1 Koulin 12
PNG1 Nje aêamu soku, sekwo yoêmayo syoho Anɨtuye Towahuno Wopɨngo nejapɨwoênɨngkiso soêno sekwo huno ntoêno mosyafɨsiyoso wopɨngoêmaho. 2 Sekwo huno seyohoho. Hohonta sekwo Anɨtu ne sohumo sɨmeho mummentohofo sohonta oso hohosohonta Seten kako hwasyo anɨtu, ne ane, songo neêno mohumanyoênjo sohwoepono ipesemotasɨmentiso sohumo sekwo tɨfi inɨngkamentohofofoho. Kako sekumo aho yokumpohnênyo kesemokosyohumamojofoho. 3 Oso hohosohonta yoêmayo Anɨtuye Towahuno sohwo kakoe mehomi hnênɨmo nejapɨwoênɨngkiso soêno sekwo huno maseimojofoho. I osoêno olohonta sekwo huno ntoêno waseyono. Aêamu Anɨtuye Towahuno Wopɨngo hiênjo sohwo kako Anɨtu kakoe Towahuno somtaêni hungkuno mawoênɨngkiso sohwo kako Jisasɨmneêno sɨfajo malonehoho. I aêamu kako Jisasɨye Towahuno ane sohwo kako Jisasɨmo ole mulonehoho. Kɨko nje Hwe Engo ne hwosoho. Ose mulonehoho. 4 Anɨtuye Towahuno Wopɨngo syoho kengo kengo nejapɨwoênɨngkiso sohwo kako Towahuno kengaênohino hweho. 5 Oso syoho kengo kengo iwoênɨngkuhwoneso Anɨtu kako angaênohino humaso sohuneêno iwoênɨngkuhwonefoho. 6 Anɨtuye syoho iyo soêne yahinoso kengo kengo weho. I osoêno Anɨtu kako angaênohino sohwo kako oso syoho homo somneêno yokumpohnênyo nejapɨwoênɨngkiso hweho. 7 Anɨtuye Towahuno Wopɨngo sohwo kako kakoe yokumpohnênyo kengo kengoso aêamu angaêno angaênohino hnênɨmo nejapɨwoênɨngkisofoho. Oso yokumpohnênyo hisoênji foêmo foêmo lohoênontanɨngkuhwasi aêamu hofɨko nonahonɨngkuji hofɨko Anɨtuye yokumpohnênyo somo wonehonantɨfeho. 8 Anɨtuye Towahuno Wopɨngo sohwo kako aêamu angaêno angaênohinomo ntoêno uyɨmontonoho. Aêamu fihumo kakoe yokumpohnênyo uyahonɨngkuhwosi oso aêamu huhwo sohwo kako nomêne aêamu somo kako huno wopɨngo Anɨtu mtaêangoso utɨhwamontonoho. Anɨtuye Towahuno angaênohino huhwo sohwo kako nomêne aêamu sohumo kakoe yokumpohnênyo uyahonɨngkuhwosi oso hwe huhwo sohwo kako hungkuno hiyaso woêmojo Anɨtu mtaêangoso aêamu somo ulɨmontonoho. 9 Oso Towahuno angaênohino huhwo sohwo kako nomênehumo kakoe yokumpohnênyo uyahonɨngkuhwosi oso hwe huhwo sohumo Anɨtu kako yoêmayo yonesoêno huno uyososo hwe huhwo sohwo kako sɨmeho hiêntnnono uyɨhwosi walɨmontonoho. Ne uêmofapmmontonoho. Nomênehumo oso Towahuno angaênohino huhwo sohwo kakoe yokumpohnênyo uyahonɨngkuhwosi oso hwe huhwo sohwo kako nomêne aêamu mnokinoênjo somo wopɨngo umokumontonoho. 10 Nomênihwo kako oso Towahuno sohwoe yokumpohnênyoso nomahwosi yoêmayo wopɨngo kengo aêamu hofɨko miwoênɨngkiyohofoso Anɨtuye yokumpohnênyo itɨhwayoêne uyɨmontonoho. Nomênehwo kako Anɨtuye yokumpohnênyo nomahwosi kako hungkuno wopɨngo Anɨtuye huno mtaêni nomahwosi kako aêamu somo wolutɨhwamontonoho. Nomênihwo kako Anɨtuye yokumpohnênyo nomahwosi kako yoêmayo hungkuno upaênɨwoênɨngkiso soêno yoêmayo imoênɨwoênɨngkiso soêno kako ole walɨmontonoho. Oloso Anɨtuye Towahuno mtaêangofoho. Oloso towahuno wonyo somtaêangofoho. Ose walɨmontonoho. Nomênihwo kako Anɨtuye yokumpohnênyo nomahwosi kako aêamu kengo kengo sofe hungkuno kako huno muyososo walɨmontonoho. Nomênihwo kako Anɨtuye yokumpohnênyo nomahwosi kako hungkuno kengo kengoso nupaênɨngkuhwosi oso hungkuno hiso kako huno ko muyahonɨngkuhwosi kako neso walɨmontonoho. 11 Oso Towahuno angaênohino huhwo sohwo kako oso yokumpohnênyo kengo kengoso nakwo aêamu angaêno angaênohino hnênɨmo nejapɨwoênɨngkisofoho. Kako kakoe huno mtaênnohini nejapɨwoênɨngkisofoho. 12 Oso yokumpohnênyo kengo kengo Anɨtuye Towahuno nejapɨwoênɨngkiso soêno nakwo nakwoe aêapahomneêno pahnnɨmo hungkunoso huno waseyono. Aêamufe aêapahoso ne angaênohino woênnyofoho. Aêapaho kengaênohino ko hiso sɨmano sɨfe sɨmeho yoêmayo hiso Anɨtu kako hoênahinyofoho. Oso paênyoso nakwo Kɨlaisɨmo inɨngkawowoênɨngkuhwone hnênwi nakwo humalohwono. 13 Ihwoni. Aêamu Juta hnênnonji aêamu temtitofo kengo hnênnonji aêamu syoho ulohofiyo soênji aêamu sikinjo sɨkunonji nakwo hopiênonohino hnênwi Anɨtu kakoe Towahuno Wopɨngo sohwo nonemanto kako nakumo aêapaho angaênohini nemokalofoho. Oso Anɨtuye Towahuno Wopɨngo huhwo sohwo kako nakwo angaêno angaênohino hnênɨmo nehumanto kako mijolɨmo hopa imoênɨngkahonɨngki nakwo mijo homo somo nontani nakwo aêapaho angaênohinoênjɨênwoho. 14 Nakwoe aêapaho somneêno nakwo huno nayohoho. Nakwo sɨfeênohinɨêmaho. Oêo, nakwo tɨmo sɨmano sɨfe aho yoêmayo hnênjɨênwoho. 15 Nakwoe sɨfe sohwo ole walɨmontolaho. Yoêmayo syoho aho sohwo iwoênɨngkisoso ngko mimnehono. Osoêno ngko olo aêapaho loso ulɨkoêmaêmo. Ose ulɨhwosi aêapaho hiso ulɨkoêmaêmontolaho. Oêo oso siki hungkunofoho. Sɨfe sohwo aêapaho loso fehohnjo hweho. 16 Nakwoe haloho sohwo ole walɨmontolaho. Ngko tɨmo hwonɨêmaho. Osoêno ngko olo aêapaho loso fehohnjoêmaho. Oso siki hungkunofoho. Oso haloho huhwo sohwo kako aêapaho loso fehohnjo hweho. 17 I nakwoe aêapaho tɨmoênohinɨêmanji nakwo yoêmayo hungkuno somo pipi upoênanehwono. I nakwoe aêapaho haholoênohinoêmanji nakwo yoêmayo akinoso pipi wonewaêmtolo. 18 Nakwoe aêapahoso oseêmaho. Oêo, Anɨtu kako nakwoe aêapaho soêno sɨfe aho tɨmo mnokino oso yoêmayo hopiênonohino soêno huno angaênohino nano mtitofonto kako ne angaênohino mtɨêmokumentisofoho. 19 Nakwoe aêapahoso tɨmoênohinɨêmanji i aêapahoêmaho. Oêo, tɨmofoho. Oseêmanji aêapaho neso mtɨêmto. 20 Oêo, oseêmaho. Aêapaho fehohnjoso piênɨngofoho. I osoêno aêapaho neso angaênohinofoho. Oso paênyoso nakwo Kɨlaisɨmo inɨngkawowoênɨngkuhwone hnênwi nakwo Anɨtumneêno syoho kengo kengo iwoênɨngkuhwoneso nakwoe neso angaênohinoênjɨênwoho. 21 U tɨmo sohwo kako aho sohumo ole mulonehoho. U, kɨko mohumayoêmanji ngko angaênohino sohwoêni ngko ntoênohini wohumamonnoho. U, mnokino huhwo kako sɨfe sohumo ole mulonehoho, U, kɨko mohumayoêmanji i ngko angaênohino sohwoêni ntoênohini wohumamonnoho. 22 Oêo, awonoho. Aêapaho fehohnjo soêno nakwo huno ole syafɨsyɨwoênɨngkuhwono, Yokumpohnênyo anefoho. I nakwo huno ose ko syofɨsyɨhwasi nakwo oso yoêmayoso aneênjontentesi nakwoe humayoso ntoênohinosohiêmaho. 23 I nakwoe aêapaho fehohnjo soêno huno ole syafɨsyɨwoênɨngkuhwono, Wonyo weêefoho. Lontani nakwo noimo kame nɨkuyoho wokoso oso yoêmayoso ufotofɨwoênɨngkuhwono. I nakwoe aêapaho fehohnjo aêamu hofɨko tɨmo nahonɨfijoso wonɨmango nanonehontani nakwo hiyaso ekojisosyohumalohwono. 24 I nakwoe aêapaho fehohnjoso oso wopɨngofoho. Utɨhwaênyopo weho. Anɨtu kako nakwoe aêapaho mtɨêmokumentiso sohonta aêapaho fehohnjoso ole lososo, Ngko yoêmɨngohwonɨêmaho ose loso sohumo Anɨtu kako syoho engo uyɨmontonoho. 25 Hwapɨngoso nakwoe aêapahoso mtɨhupo mtɨhupe lohoênɨngkuhwoloho. Oêo, aêapaho fehohnjo somo foêmo foêmaênyo afaêno afaêno wolohoênɨngkuhwano. 26 I oseso aêapaho fehohnjo somo tohino umnoso soêno aêapaho hopiênonohino homo somo tohino huhwo sohwo ufehuêmokahumontonoho. Aêamu fihwo kako jɨje aêapaho fehohnjo soêno wopɨngo hwosoho kilɨhwosoêno jɨje aêapaho hopiênono sɨmonyo uyɨmontonoho. 27 Ngko oso hungkuno hopiênonohino selalokwe hisoêno sekwo huno fɨsyafɨhupmno. Sekwo Kɨlaisɨye aêapaho kuyoho. Sekwo angaêno angaênohino soku Kɨlaisɨye aêapaho fehohnjo kuyoho. 28 Oso aêapahomjo hungkuno yolohoso olenoho. Anɨtu kako aêamu kakineêno sɨmeho uyɨwoênɨngkohofo somo syoho kengo kengo kengo uyɨwoênɨngkisofoho. Sɨmoêmjo syohoso aêamu Anɨtuye hungkuno lɨkuêmofo (apousel) syohoênjofoho. Osopo aêamu Anɨtu hungkuno uyahonɨngki nomêne aêamu somo ulɨwoênɨngkisofoho. Osopo aêamu Anɨtuye hungkuno lutɨhwawoênɨngkohofofoho. Osofeponjoso aêamu hofɨko yoêmayo wopɨngo aêamu hofɨko miwoênɨngkiyohofoso itɨhwawoêɨngkohofofoho. Osofeponjoso hofɨko aêamu mnokinoênjo somo wopɨngo umokuwoênɨngkohofofoho. Nomêneso aêamu sɨmeho tangoênjo somo ufoêmawoênɨngkohofofoho. Nomêneso aêamu syoho kengo kengoênjofe hungkuno hofɨko huno muyoênjoso lɨwoênɨngkohofofoho. 29 Sekwo huno pipi seyohoho. Anɨtu kako nakwo aêamu hopiênonohino hnênɨmo kakoe hungkunoso lɨkuêmofo syoho nejapmmentisotaho. Aêamu hopiênonohino hnênɨmo Anɨtu kakoe hungkuno kakoe huno mtaêni uyahonɨngki ujoêne syoho nejapmmentisotaho. Aêamu hopiênonohino hnênɨmo Anɨtu kakoe hungkuno aêamu somo lutɨhwayo syohoso nejapmmentisotaho. Anɨtu kako aêamu hopiênonohino hnênɨmo yoêmayo wopɨngo aêamu miwoênɨngkiyohofoso itɨhwayoêne syoho nejapmmentisotaho. 30 U Anɨtu aêamu hopiênonohino hnênɨmo aêamu mnokinoênjo somo wopɨngo umokiyoêne syohoso nejapmmentisotaho. U, Anɨtu kako aêamu hopiênonohino hnênɨmo hungkuno nakwo huno monayoênjoso joêne syoho nejapmmentisotaho. I Anɨtu kako aêamu hopiênonohino hnênɨmo hungkuno kengo kengoso iwoloêmokajoêne syohoso nejapmmentisotaho. Oêo, osoêneêmaho. Anɨtu kako aêamu angaêno angaênohino hnênɨmo kakoe syohoso angaêno angaêno nejapɨwoênɨngkisofoho. 31 I osoêno sekwo oso syoho Anɨtuye Towahuno nejapɨwoênɨngkiso syoho hwofiloênnyo soêno sekwo hohayo jafɨkuji fɨtɨpemapmno. Yoêmayo syoho hwofiloênnyoso tɨpemafɨkujoêno ngko oso syoho iyo soêne honɨngkano wonyoangkafoso wosetɨhwamneêno yohono.