaho mompo sohwo hoêyo somtaêni nɨhuênahone hiyaso jokuênɨngkaleêmoêmentohefoho.